ຜູ້ນຳແບບໃດທີ່ໃຜກໍ່ຕ້ອງການ
ໂດຍ: ປັນຍາສັກ ແສງອ່ອນແກ້ວ
ປັດຈຸບັນເມື່ອເວົ້າເຖິງຄວາມເປັນຜູ້ນຳ, ບໍ່ວ່າຈະເປັນອົງການພາກລັດ ແລະ ເອກະຊົນແລ້ວ ການພັດທະນາອົງກອນໃຫ້ປະສົບຄວາມສຳເລັດໄດ້ນັ້ນ ຈຳເປັນຕ້ອງມີບຸກຄະລາກອນຜູ້ນຳທີ່ມີປະສິດທິພາບ ແລະການຮ່ວມແຮງຮ່ວມໃຈຂອງພະນັກງານທີ່ເຕັມໄປດ້ວຍຄວາມກະຕື້ລືລົ້ນໃນການປະຕິບັດງານທີ່ໄດ້ຮັບມອບໝາຍຈາກອົງກອນ ຫຼື ຜູ້ບັງຄັບບັນຊາ.
ແນວໃດກໍຕາມ ການປະຕິບັດວຽກງານຕົວຈິງນັ້ນ ສິ່ງທີ່ເປັນແຮງຜັກດັນທີກໍ່ໃຫ້ເກີດແຮງຈູງໃຈ ຫຼື ແຮງກະຕຸ້ນໃນການເຮັດວຽກນັ້ນ ບົດບາດສຳຄັນໜື່ງແມ່ນມາຈາກຜູ້ນຳ ຫຼື ຜູ້ບໍລິຫານນັ້ນເອງ.
ເຊິ່ງມີຫຼາຍໜ່ວຍງານທີມີຄວາມຕ້ອງການບຸກຄະລາກອນຜູ້ນຳທີ່ມີປະສິດທິພາບ ເພື່ອນຳພາອົງກອນໄປສູ່ຄວາມສຳເລັດຕາມເປົ້າໜາຍ ແຕ່ສິ່ງທີ່ທ້າທາຍໃນສັງຄົມປັດຈຸບັນພາຍໃຕ້ກາຍປ່ຽນແປງ, ພາຍໃຕ້ສະພາບແວດລ້ອມ, ລະບົບ, ຮູບແບບປະເພນີທາງສັງຄົມ ການຍອມຮັບບຸກຄະລາກອນຜູ້ນຳຈຶ່ງເປັນປັດໄຈຫຼັກໜື່ງທີ່ສາມາດຊ່ວຍກະຕຸ້ນສ້າງແຮງຈູງໃຈຈາກເພື່ອນຮ່ວມງານກໍ່ຄືພະນັກງານຜູ້ຢູ່ໃຕ້ບັງຄັບບັນຊາ.
ແລ້ວຜູ້ນຳແບບໃດທີ່ພະນັກງານຕ້ອງການ? ເປັນເລື່ອງຍາກພໍສົມຄວນທີ່ຕ້ອງກຳນົດຮູບແບບຜູ້ນຳຢ່າງຊັດເຈນ ເພາະຄວາມສຳເລັດຂອງຜູ້ນຳໃນສະຖານະການໜື່ງອາດຈະບໍ່ປະສົບຜົນສຳເລັດໃນສະຖານະການອື່ນທີ່ແຕກຕ່າງໄປ ຫຼື ສາມາດເວົ້າໄດ້ວ່າລັກສະນະຂອງຜູ້ນຳທີ່ປະສົບຜົນສຳເລັດນັ້ນບໍ່ມີລັກສະນະຮູບແບບຕາຍຕົວ.
ໃນມູມມອງຂອງຜູ້ຂຽນເຫັນວ່າ ເມື່ອກ້າວສູ່ບຸກຄະລາກອນຜູ້ນຳແລ້ວ ຢ່າງໜ້ອຍກໍ່ເປັນການຍົກລະດັບຄວາມຮັບຜິດຊອບທີ່ສູງຂື້ນ, ສິ່ງໜື່ງທີ່ຕ້ອງຄຳນຶງເຖິງຄືເຮົາຈະເປັນຜູ້ນຳອົງກອນທີ່ຖືກຍອມຮັບຈາກພະນັກງານນັ້ນໄດ້ແນວໃດ? ເພາະຢ່າງໜ້ອຍທີ່ສຸດກໍ່ເປັນມາດຕະຖານວັດແທກເຖິງຄຸນນະພາບຂອງຜູ້ນຳນັ້ນ.
ດັ່ງນັ້ນ, ໃນບົດຄວາມນີ້ຕ້ອງການສະແດງໃຫ້ເຫັນເຖິງແນວທາງທີ່ຜູ້ນຳຄວນປະຕິບັດເພື່ຶອຊ່ວຍໃຫ້ຜູ້ນຳ ແລະ ຜູ້ບໍລິຫານເກີດການຍອມຮັບຈາກຜູ້ຢູ່ໃຕ້ບັງຄັບບັນຊາ ໂດຍຜູ້ນຳຄວນຈະຕ້ອງມີຄວາມ “ຮອບຮູ້,ໃສ່ໃຈ ແລະໄຖ່ຖາມ” ເຊັ່ນ:
- ຮອບຮູ້ຫຼັກການສ້າງມະນຸດສຳພັນ.
- ຮອບຮູ້ການນຳໃຊ້ເຕັກໂນໂລຊີ.
👉 ໃສ່ໃຈ
- ໃສ່ໃຈໃນຕິດຕາມການປະຕິບັດວຽກງານຢ່າງສະໝໍ່າສະເໝີ.-ໄຖ່ຖາມຂໍ້ສະດວກ,ຂໍ້ຍຸ້ງຍາກໃນການປະຕິບັດວຽກງານຂອງພະນັກງານຢູ່ຕະຫຼອດເວລາ.
-ໄຖ່ຖາມສະພາບຄວາມເປັນຢູ່, ຫ່ວງໃຍທຸກສຸກຂອງພະນັກງານ ເພື່ອຫາແນວທາງຊ່ວຍແບ່ງເບົາ ແລະ ຊ່ວຍເຫຼືອ.
-ໄຖ່ຖາມຄວາມຄິດເຫັນ, ຂໍ້ສະເໜີຂອງພະນັກງານດ້ວຍທ່າທາງທີເປັນມິດ ແລະ ມີທັດສະນະຄະດີທີເປັນກາງ.
“ ການຍ່ອມຮັບຜູ້ນຳເກີດຈາກຄວາມເຊື່ອໝັ້ນ, ສັດທາ ແລະ ຈົນກາຍເປັນຄວາມປາດຖານາຂອງພະນັກງານທຸກຄົນ”
ความคิดเห็น
แสดงความคิดเห็น