ການວິໄຈການບໍລິການຜ່ານປະຕູດຽວ ຂອງເມືອງໄຊເສດຖາ ນະຄອນຫຼວງວຽງຈັນ

ໂດຍ: ປັນຍາສັກ ແສງອ່ອນແກ້ວ

http://panyasack.blogspot.com

ການວິໄຈການບໍລິການຜ່ານປະຕູດຽວ ຂອງເມືອງໄຊເສດຖາ ນະຄອນຫຼວງວຽງຈັນ         

                      

ບົດຄັດຫຍໍ້

       ການວິໄຈການບໍລິການຜ່ານປະຕູດຽວຂອງເມືອງໄຊເສດຖາ ນະຄອນຫຼວງວຽງຈັນ ມີວັດຖຸປະສົງເພື່ອ ສຶກສາ : 1). ຄວາມຄິດເຫັນຂອງປະຊາຊົນຕໍ່ກັບການບໍລິການຜ່ານປະຕູດຽວຂອງເມືອງໄຊເສດຖາ 2).ບັນຫາ ແລະ ອຸປະສັກ ຕະຫຼອດເຖິງຂໍ້ສະເໜີແນະຕໍ່ກັບການບໍລິການຜ່ານປະຕູດຽວຂອງເມືອງໄຊເສດຖາ. ໂດຍການວິໄຈຄັ້ງນີ້ເປັນການຄົ້ນຄວ້າແບບປະສົມປະສານລະຫວ່າງ ການວິໄຈແບບປະລິມານ ແລະ ການວິໄຈແບບຄຸນນະພາບ ໂດຍໃນການວິໄຈແບບຄຸນນະພາບຈະເກັບກຳຂໍ້ມູນຈາກເອກະສານ ແລະ ການສຳພາດ ຈາກຜູ້ທີ່ເຮັດວຽກງານກ່ຽວຂ້ອງ ກັບການບໍລິການຜ່ານປະຕູດຽວຈຳນວນ 5 ທ່ານ ແລະ ສຳລັບການວິໄຈແບບປະລິມານຈະເກັບກຳຂໍ້ມູນໂດຍການແຈກແບບສອບຖາມປະຊາຊົນຜູ້ມາໃຊ້ບໍລິການຜ່ານປະຕູດຽວຂອງເມືອງໄຊເສດຖາ ຈຳນວນ 140 ສະບັບ ສະຖິຕິທີ່ໃຊ້ໃນການວິເຄາະຂໍ້ມູນຜູ້ວິໄຈເລືອກໃຊ້ສະຖິຕິໃນການວິເຄາະເພື່ອໃຫ້ແທດ ເໝາະກັບລັກສະນະຂອງຂໍ້ມູນແລະຕອບວັດຖຸປະສົງດ້ວຍການວິເຄາະໂດຍການຫາຄ່າຄວາມຖີ່(Frequency), ເປີເຊັນ (Percentage), ຫາຄ່າສະເລ່ຍ (mean)  ແລະ ຄ່າຜັນປ່ຽນມາດຕະຖານ (S.D).

       ຜົນການວິໄຈພົບວ່າ ຄວາມຄິດເຫັນຂອງປະຊາຊົນຕໍ່ກັບການບໍລິການຜ່ານປະຕູດຽວຂອງເມືອງໄຊເສດຖາ ນະຄອນຫຼວງວຽງຈັນ 1. ດ້ານຂະບວນການໃຫ້ບໍລິການຜ່ານປະຕູດຽວ ແມ່ນມີຄວາມສະດວກສະບາຍກວ່າການບໍລິການໃນແບບເກົ່າ, ແຕ່ວ່າກໍານົດການ ຫຼື ໄລຍະເວລາໃນການເຂົ້າ-ອອກຂອງເອກະສານຈຳນວນໜື່ງແມ່ນຍັງບໍ່ທັນສ່ອດຄອງ ແລະໃຊ້ເວລາດົນ; 2. ຕໍ່ກັບພະນັກງານຜູ້ໃຫ້ບໍລິການຜ່ານປະຕູດຽວ ແມ່ນຍັງບໍ່ພຽງພໍ ແລະ ການປະຕິບັດໜ້າທີ່ຂອງພະນັກງານບາງຄັ້ງຍັງບໍ່ໄປຕາມເວລາທີ່ໄດ້ກໍານົດ; 3.ດ້ານສະຖານທີ່ ແລະ ສິ່ງອໍານວຍຄວາມສະດວກໃນການໃຫ້ບໍລິການຜ່ານປະຕູດຽວ ແມ່ນຍັງມີຄວາມຄັບແຄບ, ອຸປະກອນທີ່ນໍາມາໃຊ້ໃນການບໍລິການແມ່ນຍັງບໍ່ທັນສະໄໝເທົ່າທີ່ຄວນ ທີ່ສຳຄັນສະຖານທີ່ຈອດລົດແມ່ນບໍ່ພຽງພໍຕໍ່ຜູ້ມາໃຊ້ບໍລິການ.

         ສ່ວນບັນຫາ ແລະ ອຸປະສັກ ຕໍ່ກັບການບໍລິການຜ່ານປະຕູດຽວຂອງເມືອງໄຊເສດຖາ ນະຄອນຫຼວງວຽງຈັນພົບວ່າ : 1. ປະຊາຊົນສ່ວນຫຼາຍຍັງບໍ່ເຂົ້າໃຈຕໍ່ກັບການບໍລິການຜ່ານປະຕູດຽວ ໂດຍສະເພາະການປະກອບເອກະສານຕ່າງໆ, ສໍານັກງານເມືອງບໍ່ຄ່ອຍໄດ້ມີການໂຄສະນາໃຫ້ປະຊາຊົນເຂົ້າໃຈກ່ຽວກັບການບໍລິການຜ່ານປະຕູດຽວຫຼາຍເທົ່າທີ່ຄວນ; 2.ການຈໍລະຈອນເອກະສານທີ່ຕ້ອງໄປຜ່ານພະແນກການຕ່າງໆຢູ່ຂັ້ນນະຄອນຫຼວງແມ່ນຍັງບໍ່ໄປຕາມກຳນົດເວລາ ແລະ ພົບຄວາມຫຍຸ້ງຫຍາກ, ເຮັດໃຫ້ປະຊາຊົນຈຳນວນໜື່ງກໍ່ແມ່ນໄປນຳເອກະສານເອງ ຫຼື ໄປແລ່ນເອກະສານດ້ວຍຕົນເອງ; 3. ຄ່າທຳນຽມໃນການບໍລິການຂອງບ້ານຕ່າງໆ ເຫັນວ່າຍັງບໍ່ທັນມີຄວາມເປັນເອກະພາບກັນ,ບາງບ້ານກໍ່ແພງບາງບ້ານກໍ່ຖືກທັ້ງໆທີ່ເປັນເອກະສານດຽວກັນເຮັດໃຫ້ມີສຽງຈົ່ມວ່າຈາກປະຊາຊົນ.

     ຂໍ້ສະເໜີຕໍ່ກັບການບໍລິການຜ່ານປະຕູດຽວຂອງເມືອງໄຊເສດຖາ ນະຄອນຫຼວງວຽງຈັນ ຄວນມີການເອົາ ໃຈໃສ່ໂຄສະນາໃຫ້ປະຊາຊົນໃຫ້ເຂົ້າໃຈຕໍ່ກັບລະບົບການບໍລິການຜ່ານປະຕູດຽວດ້ວຍຫຼາຍຊ່ອງທາງຫຼາຍຮູບແບບ,ຂະຫຍາຍຂອດການບໍລິການໄປຢູ່ບ້ານເພື່ອສ້າງຄວາມສະດວກແລະເປັນເອກະພາບໃນການເກັບຄ່າທຳນຽມຂອງແຕ່ລະບ້ານໃຫ້ມີຄວາມເປັນເອກະພາບກັນຕະຫຼອດຮອດການປັບປຸງສະຖານທີ່ການໃຫ້ບໍລິການໃຫ້ມີຄວາມພຽງພໍ ແລະ ສະດວກສະບາຍກ່ວາເກົ່າ.

ຄຳສຳຄັນ : ການບໍລິການ, ການບໍລິການຜ່ານປະຕູດຽວ,

Abstract

            The research topic in “One Stop Service of Saysettha District Vientiane Capital”, aims to study: 1) People's opinions on One-Stop Service of Saysettha District 2). Problems and constraints along with the recommendation for One-Stop Service of Saysettha District. This research used a combination between quantitative and qualitative research methodology. The quality research methodology was collected the data from documentaries and interviews with 5 public servants related to One-Stop Service. The quality research methodology was collected data by distributing questionnaires to 140 people who used the service in Saysettha District. The data analysis used statistical analysis to suit the nature of the information and answer the purpose of analysis by the frequency, percentage, mean, and Standard Deviations.

            The results showed that public opinion towards One-Stop Service of Saysettha District, Vientiane Capital as follow 1) The process of One-Stop Service is more comfortable than traditional services, but the timing or timeliness of some documents is unpredictable, and time consuming. 2) the staff who work in the One-Stop Service section is still insufficient therefore the duties performance sometimes are not met the scheduled. 3) The location and facilities of the One-Stop Service office are still limited, the equipment was out of date, the parking spaces are not enough for the service users.

            Problems and obstacles showed that: 1) Most people did not understand the one-door service, especially for the documents running process, lack of public awareness about the One-Stop Service system. 2. the documents running process that need to go through the departments at the capital level are not timely and frustrating, leaving a large number of people did this duty by themselves. 3) the service charges showed that there is no uniformity in each village, some villages are higher and some are lower, causing complaints from the public.

            This research proposed that the One Stop Service of Saysettha District, Vientiane Capital should focus on public awareness of the One-Stop Service system in several channels, expanding this service to the village level to facilitate the uniformity of each village's for the fees and improved the facilities for more comfortable.

 

Keywords: Service, One Stop Service.

 

 

ພາກທີ1

ພາກສະເໜີ

 

1.1   ຄວາມເປັນມາ ແລະ ຄວາມສຳຄັນຂອງການສຶກສາ

         ການປະຕິບັດກົນໄກການບໍລິການຜ່ານປະຕູດຽວ ແມ່ນພາກສ່ວນໜື່ງຂອງວຽກງານປັບປຸງລະບຽບການ ປົກຄອງ ແລະ ມີຄວາມສຳຄັນຕໍ່ກັບການປັບປຸງບູລະນະກົງຈັກການຈັດຕັ້ງ ແລະ ແບບແຜນວິທີເຮັດວຽກຂອງອົງ ການລັດ ເພື່ອຍົກປະສິດທິພາບ, ປະສິດທິຜົນ, ລະດັບວິຊາການ ແລະ ຄຸນນະທຳຂອງພະນັກງານ-ລັດຖະກອນໃຫ້ ສູງຂື້ນ, ສ້າງລະບົບການບໍລິຫານລັດທີ່ມີປະຊາຊົນເປັນໄຈກາງ, ກົນໄກການບໍລິການຜ່ານປະຕູດຽວ ຫຼື ເວົ້າສັ້ນໆ ວ່າ ການບໍລິການຜ່ານປະຕູດຽວ ແມ່ນການແກ້ໄຂວຽກທີ່ພົວພັນເຖິງການຈັດຕັ້ງປະຕິບັດລະບຽບການຂອງລັດຕາມການສະເໜີຂອງການຈັດຕັ້ງ ຫຼື ບຸກຄົນ ໂດຍຜ່ານປ່ອງບໍລິການບ່ອນດຽວ ໝາຍຄວາມວ່າ ເຈົ້າຂອງເອກະສານ ໄປຍື່ນຄຳຮ້ອງ ແລະ ຮັບເອົາຜົນຂອງການພິຈາລະນາຢູ່ບ່ອນດຽວ ໂດຍບໍ່ຕ້ອງໄປແລ່ນວິ້ງເຕັ້ນນຳອົງການລັດທີ່ກ່ຽວ ຂ້ອງດ້ວຍຕົນເອງ. ປະຈຸບັນຫຼາຍປະເທດໃນໂລກໄດ້ປະສົບຜົນສຳເລັດໃນການນຳໃຊ້ກົນໄກການບໍລິການດັ່ງກ່າວ ການບໍລິການຜ່ານປະຕູດຽວຕິດພັນກັບການປັບປຸງການບໍລິຫານ, ກົງຈັກການຈັດຕັ້ງ ແລະ ຍົກລະດັບການຄຸ້ມຄອງ ລັດໃຫ້ມີປະສິດທິຜົນປະສິດທິພາບດີຂື້ນກວ່າເກົ່າ.

         ການບໍລິການຜ່ານປະຕູດຽວ ແມ່ນເພື່ອທີ່ຈະຕອບສະໜອງຄວາມຕ້ອງການຂອງຜູ້ໃຊ້ບໍລິການ, ເພື່ອຄວາມສະດວກໃນການຕິດຕໍ່ປະສານງານໃຫ້ມີຄວາມສະດວກ ສິ່ງສຳຄັນແມ່ນການເພີ່ມຄວາມຊັດເຈນໃນການໃຫ້ ບໍລິການທີ່ຄວບຄຸມ ແລະ ຈຸດດຽວ ເຮັດໃຫ້ປະຫຍັດເວລາ, ຄ່າໃຊ້ຈ່າຍ, ຫຼີກເວັ້ນການເລືອກປະຕິບັດເຮັດໃຫ້ໄດ້ຮັບການບໍລິການຄືກັນ ແລະ ມີຄວາມເທົ່າທຽມກັນ ເປັນການບໍລິການທີ່ວ່ອງໄວທັນການ ແລະ ຖືກຕ້ອງຕາມນະໂຍບາຍຕາມມະຕິຂອງກອງປະຊຸມພັກປະຊາຊົນປະຕິວັດລາວຄັ້ງທີ IX ທີ່ໄດ້ກຳນົດໄວ້ຄື : ບຸກທະລຸດ້ານລະບົບກົນໄກລະບອບ, ລະບຽບການບໍລິຫານ: ກ່ອນອື່ນໝົດຕ້ອງບູລະນະການບໍລິຫານ ແລະ ການບໍລິການໃຫ້ມີປະສິດທິຜົນ ແລະ ໂປ່ງໃສ່, ສ້າງສິ່ງອຳນວຍຄວາມສະດວກແກ່ການແຂ່ງຂັນທີ່ສະເໝີພາບຕໍ່ໜ້າກົດໝາຍ ແລະ ຫັນເປັນອຸດສາຫະກຳ ແລະ ທັນສະໄໝ. ສືບຕໍ່ເຮັດໜ້າທີ່ບໍລິການຮັບໃຊ້ ຕາມທິດຫັນເປັນທັນສະໄໝ, ເປີດເຜີຍ, ວ່ອງໄວ, ທັນການ ແລະ ຮັບປະກັນຄຸນນະພາບ. ກ່ອນອື່ນໝົດສະມາຊິກພັກ-ພະນັກງານທຸກຄົນຕ້ອງເປັນຜູ້ບໍລິການຮັບໃຊ້ ທີ່ຈົງຮັກພັກດີຕໍ່ອຸດົມການຂອງພັກ, ຕໍ່ຜູ້ນຳ, ຖືກຕ້ອງຕາມກົດໝາຍ ແລະ ລະບຽບການຕ່າງໆ ທີ່ໄດ້ປະກາດໃຊ້ແລ້ວ, ພ້ອມກັນນັ້ນ ກໍຕ້ອງເຮັດການບໍລິການໃຫ້ສັງຄົມ, ປະຊາຊົນໄດ້ຮັບຄວາມສະດວກວ່ອງໄວ, ໂປ່ງໄສ ແລະ ຍຸຕິທຳ. ເຫັນໄດ້ວ່າຫຼາຍປະເທດຢູ່ໃນໂລກໄດ້ຈັດຕັ້ງປະຕິບັດກົນໄກການບໍລິການຜ່ານປະຕູດຽວ ແລະໄດ້ຮັບຜົນສຳເລັດເປັນຢ່າງດີ. ຢູ່ ສສ ຫວຽດນາມໄດ້ເລີ່ມທົດລອງກົນໄກການບໍລິການຜ່ານປະຕູດຽວແຕ່ປີ 1997 ແລະມີການສະຫຼຸບຖອດຖອນບົດຮຽນ ໃນປີ 2003 ມາຮອດປີ 2005 ກົນໄກການບໍລິການຜ່ານປະຕູດຽວໄດ້ຖືກຈັດຕັ້ງປະຕິບັດຢູ່ທຸກຂັ້ນຂອງ ອົງການປົກຄອງທ້ອງຖິ່ນ, ນັບແຕ່ຂັ້ນແຂວງຈົນຮອດຂັ້ນຕາແສງ ຊຶ່ງໄດ້ເຮັດໃຫ້ລະບົບລະບຽບການອອກອະນຸຍາດ, ແບບແຜນວິທີເຮັດວຽກໃນການບໍລິການຂອງລັດໃຫ້ແກ່ປະຊາຊົນ ແລະ ສັງຄົມມີການປັບປຸງດີຂື້ນ, ສ້າງໄດ້ຄວາມເຊື່ອໝັ້ນ, ການສະໜັບສະໜູນຈາກປະຊາຊົນຜູ້ມາຮັບບໍລິການເປັນຢ່າງດີ. ປີ 2002 ລັດຖະບານໄດ້ຊີ້ນຳໃຫ້ນະຄອນຫຼວງຈັດຕັ້ງການທົດລອງການບໍລິການຜ່ານປະຕູດຽວເພື່ອຖອດຖອນບົດຮຽນ, ນະຄອນຫຼວງວຽງຈັນ ພ້ອມດ້ວຍທະບວງການປົກຄອງ ແລະ ຄຸ້ມຄອງລັດຖະກອນ (ກະຊວງພາຍໃນປະຈຸບັນ) ຮ່ວມກັນກະກຽມ ເງື່ອນໄຂຕ່າງໆ ແລະ ໄດ້ເລີ່ມປະຕິບັດການທົດລອງຕົວຈິງຢູ່ເມືອງໄຊເສດຖາໃນຕົ້ນປີ 2006.

         ຜ່ານການຈັດຕັ້ງປະຕິບັດທົດລອງກົນໄກການບໍລິການຜ່ານປະຕູດຽວ ຕາມຂໍ້ຕົກລົງຂອງນາຍົກລັດຖະມົນຕີວ່າດ້ວຍການຈັດຕັ້ງປະຕິບັດກົນໄກການບໍລິການຜ່ານປະຕູດຽວ ຢູ່ອົງການບໍລິຫານລັດສະບັບເລກທີ 86/ນຍ, ລົງວັນທີ 03 ສິງຫາ 2007 ໃນໄລຍະຜ່ານມາ, ເຫັນໄດ້ວ່າໄດ້ມີຜົນສຳເລັດໃນເບື້ອງຕົ້ນ, ລະບຽບຂັ້ນຕອນການບໍລິຫານຈຳນວນໜື່ງໄດ້ຮັບການສ້າງຕັ້ງຂື້ນ ຫຼື ປັບປຸງແກ້ໄຂໃຫ້ມີປະສິດທິພາບ ແລະ ວ່ອງໄວດີຂື້ນ ພະນັກງານ-ລັດຖະກອນມີຄວາມຮັບຜິດຊອບສູງກວ່າເກົ່າ, ປະກົດການຫຍໍ້ທໍ້ໃນກົງຈັກໄດ້ຖືກຈຳກັດ ແລະ ແກ້ໄຂເປັນກ້າວໆ, ບາງທ້ອງຖິ່ນມີລາຍຮັບເພີ່ມຂື້ນ, ປະຊາຊົນ, ນັກທຸລະກິດໄດ້ຮັບການບໍລິການສະດວກ, ວ່ອງໄວກວ່າເກົ່າ, ມີຄວາມນິຍົມຊົມຊອບ ແລະ ມີຄວາມດີໃຈທີ່ເຫັນ ພັກ-ລັດເຮົາໄດ້ເອົາໃຈໃສ່ບໍລິການຮັບໃຊ້ປະຊາຊົນ ແລະ ສັງຄົມດ້ວຍການຈັດຕັ້ງປະຕິບັດ ແລະ ປັບປຸງວຽກງານບໍລິການຜ່ານປະຕູດຽວດັ່ງກ່າວ.

         ເຖິງຢ່າງໃດກໍ່ຕາມ ໃນການປະຕິບັດກົນໄກການບໍລິການຜ່ານປະຕູດຽວຜ່ານມາຍັງມີຈຸດອ່ອນ ແລະ ຂໍ້ຄົງ ຄ້າງໃນຫຼາຍໆດ້ານ, ຄວາມຮັບຜິດຊອບຂອງຄະນະພັກ, ຄະນະນຳກະຊວງ, ອົງການຂັ້ນສູນກາງ ແລະ ທ້ອງຖິ່ນຂັ້ນຕ່າງໆຍັງບໍ່ທັນສູງ ຊຶ່ງສະແດງອອກຄື ເຖິງແມ່ນວ່າໄດ້ມີຂໍ້ຕົກລົງຂອງນາຍົກລັດຖະມົນຕີແລ້ວ ແຕ່ຫຼາຍກະຊວງ, ອົງ ການຍັງບໍ່ທັນເອົາໃຈໃສ່ຈັດຕັ້ງຜັນຂະຫຍາຍ ແລະ ປະຕິບັດ ຫຼື ຍັງບໍ່ທັນລົງໃກ້ຊິດຕິດແທດ, ຊີ້ນຳ ແລະ ແນະນຳຂັ້ນລຸ່ມຂອງຕົນດຳເນີນການຢ່າງຈິງຈັງ. ຢູ່ທ້ອງຖິ່ນມີບາງພະແນກ ຫຼື ບາງເມືອງໄດ້ຈັດຕັ້ງປະຕິບັດ ແຕ່ຄຽງຄູ່ກັນນັ້ນກໍ່ຍັງມີຫຼາຍພະແນກ ແລະ ຫຼາຍເມືອງບໍ່ທັນໄດ້ປະຕິບັດ ການແບ່ງຂັ້ນ, ແບ່ງຄວາມຮັບຜິດຊອບ ຄຸ້ມຄອງລະຫວ່າງ ຂະແໜງການກັບອົງການປົກຄອງທ້ອງຖິ່ນບໍ່ທັນຈະແຈ້ງ ແລະ ຂາດຕົວ ຊຶ່ງເຮັດໃຫ້ການບໍລິການຜ່ານປະຕູດຽວຢູ່ບາງແຂວງ ຫຼື ເມືອງບໍ່ສາມາດເຄື່ອນໄຫວໄດ້. ຢູ່ທ້ອງຖິ່ນບາງບ່ອນການຈັດຕັ້ງກົນໄກການບໍລິການ ຜ່ານປະຕູດຽວ ຍິ່ງເຮັດໃຫ້ມີຄວາມຫຍຸ້ງຍາກເພີ່ມຂື້ນ ຍ້ອນກຳບໍ່ໄດ້ຫຼັກການ ແລະ ເນື້ອໃນການປະຕິບັດກົນໄກດັ່ງກ່າວ ສະນັ້ນ, ເພື່ອເປັນການສືບຕໍ່ເສີມຂະຫຍາຍຜົນສຳເລັດເບື້ອງຕົ້ນ ແລະ ແກ້ໄຂຈຸດອ່ອນ, ຂໍ້ຄົງຄ້າງຜ່ານມາ ແນ່ໃສ່ປະກອບ ສ່ວນຈັດຕັ້ງປະຕິບັດບາດກ້າວບຸກທະລຸ ໃນດ້ານການແກ້ໄຂລະບອບລະບຽບການບໍລິຫານ-ຄຸ້ມຄອງ ທີ່ຍັງກົດໜ່ວງອັດຕັນການຂະຫຍາຍຕົວຂອງການຜະລິດ-ທຸລະກິດ ແລະ ການບໍລິການໃຫ້ຕົກໄປຢ່າງຂາດຕົວຕາມເນື້ອໃນຈິດໃຈມະຕິກອງປະຊຸມໃຫຍ່ ຄັ້ງທີ IX ຂອງພັກປະຊາຊົນປະຕິວັດລາວວາງອອກ  (ຄຳສັ່ງຂອງນາຍົກລັດຖະມົນຕີວ່າດ້ວຍການເພີ່ມທະວີການຈັດຕັ້ງປະຕິບັດກົນໄກການບໍລິການຜ່ານປະຕູດຽວໃນຂອບເຂດທົ່ວປະເທດ 2013, 28 ກຸມພາ).

         ເມືອງໄຊເສດຖາແມ່ນໜື່ງໃນບັນດາ 9 ເມືອງ ແລະ ນອນຢູ່ໃນ 4 ຕົວເມືອງໃນ ຂອງນະຄອນຫຼວງວຽງຈັນ ການປົກຄອງຢູ່ເມືອງໄຊເສດຖາ ເປັນເມືອງທີ່ມີຈຸດພິເສດເປັນ 2 ເຂດ, ມີ 48 ບ້ານ ເຊັ່ນ : ເປັນເຂດຕົວເມືອງທີ 17 ບ້ານ ແລະ ເຂດຊານເມືອງມີ 31 ບ້ານ, ມີເນື້ອທີ່ທັງໝົດ 13.901 ເຮັກຕາ. ເມືອງໄຊເສດຖາຍັງມີເຂດພັດທະນາຫຼາຍ, ຍັງມີເນື້ອທີ່ການຜະລິດກະສິກຳ, ມີບຶງທາດຫຼວງເປັນທ່າແຮງໃຫຍ່ສຳລັບການພັດທະນາເປັນຕົວເມືອງໃໝ່ ຂອງນະຄອນຫຼວງວຽງຈັນ, ໂດຍເຊື່ອມໂຍງກັບຖະໜົນ 450 ປີ ຈະເຮັດໃຫ້ບໍລິເວນຊານເມືອງມີການປ່ຽນແປງຢ່າງຕັ້ງໜ້າ.

         ວຽກງານຜ່ານປະດຽວຂອງເມືອງໄຊເສດຖາ ເປັນຈຸດທົດລອງແຫ່ງທຳອິດຂອງນະຄອນຫຼວງວຽງຈັນ , ກໍ່ຄື ສປປ ລາວ ໃນໄລຍະທີ່ຍັງບໍ່ທັນໄດ້ເປີດການເຮັດການທົດລອງການບໍລິການຜ່ານປະຕູດຽວ, ກໍ່ຄືກັນກັບເມືອງອື່ນ ປະຊາຊົນຜູ້ທີ່ມາຊົມໃຊ້ ຫຼື ມາຢືນຄຳຮ້ອງເອກະສານຕ່າງໆ ແມ່ນຜ່ານຫ້ອງວ່າການໂດຍກົງ ຫຼື ຕາມການແບ່ງວຽກງານຄວາມຮັບຜິດຊອບຂອງອົງຄະນະປົກຄອງເມືອງ, ຈາກນັ້ນຈຶ່ງສະເໜີຫາທ່ານເຈົ້າເມືອງໃນການແກ້ໄຂເອກະສານ ຕ່າງໆ ສະນັ້ນ, ການແກ້ໄຂເອກະສານທີ່ເຂົ້າມາຫາທ່ານເຈົ້າເມືອງແມ່ນມີຫຼາຍອັນ, ເພາະເຈົ້າເມືອງເປັນຜູ້ຮັບຜິດ ຊອບໂດຍກົງບັນດາວຽກພາຍໃນເມືອງ ຖືວ່າມີຫຼາຍວຽກທີ່ພົວພັນເຖິງໂດຍບໍ່ໄດ້ແຍກວ່າອັນໃດແມ່ນຂອບເຂດສິດ ເຈົ້າເມືອງແກ້, ອັນໃດແມ່ນຂະແໜງການກ່ຽວຂ້ອງແກ້ໄຂໂດຍກົງ, ອັນນີ້ກໍ່ແມ່ນວຽກງານໜື່ງທີ່ພາໃຫ້ສັບສົນ. ສະນັ້ນຈຶ່ງພາໃຫ້ເຈົ້າເມືອງ, ຮອງເຈົ້າເມືອງແຕ່ລະມື້ໄດ້ແກ້ໄຂເອກະສານຕ່າງໆທີ່ເຂົ້າມາຢ່າງຫຼວງ ຫຼາຍ ໂດຍສະເພາະ ແມ່ນເອກະສານຮ້ອງຟ້ອງ, ຂໍຄວາມເປັນທຳ, ເອກະສານທີ່ດິນ, ການຂໍອະນຸຍາດປຸກສ້າງ, ການອອກອະນຸຍາດນຳໃຊ້ທີ່ດິນ, ການນຳໃຊ້ການປ່ຽນແປ່ງທີ່ດິນ, ການຍົກຍ້າຍພົນລະເມືອງ ແລະ ອື່ນໆ ເຫັນວ່າມີຄວາມສັບສົນພໍສົມຄວນ, ດ້ານໜື່ງເອກະສານເຂົ້າບໍ່ເປັນລະບຽບ, ບາງເອກະສານຜ່ານຫຼາຍຂັ້ນຕອນ, ຫຼາຍຂອດທີ່ບໍ່ຈຳເປັນ, ບາງຄັ້ງເອກະສານເກີດມີບັນຫາ, ເກີດການເສຍຫາຍ, ບາງເອກະສານສ້າງຄວາມບໍ່ເຂົ້າໃຈລະ ຫວ່າງປະຊາຊົນກັບພະນັກງານ ພາໃຫ້ສົ່ງໄສກັນລະຫວ່າງຂະແໜງການຕ່າງໆ. ເວົ້າລວມແລ້ວການຕິດຕາມເອກະ ສານຂາເຂົ້າ-ຂາອອກແມ່ນມີ ຄວາມຫຍຸ້ງຍາກ, ເຈົ້າຂອງເອກະສານໄດ້ວິ້ງເຕັ້ນ, ພົວພັນກັບຫຼາຍພາກສ່ວນດ້ວຍຕົວເອງ, ອັນນີ້ກໍ່ເປັນການສ້າງຄວາມສັບສົນ, ສິ້ນເປືອງເວລາ ສີ້ນເປືອງຄ່າໃຊ້ຈ່າຍຕ່າງໆ ຄືກໍລະນີເອກະສານເສຍໂດຍບໍ່ຮູ້ສາເຫດ, ອີກດ້ານໜື່ງການກຳນົດແບບຟອມ, ຄ່າທຳນຽມຕ່າງໆກໍ່ຍັງບໍ່ເປັນເອກະພາບກັນ, ເກັບຫຼາຍເກັບນ້ອຍບໍ່ຍຸຕິທຳນີ້ກໍ່ພາໃຫ້ສັງຄົມຕຳນິວິຈານອົງການລັດ (ບົດສະຫຼຸບຫຍໍ້ການຈັດຕັ້ງປະຕິບັດການເຮັດການທົດລອງວຽກງານຜ່ານປະຕູດຽວຂອງເມືອງໄຊເສດຖາ 2010).

         ການແກ້ໄຂເອກະສານຜ່ານຫຼາຍຂັ້ນ, ຫຼາຍຂອດ, ແຕ່ລະບ່ອນລ້ວນແຕ່ພົບຄວາມຫຍຸ້ງຍາກມີຫຼາຍທາງອອກ, ຫຼາຍການແນະນຳການປະກອບເອກະສານ, ບໍ່ມີແບບຟອມທີ່ຈະແຈ້ງປະຊາຊົນຖືເອກະສານໄປພົວພັນເອງ, ກັບໄປກັບມາຫຼາຍຄັ້ງ, ບາງເອກະສານຕ້ອງເລີ່ມຕົ້ນ ແລະ ເພີ່ມຕື່ມໃໝ່, ບາງເອກະສານກໍ່ເສຍ, ພະນັກງານບາງຂະແໜງ ການມີການກົດໜ່ວງເວລາເພື່ອຮຽກຮ້ອງຜົນປະໂຫຍດ ໄລຍະແກ້ໄຂເອກະສານດົນແບບບໍ່ມີກຳນົດເຊັ່ນ : ເອກະສານວຽກງານປົກຄອງ (ໃຊ້ເວລາແຕ່ 5-15ວັນ), ເອກະສານວຽກງານ ຍທຄ ( ໃຊ້ເວລາເຖິງ 2 ເດືອນ) ເອກະສານວຽກງານທີ່ດິນ (ໃຊ້ເວລາແຕ່ 2 ເດືອນຫາ 2 ປີ).

         ແນວໃດກໍ່ຕາມຜ່ານການປະຕິບັດວຽກງານການບໍລິການຜ່ານປະຕູດຽວຂອງເມືອງໄຊເສດຖານັ້ນ ຍັງເປັນ ວຽກງານໃໝ່, ການສ້າງຄວາມຮັບຮູ້ຄວາມເຂົ້າໃຈ, ຄວາມເປັນເອກະພາບໃຫ້ຂະແໜງການທີ່ກ່ຽວຂ້ອງມີຄວາມ ຫຍຸ້ງຍາກ, ເຊິ່ງການປະສານງານ, ການຫາລືແຕ່ລະຄັ້ງຈະມີການປ່ຽນຄົນມາ ເຮັດໃຫ້ຄວາມເຂົ້າໃຈບໍ່ເປັນລະບົບຕໍ່ ເນື່ອງ ນອກນັ້ນ ການປັບປຸງການບໍລິການຂອງກົງຈັກລັດແມ່ນໄດ້ພົວພັນກັບຂອບເຂດສິດ-ໜ້າທີ່ຂອງອີກຂະແໜງ ໜຶ່ງ, ທັງແຕະຕ້ອງເຖິງຄວາມຊິ້ນເຄີຍເກົ່າ, ເຮັດບໍ່ໄດ້ຄຳນຶງເຖິງເວລາ, ແຕະຕ້ອງເຖິງຜົນປະໂຫຍດຂອງພາກສ່ວນ ແລະ ບຸກຄົນອື່ນທີ່ກ່ຽວຂ້ອງ, ການທົດລອງການບໍລິການຜ່ານປະຕູດຽວຢູ່ເມືອງໄຊເສດຖາ ບຸກຄະລາກອນເອງກໍ່ ຍັງມີຄວາມຈຳກັດຫຼາຍ ທັງໃນດ້ານຈຳນວນ, ພາຫະນະອຸປະກອນຮັບໃຊ້ວິຊາການເປັນຕົ້ນແມ່ນສະຖານທີ່ຄັບແຄບ, ການສຳເນົາເອກະສານບໍ່ໄປຕາມລະບົບ, ພະນັກງານຜູ້ມີຄວາມຊຳນານໃນການນຳໃຊ້ຄອມພິວເຕີຍັງບໍ່ທັນເກັ່ງ, ຕ້ອງໄດ້ເປີດຊຸດອົບຮົມ, ຂາດງົບປະມານເພື່ອຮັບໃຊ້ໃນແຕ່ລະດ້ານ ການປະຕິບັດບາງວຽກງານ ຍັງບໍ່ສາມາດປະຕິບັດຕາມກຳນົດເວລາ, ຂັ້ນຕອນຍັງຫຍຸ້ງຍາກສັບສົນ, ບໍ່ໄປຕາມກົດລະບຽບຂອງປະຕູດຽວ ໂດຍສະເພາະແມ່ນເອກະສານຂໍອະນຸຍາດປຸກສ້າງ, ສ້ອມແປງເຮືອນ ແລະ ເອກະສານທີ່ດິນ ຂື້ນຫາພະແນກ ຍທຂ ນະຄອນຫຼວງວຽງຈັນ, ອພບ ນະຄອນຫຼວງວຽງຈັນ ແລະ ອົງການຄຸ້ມຄອງທີ່ດິນນະຄອນຫຼວງວຽງຈັນ.

         ນອກຈາກນັ້ນເວລາໃນການກະກຽມການເຮັດການທົດລອງມີພຽງແຕ່ຂຽນເປັນແຜນການດຳເນີນການທົດ ລອງເທົ່ານັ້ນ ຍັງບໍ່ທັນໄດຂຽນເປັນໂຄງການ, ຄາດຄະເນຜົນໄດ້ຮັບ, ດ້ານຫຍໍ້ທໍ້ທີ່ອາດຈະເກີດຂື້ນ ທາງດ້ານນິຕິກຳ ກໍ່ບໍ່ທັນຈະແຈ້ງ, ມີພຽງແຕ່ຂໍ້ຕົກລົງຂອງເຈົ້າຄອງມອບໝາຍໃຫ້ເຮັດທົດລອງ, ການແກ້ໄຂບັນຫາທີ່ພົວພັນກັບຫຼາຍຂັ້ນເຊິ່ງບໍ່ແມ່ນສິດຕັດສິນຂອງເມືອງ, ມີບາງເອກະສານກໍ່ພົບຄວາມຫຍຸ້ງຍາກບໍ່ໄດ້ຕາມກຳນົດເວລາໂດຍສະເພາະ ເອກະສານທີ່ດິນກັບເອກະສານ ຍທຂ ນັບມື້ນັບມີຄວາມຫຍຸ້ງຍາກ ຖືວ່າຮ່ວມກັບຂະແໜງການທີ່ ກ່ຽວຂ້ອງຍັງບໍ່ທັນໄດ້ຮັບການແກ້ໄຂເທື່ອ, ການປະຕິບັດມີຄວາມຊັກຊ້າ, ບາງຂອດຍັງບໍ່ຖືກຕາມຫຼັກການປະຕູດຽວບາງເອກະສານຊ້າບໍ່ມີເຫດຜົນ, ບາງເອກະສານພັດໄວ ແລະ ຍັງມີເອກະສານອອກທາງອື່ນໆນັບມື້ນັບຫຼາຍຂື້ນ ໃນອີກດ້ານໜື່ງກົນໄກການບໍລິການຜ່ານປະຕູດຽວປະຊາຊົນສ່ວນຫຼາຍຍັງບໍ່ທັນຮູ້ການບໍລິການຜ່ານປະຕູດຽວ ບາງເທ່ື່ອຍັງມີນາຍໜ້າມາແລ່ນເອກະສານໄປພ້ອມກັບຫຼາຍຂະແໜງການຍັງບໍ່ທັນເຂົ້າໃຈກ່ຽວກັບການບໍລິການຜ່ານປະຕູດຽວເພາະແຕ່ລະຂະແໜງການ, ແຕ່ລະພະແນກກໍ່ວ່າແມ່ນໂຕເອງເຮັດປະຕູດຽວຂອງໃຜລາວ.

         ດ້ວຍເຫດຜົນດັ່ງກ່າວມາຂ້າງເທິ່ງນັ້ນ ຜູ້ກ່ຽວຈຶ່ງມີຄວາມສົນໃຈຢາກສຶກສາກົນໄກການບໍລິການຜ່ານປະຕູດຽວເມືອງໄຊເສດຖາ  ວ່າມີປະໂຫຍດຕໍ່ກັບປະຊາຊົນຫຼາຍໜ້ອຍພຽງໃດ, ລະບົບການບໍລິການມີປະສິດທິພາບພຽງໃດໂດຍສະເພາະຄວາມຄິດເຫັນຂອງປະຊາຊົນຜູ້ທີ່ມາໃຊ້ບໍລິການກົນໄກການບໍລິການຜ່ານປະຕູດຽວ ຂອງເມືອງໄຊເສດຖາ ຕະຫຼອດເຖິງບັນຫາ ແລະ ຂໍ້ສະເໜີແນະ ທັງນີ້ເພື່ອເປັນແນວທາງໃນການປັບປຸງການບໍລິການ ຜ່ານປະຕູດຽວໃຫ້ມີປະສິດທິພາບສູງຂື້ນ.

 

1.2   ວັດຖຸປະສົງຂອງການສຶກສາ

         1. ເພື່ອສຶກສາເຖິງຄວາມຄິດເຫັນຂອງປະຊາຊົນຕໍ່ກັບການບໍລິການຜ່ານປະຕູດຽວຂອງເມືອງໄຊເສດຖາ.

         2. ເພື່ອສຶກສາເຖິງບັນຫາ ແລະ ອຸປະສັກ ຕະຫຼອດເຖິງຂໍ້ສະເໜີແນະຕໍ່ກັບການບໍລິການຜ່ານປະຕູດຽວ ຂອງເມືອງໄຊເສດຖາ.

1.3   ຂອບເຂດຂອງການສຶກສາ

             1.ຂອບເຂດດ້ານເນື້ອຫາ

         ການວິໄຈກ່ຽວກັບການບໍລິການຜ່ານປະຕູດຽວຂອງເມືອງໄຊເສດຖາ ນະຄອນຫຼວງວຽງຈັນພາຍຫຼັງໄດ້ສ້າງຕັ້ງເປັນເມືອງທົດລອງກົນໄກການບໍລິການຜ່ານປະຕູດຽວໃນດ້ານ ຂະບວນການໃຫ້ບໍລິການຜ່ານປະຕູດຽວ, ດ້ານພະນັກງານຜູ້ໃຫ້ບໍລິການ, ດ້ານສະຖານທີ່ ແລະ ສິ່ງອຳນວຍຄວາມສະດວກ.

            2.ຂອບເຂດດ້ານປະຊາກອນ

         ປະຊາກອນທີ່ໃຊ້ໃນການສຶກສາຄັ້ງນີ້ ແມ່ນປະຊາຊົນທີ່ເຂົ້າມາໃຊ້ການບໍລິການຜ່ານປະຕູດຽວຢູ່ໃນເມືອງໄຊເສດຖາ ນະຄອນຫຼວງວຽກຈັນ ໂດຍການສຸ່ມແບບບັງເອີນເອົາຜູ້ທີ່ເຂົ້າມາໃຊ້ບໍລິການ.

         3.ຂອບເຂດດ້ານໄລຍະເວລາ

         ການວິໄຈເລື່ອງການບໍລິການຜ່ານປະຕູດຽວຂອງເມືອງໄຊເສດຖາ ນະຄອນຫຼວງວຽງຈັນ ແມ່ນສຶກສາໃນຊ່ວງພາຍຫຼັງໄດ້ສ້າງຕັ້ງເປັນເມືອງທົດລອງກົນໄກການບໍລິການຜ່ານປະຕູດຽວໃນປີ ຄ.ສ 2006.

1.4   ຄາດຄະເນຜົນໄດ້ຮັບ

         1. ໄດ້ຮູ້ຮັບເຖິງຄວາມຄິດເຫັນຂອງປະຊາຊົນຕໍ່ກັບການບໍລິການຜ່ານປະຕູດຽວຂອງເມືອງໄຊເສດຖາ.

         2. ໄດ້ຮັບຮູ້ເຖິງບັນຫາ ແລະ ອຸປະສັກ ຕະຫຼອດເຖິງຂໍ້ສະເໜີແນະຕໍ່ກັບການບໍລິການຜ່ານປະຕູດຽວຂອງເມືອງໄຊເສດຖາ.

1.5   ນິຍາມຄຳສັບສະເພາະ

         1. ປະຊາຊົນ ຄວາມໝາຍໃນການສຶກສາ ໝາຍເຖິງ ປະຊາຊົນຜູ້ທີ່ມາຕິດຕໍ່ຂໍຮັບບໍລິການຕ່າງໆຢູ່ສຳນັກ ງານປົກຄອງເມືອງໄຊເສດຖາ ຜ່ານລະບົບການບໍລິການຜ່ານປະຕູດຽວ.

         2. ການບໍລິການ ໝາຍເຖິງ ການອຳນວຍຄວາມສະດວກໃຫ້ຄວາມຊ່ວຍເຫຼືອ ເຊິ່ງແມ່ນເປັນໜ້າທີ່ຂອງ ພະນັກງານທີ່ຮັບຜິດຊອບການບໍລິການຜ່ານປະຕູດຽວ ດ້ວຍຄວາມເຕັມໃຈ, ວ່ອງໄວ, ຖືກຕ້ອງ, ບົນພື້ນຖານ ຄວາມສະເໜີພາບ ແລະ ຍຸຕິທຳ.

        3. ການບໍລິການຜ່ານປະຕູດຽວ ໝາຍເຖິງ ການລວມເອົາວຽກງານຕ່າງໆ ທັງ 4 ວຽກງານ ເຊັ່ນ: ວຽກງານ ພາຍໃນເມືອງ, ວຽກງານໂຍທາທິການ-ຂົນສົ່ງເມືອງ, ວຽກງານຄຸ້ມຄອງທີ່ດິນເມືອງ ແລະ ວຽກງານຖະແຫຼ່ງຂ່າວ - ວັດທະນະທຳ ແລະ ທ່ອງທ່ຽວ ທີ່ຢູ່ໃນຄວາມຮັບຜິດຊອບຂອງເມືອງຕາມອຳນາດໜ້າທີ່ຂອງຝ່າຍຕ່າງໆ ໃນສຳນັກງານປົກຄອງເມືອງໄຊເສດຖາມາລວມໄວ້ໃຫ້ບໍລິການຢູ່ສະຖານທີ່ດຽວ ແລະ ດຳເນີນການສຳເລັດໃນຈຸດບໍລິການນັ້ນ.

 

ພາກທີ2

ທົບທວນທິດສະດີ ແລະ ເອກະສານທີ່ກ່ຽວຂ້ອງ

 

         ໃນການສຶກສາການບໍລິການຜ່ານປະຕູດຽວຂອງເມືອງໄຊເສດຖາ ນະຄອນຫຼວງວຽງຈັນ ຜູ້ວິໄຈໄດ້ທົບທວນທິດສະດີ ແລະ ເອກະສານທີ່ກ່ຽວຂ້ອງປະກອບມີ :

 

2.1 ແນວຄິດກ່ຽວກັບການບໍລິການສາທາລະນະ

2.2 ແນວຄິດກ່ຽວກັບການບໍລິການຜ່ານປະຕູດຽວ

2.3 ຫຼັກກການຂອງການບໍລິການຜ່ານປະຕູດຽວ

2.4 ເອກະສານ, ນະໂຍບາຍຂອງພັກ ແລະ ລັດຖະບານ ທີ່ກ່ຽວຂ້ອງ

2.5 ສະພາບກົນໄກການບໍລິການຜ່ານປະຕູດຽວຂອງເມືອງໄຊເສດຖາ

2.6 ການຄົ້ນຄວ້າວິໄຈທີ່ກ່ຽວຂ້ອງ

2.1    ແນວຄິດກ່ຽວກັບການບໍລິການສາທາລ

         ການບໍລິການສາທາລະນະ (Public Services Delivery) ມີນັກວິຊາການຫຼາຍທ່ານໄດ້ໃຫ້ແນວ ຄິດກ່ຽວກັບການໃຫ້ບໍລິການສາທາລະນະໄວ້ ດັ່ງລຸ່ມນີ້ :

         Jonhn D.Millett  ອ້າງມາຈາກ ເທບສັກ ບຸນລັດນະພັນ ໄດ້ກ່າວໄວ້ວ່າ ເປົ້າໝາຍຂອງການໃຫ້ບໍລິ ການສາທາລະນະ ຄືການສ້າງຄວາມເພິ່ງພໍ ໃຈໃນການ ໃຫ້ບໍລິການແກ່ປະຊາຊົນ ໂດຍສະຫຼຸບເປົ້າໝາຍທີ່ນິຍົມຫຼາຍທີ່ສຸດທີ່ຜູ້ປະຕິບັດຕ້ອງຍຶດຖືເປັນຫຼັກການ 5 ປະການຄື :

         1. ການໃຫ້ບໍລິການຢ່າງສະເໝີພາບ (Equitable Service) ໝາຍເຖິງຄວາມຍຸຕິທຳໃນການບໍລິຫານ ງານຂອງອົງກອນລັດ ທີ່ມີພື້ນຖານຄວາມຄິດທີ່ວ່າ ທຸກຄົນເທົ່າທຽມກັນ, ດັ່ງນັ້ນ ປະຊາຊົນທຸກຄົນຈະໄດ້ຮັບການປະຕິບັດທີ່ເທົ່າທຽມກັນ ໃນແງ່ຂອງກົດໝາຍບໍ່ມີການແບ່ງແຍກກີດກັ້ນ ການໃຫ້ບໍລິການປະຊາຊົນຈະໄດ້ຮັບການປະຕິບັດໃນມາດຕະຖານການໃຫ້ບໍລິການແບບດຽວກັນ.

         2. ການໃຫ້ບໍລິການທີ່ຕົງເວລາ (Timely Service) ໝາຍເຖິງ ໃນການໃຫ້ບໍລິການຈະຕ້ອງເຂົ້າໃຈວ່າ ການໃຫ້ການບໍລິການສາທາລະນະຈະຕ້ອງຕົງເວລາ ຜົນຂອງການປະຕິບັດງານພາກລັດຈະຖືວ່າບໍ່ມີປະສິດທິພາບ ເລີຍ ຖ້າຫາກບໍ່ຕົງເວລາ ເຊິ່ງຈະສ້າງຄວາມບໍ່ເພິ່ງພໍໃຈໃຫ້ແກ່ປະຊາຊົນ.

         3. ການໃຫ້ບໍລິການພຽງຢ່າງພຽງພໍ (Ample Service) ໝາຍເຖິງ ການໃຫ້ບໍລິການສາທາລະນະຕ້ອງ ມີຈຳນວນການໃຫ້ບໍລິການ ແລະ ສະຖານທີ່ໃຫ້ບໍລິການທີ່ເໝາະສົມ ຄວາມສະເໝີພາບ ແລະ ຕົງຕໍ່ເວລາຈະບໍ່ມີ ຄວາມໝາຍເລີຍ ຖ້າມີຈຳນວນການໃຫ້ບໍລິການທີ່ບໍ່ພຽງພໍ ແລະ ສະຖານທີ່ບໍລິການສ້າງຄວາມບໍຍຸຕິທຳໃຫ້ເກີດຂື້ນ ຕໍ່ຜູ້ຮັບບໍລິການ.

         4. ການໃຫ້ບໍລິການຢ່າງຕໍ່ເນື່ອງ (Continuous Service) ໝາຍເຖິງ ການໃຫ້ບໍລິການສາທາລະນະທີ່ ເປັນໄປຢ່າງສະໝ່ຳສະເໝີ ໂດຍຖືປະໂຫຍດຂອງສາທາລະນະເປັນຫຼັກ ບໍ່ແມ່ນຍຶດຕາມຄວາມເພິ່ງພໍໃຈຂອງໜ່ວຍ ງານທີ່ໃຫ້ບໍລິການວ່າຈະໃຫ້ ຫຼື ຢຸດການບໍລິການຍາມໃດກໍ່ໄດ້.

         5. ການໃຫ້ບໍລິການຢ່າງກ້າວໜ້າ (Progressive Service) ໝາຍເຖິງ ການໃຫ້ບໍລິການສາທາລະນະ ທີ່ມີການປັບປຸງຄຸນນະພາບ ແລະ ຜົນການປະຕິບັດງານ ໝາຍຄວາມວ່າ ແມ່ນການເພີ່ມປະສິດທິພາບ ຫຼື ຄວາມສາມາດທີ່ຈະປະຕິບັດໜ້າທີ່ໄດ້ຫຼາຍຂື້ນໂດຍໃຊ້ຊັບພະຍາກອນເທົ່າເດີມ.

         ປະຍູນ ການຈະນະດຸນ ກ່າວເຖິງແນວຄິດກ່ຽວກັບການໃຫ້ບໍລິການສາທາລະນະໄວ້ດັ່ງນີ໊ :

         1. ບໍລິການສາທາລະນະເປັນກິດຈະກຳທີ່ຢູ່ໃນການອຳນວຍການຄວບຄຸມຂອງລັດ.

         2. ບໍລິການສາທາລະນະມີວັດຖຸປະສົງໃນການສະໜອງຄວາມຕ້ອງການສ່ວນລວມຂອງປະຊາຊົນ.

         3. ການຈັດລະບຽບ ແລະ ວິທີການດຳເນີນການບໍລິການສາທາລະນະແມ່ນສາມາດແກ້ໄຂ, ປ່ຽນແປງໄດ້ ສະເໝີ ເພື່ອໃຫ້ເໝາະສົມຕໍ່ຄວາມຈຳເປັນໃນແຕ່ລະສະໄໝ ການໃຫ້ບໍລິການສາທາລະນະຈະຕ້ອງດຳເນີນການຢ່າງເປັນປົກກະຕິ ແລະ ສະໝ່ຳສະເໝີ ປະຊາຊົນ ແລະ ເອກະຊົນມີສິດທີ່ຈະໄດ້ຮັບການບໍລິການສາທາລະນະຢ່າງເທົ່າທຽມກັນ.

         ຮູບແບບການໃຫ້ບໍລິການສາທາລະນະ

 

         ຮູບແບບທີ່1 : ການໃຫ້ບໍລິການສາທາລະນະຈູດບໍລິການດຽວ ( Counter Service ) ເປັນການໃຫ້ບໍລິການປະຊາຊົນຂອງລັດແບບງ່າຍ ມີຂັ້ນຕອນການປະຕິບັດບໍ່ຊໍ້າຊອນ ສາມາດຳເນີນການໃຫ້ແລ້ວໄດ້ຢູ່ບ່ອນດຽວຂອງໜ່ວຍງານພາຍໃນໄລຍະເວລາທີ່ສາມາດກຳນົດ ແລະ ສາມາດປະກາດໃຫ້ຜູ້ເຂົ້າມາຮັບບໍລິການຮູ້ໄດ້ເຊັ່ນ : ວຽກທະບຽນ, ການຊຳ ລະພາສີ-ອາກອນ ເປັນຕົ້ນ.

 

         ຮູບແບບທີ່2 : ການບໍລິການສາທາລະນະເຊື່ອ ( Service Link ) ເປັນການໃຫ້ບໍລິການປະຊາຊົນຂອງລັດທີ່ມີລັກສະນະຊັບຊ້ອນ ເກີນຂອບເຂດອຳນາດໜ້າທີ່ ຫຼື ຄວາມສາມາດຂອງໜ່ວຍງານຜູ້ໃຫ້ບໍລິການພຽງໜ່ວຍງານດຽວ ເຊິ່ງວຽກງານບໍລິການນັ້ນຕ້ອງອາໄສການປະສານງານ ແລະ ຂໍຄວາມຮ່ວມມືໄປຍັງໜ່ວຍງານອື່ນໆ ເພື່ອໃຫ້ການບໍລິການໃນເກີດຜົນສຳເລັດ ຫຼື ອາດເປັນການບໍລິການທີ່ບໍ່ໄດ້ຢູ່ໃນຄວາມຮັບຜິດຊອບຂອງໜ່ວຍງານໂດຍກົງ ເຮັດໃຫ້ຜູ້ໃຫ້ບໍລິການມີລັກສະນະຊ່ອງທາງການເຂົ້າເຖິງການບໍລິການໄປຍັງຊ່ອງທາງຂອງໜ່ວຍງານອື່ນໆ.

 

         ຮູບແບບທີ່3 : ການບໍລິການສາທາລະນະແບບນອກສຳນັກງານເປັນການບໍລິການປະຊາຊົນຂອງລັດທີ່ມີລັກສະນະບໍ່ມີຄວາມສະດວກສະບາຍ ແລະ ບໍ່ເໝາະສົມໃຫ້ປະຊາຊົນເຂົ້າມາຮັບບໍລິການທີ່ສຳນັກງານ ສະນັ້ນ, ຈຶ່ງມີຄວາມຈຳເປັນທີ່ຈະຕ້ອງສົ່ງເຈົ້າໜ້າທີ່ ຫຼື ອາດຈະລວມໄປເຖິງວັດຖຸອຸປະກອນຕ່າງໆ ໄປໃຫ້ບໍລິການຕໍ່ກັບປະຊາຊົນພາຍນອກສຳນັກງານໃນພື້ນທີ່ຕ່າງໆ ໃນຮູບແບບຂອງໜ່ວຍບໍລິການເຄື່ອນທີ່ ຫຼື ຈຸດໃຫ້ບໍລິການຊົ່ວຄາວ.

 

                ຮູບແບບທີ່4 : ການບໍລິການສາທາລະນະຜ່ານປະຕູດຽວ ເປັນການເປີດການບໍລິການປະຊາຊົນຂອງລັດທີ່ຈັດຂື້ນຢູ່ບ່ອນບໍລິການຂອງໜ່ວຍງານ ເພື່ອໃຫ້ການບໍລິການທີ່ມີລັກສະນະຂອງການເຮັດຢ່າງຕໍ່ເນື່ອງ ເຊິ່ງຜູ້ຮັບບໍລິການຈະຕ້ອງເຂົ້າເຖິງການບໍລິການດ້ວຍຕົນເອງ (Walk-in). ນອກຈາກນັ້ນອາດລວມໄປເຖິງການບໍລິການທີ່ຕ້ອງອາໄສຄວາມຮູ້, ຄວາມຊຳນານ, ເຄື່ອງມື ແລະ ອຸປະກອນສະເພາະທາງ ຫຼື ຕ້ອງອາໄສອຳນາດຕາມກົດໝາຍຂອງເຈົ້າໜ້າທີ່ໃນການເຮັດ ເຊິ່ງຕ້ອງມີຈຸດໃຫ້ບໍລິການ ຫຼື ເຈົ້າໜ້າທີ່ປະຈຳການ ເພື່ອຈັດບໍລິການທີ່ເກີດຂື້ນຕາມສະຖານະການ, ຄວາມຈຳເປັນ ຫຼື ບັນຫາທີ່ເກີດຂື້ນຕາມຊ່ວງເວລາ ຫຼື ເປັນເຫດການສະເພາະໜ້າທີ່ເປັນຄັ້ງຄາວເຊັ່ນ : ວຽກງານຊ່ວຍບັນເທົາໄພພິບັດ…..ເປັນຕົ້ນ.

 

         ສະຫຼຸບໄດ້ວ່າ ການບໍລິການສາທາລະນະເປັນລະບົບການໃຫ້ບໍລິການໃນຖານະໜ່ວຍງານທີ່ມີອຳນາດໜ້າທີ່ ທີ່ກ່ຽວຂ້ອງກັບການໃຫ້ບໍລິການສາທາລະນະ ເຊິ່ງອາດຈະເປັນໜ່ວຍງານຂອງລັດ ຫຼື ເອກະຊົນ ທີ່ມີໜ້າທີ່ໃນການສົ່ງຕໍ່ການໃຫ້ບໍລິການສາທາລະນະແກ່ປະຊາຊົນ ໂດຍມີຈຸດມຸ່ງໝາຍເພື່ອສະໜອງຄວາມຕ້ອງການຂອງປະຊາຊົນໂດຍສ່ວນລວມ.

 

      2.1.1 ແນວຄວາມຄິດກ່ຽວກັບການບໍລິກາ

               ຄອດເລີ (Kotler.1994: 86-87) ໃຫ້ຄວາມໝາຍວ່າ ການບໍລິການຄືການສະແດງເຖິງຄວາມສາ ມາດທີ່ໜ່ວຍງານ ຫຼື ອົງກອນສະເໜີໃຫ້ກັບບຸກຄົນ ຫຼື ໜ່ວຍງານອົງກອນອີກກຸ່ມໜື່ງ ຊຶ່ງເປັນສິ່ງທີ່ບໍ່ສາມາດຈັບ ຕ້ອງສຳພັດໄດ້ ສອດຄ້ອງກັບຈິນຕະນາ ບຸນບົງການ 1994,  ທີ່ໄດ້ໃຫ້ຄວາມໝາຍຂອງການບໍລິການວ່າ: ເປັນສິ່ງທີ່ຈັບຕ້ອງສຳພັດແຕະຕ້ອງໄດ້ຍາກ ແລະ ເຊື່ອມສະພາບໄປໄດ້ງ່າຍ ບໍລິການຈະກະທຳຂື້ນທັນທີ ແລະ ສົ່ງມອບໃຫ້ຜູ້ຮັບບໍລິການທັນທີ ຫຼື ເກືອບຈະທັນທີ ດັ່ງນັ້ນ ການບໍລິການຈຶ່ງເປັນຂະບວນການຂອງກິດຈະກຳຂອງ ການຂົນສົ່ງມອບບໍລິການຈາກຜູ້ໃຫ້ໄປຍັງຜູ້ຮັບບໍລິການ ບໍ່ແມ່ນເປັນສິ່ງທີ່ຈັບຕ້ອງໄດ້ຊັດເຈນ ແຕ່ອອກມາໃນຮູບ ຂອງເວລາ, ສະຖານທີ່, ຮູບແບບ ແລະ ທີ່ສຳຄັນເປັນສິ່ງທີ່ເອື້ອອຳນວຍທາງດ້ານຈິດໃຈ ເຮັດໃຫ້ເກີດຄວາມພຶງພໍໃຈ ຄຳວ່າການບໍລິການກົງກັບພາສາອັງກິດວ່າ SERVICE ຊຶ່ງຖ້າຫາກຫາຄວາມໝາຍດີໆ ໃຫ້ກັບອັກສອນອັງກິດ 7 ໂຕນີ້ ອາດໄດ້ຄວາມໝາຍຂອງການບໍລິການທີ່ສາມາດຍຶດເປັນຫຼັກການປະຕິບັດໄດ້ຕາມຄວາມໝາຍຂອງອັກສອນ ທັງ 7 ໂຕດັ່ງນີ້ :

             1. S (Smiling and Sympathy) ໝາຍເຖິງການຍິ້ມແຍ່ມ ແລະ ເອົາໃຈໃສ່, ເຫັນອົກເຫັນໃຈຕໍ່ຄວາມລຳບາກຫຍຸ້ງຍາກຂອງຜູ້ມາຮັບບໍລິການ.

             2. E (Early Response) ໝາຍເຖິງການຕອບສະໜອງຕໍ່ກັບຄວາມຕ້ອງການຈາກຜູ້ຮັບບໍລິຢ່າງ ວ່ອງໄວ.

             3. R (Respectful) ໝາຍເຖິງ ການສະແດງອອກເຖິງຄວາມນັບຖືໃຫ້ກຍດຜູ້ຮັບບໍລິການ.

             4. V (Voluntariness Manner) ໝາຍເຖິງການໃຫ້ບໍລິການທີ່ເຮັດດ້ວຍຄວາມສະໝັກໃຈ, ມີ ຄວາມເຕັມໃຈໃນການປະຕິບັດວຽກງານ.

             5. I (Image Enhancing) ໝາຍເຖິງການຮັກສາບົດບາດຂອງຜູ້ໃຫ້ບໍລິການ ແລະ ບົດບາດຂອງອົງ ກອນ.

             6. C (Courtesy) ໝາຍເຖິງ ຄວາມອ່ອນນ້ອມ, ອ່ອນໂຍນ, ສຸພາບ, ມີມາລະຍາດທີ່ດີ.

             7. E (Enthusiasm) ໝາຍເຖິງຄວາມກະຕື້ລືລົ້ນໃນເວລາການໃຫ້ບໍລິການ ແລະ ໃຫ້ບໍລິການຫຼາຍ ກວ່າຜູ້ຮັບບໍລິການຄາດຫວັງເອົາໄວ້.

             Barry (1986: 79-81) ກ່າວວ່າ ການບໍລິການທີ່ປະສົບຜົນສຳເລັດຈະຕ້ອງປະກອບດ້ວຍຄຸນສົມບັດ ຕ່າງໆ 10 ປະການຄື:

             1. ຄວາມເຊື່ອຖືໄດ້ (reliability) ໝາຍເຖິງບໍລິການທີ່ມີຄວາມສະໜໍ່າສະເໜີ ແລະ ເພິ່ງພາໄດ້.

             2. ການຕອບສະໜອງ (responsiveness) ໝາຍເຖິງຄວາມເຕັມໃຈ, ຄວາມພ້ອມທີ່ຈະໃຫ້ບໍລິ ການ, ການເສຍສະຫຼະເວລາ, ການຕິດຕໍ່ຢ່າງຕໍ່ເນື່ອງ ແລະ ການປະຕິບັດຕໍ່ຜູ້ໃຊ້ບໍລິການເປັນຢ່າງດີ.

             3. ຄວາມສາມາດ (competence) ໝາຍເຖິງ ຄວາມສາມາດໃນການໃຫ້ບໍລິການ, ຄວາມສາມາດ ໃນການສື່ສານ ແລະ ຄວາມສາມາດໃນຄວາມຮູ້ທີ່ຈະໃຫ້ບໍລິການ.

             4. ການເຂົ້າເຖິງ (access) ໝາຍເຖິງ ຜູ້ໃຊ້ບໍລິການສາມາດເຂົ້າເຖິງ ຫຼື ຮັບບໍລິການໄດ້ຢ່າງສະດວກ ມີຂັ້ນຕອນລະບຽບທີ່ບໍ່ຊັບຊ້ອນ, ຜູ້ໃຫ້ບໍລິການບໍ່ຕ້ອງເສຍເວລາລໍຖ້າດົນເກີນຄວນ, ໃຫ້ບໍລິການໃນເວລາທີ່ສະ ດວກເໝາະສົມຕໍ່ຜູ້ຮັບບໍລິການ ແລະ ຢູ່ໃນສະຖານະການທີ່ຜູ້ຮັບບໍລິການສາມາດຕິດຕໍ່ໄດ້ສະດວກ.

             5. ຄວາມສຸພາບອ່ອນໂຍນ (courtesy) ໝາຍເຖິງການສະແດງຄວາມຄວາມສຸພາບຕໍ່ຜູ້ໃຊ້ບໍລິການ ຕ້ອນຮັບທີ່ເໝາະສົມ ແລະ ຜູ້ໃຫ້ບໍລິການມີບຸກຄະລິກທີ່ດີ.

             6. ການສື່ສານ (communication) ໝາຍເຖິງ ມີການສື່ສານຊີ້ແຈງຂອບເຂດ ແລະ ຂັ້ນຕອນການໃ ໃຫ້ບໍລິການ.

             7. ຄວາມຊື່ສັດ (credibility) ໝາຍເຖິງ ການໃຫ້ບໍລິການທີ່ມີຄວາມທ່ຽງຕົງ ນ່າເຊື່ອຖື.

             8. ຄວາມໝັ້ນຄົງ (security) ໝາຍເຖິງ ຄວາມປອດໄພທາງກາຍຍະພາບ ເຊັ່ນ: ເຄື່ອງມື, ອຸປະ ກອນ.

             9. ຄວາມເຂົ້າໃຈ (understanding) ໝາຍເຖິງ ການຮຽນຮູ້ຜູ້ໃຊ້ບໍລິການ, ການໃຫ້ຄວາມສົນໃຈ, ໃຫ້ການແນະນຳ ເອົາໃຈໃສ່ຕໍ່ຜູ້ຮັບບໍລິການ.

             10. ການສ້າງສິ່ງທີ່ຈັບຕ້ອງໄດ້ (tangibility) ໝາຍເຖິງ ການກະກຽມອຸປະກອນໃຫ້ພ້ອມ ເພື່ອອຳ ນວຍຄວາມສະດວກຕໍ່ຜູ້ມາໃຊ້ບໍລິການ

              ແຄທ ແລະ ດາເນຕ (katz and Danet. 1979: 15-19) ອ້າງຈາກ ຍຸພາ ພູນພະຄຸນດີ 2005 ໜ້າ 29-30 ໄດ້ກ່າວວ່າການພົວພັນລະຫວ່າງຜູ້ໃຫ້ບໍລິການ ແລະ ຜູ້ຮັບບໍລິການມີອົງປະກອບທີ່ສຳຄັນ 3 ປະການຄື:

             1. ອົງປະກອບດ້ານສະພາບແລດລ້ອມ ໝາຍເຖິງລັກສະນະທາງວັດທະນະທຳ ຫຼື ທຳນຽມການປະຕິ ບັດທົ່ວໄປທີ່ປະກອບຂື້ນເປັນສະພາບແວດລ້ອມຂອງເຈົ້າໜ້າທີ່ທີ່ໃຫ້ບໍລິການ ແລະ ຜູ້ຮັບບໍລິການ.

             2. ອົງປະກອບພາຍໃນອົງການ ໝາຍເຖິງລັກສະນະທີເກີດຂືນພາຍໃນອົງການ ເຊັ່ນ: ເປົ້າໝາຍຂອງອົງກອນ, ກົດລະບຽບ, ຄຳສັ່ງ, ແນວທາງໃນການປະຕິບັດວຽກງານລະດັບຂອງເຈົ້າໜ້າທີທີ່ໃຫ້ບໍລິການ, ການບັງຄັບບັນຊາ ເປັນຕົ້ນ.

             3. ອົງປະກອບຂອງສະຖານະການ ໝາຍເຖິງສະຖານະການທີ່ເກີດຂື້ນລະຫວ່າງມີການຕິດຕໍ່ພົວພັນກັນ ເຊັ່ນ: ຊ່ວງເວລາທີ່ພົບປະກັນ, ສະພາບແວດລ້ອມຂອງສະຖານທີ່, ຄວາມສະໜິດສະໜົມໃກ້ຊິດກັນ, ຄວາມເປັນສ່ວນຕົວ ແລະ ສະພາບທີ່ເກີດຂື້ນໃນຂະນະໃຫ້ບໍລິການ.

 

             ທິດສະດີຄຸນນະພາບການບໍລິການ ( Parasuraman,Zeithaml, and Berry,1994) ອ້າງໃນ ຂັນຊິດຕະພົນ ຍົດພອນໄພບູນ, 2011) ກ່າວວ່າ ຄຸນນະພາບການບໍລິການ ( Service Quality) ຄືຜົນທີ່ໄດ້ ຮັບຈາກການປຽບທຽບການບໍລິການທີ່ຜູ້ໃຊ້ບໍລິການຄາດຫວັງ (Expected Service) ກັບບໍລິການທີ່ໄດ້ຮັບຈິງ (Perceived Service) ຈາກຜູ້ໃຫ້ບໍລິການທີ່ຜູ້ບໍລິການຄາດຫວັງປະກອບດ້ວຍປະສົບການໃນອະດີດ ຄຳບອກເລົ່າຈາກບຸກຄົນອື່ນ ແລະ ຄວາມຕ້ອງການສ່ວນຕົວ ຊຶ່ງຫາກການບໍລິການທີ່ໄດ້ຮັບບໍ່ເປັນໄປຕາມທີ່ຄາດ ຫວັງໄວ້ໂດຍມີແນວໂນ້ມໄປໃນດ້ານລົບ ຜູ້ໃຊ້ບໍລິການຈະຮູ້ສຶກຜິດຫວັງບໍ່ພໍໃຈ ດັ່ງນັ້ນທຸລະກິດຈະຕ້ອງຫຼຸດຊ່ອງ ຫວ່າງລະຫວ່າງຄວາມຄາດຫວັງ ແລະ ການຮັບຮູ້ຄຸນນະພາບການບໍລິການໃຫ້ເຫຼືອໜ້ອຍທີ່ສຸດ ເພື່ອສ້າງຄວາມ ພຶງພໍໃຈ ຫຼື ສ້າງຄວາມຮູ້ສຶກທີ່ໝາຍກວ່າຄວາມພຶງພໍໃຈ ເຊັ່ນ : ຄວາມຮູ້ສຶກປະຫຼາດໃຈ ຫຼື ຄວາມຮູ້ດີໃຈກັບການ ກຳນົດມາດຕະຖານຄຸນນະພາບການບໍລິການຂື້ນ ໂດຍປັດໄຈໃນການກຳນົດຄຸນນະພາບການໃຫ້ບໍລິການມີ 5 ຫົວຂໍ້ ຫຼັກ ດັ່ງນີ້ :

             1. ຄວາມໜ້າເຊື່ອຖື (Reliability) ໝາຍເຖິງ ຄວາມສາມາດຂອງຜູ້ໃຫ້ບໍລິການໃນການມອບບໍລິ ການໃຫ້ຕົງກັບທີ່ສັນຍາໄວ້ກັບຜູ້ຮັບບໍລິການ ບໍລິການທີ່ສົ່ງມອບໃຫ້ທຸກຄັ້ງຈະຕ້ອງມີຄວາມຖືກຕ້ອງ ແລະ ຜົນທີ່ໄດ້ຈາກການບໍລິການນັ້ນ ຈະຕ້ອງສະໝໍ່າສະເໜີທຸກຄັ້ງບໍ່ຜິດຂໍ້ຜິດພາດ ເຊິ່ງຈະເຮັດໃຫ້ຜູ້ຮັບບໍລິການຮູ້ສຶກວ່າ ການບໍລິການທີ່ໄດ້ຮັບນັ້ນມີຄວາມນ່າເຊື່ອຖືໄວ້ວາງໃຈໄດ້ ໃນກໍລະນີ້ຂອງການບໍລິການຜ່ານປະຕູດຽວນັ້ນ ຄວາມນ່າ ເຊື່ອຖື ໝາຍເຖິງ ການທີ່ຜູ້ໃຫ້ບໍລິການສາມາດສົ່ງມອບການບໍລິການທີ່ຖືກຕ້ອງໃຫ້ແກ່ຜູ້ຮັບບໍລິການທຸກຄັ້ງ ເຊັ່ນ : ການໃຫ້ຂໍ້ມູນຕ່າງໆຢ່າງຖືກຕ້ອງ , ການແຈ້ງ ຫຼື ຕອບຮັບເອກະສານຕາມກຳນົດເວລາ ເປັນຕົ້ນ…

             2. ການສ້າງຄວາມເຊື່ອໝັ້ນຕໍ່ລູກຄ້າ (Assurance) ໝາຍເຖິງຄວາມສາມາດໃນການສ້າງຄວາມເຊື່ອ ໝັ້ນໃກ້ແກ່ຜູ້ໃຊ້ບໍລິການ ໂດຍຜູ້ໃຫ້ບໍລິການຕ້ອງສະແດງອອກເຖິງທັກສະຄວາມຮູ້ຄວາມສາມາດໃນວຽກງານການບໍລິການ ແລະ ໃຫ້ການບໍລິການດ້ວຍຄວາມສຸພາບ, ອ່ອນໂຍນ , ມີມາລະຍາດທີ່ດີ, ໃຊ້ການຕິດຕໍ່ສື່ສານທີ່ມີປະ ສິດທິພາບ. ໃນກໍລະນີຂອງວຽກງານການບໍລິການຜ່ານປະຕູດຽວ ການສ້າງຄວາມເຊື່ອໝັ້ນຕໍ່ລູກຄ້າ ໝາຍເຖິງການສະແດງອອກເຖິງທັກສະຄວາມຮູຄວາມສາມາດໃນການບໍລິການຂອງຜູ້ໃຫ້ບໍລິການແຕ່ລະຄົນທີ່ໄດ້ຮັບມອບໝາຍລວມໄປເຖິງລັກສະນະຂອງການໃຫ້ບໍລິການທີ່ດີ ຊຶ່ງຈະຊ່ວຍໃຫ້ຜູ້ໃຊ້ບໍລິການຮູ້ສຶກເຊື່ອໝັ້ນຕໍ່ການໃຫ້ບໍລິການອົງການຫຼາຍຂື້ນເປັນຕົ້ນແມ່ນ ຄວາມສາມາດໃນການແກ້ໄຂບັນຫາສະເພາະໜ້າໃຫ້ແກ່ຜູ້ໃຊ້ບໍລິການ, ການອະທິ ບາຍຂໍ້ຊັກຖາມກ່ຽວກັບວຽກງານນັ້ນໆ, ການກໍລິຍາທ່າທາງໃນການບໍລິການ ແລະ ອື່ນໆ.

             3. ຄວາມເປັນຮູບປະທຳຂອງການບໍລິການ (Tangibility) ໝາຍເຖິງລັກສະນະທາງສັກກະຍະພາບທີ່ ຜູ້ໃຊ້ບໍລິການເຫັນ ແລະ ສຳພັດໄດ້ ເຊັ່ນ : ອາຄານ, ອຸປະກອນ, ເອກະສານທີ່ໃຊ້ໃນການຕິດຕໍ່ສືສານ ແລະ ການອຳ ນວຍຄວາມສະດວກ ລວມໄປເຖິງບຸກຄະລາກອນທີ່ໃຫ້ບໍລິການທີ່ມີບຸກຄະລິກກະພາບທີ່ດີ ການບໍລິການທີນຳສະ ເໜີອອກມາຢ່າງຊັດເຈນເປັນຮູບປະທຳ ຈະຊ່ວຍໃຫ້ຜູ້ໃຊ້ບໍລິການຮັບຮູ້ເຖິງການບໍລິການນັ້ນໆ ໄດ້ຫຼາຍຍິ່ງຂື້ນ. ໃນກໍລະນີຂອງການບໍລິການຜ່ານປະຕູດຽວ ຄວາມເປັນຮູບປະທຳໝາຍເຖິງ ສິ່ງທີ່ສະແດງອອກຢ່າງຊັດເຈນເພື່ອສ້າງ ໃຫ້ເຫັນເຖິງການບໍລິການຜ່ານປະຕູດຽວຂອງເມືອງໄຊເສດຖາຢ່າງເປັນຮູບປະທຳ ເປັນຕົ້ນແມ່ນ ສຳນັກງານສາມາດ ເຂົ້າຕິດຕໍໄດ້ສະດວກສະບາຍ, ມີບ່ອນຈອດລົດສຳລັບຜູ້ມາຕິດຕໍ່ປະສານງານ, ມີຄວາມສະອາດເປັນລະບຽບຮຽບ ຮ້ອຍ, ມີການຕົບແຕ່ງທີ່ທັນສະໄໝທີ່ສະແດງໃຫ້ເຫັນເຖິງຄວາມພ້ອມໃນການປະຕິບັດວຽກງານ ແລະ ບົ່ງບອກເຖິງ ຄວາມສາມາດຂອງພະນັກງານ, ມີອຸປະກອນທີ່ທັນສະໄໝມາຮັບໃຊ້ວຽກງານ ເປັນຕົ້ນ…

             4. ຄວາມເອົາໃຈໃສ່ (Empathy) ໝາຍເຖິງ ການດູແລເອົາໃຈໃສ່ຜູ້ໃຊ້ບໍລິການ ມີການກຽມຄວາມ  ພ້ອມເປັນໄລຍະຕັ້ງແຕ່ຕົ້ນ ແລະ ພາຍຫຼັງການໃຫ້ບໍລິການ ເພື່ອຄວາມຕ້ອງການທີ່ແຕກຕ່າງຂອງຜູ້ໃຊ້ບໍລິການ ສຳລັບການບໍລິການຜ່ານປະຕູດຽວຄວາມເອົາໃຈໃສ່ ແມ່ນໝາຍເຖິງ ການທີ່ຜູ້ໃຫ້ບໍລິການມີການກະກຽມຄວາມ ພ້ອມທຸກຂັ້ນຕອນໃນການບໍລິການ ເພື່ອສາມາດຕອບສະນອງຜູ້ໃຊ້ບໍລິການທີມີຄວາມແຕກຕ່າງແຕກກັນ ເຊັ່ນ : ການເອົາໃຈໃສ່ຕິດຕາມເອກະສານ, ການອຳນວຍຄວາມສະດວກໃນດ້ານຕ່າງໆໃຫ້ແກ່ຜູ້ມາໃຊ້ບໍລິການ, ຄວາມເຂົ້າໃຈເຖິງຄວາມຕ້ອງການຂອງຜູ້ໃຊ້ບໍລິການ, ການຄຳນຶງເຖິງຜົນປະໂຫຍດຂອງຜູ້ໃຊ້ບໍລິການເປັນອັນຕົ້ນຕໍ ເປັນຕົ້ນ.

             5. ການຕອບສະໜອງຕໍ່ລູກຄ້າ (Responsiveness) ໝາຍເຖິງ ຄວາມພ້ອມ ແລະ ຄວາມເຕັມໃຈ ທີ່ຈະບໍລິການ ມີຄວາມຍິນດີທີຈະຕອບສະໜອງຄວາມຕ້ອງການຂອງຜູ້ໃຊ້ບໍລິການທັນທີດ້ວຍຄວາມຕັ້ງໃຈ ເຮັດໃຫ້ຜູ້ໃຊ້ບໍລິການສາມາດເຂົ້າຮັບບໍລິການໄດ້ງ່າຍ ແລະ ໄດ້ຮັບຄວາມສະດວກວ່ອງໄວ. ໃນກໍລະນີການບໍລິການ ຜ່ານປະຕູດຽວ ການຕອບສະໜອງຕໍ່ກັບລູກຄ້າ ໝາຍເຖິງ ການຕອບສະໜອງຄວາມຕ້ອງການຂອງຜູ້ໃຊ້ບໍລິການ ໄດ້ຢ່າງຖືກຕ້ອງວ່ອງໄວ ແລະ ສະແດງອອກໃຫ້ເຫັນເຖິງການມີຈິດໃຈບໍລິການຂອງຜູ້ໃຊ້ບໍລິການ ເຊັ່ນ : ການຕ້ອນຮັບຂອງພະນັກງານທີ່ເມື່ອເຂົ້າມາຕິດຕໍ່ພົວພັນວຽກງານ, ການແຈ້ງຂໍ້ມູນໄລຍະການດຳເນີນເອກະສານຕ່າງໆ, ການຕອບຄຳຖາມໃຫ້ແກ່ຜູ້ໃຊ້ບໍລິການຢ່າງທັນເວລາ, ການສົ່ງຕອບເອກະສານກັບໃນໄລຍະທີ່ກຳນົດ ເປັນຕົ້ນ.

              ການໃຫ້ການບໍລິການທີ່ດີ ແມ່ນຄວາມສາມາດໃນການວາງແຜນການເພື່ອກະກຽມການໃຫ້ບໍລິການທີ່ດີທີ່ສຸດໃຫ້ແກ່ປະຊາຊົນ, ແຕ່ກໍ່ຍັງມີຂໍ້ຈຳກັດ ແລະ ຊັບພະຍາກອນທີ່ມີ ແລະ ຂໍ້ບົກຜ່ອງຂອງຄວາມສາມາດ. ປະເທດເຮົາຄວນຈະກະຈາຍຄວາມຮັບຜິດຊອບໃນລະດັບໃດ ຫຼື ຈະໃຫ້ພາກເອກະຊົນໃຫ້ບໍລິການແກ່ປະຊາຊົນໃນລະດັບໃດນັ້ນ ອາດຂຶ້ນກັບພື້ນຖານຄວາມສາມາດ ແລະ ລະດັບຂອງທ້ອງຖິ່ນ ຫຼື ຄວາມສາມາດຂອງພາກເອກະຊົນ, ທັງນີ້ກໍ່ເພື່ອຮັບປະກັນການໃຫ້ບໍລິການໃຫ້ມີປະສິດທິຜົນ ແລະ ການສະໜອງຄວາມຕ້ອງການຂອງທ້ອງຖິ່ນມີການປັບປຸງໃຫ້ດີຂຶ້ນ. ຄວາມສາມາດ ແລະ ຊັບພະຍາກອນທີ່ມີຄວາມຕ້ອງ ການຍັງມີບໍ່ພຽງພໍ ເພື່ອແກ້ໄຂໃຫ້ມີປະສິດທິຜົນຕາມຄວາມຮັບຜິດຊອບເຫຼົ່ານີ້, ການກະຈາຍອຳນາດ ແລະ ການຫັນໄປສູ່ຮູບການອື່ນຄວນຈະເປັນວິທີປະຕິບັດທີ່ຄວນເອົາໃຈໃສ່ຢ່າງລະມັດລະວັງ ແລະ ຈຸດເລັ່ງຄວນແນໃສ່ການກໍ່ສ້າງຂີດຄວາມສາມາດ ແລະ ການສະໜອງຕາມເງື່ອນໄຂທີ່ຈຳເປັນເພື່ອຜົນສຳເລັດໃນອະນາຄົດ (ວິໄຊ ພັນດານຸວົງ, 2015) ການບໍລິ ການທີ່ດີຄວນປະຕິບັດຕາມຂັ້ນຕອນດັ່ງນີ້:

             1. ການກະຈາຍອຳນາດ.

             2. ການຫັນເປັນໄປສູ່ຮູບການອື່ນ ແລະ ການຫັນເປັນເອກະຊົນ.

             3. ການມີສ່ວນຮ່ວມຂອງເອກະຊົນ.

             4. ການພັດທະນາຢູ່ພາກເອກະຊົນ.

             5. ການປັບປຸງຄວາມຮັບຜິດຊອບ ແລະ ການຄຸ້ມຄອງການຊ່ວຍເຫລືອ.

 

      2.1.2 ແນວຄິດກ່ຽວກັບວຽກງານການບໍລິຫານລັດທີ່ດີ ຂອງ ສປປ ລາວ

               ການບໍລິຫານລັດທີ່ດີ ແມ່ນເລື່ອງກ່ຽວກັບສັງຄົມ ແລະ ຄ່ານິຍົມ, ດ້ວຍເຫດນັ້ນທຸກໆ ການປັບປຸງໃນຂົງເຂດນີ້ແມ່ນໃຫ້ມີວິໄສທັດ, ຍຸດທະສາດໃນໄລຍະຍາວ ເພື່ອຮັບປະກັນໃຫ້ມີການປັບປຸງ ແລະ ດຸ່ນດ່ຽງລະຫວ່າງຄວາມສາມາດທີ່ມີຢູ່ກັບຄວາມກົດດັນຂອງສັງຄົມໃຫ້ມີການປ່ຽນແປ່ງຢ່າງສົມເຫດສົມຜົນ. ການບໍລິຫານລັດທີ່ດີ ແມ່ນຂະບວນການທີ່ມີລັກສະນະຂະຫຍາຍຕົວເທື່ອລະກ້າວ ເພື່ອເຮັດໃຫ້ລັດມີຄວາມເຂັ້ມແຂງທາງດ້ານການຈັດຕັ້ງ, ການຕົກລົງບັນຫາ, ການກຳນົດນະໂຍບາຍ, ຄວາມສາມາດໃນການຈັດຕັ້ງປະຕິບັດ, ການປະສານງານ, ການກະຈາຍຂໍ້ມູນຂ່າວສານ, ວິທີການນຳພາ ແລະ ສາຍພົວພັນທີ່ດີລະຫວ່າງລັດກັບປະຊາຊົນ. ທັງໝົດນັ້ນແມ່ນຄວາມສາມາດໃນການຈັດຕັ້ງປະຕິບັດທາງການເມືອງ, ເສດຖະກິດ ແລະ ການປົກຄອງເພື່ອບໍລິຫານປະເທດ. ນອກຈາກນີ້ແລ້ວ, ມັນຍັງໄດ້ໃຫ້ໂອກາດແກ່ບັນດາອົງການຈັດຕັ້ງສັງຄົມ ແລະ ພາກເອກະຊົນໄດ້ມີສ່ວນຮ່ວມໃນການກຳນົດ ແລະ ປະເມີນຜົນນະໂຍບາຍ ແລະ ແຜນງານຕ່າງໆຂອງລັດ.  ການບໍລິຫານລັດທີ່ດີແມ່ນຂະບວນການທີ່ພວມດຳເນີນໄປເລື້ອຍໆ ແລະ ຈະບໍ່ມີການສິ້ນສຸດ. ດ້ວຍເຫດນັ້ນ, ລັດຖະບານ ແຫ່ງ ສປປ ລາວ ກໍໄດ້ຕົກລົງຮັບເອົາ 7 ແນວຄິດຍຸດທະສາດທີ່ພວມປະຕິບັດຢູ່ ແລະ ປັບປຸງຢູ່ໃນພາກລັດມີດັ່ງນີ້ (ວິໄຊ ພັນດານຸວົງ, 2015) :

             - ການປັບປຸງພາລະບົດບາດຂອງລັດຖະບານ

             - ການປັບປຸງການປົກຄອງຂັ້ນສູນກາງ

             - ການປັບປຸງການປົກຄອງຂັ້ນທ້ອງຖິ່ນ

             - ການປັບປຸງການຄຸ້ມຄອງການເງິນ

             - ການປັບປຸງການຄຸ້ມຄອງກົດໝາຍຂອງລັດ

             - ການປັບປຸງການຄຸ້ມຄອງພະນັກງານ-ລັດຖະກອນ

             - ການພັດທະນາຊັບພະຍາກອນມະນຸດ.

 

             ຈຸດເລັ່ງໃນປັດຈຸບັນແມ່ນການພັດທະນາ ແລະ ຂະຫຍາຍຕົວບັນດາກິດຈະກຳທີ່ກຳລັງດຳເນີນຢູ່ແຜນງານ ແມ່ນກ້າວໄປສູ່ການບໍລິຫານລັດທີ່ດີຢ່າງກວ້າງຂວາງນັ້ນໃຫ້ຫຼາຍຂຶ້ນ, ເປົ້າໝາຍຂອງມັນກໍ່ແມ່ນເພື່ອນຳເອົາ ສປປ ລາວ ອອກຈາກຖັນແຖວຂອງບັນດາປະເທດດ້ອຍພັດທະນາພາຍໃນປີ 2020. ໃນຂະນະນີ້, ມີສິ່ງທ້າທາຍຫຼາຍຢ່າງທີ່ພວກເຮົາພວມປະເຊີນຢູ່ ແລະ ຍັງຈະປະເຊີນກັບມັນໃນອະນາຄົດນັ້ນ, ມັນຮຽກຮ້ອງໃຫ້ມີການເຂົ້າຮ່ວມຂອງທຸກພາກສ່ວນເສດຖະກິດ-ສັງຄົມຢ່າງຫ້າວຫັນ, ບົດບາດສຳຄັນໃນຂະບວນການບໍລິຫານລັດແມ່ນ ລັດຖະບານເວົ້າລວມເວົ້າສະເພາະແມ່ນພະນັກງານ-ລັດຖະກອນ. ອີກດ້ານໜຶ່ງເພື່ອເປັນການສ້າງບົດບາດໃຫ້ແກ່ອົງການຈັດຕັ້ງມະຫາຊົນ, ລັດຖະບານຈະເພີ່ມທະວີການພົວພັນກັບທຸກຊັ້ນຄົນໃນສັງຄົມ ແລະ ພາກສ່ວນເສດ ຖະກິດ, ນີ້ກໍ່ເພື່ອຮັບປະກັນວ່າ: ບັນດານະໂຍບາຍທີ່ວາງອອກໃຫ້ທຸກພາກສ່ວນໄດ້ເຂົ້າໄປມີຄວາມຮັບຜິດຊອບໃນທຸກໆຂົງເຂດຢ່າງກ້ວາງຂວາງຢູ່ໃນສັງຄົມລາວ. ໄລຍະປັດຈຸບັນນີ້, ການພັດທະນາຢູ່ ສປປ ລາວ ແມ່ນດຳເນີນຢູ່ໃນ 6 ລັກສະນະດັ່ງນີ້:

             1. ຄວາມຮັບຜິດຊອບຕໍ່ຫນ້າທີ່ການເມືອງ ແລະ ຄວາມຖືກຕ້ອງຕາມກົດໝາຍ

             2. ການຄຸ້ມຄອງລັດດ້ວຍກົດໝາຍ

             3. ການບໍລິຫານທີ່ດີຢູ່ໃນພາກລັດ

             4. ການໃຫ້ບໍລິການທີ່ດີ

             5. ການມີສ່ວນຮ່ວມຂອງສັງຄົມ

             6. ການປັບປຸງຄວາມຮັບຜິດຊອບ ແລະ ການຄຸ້ມຄອງການຊ່ວຍເຫຼືອ.

 

             ບັນດາລັກສະນະທີ່ກ່າວຢູ່ຂ້າງເທິງນັ້ນເປັນຂ້ໍກຸນແຈສຳຄັນຂອງແຜນການຍຸດທະສາດເພື່ອກ້າວສູ່ການບໍລິຫານລັດທີ່ດີ. ດ້ວຍເຫດນັ້ນ, ການຈັດຕັ້ງປະຕິບັດແຜນງານ ເພື່ອກ້າວສູ່ການບໍລິຫານລັດທີ່ດີໃຫ້ປະສົບຄວາມສຳເລັດນັ້ນ, ມັນຮຽກຮ້ອງໃຫ້ເອົາໃຈໃສ່ 4 ເງື່ອນໄຂລຸ່ມນີ້:

             1. ຈັນຍາທຳ ແລະ ຄວາມຊື່ສັດບໍລິສຸດ

             2. ຄວາມໂປ່ງໃສ

             3. ການພັດທະນາຊັບພະຍາກອນມະນຸດ

             4. ວິທີການນຳພາທີ່ດີ.

2.2   ແນວຄິດກ່ຽວກັບການບໍລິການຜ່ານປະຕູດຽວ (One stop service)

         ກົນໄກການບໍລິການຜ່ານປະຕູດຽວ ແມ່ນກົນໄກການແກ່ໄຂວຽກວຽກງານຂອງການຈັດຕັ້ງ ແລະ ປະຊາຊົນທີ່ນອນຢູ່ໃນຂອງເຂດສິດຂອງອົງການບໍລິຫານລັດນັບແຕ່ຂອດຮັບຄຳສະເໜີ, ຮັບເອກະສານຂອງການ ຈັດຕັ້ງ ແລະ ປະຊາຊົນ ຈົນຮອດຂອດສົ່ງຜົນຕອບ, ສົ່ງເອກະສານຄືນ ໂດຍຜ່ານໜ່ວຍບໍລິການຂອງລັດພຽງບ່ອນ ດຽວ (ສຳນັກງານນາຍົກລັດຖະມົນຕີ , ຂໍ້ຕົກລົງຂອງນາຍົກລັດຖະມົນ ຕີວ່າດ້ວຍການຈັດຕັ້ງປະຕິບັດກົນໄກການບໍລິການຜ່ານປະຕູດຽວຢູ່ອົງການບໍລິຫານລັດ,2007).

         ສີນີ ຈະເລີນພົນ ໄດ້ສຶກສາ ແລະ ອະທິບາຍເຖິງຄຳວ່າ ສູນລວມບໍລິການທີ່ຮູ້ຈັກກັນແຜ່ຫຼາຍວ່າ ຄືການບໍລິ ການຜ່ານປະຕູດຽວ ເຊິ່ງລັດຖະບານມາເລເຊຍລິເລີ່ມຈັດທຳຂື້ນມາຫຼາຍສິບປີມາແລ້ວ ເພື່ອອຳນວຍຄວາມສະດວກ ໃຫ້ແກ່ປະຊາຊົນໃນການຕິດຕໍ່ກັບທາງລັດຖະການ ໃຫ້ສາມາດໃຊ້ບໍລິການຕ່າງໆ ຂອງລັດໄດ້ຫຼາຍໆຢ່າງໃນເວລາ ດຽວກັນ ໂດຍຈັດສູນລວມການໃຫ້ບໍລິການໄວ້ໃນຈຸດຕ່າງໆ ທີ່ປະຊາຊົນສະດວກໃນການຕິດຕໍ່ ໂດຍໃນແຕ່ລະສູນ ຈະສາມາດໃຫ້ບໍລິການແກ່ປະຊາຊົນໄດ້ຫຼາຍປະເພດ ເຊິ່ງແນວຄວາມຄິດເລື່ອງການບໍລິການຜ່ານປະຕູດຽວນີ້ໄດ້ຮັບ ຄວາມສົນໃຈ ແລະ ນິຍົມແພ່ຫຼາຍໃນປັນຈຸບັນຈຶ່ງມີສູນທີ່ໃຫ້ບໍລິການໃນລັກສະນະນີ້ຫຼາຍປະເພດ ດັ່ງນີ້ :

          1. One Stop Bill Payment Centers ເປັນສູນບໍລິການຮັບຊຳລະເງິນຄ່າໃຊ້ຈ່າຍຕ່າງໆ ເຊິ່ງສ່ວນ ໃຫຍ່ຈະເປັນຄ່າບໍລິໂພກ ເຊັ່ນ : ຄ່ານ້ຳປະປາ, ຄ່າໄຟຟ້າ, ຄ່າໂທລະສັບ ເປັນຕົ້ນແມ່ນທະນາຄານຕ່າງໆ ໃນບ້ານເຮົາ ຈະໃຫ້ບໍລິການໃນດ້ານນີ້ ແຕ່ວ່າໃນໃນມາເລຍເຊຍນັ້ນເປັນໜ່ວຍງານຂອງລັດຮ່ວມມືກັນໃຫ້ບໍລິການໄດ້ແກ່ : ໄປສະນີ, ໂທລະຄົມ, ນ້ຳປະປາ, ໄຟຟ້າ ແລະ ເທດສະບານ ເປັນຕົ້ນ ສະນັ້ນ, ຖ້າຕ້ອງການຈ່າຍຄ່າຕ່າງໆ ດັ່ງກ່າວ ຂ້າງເທິງນັ້ນ ຄົນມາເລຍເຊຍກໍອາດຈະໄປທີ່ໄປສະນີໃກ້ບ້ານ ຫຼື ໄປເທດສະບານ ຫຼື ສຳນັກງານນ້ຳປະປາ ແລ້ວແຕ່ສະດວກ ກໍສາມາດຈ່າຍໄດ້ທັງໝົດລາຍການທີ່ວ່ານັ້ນໃນບ່ອນດຽວ.

          2. Public Service Network ເປັນການປະຕິບັດງານໂດຍໃຊ້ຄອມພິວເຕີມາຊ່ວຍອຳນວຍຄວາມ ສະດວກໃຫ້ແກ່ປະຊາຊົນໃນດ້ານການຕໍ່ທະບຽນລົດ, ຕໍ່ທະບຽນໃບຂັບຂີ່, ຕໍ່ອາຍຸໃບທະບຽນປະກອບການຄ້າ ແລະ ອື່ນໆ ໂດຍລັດຖະບານມາເລເຊຍໄດ້ຕິດຕັ້ງຄອມພິວເຕີໄວ້ບ່ອນເຮັດວຽກຂອງໄປສະນີທຸກແຫ່ງ ດ້ວຍເຫດ ຜົນທີ່ວ່າໄປສະນີມີຢູ່ທົ່ວໄປ ຈຶ່ງສະດວກຕໍ່ກັບປະຊາຊົນໃນການຕິດຕໍ່ ນອກຈາກນີ້ການໃຫ້ບໍລິການໂດຍໃຊ້ເຄື່ອງຄອມ ພິວເຕີຊ່ວຍນີ້ ຍັງເຮັດໄດ້ຢ່າງວ່ອງໄວກວ່າ ແລະ ຜູ້ມາຕິດຕໍ່ສາມາດໃຊ້ບໍລິການຫຼາຍດ້ານໄດ້ ໂດຍການມາຕິດຕໍ່ພຽງ ຄັ້ງດຽວ ໂຄງການນີ້ນັບວ່າເປັນຜົນສຳເລັດ ແລະ ໄດ້ຮັບຄວາມນິຍົມແຜ່ຫຼາຍ.

          3. One stop Licensing Centre ເປັນໂຄງການທີ່ພະຍາຍາມຫຼຸດໄລຍະເວລາ ແລະ ເພີ່ມການອຳນວຍຄວາມສະດວກໃຫ້ແກ່ປະຊາຊົນໃນການຕິດຕໍ່ຂໍຈົດທະບຽນການປະກອບການຕ່າງໆຂອງ Costome and Excise Department ເຊິ່ງຈະຕ້ອງເສີຍພາສີຕາມກົດໝາຍພາສີອາກອນທີ່ຢູ່ໃນຄວາມຮັບຜິດຊອບຂອງໜ່ວຍ ງານນີ້ ເຊີ່ງແຕ່ກ່ອນຈະມີ One stop Licensing Centre ຜູ້ປະກອບການຈະຕ້ອງຜ່ານຂະບວນການດຳເນີນ ການຫຼາຍຂັ້ນຕອນ ຫຼາຍໜ່ວຍງານ ຈຶ່ງຈະໄດ້ຮັບໃບອະນຸຍາດ ແຕ່ເມື່ອມີ One stop Licensing Centre ກໍ່ສາມາດເຮັດໃຫ້ໄວຂື້ນ ໂດຍຜູ້ປະກອບການບໍ່ຈຳເປັນຕ້ອງໄປວິ່ງເຕັ້ນນຳເລື່ອງຕາມໜ່ວຍງານຕ່າງໆ ແຕ່ສາມາດຕິດຕໍ່ໄດ້ທີ່ One stop Licensing Centre ແຫ່ງໃດແຫ່ງໜື່ງ.

          4. One Stop Investment Service ເກີດຈາກແນວຄິດສະໜັບສະໜຸນການລົງທຶນ ດ້ວຍການອຳນວຍຄວາມສະ ດວກໃນດ້ານການໃຫ້ຂໍ້ມູນຂ່າວສານທີ່ຈະເປັນປະໂຫຍດຕໍ່ການລົງທຶນ ແລະ ອຳນວຍຄວາມສະດວກໃນການຂໍຈົດ ທະບຽນລົງທຶນໃນໂຄງການຕ່າງໆ ຂອງນັກລົງທຶນ ໂດຍທີ່ນັກລົງທຶນບໍ່ຕ້ອງເດີນທາງໄປຕິດຕໍ່ກັບຫຼາຍໆໜ່ວຍງານ ທີ່ກ່ຽວຂ້ອງ ແຕ່ສາມາດເຮັດໄດ້ທຸກຢ່າງໃນສະຖານທີ່ແຫ່ງດຽວ.

          5. One Stop Counter Service ເປັນການລວມກຸ່ມໃຫ້ບໍລິການດ້ານຕ່າງໆ ຂອງລັດໃຫ້ຢູ່ໃນອາ ຄານດຽວກັນ ເຊັ່ນ : ວຽກງານສະຫວັດດີການສັງຄົມ, ວຽກງານໂຍທາທິການ, ວຽກງານລະບາຍນ້ຳ ແລະ ວຽກງານທະບຽນສົມລົດ ເປັນຕົ້ນ ໂດຍຍຶດຖືແນວຄິດທີ່ຈະອຳນວຍຄວາມສະດວກໃຫ້ບໍລິການແກ່ປະຊາຊົນໃນ ຫຼາຍໆ ເລື່ອງ ພາຍໃນການບໍລິການດຽວກັນ.

          ແຮມເມີ ແລະ ແຊມປີ້ (Hammer and Champy) ອ້າງຈາກ ສຸລະກຽດ ລິ່ມຈະເລີນ 2003 ໜ້າ 1-5 ໄດ້ໃຫ້ຄວາມໝາຍຂອງການບໍລິການຜ່ານປະຕູດຽວວ່າ ໝາຍເຖິງ ການເຮັດວຽກທີ່ໃຫ້ບໍລິການທັງໝົດທີ່ກ່ຽວ ຂ້ອງ ມາລວມໃຫ້ບໍລິການຢູ່ສະຖານທີ່ດຽວກັນໃນລັກສະນະທີ່ສົ່ງຕໍ່ວຽກງານກັນໃນທັນທີ ຫຼື ສຳເລັດໃນຂັ້ນຕອນ ຫຼື ໃຈຈຸດໃຫ້ບໍລິການບ່ອນດຽວ ໂດຍມີຈຸດປະສົງເພື່ອໃຫ້ການບໍລິການມີຄວາມວ່ອງໄວ ຮູບແບບຂອງການໃຫ້ບໍລິ ການຜ່ານປະຕູດຽວທີ່ສຳຄັນມີຢູ່ 2 ລັກສະນະ ຄື :

          ຮູບແບບທີ່1 : ການນຳຫຼາຍໆໜ່ວຍງານມາລວມກັນໃຫ້ບໍລິການຢູ່ສະຖານທີ່ດຽວກັນ ເປັນການນຳເອົາ ວຽກງານທີ່ມີຫຼາຍຂັ້ນຕອນທີ່ຕ້ອງຜ່ານຫຼາຍໜ່ວຍງານມາລວມກັນໄວ້ໃຫ້ບໍລິການຢູ່ໃນສະຖານທີ່ດຽວກັນ ຊຶ່ງປະ ໂຫຍດທີ່ເກີດຂື້ນຄື : ຊ່ວຍຫຼຸດໄລຍະເວລາຂອງການໃຫ້ບໍລິການໃຫ້ຫຼຸດໜ້ອຍລົງ ເຊັ່ນວ່າ ແທນທີ່ຈະມີການສົ່ງຕໍ່ ວຽກລະຫວ່າງໜ່ວຍງານທີ່ກ່ຽວຈ້ອງໃນການໃຫ້ບໍລິການ ຊຶ່ງຈະຕ້ອງໃຊ້ເວລາໃການເດີນທາງຂອງເອກະສານລະ ຫວ່າງໜ່ວຍງານ ກໍ່ເປັນການນຳເຈົ້າໜ້າທີ່ຂອງຫຼາຍໜ່ວຍງານທີ່ກ່ຽວຂ້ອງມາເຮັດວຽກລວມກັນຢູ່ຈຸດດຽວກັນເພື່ອ ໃຫ້ການສົ່ງຕໍ່ວຽກງານນັ້ນເປັນໄປດ້ວຍຄວາມວ່ອງໄວຂື້ນທັນທີ.

          ຮູບແບບທີ່2 : ກະຈາຍອຳນາດມາໃຫ້ໜ່ວຍງານໃດໜ່ວຍງານໜື່ງເຮັດໜ້າທີ່ໃຫ້ບໍລິການຜ່ານປະຕູດຽວ ເປັນການກະຈາຍອຳນາດໄປໃຫ້ເຈົ້າໜ້າທີ່ຂອງໜ່ວຍງານໃດໜ່ວຍງານໜື່ງເປັນຜູ້ທີ່ເຮັດໜ້າທີ່ໃຫ້ບໍລິການແທນທັງ ໝົດ ໂດຍມີເຈົ້າໜ້າທີ່ພຽງຄົນດຽວເຮັດໜ້າທີ່ໃຫ້ບໍລິການຜ່ານປະຕູດຽວທັງໝົດ ຊຶ່ງຮູບແບບນີ້ແຕກຕ່າງຈາກຮູບ ແບບທຳອິດ ຄື : ຂະນະທີ່ຮູບແບບທຳອິດຍັງມີເຈົ້າໜ້າທີ່ຂອງຫຼາຍໜ່ວຍງານມາໃຫ້ບໍລິການຕາມໜ້າທີ່ທີ່ຮັບຜິດ ຊອບຢູ່ ພຽງແຕ່ນຳເຈົ້າໜ້າທີ່ຂອງໜ່ວຍງານທີ່ກ່ຽວຂ້ອງທັງໝົດມາເຮັດວຽກໃຫ້ບໍລິການລວມກັນຢູ່ໃນສະຖານທີ່ ດຽວກັນ ແຕ່ຮູບແບບນີ້ຈະມີເຈົ້າໜ້າທີ່ຂອງໜ່ວຍງານດຽວເຮັດໜ້າທີ່ໃຫ້ບໍລິການຜ່ານຜະຕູດຽວທັງໝົດ ໂດຍໃຊ້ວິ ທີການໃຫ້ໜ່ວຍງານອື່ນໆ ກະຈ່າຍມາໃຫ້ເພື່ອປະຊາຊົນບໍ່ຕ້ອງຕິດຕໍ່ກັບເຈົ້ນໜ້າທີ່ຫຼາຍຄົນໆ ຕົວຢ່າງຮູບແບບຂອງ ການໃຫ້ບໍລິການຂອງທະນາຄານ ເປັນຕົ້ນ.

          ເມື່ອຜູ້ຮັບບໍລິການມາຕິດຕໍ່ຈະສາມາດດຳເນີນການໄດ້ຢ່າງຮຽບຮ້ອຍດີໄດ້ພຽງຈຸດດຽວ ໂດຍໃຊ້ທັງຂໍ້ມູນ ຂ່າວສານຫຼັກເກນສ່ວນໃຫຍ່ຈະມີຢູ່ໃນຄອມພິວເຕີ ຫຼື ບຸກຄົນໄດ້ຜູ້ທີ່ປ່ຽນແປງແລະນຳຮູບແບບຂອງລະບົບນີ້ ເຊິ່ງໃນປະຈຸບັນຖືວ່າເປັນລະບົບທີ່ມີຄວາມກ້າວໜ້າຫຼາຍ ໂດຍຈະມີລັກສະນະທີ່ສຳຄັນຢູ່ຫຼາຍປະການຄື :

          1. ການເຮັດວຽກໃນລະບົບນີ້ເນັ້ນເລື່ອງຂອງຄວາມວ່ອງໄວ ເພາະສາມາດທີ່ຈະດຳເນີນການທຸກຢ່າງໄດ້ສຳ ເລັດຄົບຖ້ວນສົມບູນໃນເວລທີ່ວ່ອງໄວ.

2. ເປັນຮູບແບບທີ່ໃຊ້ປະໂຫຍດຢ່າງເຕັມທີ່ຈາກເຕັກໂນໂລຊີ (Information Technology) ເຊິ່ງໃນ ປະຈຸບັນໄດ້ກ້າວໜ້າໄປໄກ.

          3. ເປັນການໃຫ້ອຳນາດແກ່ບຸກຄະລາກອນໃນການຕັດສິນໃຈ, ໃຊ້ດຸນພິນິດສັ່ງການດ້ວຍຕົນເອງບໍ່ຈໍາເປັນຕ້ອງສະເໜີຂື້ນໄປຍັງລະດັບສູງ.

          4. ລະດັບການສຶກສາຂອງບຸກຄະລາກອນ ຊຶ່ງເມື່ອກ່ອນຜູ້ປະຕິບັດວຽກງານທີ່ໃຫ້ບໍລິການ ຫຼື ຕິດຕໍ່ກັບປະ ຊາຊົນເປັນຜູ້ທີ່ມີການສຶກສາບໍ່ທັນສູງ ຕັດສິນໃຈບໍ່ເປັນ ປະຈຸບັນພະນັກງານລັດຖະກອນສ່ວນໃຫຍ່ສຳເລັດການສຶກສາໃນລະດັບທີ່ສູງພໍສົມຄວນແລ້ວ ຊຶ່ງລະບົບການເຮັດວຽກໃໝ່ນີ້ຈຳເປັນຕ້ອງໄດ້ຮັບການສະໜັບສະໜູນຢ່າງໜ້ອຍ 5 ປະການ ຄື :

                   - ເຕັກໂນໂລຊີ.

                   - ການສະໜັບສະນູນຂໍ້ມູນພື້ນຖານຕາມຫຼັກເກນຕ່າງໆ ທີ່ສາມາດນຳມາໃຊ້ປະກອບການຕັດສິນ ໃຈຂອງຄົນທີ່ໃຫ້ບໍລິການ.

                   - ການໃຫ້ການສຶກສາ ແລະ ຝຶກອົບຮົມແກ່ຜູ່ປະຕິບັດວຽກງານ.

                   - ຄຸນນະພາບຂອງຄົນລະດັບກາສຶກສາທີ່ສູງຂື້ນ.

                   - ການຈັດອົງກອນໃນລັກສະນະຂອງກຸ່ມງານ ຫຼື ທີມງານທີ່ສາມາດຈະແນະນຳຊ່ວຍເຫຼືອຊຶ່ງກັນ ແລະ ກັນໄດ້.

 

         ການໃຫ້ບໍລິການຜ່ານປະຕູດຽວຖືວ່າເປັນເລື່ອງສຳຄັນ 4 ປະການ ຄື:

         ປະການທຳອິດ ຄືຕ້ອງກຳນົດໃຫ້ມີການບໍລິການປະຊາຊົນໃນສະຖານທີ່ແຫ່ງດຽວ ເພື່ອເປັນສູນລວມ ດ້ານການໃຫ້ບໍລິການທຸກຢ່າງທີ່ກ່ຽວຂ້ອງ.

         ປະການທີ່ສອງ ຕ້ອງຢຶດຫຼັກທີ່ວ່າຜູ້ໄປຕິດຕໍ່ວຽກງານທາງລັດຖະການໄດ້ຮັບການບໍລິການບ່ອນດຽວໃນເວລາດຽວກັນໂດຍບໍ່ຕ້ອງກັບໄປກັບມາຕິດຕໍ່ຫຼາຍຄັ້ງຊໍ້າຊ້ອນກັນຫຼາຍຄັ້ງ.

         ປະການທີ່ສາມ ການໃຫ້ບໍລິການຕ້ອງມີການພົວພັນທີ່ດີ ແລະ ປະສົມປະສານກັນຢ່າງເໝາະສົມໂດຍສະເພາະກໍລະນີທີ່ວຽກງານບໍລິການຕ່າງໆບໍ່ສາມາດໃຫ້ແລ້ວພາຍໃນເວລາດຽວກັນ ຈະຕ້ອງກຳນົດແນວທາງການປະຕິບັດຢ່າງຮັດກຸ່ມ ແລະ ເໝາະສົມ ຕະຫຼອດຮອດຕ້ອງຊີ້ແຈງຜູ້ມາຕິດຕໍ່ປະສານງານໃຫ້ຮູ້ຢ່າງຊັດເຈນວ່າຕ້ອງດຳເນີນການແນວໃດ ເພື່ອການມາຂໍຕິດຕໍ່ຂໍຮັບບໍລິການໃນຄັ້ງຕໍ່ໄປ ໂດຍຈະບໍ່ໄດ້ຜິດຫວັງກັບໄປກັບມາອີກ.

 

         ປະການສຸດທ້າຍ ໄລຍະເວລາທີ່ປະຊາຊົນໃຊ້ໃນການຕິດຕໍ່ຂໍຮັບບໍລິການນ້ອຍທີ່ສຸດ ດັ່ງນັ້ນ,ແນວທາງການໃຫ້ບໍລິການປະຊາຊົນຜ່ານບໍລິການຜ່ານປະຕູດຽວ ຈຶ່ງເປັນການສ້າງລະບົບການປະຕິບັດວຽກງານຂອງເຈົ້າໜ້າທີ່ໃຫ້ເກີດປະສິດທິພາບ ໂດຍເນັ້ນຄວາມຕ້ອງການຂອງປະຊາຊົນໃຫ້ໄດ້ຮັບບໍລິການດ້ວຍຄວາມພຶງພໍໃຈຫຼາຍທີ່ສຸດເທົ່າທີ່ຈະເຮັດໄດ້.

          ຈາກແນວຄວາມຄິດດັ່ງກ່າວ ອາດສະຫຼຸບໄດ້ວ່າ ວຽກງານການບໍການຜ່ານປະຕູດຽວ ໝາຍເຖິງການບໍລິ ການທີ່ອຳນວຍຄວາມສະດວກໃຫ້ແກ່ຜູ້ມາຕິດຕໍ່ພົວພັນ ໃຫ້ສາມາດບໍລິການຈາກໜ່ວຍງານຕ່າງໆໄດ້ ທີ່ແຫ່ງດຽວ ໂດຍບໍ່ຈຳເປັນຕ້ອງໄປຕິດຕໍ່ໜ່ວຍງານຫຼາຍ ໆ ແຫ່ງ ຊຶ່ງຈະເຮັດໃຫ້ຜູ້ຮັບບໍລິການໄດ້ຮັບຄວາມສະດວກສະບາຍໃນ ການຕິດຕໍ່ເປັນການປະຫຍັດເວລາຂອງຜູ້ຮັບບໍລິການ ແລະ ຍັງເປັນການຫຼຸດພາລະການໃຊ້ຈ່າຍຂອງໜ່ວຍງານ ໂດຍສາມາດທີ່ຈະໃຊ້ຮ່ວມກັນທັງໃນສະຖານທີ່ ແລະ ບຸກຄະລາກອນ.

 

2.3   ຫຼັກການຂອງການບໍລິການຜ່ານປະຕູດຽວ

         ຫຼັກການຂອງການບໍລິການຜ່ານປະຕູດຽວແມ່ນປະຕິບັດຕາມຫຼັງການດັ່ງນີ້ :

1.  ກຳນົດຂັ້ນຕອນຂອງການແກ້ໄຂ ແລະ ຈໍລະຈອນເອກະສານຈະຕ້ອງກະທັດຮັດ, ຈະແຈ້ງ, ງ່າຍດາຍ ແລະສອດຄ່ອງກັບກົດໝາຍ.

2.  ສິດ, ໜ້າທີ່ ແລະ ຄວາມຮັບຜິດຊອບຂອງອົງການປົກຄອງທ້ອງຖິ່ນແຕ່ລະຂັ້ນ, ແຕ່ລະພາກສ່ວນທີ່ ກ່ຽວຂອງ ແລະ ລະບົບການພົວພັນປະສານງານຂອງພາກສ່ວນດັ່ງກ່າວຕ້ອງຈະແຈ້ງ.

3.  ທຸກລະບຽບການບໍລິການ, ຄ່າທຳນຽມ ແລະ ກຳນົດໄລຍະເວລາຕ້ອງຕິດປະກາດໄວ້ຢ່າງເປີດເຜີຍ ໃຫ້ຜູ້ມາພົວພັນວຽກງານໄດ້ຮຽນຮູ້ ແລະ ໄດ້ເຫັນຢ່າງຈະແຈ້ງ.

4.  ຮັບຄຳຮ້ອງ, ຄຳສະເໜີ ຫຼື ເອກະສານຕ່າງໆ ຂອງປະຊາຊົນຢູ່ພຽງຈຸດດຽວ.

5.  ການພົວພັນ-ປະສານງານກັນລະຫວ່າງສ່ວນຕ່າງໆ ຂອງລັດ ເພື່ອແກ້ໄຂຄຳສະເໜີຂອງປະຊາຊົນແມ່ນ ໜ້າທີ່ ແລະ ຄວາມຮັບຜິດຊອບຂອງອົງການຈັດຕັ້ງລັດ, ຫຼີກເວັ້ນບໍ່ໃຫ້ປະຊາຊົນໄປແລ່ນວິ່ງເຕັ້ນເອກະ ສານດ້ວຍຕົນເອງ.

6.  ແກ້ໄຂວຽກງານໃຫ້ມີຄວາມສະດວກ, ວ່ອງໄວ ແລະ ທັນເວລາ.

 

           ການປະຕິບັດກົນໄກການບໍລິການຜ່ານປະຕູດຽວ ແນໃສ່ປັບປຸງການພົວພັນລະຫວ່າງ ອົງການບໍລິຫານລັດກັບອົງການຈັດຕັ້ງຕ່າງໆ ແລະ ປະຊາຊົນໃຫ້ມີການປ່ຽນແປງໃໝ່ຢ່າງເລິກເຊິ່ງ, ຫຼຸດຜ່ອນຄວາມຫຍຸ້ງຍາກລຳຄານໃຈແກ່ໃຫ້ປະຊາຊົນ; ຕ້ານ ແລະ ສະກັດກັ້ນພະ ຍາດອາດຍາສິດ, ສໍ້ລາດບັງຫຼວງ, ຮັບສິນບົນໃນຖັນແຖວພະນັກງານ-ລັດຖະກອນ ແລະ ແນໃສ່ຍົກສູງຄວາມສັກສິດ ແລະ ປະສິດທິຜົນຂອງການຄຸ້ມຄອງບໍລິຫານລັດ (ຄູ່ມືການຈັດຕັ້ງປະຕິບັດກົນໄກບໍລິການຜ່ານປະຕູດຽວ 2013, 31 ພຶດສະພາ).

           ບັນດາຂົງເຂດວຽກງານທີ່ພົວພັນເຖິງການບໍລິການ, ການຂໍອະນຸຍາດຕ່າງໆ ໃຫ້ນໍາເຂົ້າການບໍລິການຜ່ານປະຕູດຽວບົນພື້ນຖານການແບ່ງຂັ້ນຄຸ້ມຄອງ ແລະ ຂອບເຂດຄວາມຮັບຜິດຊອບຢ່າງຈະແຈ້ງ(ຄຳສັ່ງຂອງນາຍົກລັດຖະມົນຕີວ່າດ້ວຍການເພີ່ມທະວີການຈັດຕັ້ງປະຕິບັດກົນໄກການບໍລິການຜ່ານປະຕູດຽວໃນຂອບເຂດທົ່ວປະເທດ 2013, 28 ກຸມພາ) ເຊັ່ນ :

           j ຂັ້ນກະຊວງ, ອົງການທຽບເທົ່າກະຊວງ:

           - ການອອກອະນຸຍາດການລົງທຶນ ພາຍໃນ ແລະ ຕ່າງປະເທດ;

           - ການອອກໜັງສືຜ່ານແດນ;

           - ການອອກອະນຸຍາດຈົດທະບຽນວິສາຫະກິດ, ທະບຽນອາກອນ;

           - ການອະນຸຍາດຄວັດຕາປະທັບ

           - ການຄຸ້ມຄອງການຂົນສົ່ງ, ພາຫະນະ ແລະ ການປຸກສ້າງ;

           - ການບໍລິການແຈ້ງພາສີອາກອນ;

           - ການຄຸ້ມຄອງ ແລະ ການນໍາໃຊ້ທີ່ດິນ;

           - ການຄຸ້ມຄອງ ແລະ ການນໍາໃຊ້ຊັບພະຍາກອນປ່າໄມ້;

           - ການຄຸ້ມຄອງສິ່ງແວດລ້ອມ;

           - ການຄຸ້ມຄອງແຮງງານ, ການຝຶກອົບຮົມວິຊາຊີບ, ການພັດທະນາສີມືແຮງງານ, ການສົ່ງເສີມການມີວຽກເຮັດງານທຳ ແລະ ສະຫວັດດີການສັງຄົມ;

           - ວຽກງານຄຸ້ມຄອງລັດຖະກອນ;

           - ການອະນຸຍາດສ້າງຕັ້ງສະມາຄົມ, ມູນນິທິ;

           - ວຽກອື່ນໆ ໂດຍອີງຕາມສະພາບ ແລະ ຈຸດພິເສດຂອງແຕ່ລະກະຊວງ, ອົງການ.

           k ຂັ້ນແຂວງ, ນະຄອນ:

           - ການອອກອະນຸຍາດການລົງທຶນ ພາຍໃນ ແລະ ຕ່າງປະເທດ;

           - ການອອກບັດຜ່ານແດນ ແລະ ບັດປະຈໍາຕົວ;

           - ການອອກອະນຸຍາດຈົດທະບຽນວິສາຫະກິດ, ທະບຽນອາກອນ;

           - ການຄຸ້ມຄອງການຂົນສົ່ງ, ພາຫະນະ-ການຂັບຂີ່ ແລະ ການປຸກສ້າງ;

           - ການບໍລິການແຈ້ງພາສີອາກອນ;

           - ການຄຸ້ມຄອງ ແລະ ນໍາໃຊ້ທີ່ດິນ;

           - ການຄຸ້ມຄອງ ແລະ ນໍາໃຊ້ຊັບພະຍາກອນປ່າໄມ້;

           - ການຄຸ້ມຄອງສິ່ງແວດລ້ອມ;

           - ການຄຸ້ມຄອງແຮງງານ. ການຝຶກອົບຮົມວິຊາຊີບ. ການພັດທະນາສີມືແຮງງານ, ການສົ່ງເສີມການມີວຽກເຮັດງານທຳ ແລະ ສະຫວັດດີການສັງຄົມ;

           - ວຽກງານຄຸ້ມຄອງລັດຖະກອນ;

           - ການສ້າງຕັ້ງສະມາຄົມ, ມູນນິທິ;

           - ວຽກທະບຽນຄອບຄົວ;

           - ວຽກວັດທະນະທໍາ ແລະ ທ່ອງທ່ຽວ (ທຸລະກິດໂຮງແຮມ, ເຮືອນພັກ, ຮ້ານອາຫານ ແລະ ອື່ນໆ);

           - ວຽກງານສຶກສາ ແລະ ກິລາ (ໂຮງຮຽນ, ສະໜາມກິລາຂະໜາດນ້ອຍຂອງເອກະຊົນ ແລະ ອື່ນໆ);

           - ວຽກອື່ນໆໂດຍອີງຕາມສະພາບ ແລະ ຈຸດພິເສດຂອງແຕ່ລະແຂວງ, ນະຄອນຫຼວງວຽງຈັນ.

           l ຂັ້ນເມືອງ, ເທດສະບານ:

           - ການອະນຸຍາດຈົດທະບຽນວິສາຫະກິດ, ທະບຽນອາກອນ;

           - ການຄຸ້ມຄອງການຂົນສົ່ງ, ພາຫະນະ ແລະ ການປຸກສ້າງ;

           - ການບໍລິການແຈ້ງພາສີ, ອາກອນ;

           - ການຄຸ້ມຄອງ ແລະ ນໍາໃຊ້ທີ່ດິນ;

           - ການຄຸ້ມຄອງ ແລະ ນໍາໃຊ້ຊັບພະຍາກອນປ່າໄມ້;

           - ການຄຸ້ມຄອງສິ່ງແວດລ້ອມ;

           - ການຄຸ້ມຄອງແຮງງານ, ການຝຶກອົບຮົມວິຊາຊີບ. ການພັດທະນາສີມືແຮງງານ, ການສົ່ງເສີມການມີວຽກເຮັດງານທຳ ແລະ ສະຫວັດດີການສັງຄົມ;

           - ວຽກງານຄຸ້ມຄອງລັດຖະກອນ;

           - ວຽກງານທະບຽນຄອບຄົວ;

           - ວຽກງານສໍາມະໂນຄົວ;

           - ວຽກວັດທະນະທຳ ແລະ ທ່ອງທ໋ຽວ (ທຸລະກິດເຮືອນພັກ, ຮ້ານອາຫານ ແລະ ອື່ນໆ);

           - ວຽກງານສຶກສາ ແລະ ກິລາ (ໂຮງຮຽນ, ສະໜາມກິລາຂະໜາດນ້ອຍຂອງເອກະຊົນ ແລະ ອື່ນໆ);

           - ວຽກອື່ນໆໂດຍອີງຕາມສະພາບ ແລະ ຈຸດພິເສດຂອງແຕ່ລະເມືອງ, ເທດສະບານ.

 

      2.3.1 ທີ່ຕັ້ງຂອງໜ່ວຍງານການບໍລິການຜ່ານປະຕູດຽວ.

               ໜ່ວຍງານບໍລິການຜ່ານປະຕູດຽວ ແມ່ນການຈັດຕັ້ງໜຶ່ງຂອງອົງການປົກຄອງແຕ່ລະຂັ້ນ, ຢູ່ຂັ້ນແຂວງມີໜ່ວຍງານການບໍລິການຜ່ານປະຕູດຽວຢູ່ຫ້ອງວ່າການແຂວງ ແລະ ຫ້ອງການຂອງພະແນກການຂອງແຂວງ, ພາຍໃຕ້ການຊີ້ນຳຂອງຫົວໜ້າຫ້ອງການປົກຄອງແຂວງ ແລະ ຫົວໜ້າຫ້ອງການພະແນກການແຂວງ. ຢູ່ຂັ້ນເມືອງມີໜ່ວຍງານບໍລິການຜ່ານປະຕູດຽວຢູ່ຫ້ອງວ່າການປົກຄອງເມືອງ, ຫ້ອງວ່າການປົກຄອງເທດສະບານເຊິ່ງຢູ່ພາຍໃຕ້ການຊີ້ນຳຮອດດ້ານຂອງຫົວນ້າຫ້ອງວ່າການປົກຄອງເມືອງ ແລະ ຫົວໜ້າຫ້ອງວ່າການເທດສະບານ

      2.3.2 ພາລະບົດບາດຂອງໜ່ວຍງານການບໍລິການຜ່ານປະຕູດຽວ.

               ໜ່ວຍງານການບໍລິການຜ່ານປະຕູດຽວມີພາລະບົດບາດເຮດໜ້າທີ່ບໍລິການປະຊາຊົນ ຫຼື ການຈັດຕັ້ງໃນການຮັກສາເອກະສານ, ໜັງສືສະເໜີ ແລະ ຄຳຮ້ອງຕ່າງໆຂອງປະຊາຊົນ, ປະສານສົມທົບກັບພາກສ່ວນທີ່ກ່ຽວ ຂ້ອງຄົ້ນຄວ້າແກ້ໄຂເອກະສານ, ໜັງສືສະເໜີ ແລະ ຄຳຮ້ອງຕ່າງໆຂອງປະຊາຊົນແລ້ວສົງຜົນຕອບຄືນໃຫ້ແກ່ປະ ຊາຊົນຕາມລະບຽບກົດໝານທີ່ກຳນົດໄວ້.

 

ຕົວຢ່າງ: ສາຍໄຍກົງຈັກການຈັດຕັ້ງຂອງໜ່ວຍງານບໍລິການປະຕູດ່ຽວຂັ້ນເມືືອງ

ເຈົ້າເມືອງ

ຫົວໜ້າຫ້ອງວ່າການປົກຄອງເມືອງ

ຫົວໜ້າຫ້ອງການຂະແໜງການ

ຫົວໜ້າຫ້ອງການຂະແໜງການ

ຫົວໜ້າຫ້ອງການຂະແໜງການ

ໜ່ວຍງານບໍລິການຜ່ານປະຕູດຽວ

 

 

          2.3.3 ໜ້າທີ່ ແລະ ຄວາມຮັບຜິດຊອບຂອງຫ້ອງວ່າການປົກຄອງແຂວງ, ພະແນກຂອງແຂວງ ແລະ ອົງການປົກຄອງເມືອງ.

               1. ຮັບຮອງເອົາການສ້າງຕັ້ງຈຸດບໍລິການຜ່ານປະຕູດຽວ ແລະ ຮັບປະກັນຄວາມຍືນຍົງຂອງຈຸດບໍລິການຜ່ານປະຕູດຽວໃນໄລຍະຍາວ

               2. ສະໜອງວັດຖຸອຸປະກອນທີ່ຈຳເປັນ ເພື່ອເຮັດໃຫ້ການບໍລິການປະຕູດຽວສາມາດດຳເນີນການໄດ້ຢ່າງເປັນປົກກະຕິ

               3. ຮັບຜິດຊອບຕໍ່ການປະຕິບັດໜ້າທີ່ຂອງໜ່ວຍງານບໍລິການຜ່ານປະຕູດຽວ ໂດຍມີການຕິດຕາມກວດກາ ປະເມີນຜົນການປະຕິບັດໜ້າທີ່ໃຫ້ຖືກຕ້ອງຕາມລະບຽບການ

               4. ຄຸ້ມຄອງບຸກຄະລາກອນຂອງໜ່ວຍງານບໍລິການປະຕູດຽວ, ຕົກລົງບັນຫາສັບຊ້ອນບຸກຄະລາກອນ ເຂົ້າໃນໜ່ວຍງານບໍລິການປະຕູດຽວ

               5. ຕົກລົງໃຫ້ມີການປ່ຽນແປງທີ່ມີຄວາມໝາຍສຳຄັນ ໃນອົງການຈັດຕັ້ງໜ່ວຍງານບໍລິການຜ່ານປະຕູດຽວ ຕົວຢ່າງ: ໃຫ້ມີການເພີ່ມການບໍລິການເຂົ້າໃໝ່ຫຼືອືືນໆ

               6. ຮັບຟັງລາຍງານເປັນປະຈຳ ຈາກຫົວໜ້າຂະແໜງການຂອງຫ້ອງວ່າການປົກຄອງແຂວງ, ຫົວໜ້າຫ້ອງການບໍລິຫານຂອງພະແນກການຂອງແຂວງ, ຫົວໜ້າຫ້ອງວ່າການປົກຄອງເມືອງ/ເທດສະບານ.

               7. ປະສານສົມທົບກັບບັນດາພາກສ່ວນຕ່າງໆ ເພື່ອແກ້ໄຂບັນຫາທີ່ເກີດຂື້ນໃນການບໍລິການ ແລະ ການພິຈາລະນາແກ້ໄຂເອກະສານ ຕາມຂອບເຂດສິດຂອງຕົນ.

               8. ປະສານສົມທົບກັບບັນດາຫົວໜ້າຫ້ອງການວິຊາການແກ້ໄຂບັນຫານຕ່າງໆທີ່ເກີດຂື້ນໃນການບໍລິການ ແລະ ການພິຈາລະນາແກ້ໄຂເອກະສານ ຕາມຂອບເຂດສິດຂອງຕົນ.

 

      2.3.4  ຄວາມຮັບຜິດຊອບຂອງບັນດາຫ້ອງການວິຊາການ

 

               1. ຮ່ວມກັບພາກສ່ວນທີ່ກ່ຽວຂ້ອງກຳນົດລະບຽບການ/ຂັ້ນຕອນ, ການແກ້ໄຂເອກະສານ, ກຳນົດເວລາ, ຄ່າທຳນຽມ, ຄ່າບໍລິການຕ່າງໆ

               2. ພາຍຫຼັງທີ່ໄດ້ຮັບສຳນວນຄຳຮ້ອງຈາກໜ່ວຍງານບໍລິການຜ່ານປະຕູດຽວ ຫ້ອງການວິຊາການມີໜ້າທີ່ດຳເນີນການຄົ້ນຄວ້າ ພິຈາລະນາຄຳຮ້ອງຕາມການສະເໜີຂອງປະຊາຊົນ ແລະນຳສະເໜີຕໍ່ຜູ້ມີສິດແກ້ໄຂ ລົງລາຍເຊັນຕາມລະບຽບການ. ໃນກໍລະນີທີ່ຕ້ອງການໃຫ້ເຈົ້າຂອງເອກະສານເຂົ້າມາຊີ້ແຈງບັນຫາທີ່ຈຳເປັນກໍ່ໃຫ້ເຮັດໜັງສືເຊີນຢ່າງເປັນທາງການ ໂດຍລະບຸແຈ້ງວັນເວລານັດໝາຍ ແລະ ເນື້ອໃນທີ່ຊີ້ແຈງຢ່າງຈະແຈ້ງ

               3. ພາຍຫຼັງທີ່ເອກະສານໄດ້ຮັບການພິຈາລະນາແກ້ໄຂແລ້ວ ຫ້ອງການວິຊາການຕ້ອງເຊັນສົ່ງມອບເອກະສານໃຫ້ໜ່ວຍງານບໍລິການຜ່ານປະຕູດຽວ ເພື່ອສົ່ງໃຫ້ເຈົ້າຂອງເອກະສານຕາມວັນເວລາທີ່ໄດ້ກຳນົດ. ໃນກໍລະນີການແກ້ໄຂເອກະສານຖືກຊັກຊາຕ້ອງແຈ້ງໃຫ້ໜ່ວຍງານບໍລິການປະຕູດຽວ ເພື່ອແຈ້ງໃຫ້ເຈົ້າຂອງເອກະສານຊາບເຖິງສາເຫດ ແລະ ກຳນົດວັນເວລາຮັບເອົາເອກະສານໃໝ່. ບໍ່ອານຸຍາດໃຫ້ຫ້ອງການວິຊາການຮັບເອົາເອກະສານຄຳຮ້ອງ ແລະ ສົ່ງເອກະສານທີ່ໄດ້ຮັບການແກ້ໄຂແລ້ວໃຫ້ເຈົ້າຂອງເອກະສານໂດຍກົງ

               4. ແນະນຳລະບຽບການ ແລະ ວຽກງານທີ່ພົວພັນດ້ານວິຊາການໃຫ້ແກ່ພະນັກງານຂອງໜ່ວຍງານບໍລິການຜ່ານປະຕູດຽວ, ແຈ້ງ ແລະ ແລກປ່ຽນຂໍ້ມູນຂ່າວສານຕ່າງໆກັບໜ່ວຍງານດັ່ງກ່າວເປັນປະຈຳ.

 

 

 

 

 

 

      2.3.5 ການເຄື່ອນໄຫວຂອງໜ່ວຍງານການບໍລິການຜ່ານປະຕູດຽວ.

 

          ກ. ລະບົບບໍລິຫານວຽກງານຂອງໜ່ວຍງານການບໍລິການຜ່ານປະຕູດຽວ

               ໜ່ວຍງານປະຕູດຽວຕ້ອງຂື້ນແຜນງົບປະມານເຂົ້າໃນການບໍລິຫານ ໃນໜ່ວຍງານປະຕູດຽວຕາມລະບຽບການ ແລະ ສະຫຼຸບລາຍງານປະຈຳເດືອນ, 3 ເດືອນ, 6 ເດືອນ ແລະ 1 ປີ ໃຫ້ແກ່ຫ້ອງວ່າການປົກຄອງ, ຫ້ອງການທີ່ຕົນສັງກັດຢູ່

               ຕໍ່ຂະແໜງການສາຍຕັ້ງ: ເນື່ອງຈາກໜ່ວຍງານປະຕູດຽວປະກອອບມີຫຼາຍວຽກ ແຕ່ລະວຽກ (ດ້ານວິຊາການ) ຕ້ອງຕິດພັນກັບສາຍຕັ້ງຂອງຕົນ ໃນການຄົ້ນຄວ້າແກ້ໄຂເອກະສານ. ສະນັ້ນ, ຫົວໜ້າໜ່ວບງານບໍລິການປະຕູດຽວ ຕ້ອງໄດ້ລາຍງານການເຄື່ອນໄຫວແຕ່ລະວຽກ ໃຫ້ແກ່ຂະແໜງການສາຍຕັ້ງຂອງຕົນຢ່າງເປັນປົກກະຕິ.

 

          ຂ. ການບໍລິການໃຫ້ປະຊາຊົນຂອງໜ່ວຍງານການບໍລິການຜ່ານປະຕູດຽວ

 

               ໜ່ວຍງານບໍລິການຜ່ານປະຕູດຽວ ບໍລິການປະຊາຊົນຄື: ຮັບເອກະສານ, ຕິດຕາມເອກະສານ, ສົ່ງເອກະສານຄືນໃຫ້ປະຊາຊົນ  ຫຼື ການຈັດຕັ້ງຕ່າງໆ

               -   ການຮັບເອກະສານ: ເມື່ອປະຊາຊົນ ຫຼື ອົງການຈັດຕັ້ງມາຍື່ນ ເອກະສານ, ຄຳຮ້ອງຕໍ່ໜ່ວຍງານບໍລິການຜ່ານປະຕູດຽວ ພະນັກງານໜ່ວຍງານບໍລິການຜ່ານປະຕູດຽວ ຮັບເອົາ ແລະ ກວດກາການປະກອບເອກະສານໃຫ້ຄົບຖ້ວນ; ຫຼັງຈາກນັ້ນ, ໜ່ວຍງານບໍລິການຜ່ານປະຕູດຽວ  ຈັດເຂົ້າເລກທີ ແລະ ເຮັດໃບຮັບເອກະສານ ແລະ ນັດວັນມາຮັບເອກະສານ ຄືນຕາມກຳນົດເວລາທີ່ໄດ້ກຳນົດໄວ້.

               -   ການຕິດຕາມການຈໍລະຈອນຂອງເອກະສານ: ພະນັກງານບໍລິການຜ່ານປະຕູດຽວ ສົ່ງເອກະສານທີ່ໄດຮັບມາໃຫ້ຫ້ອງການຂະແໜງການທີ່ກ່ຽວຂ້ອງ ເພື່ອຄົ້ນຄວ້າ ແລະ ແກ້ໄຂຕາມຂັ້ນຕອນ ແລະ ລະບຽບການທີ່ໄດ້ກຳນົດ. ໜ່ວຍງານບໍລິການຜ່ານປະຕູດຽວ ມີປື້ມຕິດຕາມເອກະສານ ເພື່ອຕິດຕາມການແກ້ໄຂເອກະສານ ໃຫ້ຖືກຕ້ອງຕາມກຳນົດເວລາ.

               -   ການສົ່ງເອກະສານຄືນໃຫ້ປະຊາຊົນ: ໜ່ວຍງານບໍລິການຜ່ານປະຕູດຽວ ຕ້ອງສົ່ງເອກະສານຄືນໃຫ້ແກ່ ປະຊາຊົນ ຫຼື ອົງການຈັດຕັ້ງຕາມວັນນັດໝາຍ; ໃນກໍລະນີທີ່ບໍ່ສາມາດສົ່ງເອກະສານຄືນຕາມວັນນັດໝາຍໄດ້ ໜ່ວຍງານບໍລິການຜ່ານປະຕູດຽວ ຈະຕ້ອງເຮັດວັນນັດໝາຍໃໝ່ໃຫ້ແກ່ປະຊາຊົນ ຫຼື ອົງການຈັດຕັ້ງຕ່າງໆ ໂດຍອະທິບາຍເຖິງສາເຫດໃນການຜິດນັດໃຫ້ກັບປະຊາຊົນ ຫຼື ອົງການຈັດຕັ້ງຕ່າງໆໃຫ່ກະຈ່າງແຈ້ງ (ການເຮັດໃບນັດໃໝ່ໃຫ້ກັບປະຊາຊົນແມ່ນບໍ່ໃຫ້ກາຍສອງຄັ້ງ).

               -   ການສຳເນົາເອກະສານ: ໜ່ວຍງານບໍລິການຜ່ານປະຕູດຽວ ຕ້ອງມີການສຳເນົາເອກະສານ ທີ່ປະຊາຊົນ ຫຼື ອົງການຈັດຕັ້ງຕ່າງໆໄວ້ 1 ສະບັບ.

 

         ຄ.  ການເກັບຄ່າທຳນຽມ ແລະ ຄ່າບໍລິການ

 

               -   ການເກັບຄ່າທຳນຽມ: ພະນັກງານໜ່ວຍງານປະຕູດຽວ ເປັນຜູ້ເກັບຄ່າທຳນຽມຕາມລະບຽບກົດໝາຍທີ່ໄດ້ກຳນົດໄວ້, ຈົດເຂົ້າບັນຊີ ແລະ ແຍກຫ່ວງແຕ່ລະປະເພດຄ່າທຳນຽມຢ່າງຈະແຈ້ງ.

               -   ການເກັບຄ່າບໍລິການ: ແມ່ນຄິດໄລ່ຄ່າສິ້ນເປືອງເຈ້ຍສໍ, ຄ່າລົງກວດກາວັດແທກ. ການເກັບບໍລິ ການດັ່ງກ່າວຕ້ອງສອດຄ່ອງກັບມາດຕາ 9 ຂອງກົດໝາຍງົບປະມານ ແລະ ມາດຕາມີ 49 ຂອງດໍາລັດເລກທີ 25 ວ່າດ້ວຍການຈັດຕັ້ງປະຕິບັດກົດໝາຍງົບປະມານ.

 

          ງ. ການໃຫ້ຄຳແນະນຳແກ່ປະຊາຊົນ ຫຼື ອົງການຈັດຕັ້ງຕ່າງໆທີ່ມາໃຊ້ບໍລິການຜ່ານປະຕູດຽວ.

 

               ພະນັກງານບໍລິການຂອງໜ່ວຍງານບໍລິການຜ່ານປະຕູດຽວ ຕ້ອງປະຕິບັດຕົວໃຫ້ເປັນມິດ ແລະ ເອົາໃຈໃສ່ຕໍ່ຄວາມຮຽກຮ້ອງຕ້ອງການຂອງປະຊາຊົນ ຫຼື ອົງການຈັດຕັ້ງຕ່າງໆ ແລະ ສາມາດຕອບຄຳຖາມກ່ຽວກັບການບໍລິການທີ່ເຂົາເຈົ້າສົນໃຈ, ເຮັດໃຫ້ປະຊາຊົນ ຫຼື ອົງການຈັດຕັ້ງຕ່າງໆທີ່ມາໃຊ້ບໍລິການຢ່າງສະດວກ ແລະ ວ່ອງໄວ.

 

2.4     ເອກະສານ ແລະ ນະໂຍບາຍຂອງພັກ-ລັດຖະບານ ທີ່ກ່ຽວຂ້ອງ

 

      2.4.1 ຄຳສັ່ງຂອງນາຍົກລັດຖະມົນຕີ ວ່າດ້ວຍການເພີ່ມທະວີການຈັດຕັ້ງປະຕິບັດກົນໄກການບໍລິການຜ່ານປະຕູດຽວ ໃນຂອບເຂດທົ່ວປະເທດ ເລກທີ 09/ນຍ, ລົງວັນທີ  28/1/2/2013

 

             ຜ່ານການຈັດຕັ້ງປະຕິບັດທົດລອງກົນໄກການບໍລິການຜ່ານປະຕູດຽວ ຕາມຂໍ້ຕົກລົງຂອງນາຍົກລັດຖະ ມົນຕີ ວ່າດ້ວຍການຈັດຕັ້ງປະຕິບັດກົນໄກ ການບໍລິການຜ່ານປະຕູດຽວ ຢູ່ອົງການບໍລິາຫານລັດ ໄນໄລຍະຜຜ່ານມາ ເຫັນວ່າມີຜົນສຳເລັດໃນເບື້ອງຕົ້ນ; ລະບຽບຂັ້ນຕອນການບໍລິຫານຈຳນວນໜື່ງໄດ້ຮັບການສ້າງຂື້ນ ຫຼື ປັບປຸງແກ້ໄຂ ໃຫ້ມີປະສິດທິພາບ ແລະ ວ່ອງໄວດີຂື້ນ; ພະນັກງານ-ລັດຖະກອນມີຄວາມຮັບຜິດຊອບສູງກວ່າເກົ່າ; ປະກົດການ ຫຍໍ້ທໍ້ໃນກົງຈັກໄດ້ຖືກຈຳກັດ ແລະ ແກ້ໄຂເປັນກ້າວໆ ບາງທ້ອງຖິ່ນມີລາຍຮັບເພີ່ມຂື້ນ; ປະຊາຊົນ, ນັກທຸລະກິດ ໄດ້ຮັບການບໍລິການສະດວກ, ວ່ອງໄວກວ່າເກົ່າ, ມີຄວາມນິຍົມຊົມຊອບ ແລະ ມີຄວາມດີໃຈທີ່ເຫັນວ່າພັກ-ລັດເຮົາ ໄດ້ເອົາໃຈໃສ່ຕໍ່ການບໍລິການຮັບໃຊ້ປະຊາຊົນ ແລະ ສັງຄົມດ້ວຍການຈັດຕັ້ງປະຕິບັດ ແລະ ປັບປຸງວຽກງານບໍລິການຜ່ານປະຕູດຽວ.

             ເຖິງຢ່າງໃດກໍຕາມ, ໃນການປະຕິບັດກົນໄກການບໍລິຫານຜ່ານປະຕູດຽວຜ່ານມາ ຍັງມີຈຸດອ່ອນ ແລະ ຂໍ້ຄົງຄ້າງໃນຫຼາຍໆດ້ານ; ຄວາມຮັບຜິດຊອບຂອງຄະນະພັກ, ຄະນະນໍາກະຊວງ, ອົງການຂັ້ນສູນກາງ ແລະ ທ້ອງຖິ່ນຂັ້ນຕ່າງໆຍັງບໍ່ສູງ ຊຶ່ງສະແດງອອກຄື ເຖິງແມ່ນວ່າໄດ້ມີຂໍ້ຕົກລົງຂອງນາຍົກລັດຖະມົນຕີແລ້ວແຕ່ຫຼາຍກະຊວງ, ອົງການຍັງບໍ່ທັນເອົາໃຈໃສ່ຈັດຕັ້ງຜັນຂະຫຍາຍ ແລະ ປະຕິບັດ ຫຼື ຍັງບໍ່ທັນລົງໃກ້ຊິດຕິດແທດ, ຊີ້ນໍາ ແລະ ແນະນໍາຂັ້ນລຸ່ມຂອງຕົນ ດໍາເນີນຢ່າງຈິງຈັງ; ຢູ່ຂັ້ນທ້ອງຖິ່ນ, ມີບາງພະແນກ ຫຼື ບາງເມືອງໄດ້ຈັດຕັ້ງປະຕິບັດ ແຕ່ຄຽງຄູ່ກັນນັ້ນ ກໍ່ຍັງມີຫຼາຍພະແນກ ແລະ ຫຼາຍເມືອງບໍ່ທັນໄດ້ປະຕິບັດ; ການແບ່ງຂັ້ນ, ແບ່ງຄວາມຮັບຜິດຊອບຄຸ້ມຄອງ ລະຫວ່າງຂະແໜງການ ກັບອົງການປົກຄອງທ້ອງຖິ່ນ ບໍ່ທັນຈະແຈ້ງ ແລະ ຂາດຕົວ, ຊຶ່ງເຮັດໃຫ້ການບໍລິການຜ່ານປະຕູດຽວຢູ່ບາງແຂວງ ຫຼື ເມືອງບໍ່ສາມາດເຄື່ອນໄຫວໄດ້; ຢູ່ທ້ອງຖິ່ນບາງບ່ອນ, ການປະຕິບັດກົນໄກບໍລິການຜ່ານປະຕູດຽວ ຍິ່ງເຮັດໃຫ້ມີຄວາມຫຍຸ້ງຍາກເພີ່ມຂຶ້ນຕື່ມ ຍ້ອນກໍາບໍ່ໄດ້ຫຼັກການ ແລະ ເນື້ອໃນການປະຕິບັດກົນໄກດັ່ງກ່າວ.

             ສະນັ້ນ, ເພື່ອເປັນການສືບຕໍ່ເສີມຂະຫຍາຍຜົນສໍາເລັດເບື້ອງຕົ້ນ ແລະ ແກ້ໄຂຈຸດອ່ອນ, ຂໍ້ຄົງຄ້າງຜ່ານມາ ແນໃສ່ປະກອບສ່ວນຈັດຕັ້ງປະຕິບັດບາດກ້າວບຸກທະລຸ ໃນດ້ານການແກ້ໄຂລະບອບລະບຽບການບໍລິຫານ-ຄຸ້ມຄອງ ທີ່ຍັງກົດໜ່ວງອັດຕັນການຂະຫຍາຍຕົວຂອງການຜະລິດ-ທຸລະກິດ ແລະ ການບໍລິການໃຫ້ຕົກໄປຢ່າງຂາດຕົວ ຕາມຈິດໃຈມະຕິກອງປະຊຸມໃຫຍ່ຄັ້ງທີ່ IX ຂອງພັກວາງອອກ. ສະນັ້ນນາຍົກລັດຖະມົນຕີ ອອກຄໍາສັ່ງ ດັ່ງນີ້:

 

             1.ໃຫ້ບັນດາລັດຖະມົນຕີວ່າການ, ຫົວໜ້າອົງການທຽບເທົ່າກະຊວງ, ເຈົ້າຄອງນະຄອນຫຼວງວຽງຈັນ, ເຈົ້າແຂວງໃນທົ່ວປະເທດ ສືບຕໍ່ຈັດຕັ້ງປະຕິບັດກົນໄກບໍລິການຜ່ານປະຕູດຽວ ໂດຍໃຫ້ເພີ່ມທະວີຄວາມຮັບຜິດຊອບຂອງຕົນຂຶ້ນຕື່ມ ຕໍ່ວຽກດັ່ງກ່າວ; ໃຫ້ຮີບຮ້ອນແຕ່ງຕັ້ງຄະນະຮັບຜິດຊອບຊີ້ນໍາການຈັດຕັ້ງປະຕິບັດກົນໄກບໍລິການຜ່ານປະຕູດຽວ ຂອງກະຊວງ, ອົງການທຽບເທົ່າ, ທ້ອງຖິ່ນ ໂດຍແມ່ນທ່ານລັດຖະມົນຕີກະຊວງ, ຫົວໜ້າອົງການທຽບເທົ່າ, ເຈົ້າຄອງນະຄອນຫຼວງ, ເຈົ້າແຂວງ, ເຈົ້າເມືອງ ເປັນຫົວໜ້າຄະນະ. ຄະນະດັ່ງກ່າວ ເມື່ອສ້າງຕັ້ງຂຶ້ນແລ້ວ ຕ້ອງເຄື່ອນໄຫວຢ່າງຕັ້ງໜ້າ ແລະ ເປັນປົກກະຕິ, ເອົາໃຈໃສ່ຈັດຕັ້ງເຜີຍແຜ່, ເຊື່ອມຊຶມ ແລະ ຊີ້ນໍາການຈັດຕັ້ງ ຫຼື ພະນັກງານ-ລັດຖະກອນ ທີ່ຢູ່ໃນການຄຸ້ມຄອງຂອງຕົນ ໃຫ້ມີຄວາມເຂົ້າໃຈຢ່າງເລິກເຊິ່ງ ແລະ ຕັ້ງໜ້າປະຕິບັດເນື້ອໃນຂອງຂໍ້ຕົກລົງ ສະບັບເລກທີ່ 86/ນຍ, ລົງວັນທີ່ 3 ສິງຫາ 2007 ແລະ ຄໍາສັ່ງ, ຄໍາແນະນໍາຕ່າງໆ ກ່ຽວກັບວຽກງານກົນໄກການບໍລິການຜ່ານປະຕູດຽວ ໃຫ້ໄດ້ຜົນຮັບດີ; ເອົາໃຈໃສ່ຊີ້ນໍາ-ນໍາພາຫົວໜ່ວຍການຈັດຕັ້ງທີ່ຢູ່ໃນຄວາມຮັບຜິດຊອບຂອງຕົນ ປັບປຸງບັນດາລະບຽບຂັ້ນຕອນການອອກໃບອະນຸຍາດຕ່າງໆ ທີ່ເຫັນວ່າເປັນການກົດໜ່ວງຖ່ວງດຶງ, ສ້າງຄວາມຫຍຸ້ງຍາກ ໃຫ້ແກ່ອົງການຈັດຕັ້ງ, ນັກທຸລະກິດ ຫຼື ປະຊາຊົນ ແນໃສ່ເຮັດໃຫ້ມີຄວາມກະທັດຮັດ, ຮັດກຸມ, ໂປ່ງໃສ, ສະດວກ, ວ່ອງໄວ, ຮັບປະກັນຄວາມຖືກຕ້ອງ ແລະ ສອດຄ່ອງກັບລະບຽບກົດໝາຍ.

             2. ໃຫ້ບັນດາກະຊວງ, ອົງການທຽບເທົ່າກະຊວງ ເພີ່ມຄວາມເອົາໃຈໃສ່ໃນການແບ່ງຂັ້ນຄຸ້ມຄອງ ໂດຍກໍານົດໃຫ້ຈະແຈ້ງ ແລະ ຂາດຕົວ ອັນໃດແມ່ນກະຊວງ, ອົງການທຽບເທົ່າກະຊວງ ເປັນຜູ້ຮັບຜິດຊອບຄຸ້ມຄອງ, ຕົກລົງອະນຸຍາດ ຫຼື ອະນຸມັດ, ອັນໃດແແມ່ນເຈົ້າຄອງນະຄອນຫຼວງ, ເຈົ້າແຂວງ, ເຈົ້າເມືອງ ເປັນຜູ້ຮັບຜິດຊອບຄຸ້ມຄອງ, ຕົກລົງອະນຸຍາດ ຫຼື ອະນຸມັດ ແລະ ອັນໃດແມ່ນ ພະແນກການຂອງແຂວງ ຫຼື ເມືອງ ເປັນຜູ້ຮັບຜິດຊອບໃນການຕົກລົງອະນຸຍາດ ຫຼື ອະນຸມັດ.

             3. ໃຫ້ບັນດາແຂວງ, ນະຄອນຫຼວງ ສືບຕໍ່ຈັດຕັ້ງຜັນຂະຫຍາຍວຽກງານການບໍລິການຜ່ານປະຕູດຽວຢ່າງກວ້າງຂວາງ ໃຫ້ທົ່ວທຸກເມືອງ ແລະ ພະແນກການຂັ້ນແຂວງ ໂດຍເອົາໃຈໃສ່ຊີ້ນໍາຢ່າງໃກ້ຊິດ ແລະ ມີຈຸດສຸມ; ໃຫ້ແຕ່ລະແຂວງສ້າງໃຫ້ໄດ້ ຢ່າງໜ້ອຍ ໜຶ່ງຕົວແບບການບໍລິການຜ່ານປະຕູດຽວ.

             4. ບັນດາຂົງເຂດວຽກງານທີ່ພົວພັນເຖິງການບໍລິການ, ການຍຂໍອະນຸຍາດຕ່າງໆ ໃຫ້ນໍາເຂົ້າຜ່ານການບໍລິການປະຕູດຽວ ບົນພື້ນຖານການແບ່ງຂັ້ນຄຸ້ມຄອງ ແລະ ຂອບເຂດຄວາມຮັບຜິດຊອບຢ່າງຈະແຈ້ງ.

 

      2.4.2 ຂໍ້ຕົກລົງຂອງນາຍົກລັດຖະມົນ ຕີ ວ່າດ້ວຍການຈັດຕັ້ງປະຕິບັດກົນໄກ ການບໍລິການຜ່ານປະຕູດຽວ ຢູ່ອົງການບໍລິຫານລັດ ສະບັບເລກທີ 86/ນຍ, ລົງວັນທີ 03 ສິງຫາ 2007. ໄດ້ກຳນົດໄວ້ດັ່ງນີ້ :

 

               ການປະຕິບັດກົນໄກການບໍລິການຜ່ານປະຕູດຽວ ແນ່ໃສ່ປັບປຸງການພົວພັນລະຫວ່າງອົງການບໍລິຫານ ລັດກັບອົງການຈັດຕັ້ງຕ່າງໆ ແລະ ປະຊາຊົນໃຫ້ມີການປ່ຽນແປງໃໝ່ຢ່າງເລິກເຊິ່ງ, ຫຼຸດຜ່ອນຄວາມຫຍຸ້ງຍາກລຳຄານ ໃຈໃຫ້ແກ່ປະຊາຊົນ; ຕ້ານ ແລະ ສະກັດກັ້ນພະຍາດອາດຍາສິດ, ສໍ້ລາດບັງຫຼວງ, ຮັບສິນບົນໃນຖັນແຖວພະນັກ ງານ-ລັດຖະກອນ ແລະ ແນ່ໃສ່ຍົກສູງຄວາມສັກສິດ ແລະ ປະສິດທິຜົນຂອງການຄຸ້ມຄອງບໍລິຫານລັດ ; ໃຫ້ຈັດຕັ້ງ ປະຕິບັດການບໍລິການຜ່ານປະຕູດຽວຢູ່ອົງການບໍລິຫານລັດຂັ້ນສູນກາງ ແລະ ທ້ອງຖິ່ນໃນຂອບເຂດທົ່ວປະເທດ ເປັນຕົ້ນແມ່ນຫ້ອງວ່າການຂັ້ນແຂວງ, ຂັ້ນເມືອງ, ໃນບັນດາຂະແໜງການຂັ້ນສູນກາງ, ພະແນກການຕ່າງໆຂອງ ແຂວງ, ຊຶ່ງໃນເບື້ອງຕົ້ນແມ່ນໃຫ້ດຳເນີນການທົດລອງຢູ່ບາງພະແນກການ ແລະ ບາງເມືອງເສຍກ່ອນ ແລ້ວຈິ່ງຜົນຂະ ຫຍາຍກວ້າງອອກໄປສູ່ຂະແໜງການ ແລະ ຫຼາຍເມືອງ.

 

               ການຈັດຕັ້ງປະຕິບັດການບໍລິການຜ່ານປະຕູດຽວຖືກເປີດນຳໃຊ້ໃນບັນດາຂົງເຂດວຽກງານດັ່ງຕໍ່ໄປນີ້ :

 

               1. ຂັ້ນແຂວງ : ການລົງທຶນພາຍໃນ ຫຼື ຕ່າງປະເທດ, ຈົດທະບຽນທຸລະກິດ, ການປຸກສ້າງ, ການຄຸ້ມ ຄ້ອງການຂົນສົ່ງ, ການຄຸ້ມຄອງທີ່ດິນ, ການຄຸ້ມຄອງພົນລະເມືອງ ແລະ ການແກ້ໄຂນະໂຍບາຍສັງຄົມຕາມການແບ່ງ ຂັ້ນຄຸ້ມຄອງ.

               2. ຂັ້ນເມືອງ : ການຈົດທະບຽນທຸລະກິດ, ການຄຸ້ມຄອງການປຸກສ້າງ, ການຄຸ້ມຄອງທີ່ດິນ, ທະບຽນ ສານ ແລະ ການແກ້ໄຂນະໂຍບາຍສັງຄົມຕາມການແບ່ງຂັ້ນຄຸ້ມຄອງ.

               3. ນອກຈາກນີ້ແມ່ນອີ່ງໃສ່ຈຸດພິເສດ ຫຼື ສະພາບຕົວຈິງຂອງແຕ່ລະແຂວງ, ນະຄອນ, ເມືອງ, ເທດສະບານ; ເຈົ້າແຂວງ, ເຈົ້າຄອງນະຄອນສາມາດກຳນົດເອົາຂົງເຂດວຽກງານອື່ນໆເຂົ້າຕື່ມໄດ້.

               4. ຂັ້ນສູນກາງໃຫ້ແຕ່ລະກະຊວງ, ຂະແໜງການສົມທົບກັບທະບວງການປົກຄອງ ແລະ ຄຸ້ມຄອງລັດ ຖະກອນ ຄົ້ນຄວ້າເຮັດທົດລອງການບໍລິການຜ່ານປະຕູດຽວໃນບາງຂົງເຂດວຽກທີ່ເຫັນວ່າມີຄວາມຈຳເປັນກ່ອນ ແລ້ວຈຶ່ງຜັນຂະຫຍາຍກວ້າງອອກຫຼາຍຂົງເຂດ.

 

               ໜ້າທີ່ ແລະ ຄວາມຮັບຜິດຊອບຈັດຕັ້ງຜົນຂະຫຍາຍກົນໄກການບໍລິການຜ່ານປະຕູດຽວ

               1. ເຂົ້າແຂວງ, ເຈົ້າຄອງນະຄອນມີໜ້າທີ່ ແລະ ຄວາມຮັບຜິດຊອບດັ່ງນີ້ :

                   - ກຳນົດຂົງເຂດ ຫຼື ຂະແໜງການຕ່າງໆ ທີ່ຈະນຳເຂົ້າສູ່ການປະຕິບັດຕາມກົນໄກການບໍລິການຜ່ານ ປະຕູດຽວຢູ່ພາຍໃນແຂວງ, ນະຄອນ, ເມືອງ, ເທດສະບານ.

                   - ກຳນົດນົດລະບຽບການພົວພັນປະສານງານ ແລະ ຂັ້ນຕອນການແກ້ໄຂວຽກງານແຕ່ລະປະເພດ ຢ່າງເປັນເອກະພາບກັນ ບົນພື້ນຖານໃຫ້ສອດຄ່ອງກັບລະບຽບກົດໝາຍວາງອອກ. ພິຈາລະນາຕົກລົງຍົກເລີກ ຫຼື ສະເໜີຂັ້ນເທິງທີ່ມີສິດອຳນາດຍົກເລີກບັນດາລະບຽບການບໍລິການທີ່ບໍ່ສອດຄ່ອງ ແລະ ສ້າງຄວາມຫຍຸ້ງຍາກລຳຄານ ໃຈໃຫ້ແກ່ການຈັດຕັ້ງ ແລະ ປະຊາຊົນ.

                   - ກຳນົດຂອບເຂດ, ໄລຍະເວລາແກ້ໄຂວຽກງານ, ກຳນົດອັດຕາຄ່າທຳນຽມ, ຄ່າບໍລິການຕ່າງໆ ໃຫ້ສອດຄ່ອງກັບລະບຽບກົດໝາຍ.

               2. ຫົວໜ້າພະແນກຂະແໜງການສາຍຕັ້ງແຂວງ, ເຈົ້າເມືອງ, ຫົວໜ້າເທດສະບານ ມີໜ້າທີ່ ແລະ ຄວາມຮັບຜິດຊອບດັ່ງນີ້ :

                   - ອອກລະບຽບພາຍໃນ, ກຳນົດຂັ້ນຕອນການຮັບ-ການສົ່ງເອກະສານໃຫ້ພາກສ່ວນກ່ຽວຂ້ອງຄົ້ນ ຄວ້າແກ້ໄຂການຍືນຂໍລາຍເຊັນ, ການສົ່ງເອະການຄືນໃຫ້ໜ່ວຍງານບໍລິການປະຕູດຽວ ແລະ ສົ່ງຜົນຕອບໃຫ້ການ ຈັດຕັ້ງ ຫຼື ປະຊາຊົນຜູ້ມາພົວພັນ; ກຳນົດໜ້າທີ່ ແລະ ຄວາມຮັບຜິດຊອບຂອງພາກສ່ວນຕ່າງໆທີ່ກ່ຽວຂ້ອງໃນການ ປະຕິບັດກົນໄກການບໍລິການຜ່ານປະຕູດຽວ; ກຳນົດໜ້າທີ່ຂອງໜ່ວຍງານຮັບ ແລະ ສົ່ງຜົນຕອບ.

                   - ຕິດປະກາດບັນດາລະບຽບການ, ຄ່າທຳນຽມ, ຄ່າບໍລິການ ແລະ ກຳນົດໄລຍະເວລາແກ້ໄຂວຽກ ງານຢູ່ບ່ອນຮັບ ແລະ ສົ່ງເອກະສານ ( ໜ່ວຍງານບໍລິການປະຕູດຽວ ).

                   - ຄັດເລືອກພະນັກງານ-ລັດຖະກອນ ບັນຈຸ, ຊັບຊ້ອນເຂົ້າຢູ່ໃນໜ່ວຍງານບໍລິການຜ່ານປະຕູດຽວ ໃຫ້ຖືກກັບມາດຕະຖານຕຳແໜ່ງງານທີ່ໄດ້ກຳນົດ.

                   - ສ້າງ ຫຼື ປັບປຸງໃຫ້ມີສະຖານທີ່ຕ້ອນຮັບປະຊາຊົນທີ່ເຂົ້າມາໃຊ້ບໍລິການໃຫ້ເໝາະສົມ, ກວ້າງ ຂວາງ, ສະອາດຈົບງາມ ແລະ ສະດວກໃຫ້ແກ່ຜູ້ມາພົວພັນວຽກງານ.

                   - ຈັດຝຶກອົບຮົມດ້ານເຕັກນິກວິຊາການ, ດ້ານມະນຸດສຳພັນໃຫ້ພະນັກງານ-ລັດຖະກອນໃນໜ່ວຍ ງານຮັບ ແລະ ສົ່ງຜົນຕອບ.

                   -ເຜີຍແຜ່, ໂຄສະນາດ້ວຍຮູບການຕ່າງໆທີ່ເໝາະສົມເພື່ອໃຫ້ການຈັດຕັ້ງ ແລະ ປະຊາຊົນໄດ້ຮັບຮູ້ ແລະ ເຂົ້າໃຈກ່ຽວກັບການບໍລິການຜ່ານປະຕູດຽວ.

 

               3. ໜ້າທີ່ ແລະ ຄວາມຮັບຜິດຊອບຂອງກະຊວງ, ອົງການທຽບເທົ່າກະຊວງ, ອົງການທີ່ຂື້ນກັບສຳນັກ ງານນາຍົກລັດຖະມົນຕີ.

                   ບັນດາກະຊວງ, ອົງການທຽບເທົ່າກະຊວງ ແລະ ອົງການທີ່ຂື້ນກັບສຳນັກງານນາຍົກລັດ ຖະມົນ ຕີ ນອກຈາກຈັດຕັ້ງປະຕິບັດວຽກງານການບໍລິການຜ່ານປະຕູດຽວຢູ່ສຳນັກງານອົງການຂອງຕົນແລ້ວ, ຍັງມີໜ້າທີ່ ແລະ ຄວາມຮັບຜິດຊອບແບ່ງຂັ້ນ, ແບ່ງວຽກ ແລະ ແບ່ງຄວາມຮັບຜິດຊອບຄຸ້ມຄອງໃນຂະແໜງການຂອງຕົນໃຫ້ອົງການ ປົກຄອງແຂວງ, ຂັ້ນເມືອງ ກຳນົດລະອຽດ, ຈະແຈ້ງ ແລະ ກະທັດຮັດລະບຽບການແກ້ໄຂວຽກງານໃຫ້ການຈັດຕັ້ງ ແລະ ປະຊາຊົນໃນຂົງເຂດ, ຂະແໜງການທີ່ຕົນເອງຮັບຜິດຊອບຄຸ້ມຄອງ. ພ້ອມກັນນັ້ນກໍ່ທົບທວນ ຄືນບັນດາລະ ບຽບການຕ່າງໆ ຂອງຂະແໜງການຂອງຕົນເພື່ອສ້າງເງື່ອນໄຂ ແລະ ອຳນວຍຄວາມສະດວກໃຫ້ແກ່ການປັບປຸງກົນ ໄກການປະສານງານ.

 

      2.4.3 ຂໍ້ຕົກລົງ ຂອງເຈົ້າຄອງນະຄອນຫຼວງວຽງຈັນ ວ່າດ້ວຍການເກັບຄ່າບໍລິການ ແລະ ຄ່າແບບຟອມເອກະສານຂອງ ວຽກງານກົນໄກບໍລິການຜ່ານປະຕູດຽວຢູ່ເມືອງໄຊເສດຖາ ເລກທີ 308/ຈ.ນວ, ລົງວັນທີ 4/7/2008.

 

             ເພື່ອເຮັດໃຫ້ການຈັດຕັ້ງປະຕິບັດໃນການຜັນຂະຫຍາຍວຽກງານຜ່ານປະຕູດຽວຂອງເມືອງໄຊເສດຖາສອດຄ່ອງກັບສະພາບເສດຖະກິດ-ສັງຄົມປະຈຸບັນ ແລະ ສອດຄ່ອງກັບກົດໝາຍ ເຈົ້າຄອງນະຄອນຫຼວງອອກຂໍ້ຕົກລົງ :

         1. ລາຍການເອກະສານຕ່າງໆ

             1.1. ເອກກະສານປະກອບຂໍຂື້ນທະບຽນແຜນທີ່ດິນ.

             ຈົດທະບຽນສະເພາະຕອນ ( ນອກໂຄງການ ອອກໃບຕາດິນ) ຄຳຮ້ອງຂໍຂື້ນທະບຽນຕາດິນປະກອບມີ:

                   1) ໃບຄຳຮ້ອງຂໍຂື້ນທະບຽນໃບຕາດິນ ( 1ໃບ )

                   2) ໃບຊີ້ແຈງຄວາມເປັນມາຂອງດິນທີ່ຂໍຂື້ນທະບຽນ ( 1 ໃບ)

                   3) ໃບຊີວະປະຫວັດ (  ຜູ້ມອບ - ຜູ້ຮັບ )ຜູ້ລະໃບ

                   4) ໃບຢັ້ງຢືນທີ່ຢູ່ (  ຜູ້ມອບ - ຜູ້ຮັບ )ຜູ້ລະໃບ

                   5) ອັດສຳເນົາປື້ມສຳມະໂນຄົວ, ບັດປະຈຳຕົວ (  ຜູ້ມອບ - ຜູ້ຮັບ )

                   6) ໃບຢັ້ງຢືນມອບກຳມະສິດ ຫຼື ສັນຍາມອບໂອນກຳມະສິດນຳໃຊ້ທີ່ດິນ  ( 2 ໃບ )

                   7) ອັດສຳເນົາໃຍແຈ້ງເສຍພາສີທີ່ດິນ ( 1ໃບ )

             ໂອນກຳມະສິດນຳໃຊ້ທີ່ດິນ (ໂອນໝົດຕອນ) ໃນໂຄງການອອກໃບຕາດິນປະກອບມີ:

                   1) ໃບຄຳຮ້ອງຂໍຈົດທະບຽນ ( 1 ໃບ )

                   2) ສັນຍາມມອບສິດນຳໃຊ້ທີ່ດິນ ( 2 ໃບ)

                   3) ໃບຕາດິນສະບັບຕົ້ນ ( 1 ໃບ )

                   4) ໃບຢັ້ງຢືນທີ່ຢູ່ ( ຜູ້ມອບ - ຜູ້ຮັບ ) ຜູ້ລະໃບ

                   5) ໃບຊີວະປະຫວັດ ( ຜູ້ມອບ -  ຜູ້ຮັບ) ຜູ້ລະໃບ

                   6) ອັດສຳເນົາປື້ມສຳເນົາມະໂນຄົວ, ບັດປະຈຳຕົວ ( ຜູ້ມອບ -  ຜູ້ຮັບ) ຜູ້ລະໃບ

                   7) ອົດສຳເນົາໃບແຈ້ງເສຍພາສີທີ່ດິນ (1 ໃບ)

             1.2. ລາຍການເອກະສານຂອງວຽກງານໂຍທາທິການ ແລະ ຂົນສົ່ງເມືອງ

        ຄຳຮ້ອງຂໍອະນຸຍາດປຸກສ້າງ, ຮົ້ວ, ກໍ່ກຳແພງ, ຖົມດິນ, ຂຸດຄົ້ນດິນປະກອບມີ:

                   1.ໃບຄຳຮ້ອງ

                   2.ໃບຕາດິນ

                   3.ໃບຢັ້ງຢືນທີ່ຢູ່

                   4.ໃບສັນຍາຕິດແປະ

                   5.ປື້ມແບບການກໍ່ສ້າງ ຫຼື ການສອມແປງ ( ຜູ້ຂໍອະນຸຍາດປະກອບຂື້ນມາ)

                   6.ໃບອະນຸຍາດນຳໃຊ້ທີ່ດິນຈາກກະສິກຳ ( ຖ້າຖົມດິນ ຫຼື ຂຸດດິນໃນຂອບເຂດກະສິກຳ)

            ໃບອະນຸຍາດດຳເນີນທຸລະກິດວັດສະດຸ ປະກອບມີ:

             1. ໃບຄຳຮ້ອງ

             2. ໃບຢັງຢືນທີ່ຢູ່

             3. ໃບຢັ້ງຢືນຖານຄອບຄົວ

             4. ບັນຊີພະນັກງານ ຫຼື ນາຍຊ່າງ, ກຳມະກອນ

             5. ໃບຮັບປະກັນ

             6. ບັນຊີໝູນວຽນໃບຊີວະປະຫວັດ

             7. ໃບແຈ້ງໂທດ

             ໃບອະນຸຍາດດຳເນີນທຸລະກິດຮ້ານສ້ອມແປງ ແລະ ຈອດຢາງປະກອບມີ:

                   1. ໃບຄຳຮ້ອງ

                   2. ໃບຢັງຢືນທີ່ຢູ່

                   3. ໃບຮັບປະກັນ

                   4. ໃບຢັ້ງຢືນຖານຄອບຄົວ

             1.3. ລາຍການເອກະສານຂອງວຽກປົກຄອງ

            ເອກະສານການແຕ່ງດອງກັບຄົນຕ່າງປະເທດ ( ແບບຟອມແມ່ນຊື້ຢູ່ຫ້ອງວ່າການນະຄອນຫຼວງ )

             ເອກະສານແຕ່ງດອງພາຍໃນປະເທດ ມີື 1 ຊຸດ ປະກອບມີ:

             1. ໃບຄຳຮ້ອງສ້າງຄອບຄົວ ( ຜູ້ລະໃບ )

             2. ໃບຊີວະປະຫວັດຫຍໍ້ ( ຜູ້ລະໃບ )

             3. ໃບຢັ້ງຢືນທີ່ຢູ່ ( ຜູ້ລະໃບ )

             4. ໃບຢັ້ງຢືນຄວາມເປັນໂສດ, ( ກໍລະນີເປັນໝາຍຕ້ອງມີເອກະສານຢັ້ງຢືນການເສຍຊີວິດ, ຖ້າເປັນຮ້າງແມ່ນໃຫ້ສຳເນົາຄຳຕັດສິນຂອງສານ ຕິດຂັດມານຳ )

             5. ໃບຢັ້ງຢືນຮັບປະກັນ

             6. ບັນທຶກສັນຍາສູ່ຂໍ

             7. ຮູບສີ ຂະໜາດ 2 x 2,5 ຜູ້ລະ 2 ແຜ່ນ

 

             1.4. ວຽກງານອຸດສະຫະກຳ - ການຄ້າ

            ລາຍການເອກະສານຂອງ ວຽກງານອຸດສະຫະກຳ - ການຄ້າ

             ເອກະສານອອກໃບທະບຽນວິສະຫະກິດ :

             1. ໃບຄຳຮ້ອງ                    1ໃບ

             2. ໃບປະຫວັດຫຍໍ້              1 ໃບ

             3. ໃບຢັ້ງຢືນທີ່ຢູ່                 1 ໃບ

             4. ໃບແຈ້ງຊັບສິນ               1 ໃບ

             5. ສຳເນົາບັດປະຈຳຕົວ ຫຼື ສຳມະໂນຄົວ

             6. ຮູບຂະໜາດ  3 x 4       3 ໃບ

             7. ໃບສັນຍາເຊົ່າ ຫຼື ກຳມະສິດນຳໃຊ້ທີ່ດິນ

            ລາຍການເອກະສານອອກອະນຸຍາດດຳເນີນກິດຈຳການ ແລະ ຕໍ່ອະນຸຍາດແຮງງານ

             ເອກກະສານປະກອບຄົບຊຸດປະກອບມີ :

             1. ໃບຄຳຮ້ອງຂໍ ຫຼື ຕໍ່ອະນຸຍາດ                      2 ຊຸດ

             2. ສຳເນົາໃບຕາດິນ                                 2 ຊຸດ

             3. ສຳເນົາປື້ມສຳມະໂນຄົວ ຫຼື ບັດປະຈຳຄຕົວ

ຖ້າບໍ່ແມ່ນເຈົ້າຂອງດິນຕ້ອງມີໃບມອບສິດ ຫຼື ສັນຍາເຊົ່າທີ່ດິນ ທີ່ຈົດທະບຽນຖືກຕ້ອງ.

             4. ສຳເນົາທະບຽນວິສະຫະກິດ ຫຼື ໃບຢັ້ງຢຶນການສຶບຕໍ່ເຄື່ອນໄຫວດຳເນີນທຸລະກິດ

( ໃນກໍລະນີມາຕໍ່ອະນຸຍາດ ) 2 ຊຸດ.

             5. ສຳເນົາທະບຽນອາກອນ ສົກປິຜ່ານມາ ( ໃນກໍລະນີມາຕໍ່ໃຍອະນຸຍາດ) 2 ຊຸດ

             6. ຮູບຂະໜາດ 3 x 4 ຈໍານວນ 3 ໃບ

             1.5. ລາຍການເອກະສານດຳເນີນທຸລະກິດທາງດ້ານວັດທະນະທຳ

             ເອກະສານປະກອບຄົບຊຸດ

             1. ໃບຄຳຮ້ອງ                                                 1 ໃບ

             2. ໃບຊີວະປະຫວັດຫຍໍ້                                      1 ໃບ

             3. ໃບຢັ້ງຢືນທີ່ຢູ່                                              1 ໃບ

             4. ໃບແຈ້ງຊັບສິນ ( ທຶນຄົງທີ່, ໝູນວຽນ)                    1 ຊຸດ

             5. ໃບປະຕິຍານ                                              1 ໃບ

             6. ຮູບ 3 x 4                                                7 ໃບ

             1.6. ລາຍການເອກະສານວຽກງານທ່ອງທ່ຽວ

            ເອກະສານອອກໃບຢັ້ງຢືນສຶບຕໍ່ການເຄື່ອນໄຫວດຳເນີນທຸລະກິດການທ່ອງທ່ຽວ :

             1. ໃບຄຳຮ້ອງ                              1 ໃບ

             2. ໃບຢັ້ງຢືນທີ່ຢູ່                           1 ໃບ

             3. ໃບຊີວະປະຫວັດຫຍໍ້                   1 ໃບ

             4. ໃບແຈ້ງຊັບສິນ                         1 ໃບ

             5. ໃບປະຕິຍານ                           1 ໃບ

             6. ໃບແຈ້ງໂທດ                           1 ໃບ

             7. ບັນຊີພະນັກງານ                        1 ໃບ

             8. ໃບຢັ້ງຢືນສຸກຂະພາບ                  1 ໃບ

             9. ໃບອະນຸຍາດປຸກສ້າງ                   1 ໃບ

             10. ສຳມະໂນຄົວ                         1 ຊຸດ

             11. ໃບອານຸຍາດດຳເນີນທຸລະກິດ         1 ໃບ

             12. ຮູບ 3 x 4                           1 ໃບ

             13. ບົດສະຫຼຸບ ແລະ ແຜນການດຳເນີນທຸລະກິດ

            ລາຍການເອກະສານອອກອະນຸຍາດດຳເນີນທຸລະກິດ

             ເອກະສານປະກອບຄົບຊຸດ :

             1. ໃບຄຳຮ້ອງ                                       1 ໃບ

             2. ໃບຢັ້ງຢືນທີ່ຢູ່                                     1 ໃບ

             3. ໃບຊີວະປະຫວັດຫຍໍ້                             1 ໃບ

             4. ແຜນການດຳເນີນທຸລະກິດ                       1 ໃບ

             5. ບັນຊີຊັບສົມບັດຄົງທີ່                            1 ໃບ

             6. ບັນຊີຊັບສົມບັດລະອຽດ                         1 ໃບ

             7. ຊີວະປະຫວັດພະນັກງານ ແລະ ແມ່ຄົວ ຜູ້ລະ 1ໃບ

             8.ໃບປະຕິຍານ                                      1 ໃບ

            ລາຍການເອກະສານວຽກງານດຳເນີນທຸລະກິດ ກິລາ

             1. ໃບຄຳຮ້ອງ                                        1 ໃບ

             2. ໃບຢັ້ງຢືນທີ່ຢູ່                                    1 ໃບ

             3. ໃບຊີວະປະຫວັດຫຍໍ້                            1 ໃບ

         2. ແບບຟອມ, ຄ່າແບບພິມ ແລະ ຄ່າບໍລິການຕ່າງໆດັ່ງລຸ່ມນີ້:

             - ຄ່າແບບຟອມ (ເອກະສານ ຄຳຮ້ອງຕ່າງ)

             - ຄ່າແບບພິມ (ໃບອະນຸຍາດຕ່າງໆ )

             - ຄ່າບໍລິການ (ພົວພັນເອກະສານ, ລົງກວດກາສະຖານທີ່, ຄ່າວັດແທກ)

             ວຽກທີ່ດິນ

             1. ຄຳຮ້ອງຂໍຈົດທະບຽນທີ່ດິນ                                1 ຊຸດ             = 15.000 ກີບ

             2. ຄ່າທຳນຽມ                                                                             = 30.000 ກີບ

             3. ຄ່າບໍລິການວັດແທກດິນ ຄິດໄລ່ທີ່ຕັ້ງ ແລະ ອັດຕາຂອງດິນ                   = 50.000 ກີບ

             4. ຄ່າບໍລິການເອກະສານ                                                         = 50.000 ກີບ

            ຄ່າເອກະສານຂໍນຳໃຊ້ເຮື່ອນ ແລະ ທີ່ດິນລັດ

             1. ຄຳຮ້ອງຂໍນຳໃຊ້ດິນລັດ (1 ຊຸດ)                                              = 15.000 ກີບ

             2. ຄ່າບໍລິການ                                                                             =  150.000 ກີບ

            ວຽກງານສວຍອາກອນ

             1. ເອກະສານປະກອບແບບຟອມທະບຽນອາກອນ                              = 40.000 ກີບ

             2. ປື້້ມຕິກໍດຕາມກນາສຳລະອາກອນ                                             = 20.000 ກີບ

             3. ໃບຕິດຕາມການສຳລະອາກອນ                                               =  10.000 ກີບ

             4. ຄ່າທຳນຽມທະບຽນອາກອນ ( ຄິດໄລ່ຕາມຊັ້ນທະບຽນອາກອນ )

             5. ຄ່າສະແຕມອາກອນ                                                           = 4.000 ກີບ

             ວຽກງານ ຍທຂ

            ວຽກງານເຄຫະ - ຜັງເມືອງ

             1. ຄຳຮ້ອງຂໍອະນຸຍາດປຸກສ້າງ, ຖົມດິນ, ຕິດຕັ້ງປ້າຍໂຄສະນາ                   = 20.000 ກີບ/ຊຸດ

             2. ກວດກາສະຖານທີ່ + ປັກເສັ້ນແຖວ                                         = 50.000 ກີບ

             3. ຄ່າຄົ້ນຄ້ວາອະນະຍາດປຸກສ້າງ                                                = 21.000 ກີບ/ຊຸດ

             4. ທຳນຽມປຸກສ້າງ                                                    = 200ກີບ/1ຕາແມັດ

             5. ທຳນຽມກໍ່ກຳແພງ                                                  = 200 ກີບ/ແມັດຍາວ

             6. ຄ່າທຳນຽມຕິດຕັ້ງປ້າຍໂຄສະນຕ່າງໆ                               = 55.000ກີບ/1ຕາແມັດ

             7. ຕິດຕາມການປຸກສ້າງ                                                =30.000 ກີບ/1ຄັ້ງ

             8. ຄ່າບໍລິການພົວພັນເອກະສານຕ່າງໆ                                 = 50.000ກີບ/ຄັ້ງ

             9. ຄ່າແບບພິມ(ໃບແຂງ)                                              =20.000 ກີບ

            ວຽກງານຂົນສົ່ງ

             1. ຄຳຮ້ອງຂໍອະນຸຍາດດຳເນີນທຸລະກິດ                                 = 20.000ກີບ/ຊຸດ

             2. ຄ່າທຳນຽມອະນຸຍາດດຳເນີນທຸລະກິດຜະລິດວັດຖຸ                 = 100.000 ກີບ

             3. ຄ່າທຳນຽມອະນຸຍາດດຳເນີນທຸລະກິດສ້ອມແປງລົດ                = 50.000ກີບ

             4. ຄ່າບໍລິການ                                                                    =50.000 ກີບ

             5. ຄ່າແບບພິມ                                                         = 20.000 ກີບ

             ວຽກງານປົກຄອງ

            ເອກະສານແຕ່ງດອງພາຍໃນປະເທດກຳນົດ 05 ວັນ

             1. ແບບຟອມ                                                          = 15.000 ກີບ/ຊຸດ

             2. ຄ່າສະແຕມອາກອນ 1 ຊຸດ, ມີ 10 ໃບໆລະ 2.000    ກີບ     =20.000ກີບ

             3. ຄ່າບໍລິການ                                                                    = 50.000ກີບ

             4. ຄ່າທຳນຽມ                                                                   = 2000 ກີບ

             ກຳນົດເວລາແມ່ນ 05 ວັນ ຫຼື ຕາມຄວາມພ້ອມຂອງຄູ່ບ່າວສາວ

            ແຕ່ງງານຄົນລາວກັບຄົນຕ່າງປະເທດ

             1. ຜ່ານເອກະສານ ແຕ່ງດອງຄົນລາວກັບຄົນຕ່າງປະເທດ              =40.000 ກີບ/ຊຸດ

             2. ຄ່າສະແຕມ                                                         = 10.000ກີບ/ຊຸດ

             3. ຄ່າທຳນຽມ                                                                   = 2.000 ກີບ

             ກຳນົດເວລາ 04 ວັນ.

            ໜັງສືການເກີດ ພາສາລາວ ພາສາລາວ ກຳນົດ 02ວັນແບບຟອມ = 4.000ກີບ/ຊຸດ

             1. ຄ່າສະແຕມ                                                          = 2.000 ກີບ/ໃບ

             2. ຄ່າທຳນຽມ                                                                    = 2.000ກີບ

             3. ຄ່າບໍລິການ                                                                    = 5.000 ກີບ

            ໜັງສືການເກີດ ພາສາຕ່າງປະເທດ ກຳນົດ 02 ວັນ

             1. ແບບຟອມຊຸດລະ                                                   = 5.000 ກີບ/1ຊຸດ

             2. ຄ່າສະແຕມ                                                         =  2.000 ກີບ/ໃບ

             3. ຄ່າທຳນຽມ                                                                   = 2.000ກີບ

             4. ຄ່າບໍລິຫານ                                                         = 5.000 ກີບ

            ຂື້ນສຳມະໂນຄົວ

             - ແບບຟອມ                                                           = 15.000 ກີບ

             - ຄ່າສະແຕມ                                                           = 2.000 ກີບ

             - ຄ່າບໍລິການ                                        = 50.000 ກີບ

             - ຄ່າທຳນຽມ                                        = 2.000 ກີບ

            ຍົກຍ້າຍສຳມະໂນຄົວ

             - ຄຳຮ້ອງ                                             = 15.000 ກີບ/ຊຸດ

             - ຄ່າສະແຕມ                                       =2.000 ກີບ

             - ຄ່າບໍລິການ                                        = 50.000 ກີບ

             - ຄ່າທຳນຽມ                                        = 2.000  ກີບ

            ປ່ຽນຊື່ປ່ຽນນາມສະກຸນ

             - ຄ່າສະແຕມ                                        = 2.000 ກີບ

             - ຄ່າບໍລິການ                                         = 50.000ກີບ

             - ຄ່າທຳນຽມ                                        = 2.000 ກີບ

             ອອກອານຸຍາດສິສະຫະກິດການຄ້າ

             1. ໃບຄຳຮ້ອງ                                        = 15.000 ກີບ/ຊຸດ

             2. ຄ່າບໍລິການ                                                 = 50.000ກີບ

             3. ລົງກວດກາສະຖານທີ່                            = 50.000 ກີບ

             4. ຄ່າທຳນຽມ (ຕາມລັດຖະບັນຍັດ 02/ ສປປ)

             ວຽກງານວັດທະນະທຳ

             1. ຄ່າຄຳຮ້ອງ                                        = 15.000ກີບ/ຊຸດ

             2. ຄ່າບໍລິການ                                                 = 50.000 ກີບ

             3. ໃບທະບຽນວິສະຫະກິດ (ແຂງ)                 = 20.000 ກີບ

             4. ລົງກວດກາສະຖານທີ່                            = 50.000 ກີບ

             5. ຄ່າທຳນຽມ                                                = 30.000 ກີບ

             ອອກໃບອະນຸຍາດຮ້ານກິນດື່ມ

             1. ຄຳຮ້ອງ                                          = 30.000 ກີບ                     

             2. ຄ່າບໍລິການ                                                = 50.000 ກີບ

             3. ໃບທະບຽນ (ແຂງ)                              = 20.000 ກີບ

             4. ກວດກາສະຖານທີ່                               = 160.000 ກີບ

 

         3. ການກໍານົດເວລາແກ້ໄຂເອກະສານ.

             1. ການຈົດທະບຽນສະເພາະຕອນ (ນອກໂຄງການໃບຕາດິນ) 10 ວັນ

             2. ການໂອນກຳມະສິດນຳໃຊ້ທີ່ດິນ (ໂອນໝົດຕອນ) ໂຄງການນອກໃບຕາດິນ 5 ວັັນ.

             3. ເອກະສານຂໍອະນຸຍາດປຸກສ້າງ, ເຄຫາສະຖານຂັ້ນເມືອງອະນູຍາດສົ່ງຜົນຕອບ 5 ວັນ ໃຫ້ສຳເລັດ.

             4. ເອກະສານຂໍອະນະຍາດປຸກສ້າງ, ເຊັນຜ່ານເມືອງຂື້ນຫານະຄອນຫຼວງກຳນົດສົ່ງຜົນຕອບ 30ວັນໃຫ້ສຳເລັດ.

             5. ເອກະສານໜັງສືການເກີດຂອງພົນລະເມືອງ ກຳນົດ ສົ່ງຜົນຕອບ 2 ວັນໃຫ້ສໍາເລັດ

             6. ເອກະສານທະບຽນສ້າງຄອບຄົວໃໝ່ກຳນົດ 5 ວັນໃຫ້ສໍາເລັດ

             7. ເອກະສານຂໍຍົກຍ້າຍອອກໄປ ກຳນົດ 2 ວັນ

             8. ເອກະສານຂໍຂື້ນສຳມະໂນຄົວ ກຳນົດ 2ວັນ

             9. ເອກະສານຂໍປ່ຽນຊື່ ປ່ຽນນາມສະກຸນ ກຳນົດ 2ວັນ

             10. ຜ່ານຄຳຮ້ອງຂໍແຕ່ງງານຄົນລາວກັບຄົນຕ່າງປະເທດ ກຳນົດ 4 ວັນ

             11. ການອອກອະນຸຍາດວິສະຫະກິດ ກຳນົດ 5 ວັນ

             12. ການອອກໃບອະນຸຍາດດຳເນີນກິດຈະການ ແລະ ຕໍ່ອະນຸຍາດ ໂຮງານກຳນົດ 5 ວັນ

             13. ການອອກໃບອະນຸຍາດດຳເນີນທຸລະກິດ ທາງດ້ານ ວັດທະນະທຳ ກຳນົດ 7 ວັນ

             14. ການອອກອະນະຍາດດຳເນີນທຸລະກິດ ທ່ອງທ່ຽວ ກຳນົດ 5 ວັນ.

 

      2.4.4 ຂໍ້ຕົກລົງວ່າດ້ວຍການອະນຸມັດເປີດການທົດລອງການບໍລິການຜ່ານປະຕູດຽວຢູ່ເມືອງໄຊເສດຖາ ນະຄອນຫຼວງວຽງຈັນ, ເລກທີ 123/ຈນວ; ລົງວັນທີ 14/4/2006.

             ເຫັນດີໃຫ້ເມືອງໄຊເສດຖາເປີດທົດລອງກົນໄກການບໍລິການຜ່ານປະຕູດຽວຢ່າງເປັນທາງການນັບແຕ່ ວັນທີ 14 ມີນາ 2006 ເປັນຕົ້ນໄປ.

 

      2.4.5 ກົດລະບຽບ ວ່າດ້ວຍການຈັດຕັ້ງປະຕິບັດກົນໄກການບໍລິການຜ່ານປະຕູດຽວ (One- Stop Service) ເລກທີ່ 250/ຈນວ; ລົງວັນທີ່ 4/7/2008.

 

             ກົດລະບຽບສະບັບນີ້ໄດ້ກຳນົດເນື້ອໃນ ແລະ ຂັ້ນຕອນການແກ້ໄຂວຽກງານຕ່າງໆຕາມກົນໄກບໍລິການຜ່ານປະຕູດຽວ (One - Stop Service) ຂອງເມືອງໄຊເສດຖານະຄອນຫຼວງວຽງຈັນ ດັ່ງນີ້ :

             1. “ປະຕູດຽວ” ໝາຍເຖິງກົນໄກການແກ້ໄຂວຽກງານ ໃຫ້ແກ່ການຈັດຕັ້ງ ຫຼື ປະຊາຊົນຜ້ທີ່ມາພົວພັນວຽກງານ ທີ່ນອນຢູ່ໃນສິດ ແລະ ຄວາມຮັບຜິດຊອບ ການແກ້ໄຂວຽກງານ ຂອງອົງການປົກຄອງເມືອງ ໄຊເສດຖາ ນະຄອນຫຼວງວຽງຈັນ, ນັບແຕ່ຂອດຮັບເອົາສຳນວນ ເອກະສານ - ຄຳສະເໜີຕ່າງໆ ເຖິງຂອດສົ່ງຜົນຕອບ ຫຼື ຜົນການຄົ້ນຄວ້າ - ແກ້ໄຂ ແມ່ນຜ່ານຈຸດດຽວກັນຄື:  “ພາກສວ່ນຮັບ ແລະ ສົ່ງຜົນຕອບ” ທີ່ຕັ້ງຢູ່ຕຶກອາຄານ, ສຳນັກງານຂອງອົງການ ປົກຄອງເມືອງ ໄຊເສດຖາ ນະຄອນຫຼວງວຽງຈັນ.

             2. ການປະຕິບັດກົນໄກບໍລິການຜ່ານປະຕູດຽວ ( OSS ) ແນໃສ່ເຮັດໃຫ້ການພົວພັນ ແລະແບບແຜນວິທີການແກ້ໄຂ ວຽກງານລະຫວ່າງ ປະຊາຊົນ ຫຼື ການຈັດຕັ້ງ ກັບອົງການ ປົກຄອງເມືອງໄຊເສດຖາມີອັນປ່ຽນແປງ ໃໝ່ ທີ່ສະດວກຂື້ນກວ່າເກົ່າ, ສາມາດຫຼຸດຜ່ອນຄວາມຫຍຸ້ງຍາກຕ່າງໆ ໃຫ້ແກ່ປະຊາຊົນ ຫຼື ອົງການຈັດຕັ້ງ  ຜູ້ທີ່ມາພົວພັນວຽກງານ, ສາມາດກຳຈັດ, ແກ້ໄຂໄດ້ໂດຍພື້ນຖານ ປະກົດການຫຍ້ທໍ້ຕ່າງໆ ໃນຖັນແຖວພະນັກງານ - ລັດຖະກອນ ແລະ ສາມາດເພີ່ມທະວີຄວາມສັກສິດ, ປະສິດທິຜົນ ໃນການເຄື່ອນໄຫວວຽກງານ ຂອງອົງການປົກຄອງເມືອງ ໄຊເສດຖາ.

“ກົນໄກການບໍລິການຜ່ານປະຕູດຽວ” ແມ່ນກົນໄກການແກ້ໄຂວຽກງານຂອງອົງການຈັດຕັ້ງ ແລະ ປະຊາຊົນທີ່ນອນຢູ່ໃນຂອບເຂດສິດ ຂອງອົງການບໍລິຫານລັດ ນັບແຕ່ຂອດຮັບຄຳສະເໜີຮັບເອກະສານ ຂອງອົງການຈັດຕັ້ງ ແລະ ປະຊາຊົນຈົນຮອດຂອດສົ່ງຜົນຕອບ, ສົ່ງເອກະສານຄືນໂດຍຜ່ານໜ່ວຍງານຂອງລັດພຽງບ່ອນດຽວ.

             ຫຼັກການລວມການປະຕິບັດກົນໄກ ການບໍລິການຜ່ານປະຕິດຽວ.

             ກົນໄກການບໍລິການຜ່ານປະຕູດຽວ ຢູ່ເມືອງໄຊເສດຖາ ນະຄອນຫຼວງວຽງຈັນ ປະຕິບັດຕາມຫຼັກການດັ່ງນີ້:

             1. ກຳນົດຂັ້ນຕອນການແກ້ໄຂ ແລະ ຈໍລະຈອນເອກະສານຕ້ອງກະທັດຮັດ, ຈະແຈ້ງ, ງ່າຍດາຍ ແລະ ສອດຄ່ອງກັບກົດໝາຍ.

             2. ສິດ ແລະ ໜ້າທີ່ຄວາມຮັບຜິດຊອບ ຂອງອົງການປົກຄອງທ້ອງຖິ່ນ ແຕ່ລະຂັ້ນ ແຕ່ລະພາກສ່ວນທີ່ກ່ຽວຂ້ອງ ແລະ ລະບົບການພົວພັນປະສານງານຂອງພາກສວ່ນດັ່ງກ່າວຕ້ອງຈະແຈ້ງ.

             3. ທຸກລະບຽບການບໍລິການ, ຄ່າທຳນຽມ ແລະ  ກຳນົດເວລາຈະຕ້ອງໄດ້ຕິດປະກາດ ໄວ້ຢ່າງງເປີດເຜີຍ ໃຫ້ຜູ້ທີ່ມາພົວພັນວຽກງານໄດ້ຮູ້, ໄດ້ເຫັນ ແລະ ອ່ານຢ່າງຈະແຈ້ງ.

             4. ຮັບຄຳຮ້ອງ, ຄຳສະເໜີ, ເອກະສານຕ່າງໆ ແລະ ສົ່ງຜົນຕອບຂອງອົງການຈັດຕັ້ງ ຫຼື ປະຊາຊົນ ພາກສ່ວນຕ່າງໆ ຢູ່ພຽງຈຸດດຽວ.

             5. ການພົວພັນ - ປະສານງານ ລະຫວ່າງພາກສ່ວນຕ່າງໆ ຂອງລັດ ເພື່ອແກ້ໄຂຄໍາສະເໜີ ຂອງປະຊາຊົນແມ່ນໜ້າທີ່ ແລະ ຄວາມຮັບຜິດຊອບຂອງອົງການຈັດຕັ້ງລັດ ຫຼີກເວັ້ນບໍ່ໃຫ້ ປະຊາຊົນ ແລ່ນວິ້ງເຮັດເອກະສານດ້ວຍຕົນເອງ.

             6.ການແກ້ໄຂວຽກງານໃຫ້ມີຄວາມສະດວກ, ວ່ອງໄວ ແລະ ທັນເວລາ

             ຂົງເຂດວຽກງານທີ່ຕ້ອງນຳມາຜ່ານກົນໄກການບໍລິການຜ່ານປະຕູດຽວ

             ໃນໄລຍະເບື້ອງຕົ້ນນີ້, ໃຫ້ອົງການປົກຄອງເມືອງ ໄຊເສດຖາ ນຳເອົາຂົງເຂດວຽກງານຕ່າງໆ ດັ່ງລຸ່ມນີ້ ທີ່ນອນຢູ່ໃນຂອບເຂດສິດ ຂອງອົງການປົກຄອງເມືອງ ໄຊເສດຖາ ເຂົ້າມາຜ່ານກົນໄກການບໍລິການຜ່ານປະຕູດຽວ:

             1.  ຂົງເຂດວຽກງານການປົກຄອງ.

             2. ຂົງເຂດວຽກງານການຄຸ້ມຄອງທີ່ດິນ.

             3. ຂົງເຂດວຽກງານໂຍທາທິການ ແລະ ຂົນສົ່ງ.

             4. ຂົງເຂດວຽກງານຖະແຫຼງຂ່າວ - ວັດທະນະທໍາ.

             5. ຂົງເຂດວຽກງານອຸດສະຫະກຳ - ການຄ້າ.

             6. ຂົງເຂດວຽກງານການທ່ອງທ່ຽວ.

             7. ຂົງເຂດວຽກງານກິລາ.

             8. ຂົງເຂດວຽກງານອອກທະບຽນອາກອນ.

 

             ແຕ່ລະຂົງເຂດວຽກງານດັ່ງກ່າວນີ້ ຕ້ອງໄດ້ກຳນົດລະບຽບການ, ອັດຕາຄ່າທຳນຽມ, ຄ່າແບບຟອມ, ຄ່າແບບພິມ, ຄ່າບໍລິການ ແລະ ໄລຍະເວລາຄົ້ນຄວ້າແກ້ໄຂຢ່າງລະອຽດ ແລະ ຈະແຈ້ງ.ການຂະຫຍາຍຂົງເຂດວຽກງານທີ່ຈະນຳມາຜ່ານກົນໄກການບໍລິການຜ່ານປະຕູດຽວນອກຈາກຂົງເຂດວຽກງານຕ່າງໆ ທີ່ກຳນົດໄວ້ໃນຂ້າງເທິງນີ້ແລ້ວ, ໃນຕໍ່ໜ້າ ອີ່ງໃສ່ສະພາບ ແລະ ເງື່ອນໄຂຕົົວຈິງ ອາດຈະພິຈາລະນາຕົກລົງ ຄັດເລືອກເອົາຂົງເຂດວຽກງານອຶ່ນໆ ເຂົ້າມາບໍລິການ ຕາມກົນໄກການບໍລິການຜ່ານປະຕູດຽວຕື່ມອີກ.

 

             ການຈັດຕັ້ງຂອງພາກສ່ວນຮັບ ແລະ ສົ່ງຜົນຕອບ

             ພາກສ່ວນຮັບ ແລະ ສົ່ງຕອບ ແມ່ນໜ່ວຍງານໜຶ່ງ ທີ່ຂຶ້ນກັບຫ້ອງວ່າການປົກຄອງເມືອງໄຊເສດຖາ, ຢູ່ພາຍໃຕ້ການຄຸ້ມຄອງໂດຍກົງ ຈາກຫົວໜ້າຫ້ອງວ່າການປົກຄອງເມືອງໄຊເສດຖາ ໃນດ້ານວິຊາສະເພາະບໍລິຫານເອກະສານ ແລະ ຂື້ນກັບຫ້ອງການວີຊາການ ( ຫ້ອງການສາຍຕັ້ງ ) ດ້ານເຕັກນິກວິຊາສະເພາະຂອງຂະແໜງການ.

ພາກສ່ວນຮັບ ແລະ ສົ່ງຕອບປະກອບມີພະນັກງານ - ລັດຖະກອນຈໍານວນໜຶ່ງໂດຍມີຜູ່ຕາງໜ້າໃຫ້ແກ່ຫ້ອງການຂະແນງການຕ່າງໆ ຂອງເມືອງໄຊເສດຖາ ຊຶ່ງໄດ້ຮັບແຕ່ງຕັ້ງມາປະຈໍາການຢູ່ທີ່ນີ້ໂດຍເຈົ້າເມືອງໄຊເສດຖາ

 

             ມາດຕະຖານຕົ້ນຕໍຂອງພະນັກງານພາກສ່ວນຮັບ ແລະ ສົ່ງຜົນຕອບ.

             ພະນັກງານ - ລັດຖະກອນ ສັງກັດຢູ່ໃນພາກສ່ວນຮັບ ແລະ ສົ່ງຜົນຕອບແມ່ນຜູ່ທີ່ມີຄວາມຮູ້, ຄວາມຊໍານານງານໃນດ້ານວຽກງານຄຸ້ມຄອງເອກະສານຫ້ອງການ, ມີຄວາມຮັບຮູ້ ແລະ ກໍາແໜ້ນພໍສົມຄວນ ແນວທາງນະໂຍບາຍອງພັກ, ລະບຽບກົດໝາຍຂອງລັດ ກ່ຽວກັບຂົງເຂດວຽກງານຂອງຕົນ, ເປັນຜູ່ທີ່ມີຄຸນທາດການເມືອງ, ມີຄຸນສົມບັດດີ, ມີມະນຸດສໍາພັນທີ່ດີ, ການເວົ້າຈາ, ກິລິຍາທີ່ສຸພາບຮຽບຮ້ອຍ ແລະ ເຂັ້ມງວດຕໍ່ລະບຽບຫຼັກການທີ່ພະນັກງານ - ລັດຖະກອນ ພາກສ່ວນຮັບ ແລະ ສົ່ງຕອບ ຕ້ອງຫຼີກເວັ້ນໃນເວລາປະຕິບັກໜ້າທີ່ ດັ່ງນີ້ :

             - ບໍ່ຄວນນຸ່ງໂສ້ງຢີນ (Jean) ໂສ້ງ, ເສື້ອ, ເກີບກິລາ ຫຼື ເກີບແຕະຢູ່ໃນຫ້ອງການ.

             - ບໍ່ຄວນເວົ້າຈາຫຍາບຄາບ, ຮຸນແຮງ ແລະ ອື່ນໆ ຕໍ່ຜູ່ທີ່ມາພົວພັນວຽກງານ.

             - ບໍ່ຄວນໂອ້ລົມ - ສົນທະນາ ວຽກງານສ່ວນຕົວນໍາກັນ ຫຼື ນໍາແຂກທີ່ມາພົວພັນວຽກງານ.

             - ບໍຄວນພົບປະ - ໂອ້ລົມກັນເຫິງນານຢູ່ບ່ອນປະຕູ້ເຂົ້າ - ອອກ ແລະ ຂັ້ນໃດຂຶ້ນ - ລົງຂອງຫ້ອງ ການ, ສໍານັກງານ.

             ສິ່ງທີ່ພະນັກງານລັດຖະກອນພາກສ່ວນຮັບ ແລະ ສົ່ງຜົນຕອບຄວນປະຕິບັດ

             ນຸ່ງເຄື່ອງເປັນລະບຽບຮຽບຮ້ອຍສະອດຈົບງາມຕາມທີ່ໄດ້ກໍານົດໄວ້, ຕ້ອງມີປ້າຍຕິດໄວ້ທີ່ນ້າເອິກເບືອງຊ້າຍ ຫຼື ບັດຮ້ອຍຄໍ ເພື່ອບົ່ງບອກຊື່ ແລະ ນາມສະກຸນ, ຕ້ອງມີປ້າຍຕັ້ງຢູ່ໜ້າໂຕະເພື່ອບົ່ງບອກຕໍາແໜ່ງ ແລະ ຄວາມຮັບຜິດຊອບ.

             ແບບແຜນວິທີເຮັດວຽກ

             - ພະນັກງານພາກສ່ວນຮັບ ແລະ ສົ່ງຜົນຕອບ ຕ້ອງປະຕິບັດ ໂມງ - ເວລາ ລັດຖະການຢ່າງເຂັ້ມງວດ.

             - ແຕ່ລະວັນ, ແຕ່ລະອາທິດ ແລະ ແຕ່ລະເດືອນຕ້ອງລາຍງານໃຫ້ຫົວໜ້າຫ້ອງການປົກຄອງເມືອງ ເມືອງໄຊເສດຖາ ແລະ ຫ້ອງການສາມຕັ້ງຂອງຕົນຊາບ ກ່ຽວກັບສະພາບການເຄື່ອນໄຫວວຍກງານຂອງຕົນ.

             - ສະເໜີຫົວໜ້າຫ້ອງການເມືອງ ເມືອງໄຊເສດຖາ ແລະ ຫົວໜ້າຫ້ອງການສາຍຕັ້ງແກ້ໄຂບັນຫາຫຍຸ້ງຍາກຕ່າງໆຕາມພາລະບົດບາດ ແລະ ໜ້າທີ່ຄວາມຮັບຜິດຊອບ.

             ໜ້າທີ່ຂອງຫົວໜ້າຫ້ອງວ່າການປົກຄອງເມືອງໄຊເສດຖາ

             - ຄຸ້ມຄອງເວລາ ແລະ ການເຄື່ອນໄຫວວຽກງານໃນແຕ່ລະວັນ ຂອງພະນັກງານ - ລັດຖະກອນ ພາກສ່ວນຮັບ ແລະ ສົ່ງຜົນຕອບ.

             - ຮັບປະກັນເງື່ອນໄຂຕ່າງໆທີ່ຈໍາເປັນຈໍາເປັນສໍາຄັນຕໍ່ການປະຕິບັດໜ້າທີ່ວຽກງານ ຂອງພະນັກງານ - ລັດຖະກອນ ພາກສ່ວນຮັບ ແລະ ສົ່ງຜົນຕອບ.

             - ເປັນໃຈການພົວພັນ - ປະສານງານກັບຫົວໜ້າຫ້ອງການ, ຂະແໜງການພາຍໃນເມືອງໄຊເສດຖາ ແລະ ຫົວໜ້າພະແນກຂະແໜງການ ຂອງນະຄອນຫຼວງວຽງຈັນເພື່ອແກ້ໄຂບັນຫາຫຍຸ້ງຍາກຕ່າງໆທີ່ເກີດຂຶ້ນກ

             - ໃນອາທິດທີ 4 ຂອງແຕ່ລະເດືອນ,ຫົວໜ້າຫ້ອງວ່າການປົກຄອງເມືອງໄຊເສດຖາຮຽກພະນັກງານ - ລັດຖະກອນ ພາກສ່ວນຮັບ ແລະ ສົ່ງຜົນຕອບ ມາສະຫຼຸບຖອດຖອນບົດຮຽນ ກ່ຽວກັບວຽກງານການບໍລິການຜ່ານປະຕູດຽວ ໃນພາກສ່ວນຮັບ ແລະ ສົ່ງຜົນຕອບ.ຄົ້ນຄວ້າ, ປັບປຸງ - ດັດປັບຂໍ້ຜິດພາດໃນການເຮັດວຽກຂອງພາກສ່ວນຮັບ ແລະ ສົ່ງຜົນຕອບ (ຖ້າມີ).

 

             ໜ້າທີ່ຂອງບັນດາຫົວໜ້າຫ້ອງການ ຂະແໜງການຕ່າງໆພາຍໃນເມືອງໄຊເສດຖາ.

             ບັນດາຫົວໜ້າຫ້ອງການຂະແໜງການສາຍຕັ້ງພາຍໃນເມືອງໄຊເສດຖາ ນອກຈາກມີໜ້າທີ່ ແລະ ວຽກງານຮັບຜິດຊອບວຽກງານຄຸ້ມຄອງຂະແໜງການຂອງຕົນຕາມລະບຽບກົດໝາຍກໍານົດແລ້ວ ຍັງຕ້ອງເອົາໃຈໃສ່ຕໍ່ໜ້າທີ່ວຽກງານທີ່ພົວພັນເຖິງການບໍລິການທີ່ນອນຢູ່ໃນກົນໄກການບໍລິການຜ່ານປະຕູດຽວຕື່ມອີກເຊັ່ນ:

             - ມອບໃຫ້ພະນັກງານ - ລັດຖະກອນພາຍໃນຫ້ອງການຂອງຕົນຈົດບັນທຶກເອກະສານເຂົ້າປື້ມຕິດຕາມເອກະສານປະຈໍາວັນ, ຄົ້ນຄວ້າແກ້ໄຂເອກະສານທີ່ພະນັກງານ - ລັດຖະກອນພາກສ່ວນຮັບ ແລະ ສົ່ງຜົນຕອບມາເຖິງຫ້ອງການຂອງຕົນ, ບັນທຶກເຂົ້າໃນປື້ມຕິດຕາມຕ້ອງຄົບຖ້ວນຕາມເນື້ອໃນຕ່າງໆຄື: ວັນ, ເດືອນ, ປີ ທີ່ເອກາສານມາຮອດ, ເນື້ອໃນທີ່ຕ້ອງໃຫ້ຄົ້ນຄວ້າແກ້ໄຂ, ວັນເວລາທີ່ຕ້ອງສົ່ງຜົນຕອບ ແລະມອບເຊັນ - ຮັບເອົາເອກະສານ.

             - ຫົວໜ້າຫ້ອງການຂະແໜງການເມືອງໄຊເສດຖາ ມີໜ້າທີ່ຮັບຜິດຊອບແກ້ໄຂທຸກເອກະສານທີ່ຕົນເອງໄດ້ຮັບ ແລະ ຮັບປະກັບຄວາມຖືກຕ້ອງ, ສອດຄ່ອງກັບລະບຽບກົດໝາຍ, ເຕັກນິກ-ວິຊາການ ແລະ ຖືກຕ້ອງຕາມກໍານົດເວລາ ທີ່ໄດ້ມອບໝາຍໄວ້ກັບອົງການຈັດຕັ້ງ ຫຼື ປະຊາຊົນ.

             - ກໍລະນີເອກະສານດັ່ງກ່າວກ່ຽວຂ້ອງ-ພົວພັນ ກັບຫ້ອງການຂະແໜງການອື່ນໆ ຫົວໜ້າຫ້ອງການທີ່ໄດ້ຮັບເອກະສານນັ້ນ ຕ້ອງເປັນເຈົ້າການໃນການພົວພັນ-ປະສານງານ, ສົມທົບກັບຫ້ອງການຕ່າງໆທີ່ກ່ຽວຂ້ອງນັ້ນ ເພື່ອຄົ້ນຄວ້າ, ແກ້ໄຂກ່ອນຈະລົງລາຍເຊັນ ຫຼື ກ່ອນຈະນໍາສະເໜີເຈົ້າເມືອງ, ຮອງເຈົ້າເມືອງລົງລາຍເຊັນ.

 

             ຂັ້ນຕອນການແກ້ໄຂວຽກງານຕາມກົນໄກການບໍລິການຜ່ານປະຕູດຽວຢູ່ເມືອງໄຊເສດຖາ.

             ທຸກໆ ການຈັດຕັ້ງ ຫຼື ປະຊາຊົນທີ່ມີຄວາມຕ້ອງການໃຫ້ອົງການປົກຄອງເມືອງໄຊເສດຖາແກ້ໄຂບັນຫາຕ່າງໆ, ຄໍາສະເໜີຕາມຂອບເຂດສິດຂອງເມືອງໄຊເສດຖາແມ່ນ: ຕ້ອງໄປພົວພັນໂດຍກົງກັນພາກສ່ວນຕ້ອນຮັບ ແລະ ສົ່ງຜົນຕອບພຽງບ່ອບດຽວ. ສ່ວນການໄປພົວພັນປະສານງານນໍາຫ້ອງການຂະແໜງການຕ່າງໆເພື່ອຄົ້ນຄວ້າແກ້ໄຂໃຫ້ ຕາມຄວາມຮັບຜິດຊອບຂອງພະນັກງານ - ລັດຖະກອນ ພາກສ່ວນຮັບ ແລະ ສົ່ງຜົນຕອບ ອົງການຈັດຕັ້ງ ຫຼື ປະຊາຊົນພຽງແຕ່ກັບຄືນມາຮັບເອົາຜົນການຄົ້ນຄວ້າ, ແກ້ໄຂ ( ຜົນຕອບ ) ຕາມວັນເວລາທີ່ນັດໝາຍ

             ຂັ້ນຕອນການປະຕິບັດໜ້າທີ່ຂອງພະນກງານພານສ່ວນຮັບ ແລະສົ່ງຜົນຕອບ.

             ພະນັກງານ - ລັດຖະກອນ ຢູ່ໃນພາກສ່ວນຕ້ອນຮັບ ແລະສົ່ງຜົນຕອບປະຕິບັດໜ້າທີ່ວຽກງານຕາມຂັ້ນຕອນດັ່ງນີ້:

             1. ກວດກາເບິ່ງສໍານວນເອກະສານ - ຄໍາສະເໜີຕ່າງໆຂອງການຈັກຕັ້ງ ຫຼື ປະຊາຊົນວ່າບັນຫາວ່າບັນຫາທີ່ສະເໜີມານັ້ນນອນຢູ່ໃນຄວາມຮັບຜິດຊອບຄຸ້ມຄອງ ແລະ ແກ້ໄຂຂອງອົງການປົກຄອງເມືອງໄຊເສດຖາ ຫຼື ບໍ່?  ສໍານວນເອກະສານຄົບຖ້ວນຖືກຕ້ອງ ຫຼື ບໍ່.

             2.ຈົດບັນທຶກຮັບເອົາເອກະສານ, ຄໍາສະເໜີຕ່າງໆເຂົ້າປື້ມບັນທຶກປະຈໍາວັນແລ້ວ ຂຽນນັດໝາຍໃຫ້ມາຮັບເອົາຜົນຕອບຕາມກໍານົດເວລາທີ່ໄດ້ກໍານົດໄວ້

                 - ກໍລະນີບັນຫາທີ່ສະເໜີມານັ້ນບໍ່ນອນໃນຂອບເຂດສິດ ແລະ ຄວາມຮັບຜິດຊອບ ຄຸ້ມຄອງ ແລະ ແກ້ໄຂຂອງຫ້ອງການປົກຄອງເມືອງໄຊເສດຖາ ແຕ່ບໍ່ນອນຢູ່ໃນຂົງເຂດວຽກງານທີ່ນໍາມາຜ່ານກົນໄກການບໍລິການຜ່ານປະຕູດຽວ ຕາມທ່ໄດ້ກໍານົດໄວ້ໃນ ມາດຕາ 3 ເທິງນີ້. ແມ່ນໃຫ້ແນະນໍາໃຫ້ໄປພົວພັນໂດຍກົງກັບພາກສ່ວນທີ່ກ່ຽວຂ້ອງເລີຍ

                 - ໃນກໍລະນີສໍານວນເອກະສານປະກອບຍັງບໍ່ທັນຄົບຖ້ວນ, ການຂຽນເນື້ອໃນລົງໃນແບບຟອມເອກະສານບໍ່ຖືກຕ້ອງ ແລະ ອື່ນໆ ຕ້ອງໄດ້ນໍາໃຫ້ລະອຽດ ໃຫ້ເຈົ້າຂອງປະກອບເພີ່ມເຕີມ ຫຼື ປັບປຸງ,ແກ້ໄຂໃຫ້ຖືກຕ້ອງຄົບຖ້ວນ.

             3. ສົ່ງສໍານວນເອກະສານ - ຄໍາສະເໜີຂອງອັງການຈັດຕັ້ງ ຫຼື ປະຊາຊົນໃຫ້ຫ້ອງການວິຊາການຕ່າງໆທີ່ກ່ຽວຂ້ອງກັບອົງການປົກຄອງເມືອງເພື່ອຄົ້ນຄວ້າ. ກ່ນສົ່ງຕ້ອງເຮດເປັນລາຍລັກອັກສອນ, ໃນບັດນໍາສົ່ງຕ້ອງແຈ້ງເນື້ອໃນຢາກໃຫ້ແກ້ໄຂໃນບັນຫາຫັຍງ ແລະບົ່ງບອກແຈ້ງກໍານົດເວລາສົ່ງຜົນຕອບຄືນໃຫ້ພາກສ່ວນຮັບ ແລະ ສົ່ງຜົບຕອບຮັບ.

             4. ບັນດາຫ້ອງການວິຊາການ (ຫ້ອງການສາຍຕັ້ງ) ຂອງອົງການປົກຄອງເມືອງ ແລະ ພະແນກວິຊາການ (ພະແນກສາຍຕັ້ງ) ຂອງອົງການປົກຄອງນະຄອນຫຼວງວຽງຈັນ ມີໜ້າທີ່ຮັບຜິດຊອບຄົ້ນຄ້ວາ, ແກ້ໄຂເອກະສານ - ຄໍາສະເໜີຕ່າງໆຂອງອົງການຈັດຕັ້ງ ຫຼື ປະຊາຊົນ ທີ່ພາກສ່ວນຮັບ ແລະ ສົ່ງຜົນຕອບ ສົ່ງມາໃຫ້ຕາມພາລະບົດບາດ ແລະ ຂອບເຂດສິດຂອງຕົນ

                 - ໃນກໍລະນີຫ້ອງການວິຊາການຂອງການປົກຄອງເມືອງໄຊເສດຖາຄົ້ນຄວ້າ, ແກ້ໄຂ ແລະ ລົງລາຍເຊັນຕາມຂອບເຂດສິດທີ່ກົດໝາຍກໍານົດແລ້ວແມ່ນສົ່ງຄືນໃຫ້ພາກສ່ວນຮັບ ແລະ ສົ່ງຜົນຕອບ ເພື່ອຈໍ້າກາ, ເຂົ້າເລກທີ, ເກັບຄ່າທໍານຽມ, ເກຜັບຄ່າບໍລິການເກັບສໍາເນົາເອກະສານແລ້ວ ສົ່ງຄືນໃຫ້ອົງການຈັດຕັ້ງ ຫຼື ປະຊາຊົນ

                 - ກໍລະນີຫົວການວິຊາການ ຂອງອົງການປົກຄອງເມືອງໄຊເສດຖາຄົ້ນຄ້ວາແລ້ວ ແຕ່ການລົງລາຍເຊັນເປັນສິດຂອງເຈົ້າເມືອງ ຫຼື ຮອງເຈົ້າເມືອງ ຫ້ອງການວິຊາການສົ່ງຄືນໃຫ້ພາກສ່ວນຮັບ ແລະ ສົ່ງຜົນຕອບ ເພື່ອຂໍລາຍເຊັນຈາກເຈົ້າເມືອງ ຫຼື ຮອງເຈົ້າເມືອງ ແລ້ວພາກສ່ວນຮັບ - ສົ່ງຜົນຕອບນໍາໄປປະທັບກາ (ຈໍ້າກາ), ເຂົ້າເລກທີ ແລະ ເກັບຄ່າທໍານຽມ - ຄ່າບໍລິການສໍາເນົາເອກະສານຢ່າງຖືກຕ້ອງຕາມກໍານົດ, ແລ້ວສົ່ງຄືນອົງການຈັດຕັ້ງ ຫຼື ປະຊາຊົນ

                 - ໃນກໍລະນີຫ້ອງການວິຊາການ ຂອງອົງການປົກຄອງເມືອງໄຊເສດຖາຄົ້ນຄວ້າແລ້ວ ແຕ່ການລົງລາຍເຊັນທີ່ເປັນສິດຂອງຫົວໜ້າພະແນກສາຍຕັ້ງ ຫຼື ອົງການຈັດຕັ້ງຂັ້ນເທິງທີ່ກ່ຽວຂ້ອງຂອງອົງການປົກຄອງນະຄອນຫຼວງວຽງຈັນ, ພາກສ່ວຍຮັບ - ສົ່ງຜົນຕອບ ຫຼື ພະນັກງານລັດຖະກອນ ຜູ່ທີ່ອົງການປົກຄອງເມືອງໄຊເສດຖາ ໄດ້ມອບໝາຍໜ້າທີ່ໃຫ້ນັ້ນ ນໍເອົາສໍານວນເອກະສານ - ຄໍາສະເໜີຕ່າງໆຂອງອົງການຈັດຕັ້ງ ຫຼື ປະຊາຊົນໄປໃຫ້ພະແນກການສາຍຕັ້ງ ຫຼື ອົງການຈັດຕັ້ງຂັ້ນເທິງທີ່ກ່ຽວຂ້ອງ ຂອງອົງການປົກຄອງນະຄອນຫຼວງວຽງຈັນເພື່ອຄົ້ນຄວ້າ, ແກ້ໄຂຕໍ່ຫຼື ລົງລາຍເຊັນ. ເມື່ອແກ້ໄຂແລ້ວ ຫຼື ລົງລາຍເຊັນ, ຈໍ້າກາປະທັບ,ເຂົ້າເລກທີ ຢ່າງຖືກຕ້ອງແລ້ວສົ່ງຄືນໃຫ້ພາກສ່ວນຮັບ-ສົ່ງຜົນຕອບ ຂອງອົງການປົກຄອງເມືອງໄຊເສດຖາເພື່ອສົ່ງຄືນໃຫ້ ອົງການຈັດຕັ້ງ ຫຼື ປະຊາຊົນ.

             5. ກໍລະນີຄົ້ນຄວ້າ, ແກ້ໄຂ - ຄໍາສະເໜີຕ່າງໆ ແລະ ສົ່ງຜົນອບໃຫ້ອົງການຈັດຕັ້ງ ຫຼື ປະຊາຊົນບໍ່ຖືກຕ້ອງຕາມກໍານົດເວລາທີ່ນັດໄວ້ໃນບັດນັດ, ພາກສ່ວນຮັບ - ສົ່ງຜົນຕອບຕ້ອງໄດ້ອະທິບາຍ, ຊີ້ແຈ້ງເຫດຜົນ ຢ່າງສົມເຫດສົມຜົນ ແລະ ເປັນລາຍລັກອັກສອນສົ່ງໃຫ້ອົງການຈັດຕັ້ງ ຫຼື ປາຊາຊົນ ພ້ອມກັນນັ້ນ, ກໍເຮັດການນັດໝາຍໃໝ່ໃຫ້ອົງການຈັດຕັ້ງ ຫຼື ປະຊາຊົນ.

 

2.5    ສະພາບກົນໄກການບໍລິການຜ່ານປະຕູດຽວຂອງເມືອງໄຊເສດຖາ

 

      2.5.1 ສະພາບທົ່ວໄປຂອງເມືອງໄຊເສດຖາ

 

             ເມືອງໄຊເສດຖາແມ່ນເມືອງໜື່ງໃນບັນດາ 9 ເມືອງ ແລະ ນອນຢູ່ໃນຂອງນະຄອນຫຼວງວຽງຈັນ ທິດ ເໜືອຕິດກັບເມືອງຈັນທະບູລີ, ທິດໃຕ້ຕິດກັບເມືອງຫາຍຊາຍຟອງ, ທິດຕາເວັນອອກຕິດກັບເມືອງໄຊຖານີ ແລະ ທິດຕາເວັນຕົກຕິດກັບເມືອງສີສັດຕະນາກ. ການປົກຄອງຢູ່ເມືອງໄຊເສດຖາ ເປັນເມືອງທີ່ມີຈຸດພິເສດເປັນ 2 ເຂດ,ມີ 48 ບ້ານ ເຊັ່ນ : ເປັນເຂດຕົວເມືອງທີ 17 ບ້ານ ແລະ ເຂດຊານເມືອງມີ 31 ບ້ານ, ມີເນື້ອທີ່ທັງໝົດ 13.901 ເຮັກຕາ, ປະກອບມີ 7 ກຸ່ມບ້ານ, ມີ 1.575 ໜ່ວຍ, ມີ 19.277 ຄອບຄົວ, ມີ 20.783 ຫຼັງຄາເຮືອນ, ມີພົນລະ ເມືອງທັງໝົດ 102.000 ຄົນ, ຍິງ 51.184 ຄົນ, ມີ 24 ຫ້ອງການຂື້ນກັບເມືອງ, ມີພະນັກງານລັດຖະກອນທັງ ໝົດ 779 ຄົນ, ຍິງ 465 ຄົນ. ເມືອງໄຊເສດຖາຍັງມີເຂດພັດທະນາຫຼາຍ, ຍັງມີເນື້ອທີ່ການຜະລິດກະສິກຳ, ມີບຶງທາດຫຼວງເປັນທ່າແຮງໃນການພັດທະນາເປັນຕົວເມືອງໃໝ່ ຂອງນະຄອນຫຼວງວຽງຈັນ, ໂດຍເຊື່ອມໂຍງກັບຖະ ໜົນ 450 ປີ ຈະເຮັດໃຫ້ບໍລິເວນຊານເມືອງມີການປ່ຽນແປງຢ່າງຕັ້ງໜ້າ, ມີພື້ນຖານໂຄ່ງລ່າງໂດຍທົ່ວໄປສະດວກ, ປະຊາກອນໜາແໜ້ນ, ລາຍຮັບຂອບປະຊາຊົນສະເລ່ຍໃສ່ຫົວຄົນໄດ້ຜູ້ລະ 1.300 ໂດລາຕໍ່ຄົນຕໍ່ປີ. ແຕ່ເຖິງຢ່າງໃດ ກໍ່ຕາມເມືອງໄຊເສດຖາຍັງມີຂໍ້ຫຍຸ້ງຍາກ ແລະ ສິ່ງທ້າທາຍທົດສອບຫຼາຍຢ່າງເປັນຕົ້ນແມ່ນພື້ນຖານໂຄງລ່າງເຂດ ຊານເມືອງຍັງບໍ່ທັນສະດວກເທົ່າທີ່ຄວນ, ການຜະລິດທຸລະກິດຂະໜາດໜ້ອຍຫາກາງຍັງແມ່ນຮູບການຜະລິດແບບ ກະແຈກກະຈາຍ ເຮັດພໍໃຜພໍລາວເປັນສ່ວນໃຫຍ່, ທຽບໃສ່ຄວາມຮຽກຮ້ອງຕ້ອງການຂອງການພັດທະນາ ແລະ ການເພີ່ມຂື້ນຂອງປະຊາກອນ, ທືນຮອນເພື່ອພັດທະນາທາງດ້ານເສດຖະກິດ-ສັງຄົມບໍ່ພຽງພໍ, ການພັດທະນາເຂດຕົວເມືອງ ແລະ ຊານເມືອງຜິດໂຕນກັນ.

 

 

      2.5.2 ສະພາບກ່ອນການເຮັດການທົດລອງການບໍລິການຜ່ານປະຕູດຽວຢູ່ເມືອງໄຊເສດຖາ.

 

             ການແກ້ໄຂເອກະສານຄຳຮ້ອງກ່ຽວກັບທີ່ດິນ, ການຂໍອະນຸຍາດປຸກສ້າງ, ການຍົກຍ້າຍ ແລະ ອື່ນໆ ແມ່ນມີຄວາມສັບສົນພໍສົມຄວນ, ການຜ່ານເອກະສານແມ່ນຈ້ອງໄດ້ຜ່ານຫຼາຍຂັ້ນ-ຫຼາຍຂອດທີ່ບໍ່ຈຳເປັນ, ການຕິດ ຕາມເອກະສານເຂົ້າ-ອອກ ແມ່ນມີຄວາມຫຍຸ້ງຍາກເພາະເອກະສານຄຳຮ້ອງຂໍອະນຸຍາດຕ່າງໆ ແມ່ນກະແຈກກະຈາຍຢູ່ຂະແໜງການ, ເຈົ້າຂອງເອກະສານຕ້ອງໄດ້ວິ່ງເຕັ້ນ, ພົວພັນກັບພາກສ່ວນດ້ວຍຕົນເອງ ຊຶ່ງເປັນການສ້າງຄວາມສັບ ສົນ, ສິ້ນເປືອງເວລາ ແລະ ສິ້ນເປື່ອງຄ່າໃຊ້ຈ່າຍ, ບາງກໍລະນີກໍ່ເຮັດໃຫ້ເອກະສານຂອງປະຊາຊົນເກີດຕົກເຮ່ຍເສຍຫາຍ, ການກຳນົດແບບຟອມ, ຄ່າທຳນຽມກໍ່ຍັງບໍ່ເປັນເອກະພາບ ແລະ ບັນຫາອື່ນໆ .

             ສັງເກດໄດ້ວ່າໃນໄລຍະຜ່ານມາຍັງບໍ່ທັນໄດ້ເປີດການເຮັດການທົດລອງການບໍລິການຜ່ານປະຕູດຽວ, ກໍ່ຄືກັນກັບບັນດາເມືອງອື່ນໆ ປະຊາຊົນຜູ້ມາຊົມໃຊ້ ຫຼື ມາຢືນຄຳຮ້ອງເອກະສານຕ່າງໆ ແມ່ນຜ່ານຫົວໜ້າຫ້ອງວ່າ ການໂດຍກົງ ຫຼື ຕາມການມອບວຽກຂອງຄະນະຮັບຜິດຊອບ, ຈາກນັ້ນຈຶ່ງສະເໜີຫາທ່ານເຈົ້າເມືອງໃນການແກ້ໄຂ ເອກະສານຕ່າງໆ ສະນັ້ນລັກສະນະການແກ້ໄຂເອກະສານທີ່ເຂົ້າຫາເຈົ້າເມືອງແມ່ນມີຫຼາຍອັນ , ສະເພາະເຈົ້າເມືອງ ເປັນຜູ້ຮັບຜິດຊອບໂດຍກົງບັນດາວຽກພາຍໃນເມືອງຖືວ່າມີຫຼາຍວຽກທີ່ພົວພັນເຖິງໂດຍບໍ່ໄດ້ແຍກວ່າອັນໃດແມ່ນ ຂອບເຂດສິດເຈົ້າເມືອງແກ້, ອັນໃດແມ່ນຂະແໜງການກ່ຽວຂ້ອງແກ້ໄຂໂດຍກົງ, ອັນນີ້ກໍ່ແມ່ນວຽກໜື່ງທີ່ພາໃຫ້ສັບສົນ. ສະນັ້ນຈຶ່ງພາໃຫ້ເຈົ້າເມືອງ, ຮອງເຈົ້າເມືອງ ແຕ່ລະມື້ໄດ້ແກ້ໄຂເອກະສານຕ່າງໆທີ່ເຂົ້າມາແມ່ນຫຼວງຫຼາຍ ໂດຍສະເພາະເອກະສານຮ້ອງຟ້ອງ, ຂໍຄວາມເປັນທຳ, ເອກະສານທີ່ດິນ, ການຂໍອະນຸຍາດປຸກສ້າງ, ການອອກອະນຸ ຍາດນຳໃຊ້ທີ່ດິນ, ການນຳໃຊ້ການປຽນທີ່ດິນ, ການຍົກຍ້າຍພົນລະເມືອງ ແລະ ອື່ນໆ ເຫັນວ່າມີຄວາມສັບສົນພໍສົມ ຄວນເອກະສານເຂົ້າບໍ່ເປັນລະບຽບ, ບາງເອກະສານຜ່ານຫຼາຍຂັ້ນຕອນ, ຫຼາຍຂອດທີ່ບໍ່ຈຳເປັນ ( ເວົ້າລວມແລ້ວບໍ່ ເປັນລະບຽບ, ການເຂົ້າອອກເກີດບັນຫາ, ເກີດການເສຍຫາຍ, ບາງເອກະສານສ້າງຄວາມບໍ່ເຂົ້າໃຈລະຫວ່າງປະຊາ ຊົນກັບພະນັກງານເຊັ່ນວ່າ : ເປັນຫຍັງຄ້າງດົນແທ້ເຮັດໃຫ້ພາໃຫ້ມີຄວາມສົງໄສກັນລະຫວ່າງຂະແໜງການຕ່າງໆ

             ເວົ້າລວມແລ້ວການຕິດຕາມເອກະສານຂາເຂົ້າ-ຂາອອກແມ່ນມີຄວວາມຄວາມຫຍຸ້ງຍາກ, ເຈົ້າຂອງ ເອກະສານວີ້ງເຕັ້ນ, ພົວພັນກັບຫຼາຍພາກສ່ວນດ້ວຍຕົນເອງ ອັນນີ້ກໍ່ເປັນການສ້າງຄວາມສັບສົນ, ສີ້ນເປືອງເວລາ, ສີ້ນເປືອງຄ່າໃຊ້ຈ່າຍຕ່າງໆ ຄືເອກະສານເສຍໂດຍບໍ່ຮູ້ສາເຫດ, ອີກດ້ານໜື່ງການກຳນົດແບບຟອມ, ຄ່າທຳນຽມຕ່າງໆ ກໍ່ຍັງບໍ່ທັນເອກະພາບກັນເກີດບັນຫາເປັນຕົ້ນເກັບຫຼາຍເກັບໜ້ອຍບໍ່ຍຸຕິທຳ, ນີ້ກໍ່ພາໃຫ້ສັງຄົມຕຳນິວິຈານອົງການລັດ. ການແກ້ໄຂເອກະສານຜ່ານຫຼາຍຂັ້ນ, ຫຼາຍຂອດແຕ່ລະບ່ອນລ້ວນແຕ່ພົບຄວາມຫຍຸ້ງຍາກມີຫຼາຍທາງອອກ, ຫຼາຍການແນະນຳການປະກອບເອກະສານ, ບໍ່ມີຟອມທີ່ຈະແຈ້ງປະຊາຊົນຖືເອກະສານໄປພົວພັນເອງກັບໄປກັບມາ ຫຼາຍຄັ້ງ, ບາງຄັ້ງເອກະສານຕ້ອງເລີ່ມຕົ້ນ ແລະ ເພີ່ມຕື່ມໃໝ່, ບາງເອກະສານເສຍ, ພະນັກງານບາງຂະແໜງມີການ ກົດໜ່ວງເວລາເພື່ອຮຽກຮ້ອງຜົນປະໂຫຍດໄລຍະເວລາແກ້ໄຂເອກະສານດົນແບບໍ່ມີກຳນົດ ຕົວຢ່າງ :

             - ເອກະສານປົກຄອງໃຊ້ເວລາແຕ່ 5-15 ວັນ.

             - ເອກະສານ ຍທຂ ໃຊ້ເວລາເຖິງ 2 ເດືອນ.

             - ເອກະສານທີ່ດິນໃຊ້ເວລາແຕ່ 2 ເດືອນ ຫາ 2 ປີ.

 

      2.5.3 ຄວາມເປັນມາ ແລະ ການດຳເນີນການບໍລິການກົນໄກການບໍລິການຜ່ານປະຕູດຽວ

 

             ວຽກງານບໍລິການຜ່ານປະຕູດຽວເມືອງໄຊເສດຖາ ເປັນຈຸດທົດລອງແຫ່ງທຳອິດຂອງນະຄອນຫຼວງ ວຽງຈັນ ກໍ່ຄື ສປປ ລາວ ໂດຍໄດ້ຮັບການຊີ້ນຳຢ່າງໃກ້ສິດຈາກຂັ້ນເທິງອັນໄດ້ແກ່ເມືອງໄຊເສດຖາ ເຊິ່ງໄດ້ກາຍເປັນຈຸດຖອດຖອນບົດຮຽນຂອງບັນດາເມືອງໃນຂອບເຂດນະຄອນຫຼວງ ແລະ ທົ່ວປະເທດ. ຜ່ານມາການນຳເມືອງ ກໍໄດ້ເຂົ້າຮ່ວມໃຫ້ບົດຮຽນການບໍລິການຜ່ານປະຕູດຽວໂດຍຮ່ວມກັບ ທະບວງການປົກຄອງ ແລະ ຄຸ້ມຄອງລັດຖະກອນ (ໃນເມືອງກ່ອນ) ໃນການດຳເນີນຈັດຕັ້ງການຝຶກອົບຮົມພະນັກງານອ້ອມຂ້າງຕ່າງໆ ນອກນັ້ນຍັງໄດ້ຕ້ອນຮັບການມາຖອດຖອນບົດຮຽນຈາກບັນດາແຂວງ ແລະ ເມືອງຕ່າງໆ.

1.   ບາດກ້າວການກະກຽມ (ຈຸດເລີ່ມຕົ້ນ)

                 ການບໍລິການຜ່ານປະຕູດຽວຂອງເມືອງໄຊເສດຖາ ໄດ້ຮັບການລິເລີ່ມແຕ່ກອງປະຊຸມໃຫຍ່ຄັ້ງ ທີ່ VII ຂອງພັກ , ຊຶ່ງໄດ້ກຳນົດໄວໃນບາງຕອນຂອງວຽກງານການບໍລິຫານລັດຄື : ຕ້ອງສຸມໃສ່ເພີ່ມທະວີຄວາມສັກ ສິດຂອງກົດໝາຍ ແລະ ປະສິດທິພາບຂອງອຳນາດບໍລິຫານລັດ, ສືບຕໍ່ບູລະນະກົງຈັກການຈັດຕັ້ງສູນກາງ, ທ້ອງ ຖິ່ນຮາກຖານ ກຳນົດພາລະບົດບາດ, ແບ່ງຂັ້ນຄຸ້ມຄອງ ແລະ ສິບຂອບເຂດຂອງແຕ່ລະຂັ້ນໃຫ້ຈະແຈ້ງ ເພື່ອຮັບ ປະກັນ ໃຫ້ແກ່ການຕົກລົງແກ້ໄຂບັນຫາໃຫ້ຖືກຕ້ອງ ແລະ ວ່ອງໄວ, ມີລະບຽບວິໄນເຂົ້ມງວດຮັບປະກັນລັກສະ ນະໂປ່ງໃສ່ ສ້າງກົນໄກປະສານງານກັບຂະແໜງການສູນກາງ, ທ້ອງຖິ່ນດ້ວຍກັນລະຫວ່າງຂັ້ນຕ່າງໆໃນກົງຈັກລັດດ້ວຍກັນໃຫ້ ມີຄວາມວ່ອງໄວສອດຄ່ອງກົມກ່ຽວກັນ. ນຳໃຊ້ເຕັກນິກ ແລະ ວິທີ່ຄຸ້ມຄອງທີ່ທັນສະໄໝເຂົ້າໃນການບໍລິການ, ຈຳກັດພະຍາດອາດຍາສິດ, ເຮັດວຽກຫຼາຍຂັ້ນຕອນ, ຫຼາຍຂອດ ແລະ ຈຳກັດແກ້ໄຂການສໍ້ລາດບັງຫຼວງທຸກຮູບແບບ ເອົາໃຈໃສ່ບຳລຸງກໍ່ສ້າງພະນັກງານໃຫ້ມີລະບຽບວິໄນ, ມີຄຸນນະພາບທີ່ດີໄປພ້ອມກັບການຈັດ ຕັ້ງປະຕິບັດລະບຽບ ລັດຖະກອນ ແລະ ນະໂຍບາຍດ້ານຕ່າງໆໃຫ້ເຂັ້ມງວດ. ໂດຍຈັດຕັ້ງປະຕິບັດຈິດໃຈຊີ້ນຳຂອງຂັ້ນເທິງ, ມະຕິຕົກລົງ ຂອງກົມການເມືອງສູນກາງພັກສະບັບເລກທີ່ 118/ກມພສ, ລົງວັນທີ 15/12/2003 ວ່າດ້ວຍການສືບຕໍ່ປັບປຸງບູ ລະນະກົງຈັກອົງການບໍລິຫານຂອງລັດ. ຫຼັງຈາກນັ້ນກອງປະຊຸມຂອງຄະນະປະຈຳພັກນະຄອນຫຼວງວຽງຈັນຄັ້ງວັນ ທີ 27/6/2004 ໄດ້ຕົກລົງເລືອກເອົາເມືອງໄຊເສດຖາເປັນຈຸດທົດລອງ ແລະ ໄດ້ອອກຂໍ້ຕົກລົງສະບັບເລກທີ່ 378/ຈນວ, ລົງວັນທີ 13/7/2004 ວ່າດ້ວຍການກຳນົດຈຸດທົດລອງການບໍລິການຜ່ານປະຕູດຽວ ແລະ ການມອບ ເໝົາຄັງເງິນເດືອນ-ຄັງບໍລິຫານຂອງນະຄອນຫຼວງວຽງຈັນ.

                       ຫຼັງຈາກນັ້ນຄະນະປະຈຳພັກນະຄອນຫຼວງວຽງຈັນກໍ່ໄດ້ແຕ່ງຕັ້ງຄະນະຮັບຜິດຊອບຂື້ນໂດຍ ແມ່ນທ່ານຮອງເຈົ້າຄອງນະຄອນຫຼວງເປັນຜູ້ຊີ້ນຳ, ໄດ້ແຕ່ງຕັ້ງຄະນະຮັບຜິດຊອບກະກຽມການເຮັດທົດລອງນຳພາ ທາງດ້ານວິຊາການ, ກະກຽມບັນດາເອກະສານທີຈຳເປັນຈຳນວນໜື່ງ ແລະ ສະໜັບສະໜູນທາງດ້ານການເງິນ ງົບປະມານເພື່ອເປີດຝຶກອົບຮົມໃຫ້ພະນັກງານ.

                       ພາຍຫຼັງທີ່ໄດ້ກະກຽມທາງດ້ານນິຕິກຳ, ການຈັດຕັ້ງ, ສະຖານທີ, ບຸກຄະລາກອນ ແລະ ງົບ ປະມານຈຳນວນໜື່ງແລ້ວ ແລະ ໃນປີ 2004 ຄະນະປະຈຳພັກນະຄອນຫຼວງ ແລະ ທະບວງການປົກຄອງຈຶ່ງໄດ້ເຊີນ ຊ່ຽວຊານຈາກ ສສ ຫວຽດນາມ (ນະຄອນໂຮ່ຈິມິນ) ມາປະຖະກະຖາ (ຝຶກອົບຮົມ)ຊີ້ແຈງແຕ່ລະບັນຫາໃນແຕ່ລະ ຫ້ອງການທີໄດ້ເຮັດທົດລອງ ແລະ ມີຕົວແທນຈາກ 7 ເມືອງ ແລະ ຄະນະຮັບຜິດຊອບຂັ້ນນະຄອນຫຼວງມີຈຳນວນ 18 ສະຫາຍ ແລະ ມີພະນັກງານວິຊາການເຂົ້າຮ່ວມນຳຈຳນວນໜື່ງ.

                       ຈາກນັ້ນມານະຄອນຫຼວງກໍ່ໄດ້ແຕ່ງຕັ້ງຄະນະຮັບຜິດຊອບໄປຖອດຖອນບົດຮຽນດ້ານປະຕູ ດຽວຢູ່ ສສ ຫວຽດນາມ ເພື່ອເອກະພາບວິທີເຮັດລະບຽບການບໍລິການແລະກຳນົດໜ້າວຽກທີ່ຈະເຮັດທົດລອງ.

2.   ການດຳເນີນການທົດລອງ

                   ຫຼັງຈາກນັ້ນເຈົ້າຄອງນະຄອນຫຼວງວຽງຈັນໄດ້ອອກຂໍ້ຕົກລົງສະບັບເລກທີ່ 123/ຈນວ,ລົງວັນທີ 14/3/2006 ວ່າດ້ວຍການອະນຸມັດເປີດບໍລິການທົດລອງຜ່ານປະຕູດຽວຢູ່ເມືອງໄຊເສດຖາ ນັບແຕ່ມື້ນັ້ນມາກໍ່ເລີ່ມ ປະຕິບັດການເຮັດການທົດລອງກົນໄກບໍລິການຜ່ານປະຕູດຽວ ໃນເບື້ອງຕົ້ນໄດ້ທົດລອງມີ 4 ຫ້ອງການຄື :

                   - ວຽກງານປົກຄອງເມືອງ.

                   - ວຽກງານໂຍທາທິການຂົນສົ່ງເມືອງ.

                   - ວຽກງານຄຸ້ມຄອງທີ່ດິນເມືອງ.

                   - ວຽກງານການລົງທຶນຂັ້ນເມືອງ (ການລົງທຶນໜາດນ້ອຍ).

                   ຈາກນັ້ນທາງເມືອງໄຊເສດຖາກໍ່ໄດ້ກຳນົດແຜນການດຳເນີນການທົດລອງກົນໄກຜ່ານປະຕູດຽວຢູ່ ເມືອງອອກ , ສະບັບເລກທີ່ 069/ຈມຊຖ, ລົງວັນທີ 7/3/2006 ໃນແຜນດຳເນີນງານກໍ່ໄດ້ກຳນົດວຽກຈຸດສຸມ ຄື: ອັນທີ່ໜື່ງກໍ່ໄດ້ກຳນົດຕີລາຄາຄືນສະພາບການຈັດຕັ້ງປະຕິບັດຜ່ານມາ, ກຳນົດວັດຖຸປະສົງ, ຄາດຄະເນ, ຫຼັກການ, ກຳນົດໜ້າວຽກຈະເອົາເຂົ້າເຮັດ, ກຳນົດລະບົບຈໍລະຈອນເອກະສານ(ແບ່ງຄວາມຮັບຜິດຊອບຂອງເມືອງ) ຈາກນັ້ນ ຊັບຊ້ອນບັນຈຸພະນັກງານ, ກຳນົດແຜນຝຶກອົບຮົມ ແລະ ແຜນຈັດຕັ້ງປະຕິບັດ.

 

               ກ. ຂັ້ນຕອນການກະກຽມ

                   ພວກເຮົາໄດ້ກະກຽມການເຮັດການທົດລອງແມ່ນໄດ້ສຸມໃສ່ກະກຽມບັນດາເອກະສານຄື : ແຜນ ການດຳເນີນການທົດລອງ, ການເປີດຝຶກອົບຮົມພະນັກງານ, ກຳນົດໜ້າວຽກ, ຮ່າງຂໍ້ຕົກເຈົ້າຄອງນະຄອນຫຼວງ ຮ່າງກົດລະບຽບຂອງພະນັກງານປະຕູດຽວ, ຮ່າງຂໍ້ກຳນົດກົດລະບຽບຂອງການບໍລິການຜ່ານປະຕູດຽວ, ຮ່າງກົດລະ ບຽບວ່າດ້ວຍການເກັບຄ່າທຳນຽມ, ຄ່າທຳນຽມ, ຄ່າແບບຟອມ, ຄ່າບໍລິການຂອງພາກສ່ວນຮັບ-ສົ່ງເອກະສານ.

               ເວົ້າລວມແລ້ວບາດກ້າວກະກຽມດຳເນີນ : ໄດ້ແບ່ງອອກເປັນ 3 ໄລຍະຄື :

               ໄລຍະທີ່1 : ແມ່ນແຕ່ງຕັ້ງຄະນະຮັບຜິດຊອບ ( ມີຂັ້ນນະຄອນຫຼວງຊີ້ນຳ, ຂັ້ນເມືອງແມ່ນເຮັດຕົວ ຈິງ).

               ໄລຍະທີ່2 : ແມ່ນເຊີນຊ່ຽວຊານ ສສ ຫວຽດນາມມາປະຖະກະຖາ (ເປີດຝຶກອົບຮົມວຽກງານສະ ເພາະແໜງການ) ແລະ ນະຄອນຫຼວງໄດ້ນຳເອົາຄະນະໄປທັດສະນະສຶກສາຖອດຖອນບົດຮຽນຢູ່ ສສ ຫວຽດນາມ.

               ໄລຍະທີ່3 : ແມ່ນຈັດຕັ້ງຝຶກອົບຮົມຂະແໜງການກ່ຽວຂ້ອງທີ່ຈະເຮັດທົດລອງ, ຝຶກອົບຮົມພະນັກ ງານໜ່ວຍງານຜ່ານປະຕູດຽວສະເພາະ.

               ໃນແຕ້ລະບາດກ້າວກະກຽມນີ້ແມ່ນໄດ້ຮັບການຊີ້ນຳຈາກຄະນະປະຈຳພັກນະຄອນຫຼວງວຽງຈັນ ແລະ ໄດ້ຮັບການສະໜັບສະໜູນຈາກທະບວງການປົກຄອງ ແລະ ຄຸ້ມຄອງລັດຖະກອນມາໂດຍຕະຫຼອດ.

 

               ຂ. ການເຮັດການທົດລອງແມ່ນປະຕິບັດຕາມ 5 ຫຼັກການຕົ້ນຕໍມີດັ່ງນີ້ :

 

                   1. ຮັບການສະເໜີ ແລະ ສົ່ງຜົນຕອບຢູ່ບ່ອນດຽວ.

                   2. ເປີດເຜີຍບັນດາລະບຽບການ, ໄລຍະເວລາໃນການບໍລິການ, ລະອຽດຈະແຈ້ງ (ກຳນົດຄ່າ ທຳນຽມ, ຄ່າພີມ, ແບບຟອມ, ຄ່າສະແຕນ) ຖືວ່າການແນະນຳປະກອບເອກະສານໃຫ້ຖືກຕ້ອງຈະແຈ້ງ, ພ້ອມທັງ ຂາຍແບບຟອມເອກະສານ.

                   3. ລະບຽບດ້ານເອກະສານຈະແຈ້ງເຂົ້າໃຈງ່າຍ-ສອດຄ່ອງກັບກົດໝາຍ.

                   4. ປະຕິບັດຕາມພາລະບົດບາດສິດ ແລະ ໜ້າທີ່ຂອງພະນັກງານບໍລິການຜ່ານປະຕູດຽວ.

                   5. ຮັບປະກັນການແກ້ໄຂວຽກໃຫ້ປະຊາຊົນໃຫ້ໄວ, ສະດວກຖືກກັບກຳນົດເວລາ, ການພົວພັນ ປະສານງານກັບພາກສ່ວນຕ່າງໆແມ່ນພະນັກງານລັດ (ບໍ່ໃຫ້ປະຊາຊົນໄປແລ່ນເອງ)

 

           - ການແກ້ໄຂເອກະສານໜ່ວຍງານປົກຄອງດັ່ງກ່າວຈາກ 10-15 ວັນ, ມາເປັນ 2-5 ວັນ. ສົມທຽບໃສ່ເວລາດຽວກັນເພີ່ມຂື້ນຫຼາຍທົບ.

           - ເວລາແກ້ໄຂເອກະສານຢູ່ຂັ້ນເມືອງ 10 ວັນ (ເມືອງ 3 ວັນ, ນະຄອນຫຼວງ 7 ວັນ). (ໃນເມື່ອກ່ອນ 2 ເດືອນ ຫາ 2 ປີ ).

 

      2.5.4 ການຈັດຕັ້ງປະຕິບັດການບໍລິການຜ່ານປະຕູດຽວຢູເມືອງໄຊເສດຖາ

         ກ. ພາຍຫຼັງດຳເນີນການເຮັດການບໍລິການຜ່ານປະຕູດຽວຢູ່ເມືອງໄຊເສດຖາ.

1.  ການບໍລິການຜ່ານປະຕູດຽວໄດ້ສ້າງຄວາມສະດວກ ແລະ ຫຼຸດຜ່ອນລາຍຂ່າຍທີ່ຈຳເປັນຂອງປະຊາ ຊົນ, ການແກ້ໄຂມີຄວາມໂປ່ງໃສ່, ຈຳກັດຊ່ອງຫວ່າງ, ແກ້ໄຂການກົດໜ່ວງທ່ວງດຶງ, ຫຼີກລ້ຽງຄ່າ ຮຽກຜົນປະ ໂຫຍດຕ່າງໆ ທີ່ຜິດຫຼັກການ ແລະ ສ້າງຄວາມສະດວກໃຫ້ແກ່ທ່ານເຈົ້າເມືອງ ຫຼື ການນຳຂອງເມືອງໃນການຄົ້ນຄວ້າ ວຽກງານ, ບໍ່ເສຍເວລາໄປນຳເອກະສານ, ຄຳຮ້ອງຟ້ອງຕ່າງໆ.

2.  ຜູ້ສະເໜີ ແລະ ຜູ້ຜ່ານເອກະສານບໍ່ໄດ້ພົບໜ້າກັນ, ເມືອຮອດເວລາແລ້ວເຈົ້າຂອງເອກະສານກໍ່ ໄດ້ ມາເອົາເອກະສານຂອງຕົນຕາມເວລານັດໝາຍ.

3.  ຫຼຸດຜ່ອນຂັ້ນຕອນ, ປະຫຍັດເວລາ ເຊັ່ນ : ໜື່ງເຮັດໃຫ້ລາຍຮັບເພີ່ມຂື້ນ, ສອງປະຊາຊົນມີຄວາມ ສະດວກ, ບໍ່ໄດ້ລໍ້ຖ້າ, ໄດ້ຮັບຕາມກຳນົດເວລາ, ການແກ້ໄຂມີຄວາມໂປ່ງໃສ່.

4.  ການສົ່ງເອກະສານໄປ-ມາ ຫຼື ເອກະສານເສຍຫາຍ-ຖືກແກ້ໄຂ ( ເພາະເອກະສານທຸກຂັ້ນແມ່ນໄດ້ ຮັບການບັນທຶກໄວ້, ເຊັນກັນແຕ່ລະເທື່ອ, ກໍລະນີເອກະສານໃດໜື່ງເສຍ ກໍ່ຮູ້ວ່າຢູ່ນຳຜູ້ໃດ ເສຍຢູ່ໃສ່ ເສຍນຳໃຜ).

5.  ການຮັບເອກະສານຜ່ານປະຕູດຽວທັງຮັບ ແລະ ທັງສົ່ງບ່ອນດຽວກັນ, ເຫັນວ່າຜູ້ທີ່ມາຊົມໃຊ້ຄື ປະຊາຊົນທົ່ວໄປ, ການຮັບເອກະສານ-ເອກະສານອອກບ່ອນດຽວເຫັນວ່າມີຜົນດີຫຼາຍດ້ານ, ປະຊາຊົນບໍ່ໄດ້ໄປພົວ ພັນຫຼາຍບ່ອນ ຫຼື ໄປວິ່ງເຕັ້ນເອົາເອກະສານຕາມແຕ່ລະຈຸດຄືໄລຍະຜ່ານມາ ເຮັດໃຫ້ການພົວພັນເອກະສານທີ່ເຂົ້າ ມາຫາເມືອງ ບໍ່ໄດ້ລໍຖ້າດົນເພາະໄດ້ກຳນົດເວລາໃຫ້ເຈົ້າຂອງເອກະສານແລ້ວ.

6.  ເຮັດໃຫ້ການພົວພັນລະຫວ່າງພະນັກງານລັດກັບປະຊາຊົນໄດ້ຮັບການປັບປຸງດີຂື້ນເທື່ອລະກ້າວ ສ່ວນຜູ້ທີ່ມາຊົມໃຊ້ແລ່ນເອກະສານກ້າວເຂົ້າສູ່ລະບຽບເປັນເທື່ອລະກ້າວ, ຖືວ່າໄດ້ຫັນເຂົ້າສູ່ການຄຸ້ມຄອງດ້ວຍລະ ບຽບກົດໝາຍເທື່ອລະກ້າວ.

7.  ແບບແຜນວິທີເຮັດວຽກຂອງບັນດາຫ້ອງການ, ຂະແໜງການອ້ອມຂ້າງຂອງເມືອງແມ່ນໄດ້ຮັບ ການປັບປຸງ ໂດຍສະເພາະຂັ້ນຕອນການແກ້ໄຂເອກະສານມີລັກສະນະກະທັດລັດ ແລະ ສະດວກ ໂປ່ງໃສ່ວ່ອງໄວ ຂື້ນກວ່າເກົ່າ.

8.  ພວກເຮົາສາມາດສະກັດກັ້ນບັນດາປະກົດການທີ່ກົດໜ່ວງ ແລະ ທ່ວງດຶງເວລາແກ້ໄຂ້ເອກະສານ ເພື່ອຫາຜົນປະໂຫຍດສ່ວນຕົວ ນັບມື້ນັບໄດ້ຮັບການແກ້ໄຂ.

 

         ຂ.   ຜົນໄດ້ຮັບຈາກການຈັດຕັ້ງປະຕິບັດ

               ອີງຕາມຂໍ້ຕົກລົງຂອງເຈົ້າຄອງ ແລະ ຜ່ານໝາກຜົນຂອງການຈັດຕັ້ງປະຕິບັດຕົວຈິງການບໍລິການ ຜ່ານປະຕູດຽວໃນ 4 ໜ່ວຍງານທີ່ໄດ້ກຳນົດໄວ້ແຜນການນັ້ນ ແຕ່ຜ່ານການຈັດຕັ້ງປະຕິບັດຕົວຈິງມີແຕ່ 3 ໜ່ວຍງານ ໃນເບື້ອງຕົ້ນ ໂດຍໄດ້ວາງຄາດໝາຍໃຫ້ນໄຊ້ຂອງປະຊາຊົນ, ພະນັກງານເພີ່ມຂື້ນ 1-2 ເທືອ , ເວລາຕ້ອງໄດ້ໄວ ກ່ອນ 2-3 ເທື່ອ. ຜ່ານການຈັດຕັ້ງປະຕິບັດສາມາດສະຫຼຸບໄດ້ດັ່ງນີ້ (ບົດສະຫຼຸບ ແລະ ທິດທາງແຜນການ ຂອງການຈັດຕັ້ງປະຕິບັດວຽກງານຜ່ານປະຕູດຽວຂອງເມືອງໄຊເສດຖາ, 2015). :

 

             1. ວຽກງານຂອງຫ້ອງວ່າການປົກຄອງທັງໝົດມີ                       2.587 ສະບັບໃນນັ້ນມີ :

                 - ໃບຢັ້ງຢືນການເກີດ                                                1.352 ສະບັບ.

                 - ປ່ຽນຊື່-ນາມສະກຸນ                                               355 ສະບັບ.

                 - ຍົກຍ້າຍບຸກຄົນ-ຄອບຄົວ                                         583 ສະບັບ.

                 - ຈົດທະບຽນແຕ່ງດອງຄົນລາວ                                     231 ຊຸດ.

                 - ຜ່ານແຕ່ງງານລາວກັບຕ່າງປະເທດ                                20 ຊຸດ.

                 - ເອກະສານຢ່າງຮ້າງ                                                34 ຊຸດ.

                 - ເອກະສານຂໍຢູ່ລາວຖາວອນ                              9 ຊຸດ.

                 - ເອກະສານເຊື່ອມສັນຊາດລາວ                                    3 ຊຸດ.

                 - ຄ່າບໍລິການທັງໝົດ:                                               60.350.000 ກີບ.

                 - ມອບໃຫ້ຫ້ອງວ່າການ      70%                      =       42.245.000 ກີບ.

                 - ມອບໃຫ້ບ້ວງຮັບແຂກ     20%                      =       12.070.000 ກີບ.

                 - ມອບເຂົ້າບໍລິຫານປະຕູດຽວ10%                      =3.035.000 ກີບ.

 

             2. ວຽກງານໂຍທາທິການ-ຂົນສົ່ງເມືອງ ເອກະສານເຂົ້າທັງໝົດ        247 ຊຸດໃນັ້ນ :

                 - ປຸກສ້າງຂັ້ນເມືອງ                     174 ຊຸດ.

                 - ປຸກສ້າງຂັ້ນພະແນກ                  73 ຊຸດ.

                 - ຄ່າບໍລິການທັງໝົດ :                 23.272.700 ກີບ.

                 - ມອບໃຫ້ຫ້ອງວ່າການ                70%   = 16.290.890 ກີບ.

                 - ມອບໃຫ້ບ້ວງຮັບແຂກ               20%   = 4.654.540 ກີບ.

                 - ມອບເຂົ້າບໍລິຫານປະຕູດຽວ         10%   =2.327.270 ກີບ.

                 - ຄ່າທຳນຽມຖອກເຂົ້າງົບປະມານ :  5.174.000 ກີບ.

 

             3 ວຽກງານຄຸ້ມຄອງທີ່ດິນ ເອກະສານເຂົ້າທັງໝົດ  740 ຊຸດໃນນັ້ນ :

 

                 - ເອກະສານມອບໂອນ 679 ຊຸດ.

                 - ເອກະສານສືບມູນ          61 ຊຸດ.

                 - ໃບຕາດິນອອກ             720 ໃບ.

                 - ຄ່າບໍລິການ                 66.600.000 ກີບ.

                 - ຖອກງົບປະມານ           1.224.044.000. ກີບ.

                 - ມອບໃຫ້ຫ້ອງວ່າການ                70%   =       46.620.000 ກີບ.

       - ມອບໃຫ້ບ້ວງຮັບແຂກ               20%   =       13.320.000 ກີບ.

                 - ມອບເຂົ້າບໍລິຫານປະຕູດຽວ         10%   =      6.660.000 ກີບ.

 

             4. ວຽກງານຖະແຫຼ່ງຂ່າວ-ວັດທະນະທຳ ແລະ ທ່ອງທ່ຽວ ເອກະສານເຂົ້າທັງໝົດ 171 ຊຸດ

 

                 - ເອກະສານເນື້ອໃນປ້າຍ                        86 ຊຸດ.

                 - ເອກະສານອະນຸຍາດດຳເນີນທຸລະກິດ          39 ຊຸດ.

                 - ເອກະສານອະນຸຍາດຮ້ານເສີມສວຍ            28 ຊຸດ.

                 - ຄ່າບໍລິການ                                    13.760.000 ກີບ.

                 - ຖອກຄ່າທຳນຽມເຂົ້າງົບປະມານ     2.288.000 ກີບ.

                 - ມອບໃຫ້ຫ້ອງວ່າການ                70%   =       9.632.00 ກີບ.

       - ມອບໃຫ້ບ້ວງຮັບແຂກ               20%   =       2.752.000 ກີບ.

                 - ມອບເຂົ້າບໍລິຫານປະຕູດຽວ         10%   =       1.376.000 ກີບ.

 

             ຜ່ານການຈັດຕັ້ງປະຕິບັດການທົດລອງຜ່ານບໍລິການປະຕູດຽວໄດ້ມີການຫັນປ່ຽນ, ມີດ້ານດີ, ດ້ານອ່ອນ  ແລະ ສາຍເຫດທີ່ພາໃຫ້ມີດ້ານດີ, ອ່ອນໃນແຕ່ລະດ້ານ ຕາມການສະຫຼຸບໃນກອງປະຊຸມວຽກງານບໍລິການໃນແຕ່ ລະຄັ້ງໄດ້ຢັ້ງຢືນວ່າ :

 

                 ຂໍ້ສະດວກ

             - ຜ່ານການດຳເນີນວຽກງານການບໍລິການຜ່ານປະຕູດຽວ ເຫັນວ່າທະບວງການປົກຄອງ ແລະ ຄຸ້ມຄອງລັດຖະກອນ ໄດ້ຊີ້ນຳຢ່າງໃກ້ຊິດນັບຕັ້ງແຕ່ເລີ່ມກຽມເຮັດທົດລອງຈົນເຖິງປະຈຸບັນນັບທັງດ້ານວິຊາການ, ສະໜັບສະໜູນດ້ານງົບປະມານ ແລະ ອຸປະກອນຮັບໃຊ້ຢ່າງທີ່ຈຳເປັນ.

                 - ຄະນະປະຈຳພັກນະຄອນຫຼວງວຽງຈັນ, ເຈົ້າຄອງນະຄອນຫຼວງວຽງຈັນ ກໍ່ໄດ້ເອົາໃຈໃສ່ຊີ້ນຳໂດຍ ສະເພາະກໍ່ໄດ້ແຕ່ງຕັ້ງຄະນະຮັບຜິດຊອບໂດຍກົງ, ຊີ້ນຳແຕ່ລະໄລຍະເຮັດວຽກການບໍລິການຜ່ານປະຕູດຽວຂອງ ເມືອງໄຊເສດຖາມີຜົນສຳເລັດເປັນແຕ່ລະຂັ້ນ, ຄະນະພັກເມືອງໂດຍສະເພາະເຈົ້າເມືອງໄດ້ຊີ້ນຳໂດຍກົງຕໍ່ການຈັດຕັ້ງ ປະຕິບັດວຽກງານຜ່ານປະຕູດຽວຢ່າງມີຄວາມຮັບຜິດຊອບສູງ, ຈຶ່ງເຮັດໃຫ້ການບໍລິການເລີ່ມແລ່ນສະດວກດີ.

                 - ພະນັກງານພາກສ່ວນກ່ຽວຂ້ອງຂອງເມືອງມີຄວາມຕັດສິນໃຈສູງ, ມີຄວາມບຸກບືນ, ມີຄວາມພະ ຍາຍາມເພື່ອປະຕິບັດສຳເລັດໜ້າທີ່ວຽກງານທີ່ການຈັດຕັ້ງໄດ້ມອບໝາຍໃຫ້ ແລະ ກ້າຮັບຜິດຊອບຕໍ່ການຈັດຕັ້ງປະຕິ ບັດໃນໜ້າວຽກຂອງຕົນ, ດ້ານໜື່ງບັນດາຫ້ອງການໃນ 5 ຫ້ອງການນັ້ນແມ່ນເຮັດວຽກມີຄວາມສະດວກ, ຢູ່ໃກ້ກັນ, ການປະສານງານສະດວກ, ວ່ອງໄວ, ທັນເວລາທີ່ກຳນົດໄວ້.

                 - ການບໍລິການຜ່ານປະຕູດຽວສ້າງຄວາມສະດວກ ແລະ ຫຼຸດຜ່ອນລາຍຈ່າຍທີ່ຈຳເປັນຂອງປະຊາຊົນ ມີຄວາມໂປ່ງໃສ່, ຈຳກັດຊ່ອງຫວ່າງ, ການກົດໜ່ວງທ່ວງດຶງ ຫຼີກຫຼ່ຽງຄ່າຮຽກຮ້ອງຜົນປະໂຫຍດຕ່າງໆທີ່ຜິດຫຼັກ ການ ແລະ ສ້າງຄວາມສະດວກໃຫ້ແກ່ທ່ານເຈົ້າເມືອງ ຫຼື ການນຳຂອງເມືອງໃນການຄົ້ນຄວ້າວຽກງານ ບໍ່ເສຍເວລາ ໄປນຳເອກະສານ, ຄຳຮ້ອງຟ້ອງຕ່າງໆຫຼຸດລົງຫຼາຍ.

                 - ຜູ້ສະເໜີ ແລະ ຜູ້ຜ່ານເອກະສານບໍ່ໄດ້ພົບໜ້າກັນ, ເມືອຮອດເວລາແລ້ວເຈົ້າຂອງເອກະສານກໍ່ ໄດ້ ມາເອົາເອກະສານຂອງຕົນຕາມເວລານັດໝາຍ.

                 - ຫຼຸດຜ່ອນຂັ້ນຕອນປະຢັດເວລາ ເຊັ່ນ :

                   u ເມືອງອະນຸຍາດກ່ອນການບໍລິການ 10-15 ວັນ, ຍັງ 3-5 ວັນ.

                   v ນະຄອນຫຼວງອະນຸຍາດ 2 ເດືອນ, ຍັງພຽງ 1 ເດືອນ.

                   w ການສົ່ງເອກະສານໄປມາ ຫຼື ເອກະສານເສຍຫາຍຖືກແກ້ໄຂ ( ເພາະເອກະສານທຸກຂັ້ນແມ່ນ ໄດ້ຮັບການບັນທຶກໄວ້, ເຊັນກັນແຕ່ລະເທື່ອ, ກໍລະນີເອກະສານໃດໜື່ງເສຍກໍ່ຮູ້ວ່າຢູ່ນຳຜູ້ໃດ, ຢູ່ໃສ່, ເສຍນຳໃຜ) ໝາຍຄວາມວ່າການຈໍລະຈອນເອກະສານແມ່ນມີປື້ມເຊັນສະເພາະຮັບ-ສົ່ງເອກະສານຢ່າງລະອຽດ.

                   x ເວລາໄວກວ່າເກົ່າ 1,5 ເທົ່າ.

                   y ເອກະສານເພີ່ມຂື້ນ 2-3 ເທົ່າທີ່ໃຊ້ບໍລິການ.

                   z ລາຍຮັບເພີ່ມຂື້ນເກືອບ 10 ເທົ່າ ຕົວຢ່າງ : ວຽກງານທີ່ດິນເພີ່ມຂື້ນຫຼາຍເທົ່າຕົວ.

                   { ຄຸນສົມບັດຂອງພະນັກງານໄດ້ຮັບການປັບປຸງດີຂື້ນເທື່ອລະກ້າວ.

                   | ການຮ້ອງຟ້ອງຕ່າງໆຂອງປະຊາຊົນໄດ້ຫຼຸດລົງຫຼາຍ, ປະຊາຊົນມີຄວາມເພິ່ງພໍໃຈ.

                 ສາເຫດທີ່ພາໃຫ້ມີຈຸດດີ :

                 - ການທົດລອງທຸກລະບຽບການ, ການແກ້ໄຂເອກະສານລ້ວນແຕ່ເປີດເຜີຍ.

                 - ຍ້ອນຄວາມມຸ້ງມາດປາດຖະໜາຂອງປະຊາຊົນ ແລະ ຮັບໃຊ້ສິດຜົນປະໂຫຍດຕົວຈິງຂອງປະຊາ ຊົນ.

                 - ຍ້ອນຄວາມເປັນເອກະພາບໃນການຊີ້ນຳນຳພາ ແລະ ການຈັດຕັ້ງປະຕິບັດໃນແຕ່ລະຂັ້ນ ( ຂັ້ນ ເມືອງ, ຂັ້ນນະຄອນຫຼວງ ມີຄວາມຮັບຜິດຊອບສູງ).

                 - ການຮັບເອກະສານຜ່ານທັງຮັບ ແລະ ທັງສົ່ງບ່ອນດຽວກັນ ເຫັນວ່າຜູ້ຊົມໃຊ້ຄືປະຊາຊົນທົ່ວໄປ, ການຮັບເອກະສານ-ເອກະສານອອກບ່ອນດຽວເຫັນວ່າມີຜົນດີຫຼາຍດ້ານ, ປະຊາຊົນບໍ່ໄດ້ໄປພົວພັນຫຼາຍບ່ອນ ຫຼື ໄປວິ້ງເຕັ້ນເອົາເອກະສານຕາມແຕ່ລະຈຸດຄືໄລຍະຜ່ານມ ເຮັດໃຫ້ການພົວພັນເອກະສານທີ່ສົ່ງເຂົ້າເມືອງບໍ່ໄດ້ລໍຖ້າດົນ ເພາະໄດ້ກຳນົດວັນເວລາໃຫ້ເຈົ້າຂອງເອກະສານແລ້ວໃນມື້ມາສົ່ງເອກະສານຂອງຕົນ.

                 - ເຮັດໃຫ້ການພົວພັນລະຫວ່າງພະນັກງານລັດກັບປະຊາຊົນໄດ້ຮັບການປັບປຸງທີ່ດີຂື້ນເທື່ອລະກ້າວ, ຄົນຜິດທີ່ມາຊົມໃຊ້ແລ່ນເອກະສານກ້າວເຂົ້າສູ່ລະບົບລະບຽບເປັນເທື່ອລະກ້າວ, ຖືວ່າຫັນເຂົ້າສູ່ການຄຸ້ມຄອງດ້ວຍ ລະບຽບກົດໝາຍເທື່ອລະກ້າວ.

                 - ແບບແຜນວິທີເຮັດວຽກຂອງບັນດາຫ້ອງການ, ຂະແໜງການອ້ອມຂ້າງຂອງເມືອງແມ່ນໄດ້ຮັບ ການປັບປຸງໂດຍສະເພາະຂັ້ນຕອນການແກ້ໄຂເອກະສານມີລັກສະນະກະທັດຮັດ ແລະ ສະດວກໂປ່ງໃສ່ວ່ອງໄວຂື້ນ ກວ່າເກົ່າ.

                 - ສາມາດສະກັດກັ້ນບັນດາປະກົດການທີ່ກົດໜ່ວງທວງດຶງເວລາແກ້ໄຂເອກະສານເພື່ອຫາຜົນປະ ໂຫຍດຂອງສ່ວນຕົວນັບມື້ນັບໄດ້ຮັບການແກ້ໄຂ.

                 - ຜ່ານການທົດລອງເຫັນວ່າການບໍລິການຜ່ານປະຕູດຽວໄດ້ຮັບຄວາມນິຍົມຊົມຊອບ ແລະ ສະໜັບສະໜູນຈາກປະຊາຊົນ ຫຼື ຜູ້ມາຊົມໃຊ້ບໍລິການ, ສະແດງອອກຈຳນວນເອກະສານທີ່ໄດ້ຮັບການແກ້ໄຂແມ່ນ ມີຈຳນວນເພີ່ມຂື້ນເກືອບເຄີ່ງໜື່ງຖ້າທຽບໃສ່ໄລຍະຜ່ານມາ.

                 - ການເຮັດການບໍລິການຜ່ານປະຕູດຽວ ພະນັກງານຜູ້ທີ່ມາຮັບຜິດຊອບວຽກງານການບໍລິການຜ່ານ ປະຕູດຽວກ່ອນອື່ນໝົດຕ້ອງມີຄວາມຮັບຜິດຊອບສູງ, ມີຈັນຍາບັນທີ່ດີ, ທ່າທາງມາລະຍາດຄ່ຽມຄົມ ແລະ ມີຄວາມ ຮູ້ຄວາມສາມາດໃນການກວດກາບັນດາເອກະສານຕ່າງໆທີ່ປະກອບມາ ຫຼື ຕາມແບບຟອມໄດ້ກວດກາແຕ່ລະເອກະ ສານຢັ້ງຢືນຄວາມຖືກຕ້ອງ, ເກັບຄ່າທຳນຽມ, ຄ່າແບບຟອມ, ຄ່າບໍລິການ, ກຳນົດເວລາສົ່ງເອກະສານຄືນ, ເປີດເຜີຍ ການເກັບຄ່າຕ່າງໆທີ່ໄດ້ກຳນົດໄວ້ໃນກົດລະບຽບຂອງການບໍລິການຜ່ານປະຕູດຽວ.

 

                 ດ້ານຄົງຄ້າງ

 

                 - ວຽກງານການບໍລິການຜ່ານປະຕູດຽວແມ່ນເປັນວຽກໃໝ່, ການສ້າງຄວາມຮູ້-ຄວາມເຂົ້າໃຈຄວາມ ເປັນເອກະພາບໃຫ້ຂະແໜງການທີ່ກ່ຽວຂ້ອງມີຄວາມຫຍຸ້ງຍາກຫຼາຍ ເຊິ່ງການປະສານງານ, ການປຶກສາຫາລືແຕ່ລະ ຄັ້ງມີການປ່ຽນຄົນໃໝ່ (ບໍ່ແມ່ນຜູ້ເກົ່າ) ເຮັດໃຫ້ຄວາມເຂົ້າໃຈບໍ່ເປັນລະບົບຕໍ່ເນື່ອງ.

                 - ວຽກງານບໍລິການຕາມກົນໄກປະຕູດຽວມັນເປັນການປັບປຸງການບໍລິຫານກົງຈັກລັດ, ມັນພົວພັນ ກັບຂອບເຂດສິດ-ໜ້າທີ່ຂອງອີກຂະແໜງການໜື່ງ, ທັງແຕະຕ້ອງເຖິງຄວາມສິ້ນເຄີຍເກົ່າ, ເຮັດວຽກບໍ່ໄດ້ຄຳນຶງເຖິງ ເວລາ, ແຕ່ຕ້ອງຜົນປະໂຫຍດຂອງພາກສ່ວນບຸກຄົນທີ່ກ່ຽວຂ້ອງຈຳນວນໜື່ງ.

                 - ການເຮັດການທົດລອງຂອງເມືອງພວກເຮົາເຫັນວ່າລະດັບຄວາມຮູ້ດ້ານການເມືອງ, ວິຊາສະເພາະ ຂອງບຸກຄະລາກອນຈຳນວນໜື່ງພັດຈຳກັດ, ດ້ານໜື່ງຈຳນວນກໍບໍ່ພຽງພໍ, ພາຫະນະອຸປະກອນຮັບໃຊ້ວິຊາການຍັງ ຂາດເຂີນຫຼາຍອັນ ( ສະຖານທີ່ຄັບແຄບ, ການສຳເນົາເອກະສານບໍ່ໄປຕາມລະບົບ, ພະນັກງານຜູ້ທີ່ຊຳນານໃນການ ນຳໃຊ້ຄອມພິວເຕີຍັງບໍ່ທັນເກັ່ງ, ຕ້ອງໄດເປີດຊຸດອົບຮົມ, ຂາດງົບປະມານເພື່ອຮັບໃຊ້ໃນແຕ່ລະດ້ານ).

                 - ເວລາກະກຽມເຮັດການທົດລອງມີພຽງແຕ່ຂຽນເປັນແຜນການດຳເນີນງານທົດລອງເທົ່ານັ້ນ ຍັງບໍ່ ໄດ້ຂຽນເປັນໂຄງການ, ຄາດຄະເນຜົນໄດ້ຮັບ, ດ້ານຫຍໍ້ທໍ້ທີ່ອາດຈະເກີດຂື້ນ: ທາງດ້ານນິຕິກຳກໍ່ບໍ່ຈະແຈ້ງ, ມີແຕ່ຂໍ້ຕົກລົງຂອງເຈົ້າຄອງມອບໃຫ້ເຮັດທົດລອງວິຊາການທີ່ມີຄວາມຊຳນານທາງດ້ານການປົກຄອງຊີ້ນຳເປັນປະຈຳ ແຕ່ວ່າມາຮອດປະຈຸບັນນີ້ກໍ່ມີຫຼາຍອັນເປັນບ່ອນອີ່ງໃນການຈັດຕັ້ງປະຕິບັດການບໍລິການຜ່ານປະຕູດຽວ ເຊິ່ງພວກເຮົາ ຂາດບ່ອນອີ່ງດ້ານນິຕິກຳ ( ທີ່ເປັນຄູ່ມື).

                 - ການແກ້ໄຂບັນຫາມັນພົວພັນກັບຫຼາຍຂັ້ນເຊິ່ງບໍ່ແມ່ນການຕັດສິນຂອງເມືອງ, ມີບາງເອກະສານກໍ່ ພົບຄວາມຫຍຸ້ງຍາກບໍ່ໄດ້ຕາມກຳນົດເວລາໂດຍສະເພາະເອກະສານທີ່ດິນ, ກັບເອກະສານ ຍທຂ ນັບມື້ນັບມີຄວາມ ຫຍຸ້ງຍາກ ຖືວ່າຮ່ວມກັບຂະແໜງການທີ່ກ່ຽວຂ້ອງຍັງບໍ່ທັນໄດ້ຮັບການແກ້ໄຂເທື່ອ.

                 - ພະນັກງານຍັງບໍ່ທັນເປັນເຈົ້າການໃນການຄົ້ນຄວ້າເຊື່ອມຊື່ມ, ມະຕິ, ຄຳສັ່ງ, ຂໍ້ຕົກລົງຕ່າງໆ ຂອງຂັ້ນເທິງເຮັດໃຫ້ຄວາມຕັດສິນໃຈຍັງບໍ່ທັນສູງ, ການປະຕິບັດຍັງຊັກຊ້າ, ບາງຂອດຍັງບໍ່ຖືກຕາມຫຼັກການປະຕູດຽວ, ບາງເອກະສານຊ້າບໍ່ມີເຫດຜົນ, ບາງເອກະສານພັດໄວ ແລະ ຍັງມີເອກະສານອອກທາງອື່ນໆຫຼາຍ ນັບມື້ນັບ ຫຼາຍຂື້ນຍ້ອນສາເຫດແຕ່ລະຫ້ອງການ, ພະແນກການກໍ່ມີປະຕູດຽວ.

                 ດັ່ງນັ້ນອັນນີ້ກໍ່ເປັນບັນຫາທີ່ພວກເຮົາຮ່ວມກັບພະແນກການຈະຕ້ອງໄດ້ຮັບການແກ້ໄຂໃຫ້ໄປຕາມ ກົນໄກຜ່ານປະຕູດຽວ, ເພາະບາງບົດຮຽນການບໍລິການຜ່ານປະຕູດຽວຂອງ ສສ ຫວຽດນາມ ໄດ້ຊີ້ບອກວ່າ : ເອກະ ສານເຂົ້າຕາແສງຈະແມ່ນເອກະສານຈະໄປຜ່ານຢູ່ຂັ້ນໃດໄປຜ່ານຂັ້ນແຂວງຂັ້ນລັດຖະມົນຕີ, ຂັ້ນກະຊວງ (ພະແນກ ນະຄອນຫຼວງ) ເມື່ອເອກະສານຜ່ານໄປຮອດໄດ້ຮັບການແກ້ໄຂ ຫຼື ບໍ່ໄດ້ຮັບການແກ້ໄຂກໍ່ຕ້ອງສົ່ງກັບຄືນມາຫາເມືອງ ຈຸດບ່ອນເຂົ້າກໍ່ຕ້ອງອອກມາຢູ່ປະຕູດຽວຢູ່ຕາແສງ ບໍ່ແມ່ນເອກະສານເຂົ້າຢູ່ຕາແສງຈະໄປອອກໃສ່ກໍ່ໄດ້ນັ້ນບໍ່ແມ່ນ ການບໍລິການຜ່ານປະຕູດຽວ ຈຸດນີ້ຍັງບໍ່ທັນປະຕິບັດບໍ່ທັນໄດ້ , ການຢັ້ງຢືນດ້ານນິຕິກຳຍັງບໍ່ທັນໄດ້ເວົ້າແຈ້ງຄວນ ເຮັດແນວໃດ .

                 ສາເຫດທີ່ພາໃຫ້ມີຈຸດອ່ອນ

                 - ການຊີ້ນຳຈາກນະຄອນຫຼວງມີຄວາມຕໍ່ເນື່ອງແຕ່ບໍ່ມີຂະແໜງການເປັນເຈົ້າພາບ ມີແຕ່ຂື້ນກັບຄະ ນະປະຈຳພັກ ແລະ ເຈົ້າຄອງນະຄອນຫຼວງຈຶ່ງເຮັດໃຫ້ຄວາມຕັດສິນໃຈໃນການແກ້ໄຂແຕ່ລະບັນຫາທີ່ເກີດຂື້ນໃນ ການບໍລິການຜ່ານປະຕູດຽວມີຄວາມຫຍຸ້ງຍາກເປັນຕົ້ນແມ່ນການຈັດກອງປະຊຸມຖອດຖອນບົດຮຽນບໍ່ທັນໄດ້ດີ ເປັນການສ່ຽງໄພຫຼາຍດ້ານ.

                 - ການຕົກລົງເຮັດການທົດລອງບໍລິການຜ່ານປະຕູດຽວຍັງບໍ່ທັນມີຂໍ້ກຳນົດຈະແຈ້ງ ເຊັ່ນ : ການບັນ ຈຸບຸກຄະລາກອນໃຫ້ເມືອງ, ງົບປະມານຮັບໃຊ້ການທົດລອງເມືອງ ຂື້ນແຜນແຕ່ລະປີບໍ່ໄດ້ຮັບອະນຸມັດມີແຕ່ມອບ ໃຫ້ສູ້ຊົນກຸ້ມຕົນເອງ.

                 - ການໂຄສະນາປະຊາສຳພັນບໍ່ທັນກວ້າງຂວາງທົ່ວເຖິງປະຊາຊົນສ່ວນຫຼາຍຍັງບໍ່ທັນຮູ້ການບໍລິການ ຜ່ານປະຕູດຽວ ບາງເທື່ອງຍັງມີນາຍໜ້າມາແລ່ນເອກະສານກໍ່ຍັງມີຢູ່.

                 - ພະນັກງານວິຊາການ ແລະ ການນຳເມືອງຍັງໄດ້ຮັບການຍົກລະດັບໜ້ອຍຫຼາຍ ຍັງບໍ່ໄດ້ເຫັນການ ບໍລິການຜ່ານປະຕູດຽວຂອງບັນດາປະເທດທີ່ມີຜົນສຳເລັດ.

                 - ຫຼາຍຂະແໜງການຍັງບໍ່ທັນເຂົ້າໃຈກ່ຽວກັບການບໍລິການຜ່ານປະຕູດຽວ ເພາະແຕ່ລະຂະແໜງ ການ, ແຕ່ລະພະແນກກໍ່ວ່າແມ່ນໂຕເອງເຮັດປະຕູດຽວຂອງໃຜລາວ.

2.6   ການຄົ້ນຄວ້າວິໄຈທີ່ກ່ຽວຂ້ອງ

         ວາລີໂລດ ສິງລຳພອງ(2011). ໄດ້ສຶກສາກ່ຽວກັບຄວາມຄິດເຫັນຂອງນັກສຶກສາທີ່ມີຕໍ່ກັບວຽກງານບໍລິການປະຕູດຽວມະຫາວິທະຍາໄລຣາດຊະພັດສວນສຸນັນທາ ໂດຍມີຈຸດປສົງເພື່ອສຶກສາ : 1). ຄວາມຄິດເຫັນ ຂອງນັກສຶກສາ ທີ່ມີຕໍ່ກັບການບໍລິການຜ່ານປະຕູດຽວຂອງມະຫາວິທະຍາໄລລາດຊະພັດສວນສຸນັນທາ ໂດຍແບ່ງ ອອກເປັນ 3 ດ້ານ ຄື : ດ້ານຂະບວນການໃຫ້ບໍລິການ, ດ້ານບຸກຄະລາກອນຜູ້ໃຫ້ບໍລິການ ແລະ ດ້ານສະຖານທີ່ ແລະ ສິ່ງອຳນວຍ ຄວາມສະດວກ; 2).ປຽບທຽບຄວາມຄິດເຫັນຂອງນັກສຶກສາທີ່ມີຕໍ່ກັບການບໍລິການຜ່ານປະຕູ ດຽວໂດຍລວມ ແລະ ເປັນລາຍດ້ານຈຳແນກຕາມເພດ, ຊັ້ນປິທີ່ສຶກສາ, ຄະນະທີ່ສຶກສາ ແລະ ຜົນຂອງການຮຽນ ໂດຍກຸ່ມຕົວຢ່າງ ທີ່ໃຊ້ໃນຄັ້ງນີ້ເປັນນັກສຶກສາລະດັບປະລິນຍາຕີຂອງມະຫາວິທະຍາໄລລາດຊະພັດສວນສຸນັນທາ ທີ່ກຳລັງສຶກສາຢູ່ ພາກຮຽນທີ2 ສົກສຶກສາ 2010 ຈຳນວນ 411 ຄົນ ເຄື່ອງມືທີ່ໃຊ້ໃນການເກັບລວບລວມຂໍ້ມູນເປັນແບບສອບ ຖາມແບບປະເມີນຄ່າ 5 ລະດັບ ຈຳນວນ 52 ຂໍ້ , ສະຖິຕິທີ່ໃຊ້ໃນການວິໄຈໄດ້ແກ່ : ຄ່າຄວາມຖີ່, ສ່ວນຮ້ອຍ, ຄ່າສະເລ່ຍ, ຄ່າບຽງບຽນມາດຕະຖານ ການວິເຄາະຄວາມຜັນແປແບບທາງດຽວ ແລະ ການທົດສອບເປັນລາຍຄູ່. ຜົນການວິໄຈສະຫຼຸບໄດ້ຄື : 1). ນັກສຶກສາມິຄວາມຄິດເຫັນຕໍ່ກັບການບໍລິການຜ່ານ ປະຕູດຽວຂອງມະຫາວິທະຍາໄລລາດຊະພັດສວນສຸນັນທາ ໂດຍລວມ ແລະ ເປັນລາຍດ້ານວ່າມີຄວາມເໝາະສົມຢູ່ ລະດັບຫຼາຍ; 2).ການປຽບທຽບຄວາມຄິດເຫັນຂອງນັກສຶກສາຕໍ່ກັບການບໍລິການຜ່ານປະຕູດຽວ ຂອງມະຫາວິທະຍາໄລລາດຊະພັດສວນສຸນັນ ທາ ໂດຍລວມ ແລະ ເປັນລາຍດ້ານ 3 ດ້ານ ຈຳແນກຕາມຕົວແປເພດ, ຊັ້ນປີທີ່ສຶກສາ, ຄະນະທີ່ສຶກສາ ແລະ ຜົນການຮຽນ ສະຫຼຸບໄດ້ຄື : ນັກສຶກສາຊາຍ ແລະ ນັກສຶກສາຍິງມີຄວາມຄິດເຫັນຕໍ່ກັບການບໍລິການຜ່ານປະຕູດຽວມະຫາວິທະຍາໄລລາດຊະພັດສວນສຸນັນທາໂດຍລວມ ແລະ ເປັນລາຍດ້ານບໍ່ແຕກຕ່າງກັນ; ນັກສຶກສາທີ່ກຳລັງສຶກ ສາຢູ່ໃນຊັ້ນປີຕ່າງກັນມີຄວາມຄິດເຫັນຕໍ່ກັບການບໍລິການຜ່ານປະຕູດຽວຂອງມະຫາວິທະ ຍາໄລລາດຊະພັດສວນສຸນັນທາ ໂດຍລວມບໍ່ແຕກຕ່າງກັນ ເມື່ອພິຈາລະນາເປັນລາຍດ້ານພົບວ່າ ນັກສຶກສາຊັ້ນປີທີ່1 ກັບນັກສຶກສາຊັ້ນປີ ທີ່4 ແລະ ສູງກວ່າມີຄວາມຄິດເຫັນຕໍ່ກັບການບໍລິການຜ່ານປະຕູດຽວດ້ານສະຖານທີ່ ແລະ ສິ່ງອຳນວຍຄວາມສະ ດວກແຕກຕ່າງກັນຢ່າງມີໄນຍະສຳຄັນທາງສະຖິຕິທີລະດັບ 0.05; ນັກສຶກສາທີ່ມີຜົນການຮຽນຕ່າງກັນມີຄວາມຄິດ ເຫັນຕໍ່ກັບການບໍລິການຜ່ານປະຕູດຽວມະຫາວິທະຍາໄລລາດຊະພັດສວນສຸນັນທາ ໂດຍລວມບໍ່ແຕກຕ່າງກັນ ເມື່ອພິຈາລະນາເປັນລາຍດ້ານພົບວ່າ ນັກສຶກສາທີ່ມີຜົນການຮຽນລະດັບປານກາງ ກັບນັກສືກສາທີ່ມີຜົນການຮຽນລະດັບຕໍ່າ ມີຄວາມຄິດເຫັນຕໍກັບການບໍລິການບໍລິການຜ່ານປະຕູດຽວ ໃນດ້ານບຸກຄະລາກອນຜູ້ໃຫ້ບໍລິການແຕກຕ່າງກັນຢ່າງມີໄນຍະສຳຄັນທາງສະຖິຕິທີ່ .05

 

         ຣູຈິເຣັກ ບໍລິສຸດບັນທິດ.(2012).ໄດ້ສຶກສາກ່ຽວກັບຄວາມພຶງພໍໃຈຂອງຜູ້ໃຊ້ບໍລິການຜ່ານປະຕູດຽວຂອງມະຫາວິທະຍາໄລນາໆຊາດ ມະຫາວິທະຍາໄລຊຽງໃໝ່. ໂດຍມີຈຸດປະສົ່ງເພື່ອສຶກສາ : ຄວາມພຶງພໍໃຈຂອງຜູ້ມາໃຊ້ບໍລິການຜ່ານປະຕູດຽວຂອງມະຫາວິທະຍາໄລນາໆຊາດ ມະຫາວິທະຍາໄລຊຽງໃໝ່ ຕາມເກນມາດຕະຖານຄຸນນະ ພາບການບໍລິການ (SERQUAL) ທັ້ງ 5 ດ້ານ ໄດ້ແກ່ ຄວາມໜ້າເຊື່ອຂອງການບໍລິການ, ການ້າງຄວາມເຊື່ອໝັ້ນຕໍ່ ຜູ້ມາໃຊ້ບໍລິການ, ຄວາມເປັນຮູບປະທຳຂອງການບໍລິການ, ຄວາມເອົາໃຈໃສ່ຕໍ່ຜູ້ມາໃຫ້ບໍລິການ ແລະ ການຕອບສະໜອງແກ່ຜູ້ໃຊ້ບໍລິການ ເພື່ອນຳຂໍ້ມູນທີ່ໄດ້ມາປັບປຸງ, ພັດທະນາ ແລະ ຍົກລະດັບມາດຕະຖານການບໍລິການໃຫ້ດີ ຂື້ນ ໂດຍກຸ່ມຕົວຢ່າງເປັນຜູ້ໃຊ້ບໍລິການຜ່ານປະຕູດຽວ ຕັ້ງແຕ່ເດືອນມີນາ 2011 ຫາເດືອນມີນາ 2012 ຈຳນວນ 138 ຄົນ ;ການເກັບລວບລວມຂໍ້ມູນໂດຍການໃຊ້ແບບສອບຖາມເພື່ອວັດຄວາມພຶງພໍໃຈ ແລະ ນຳຂໍ້ມູນທີ່ໄດ້ມາວິ ເຄາະຂໍ້ມູນໃຊ້ສະຖິຕິເຊິງພັນລະນາ ໄດ້ແກ້ ຄວາມຖີ່ ສ່ວນຮ້ອຍ ແລະ ຄ່າສະເລ່ຍ ; ຈາກການສຶກສາພົບວ່າ ຜູ້ຕອບ ແບບສອບຖາມສ່ວນໃຫຍ່ເປັນບຸກຄະລາກອນໃນມະຫາວິທະຍາລາໄລ ເຊິ່ງເປັນນັກສຶກສາລະດັບປະລິນຍາຕີຫຼັກສູດນານາຊາດ ເພດຍິງຕ່ຳກວ່າ 21 ປີ ມີສັນຊາດໄທ ສ່ວນຫຼາຍໃຊ້ບໍລິກາເລື່ອງຂອງການບໍລິການກ່ຽວກັບການ ສຶກສາຕໍ່ໃນຫຼັກສູດນາໆຊາດຫຼາຍທີ່ສຸດ; ເມື່ອໄດ້ເຮັດການສຳຫຼວດຄວາມພຶງພໍໃຈຂອງຜູ້ມາໃຊ້ບໍລິການຜ່ານປະຕູ ດຽວຂອງມະຫາວິທະຍາໄລນາໆຊາດ ມະຫາວິທະຍາໄລຊຽງໃໝ່ ພົບວ່າ ໃນພາບລວມນັ້ນ ຜູ້ໃຊ້ບໍລິການມີຄວາມພຶງພໍໃຈຕໍ່ກັບການບໍລິການທີ່ໄດ້ຮັບຢູ່ໃນລະດັບຫຼາຍ ແລະ ເມືອຈຳແນກຕາມເກນມາດຕະຖານຄຸນນະພາບບໍລິການ ທັງ 5 ດ້ານ ພົບວ່າ ຜູ້ໃຊ້ບໍລິການມີຄວາມພຶງພໍໃຈຢູ່ໃນລະດັບຫຼາຍເຊັນດຽວກັນ ໂດຍຈັດລຽງລຳດັບຕາມລະດັບ ຄວາມພຶງພໍໃຈຈະລະດັບຫຼາຍ ໄດ້ແກ່ : ຄວາມເປັນຮູບປະທຳຂອງການບໍລິການ, ການຕອບສະໜອງຕໍ່ຜູ້ໃຊ້ບໍລິການ, ຄວາມເອົາໃຈໃສ່ຕໍ່ຜູ້ໃຊ້ບໍລິການ, ການສ້າງຄວາມເຊື່ອໝັ້ນຕໍ່ຜູ້ໃຊ້ບໍລິການ ແລະ ຄວາມໜ້າເຊື່ອຖືຂອງການບໍລິການຕາມລຳດັບ.

 

         ນັດທະວະລາ ບົວເກດ.(2002). ໄດ້ສຶກສາການປະເມີນຜົນການໃຫ້ບໍລິການຕໍ່ປະຊາຊົນແບບການບໍລິການຜ່ານປະຕູດຽວ ກໍລະນີສຶກສາ ສຳນັກງານເຂດຣາດຊະເທວີ; ຈຸດປະສົງໃນການສຶກສາ : 1).ເພື່ອປະເມີນ ຜົນສຳເລັດການບໍລິການຜ່ານປະຕູດຽວ; 2). ປະເມີນຄວາມສາມາດໃນການໃຫ້ບໍລິການ; 3). ນຳສະເໜີແນວ ທາງ ໃນການປັບປຸງແກ້ໄຂການບໍລິການຜ່ານປະຕູດຽວ ; ປະຊາກອນ ແລະ ກຸ່ມຕົວຢ່າງແມ່ນປະຊາຊນຜູມາຂໍຮັບບໍລິ ການທີ່ສຳນັກງານເຂດລາດຊະນາວີ ແລະ ສຳນັກງານເຂດຈະຕຸຈັກ ຈຳນວນ 240 ຄົນ ໂດຍການໃຊ້ແບບສອບຖາມເປັນເຄື່ອງມື ແລະ ເຮັດການວິເຄາະຂໍ້ມູນທາງສະຖິຕິ ເພື່ອປຽບທຽບຜົນສຳເລັດຂອງການໃຫ້ບໍລິການປະຊາຊົນ ນອກຈາກນີ້ຍັງໄດ້ສຶກສາເອກະສານຂອງໜ່ວຍງານ, ສຳພາດຜູ້ບໍລິຫານ, ຜູ້ປະຕິບັດງານ ແລະ ສັງເກດການປະຕິບັດງານເພື່ອປະເມີນຄວາມສາມາດໃນການໃຫ້ບໍລິການ. ຜົນການສຶກສາພົບວ່າ : ສຳນັກງານເຂດລາດຊະເທວີມີຜົນ ຂອງການໃຫ້ບໍລິການປະຊາຊົນໃນທະບຽນຄອບຄົວ, ວຽກບັດປະຊາຊົນ ແລະ ວຽກການຍືນແບບປະເມີນ ແລະ ຊຳລະພາສີຢູ່ໃນລະດັບສູງ ສ່ວນສຳນັກງານເຂດຈະຕຸຈັດມີຜົນຂອງການໃຫ້ບໍລິການຢູ່ໃນລະດັບຄ້ອນຄ້າງສູງ; ການສຶກສາປຽບທຽບຜົນສຳເລັດຂອງການໃຫ້ບໍລິການປະຊາຊົນຂອງສຳນັກງານເຂດຣາດຊະເທວີ ແລະ ເຂດຈະຕຸ ຈັກ ພົບວ່າ ວຽກງານທະບຽນຄອບຄົວ ແລະ ວຽກງານບັດປະຊາຊົນມີຄວາມແຕກຕ່າງກັນຢ່າງມີໄນຍະສຳຄັນທາງ ສະຖິຕິທີ 0.05 ໃນການຍືນແບບປະເມີນ ແລະ ຊຳລະພາສີມີຄວາມແຕກຕ່າງກັນຢ່າງມີໄນຍະສຳຄັນທາງສະຖິຕິທີ່ ລະດັບ 0.05 ສະເພາະດ້ານຄວາມສະດວກໃນການຕິດຕໍ່ຂໍຮັບການບໍລິການ, ດ້ານຄວາມພ້ອມໃຫ້ບໍລິການ, ດ້ານ ຄວາມພຶງພໍໃຈໃນການບໍລິການເທົ່ານັ້ນ ສ່ວນໃນດ້ານຄວາມວ່ອງໄວໃນການໃຫ້ບໍລິການ, ດ້ານຄວາມສະເໝີພາບ ແລະ ຄວາມຍຸຕິທຳໃນການໃຫ້ບໍລິການ ແລະ ຄວາມຕໍ່ເນື່ອງຂອງການບໍລິການບໍ່ມີຄວາມແຕກຕ່າງກັນ ; ການສຶກສາຄວາມສາມາດໃນການດຳເນີນການບໍລິການປະຊາຊົນແບບປະຕູດຽວພົບວ່າ ສຳນັກ ງານເຂດຣາດຊະເທວີສາມາດ ໃຫ້ບໍລິການປະຊາຊົນໄດ້ໃນລະດັບທີ່ປະຊາຊົນພໍໃຈ.

         ສຳນັກທະບຽນ ແລະ ວັດຜົນມະຫາວິທະຍາໄລຈຸລາລົງກອນລາດຊະວິທະຍາໄລ (2014). ໄດ້ສຶກສາ ຄວາມເພິ່ງພໍໃຈຂອງຜູ້ໃຊ້ບໍລິການຜ່ານປະຕູດຽວ (One Stop Sevice: OSS) ສຳນັກທະບຽນ ແລະ ວັດຜົນມະຫາວິທະຍາໄລຈຸລາລົງກອນລາດຊະວິທະຍາໄລ  ເປັນການວິໄຈແບບສຳຫຼວດ (Survey Research) ໂດຍມີຈຸດປະສົງ 1. ເພື່ອສຶກສາຄວາມເພິ່ງພໍໃຈຂອງຜູ້ໃຊ້ບໍລິການຜ່ານປະຕູດຽວສຳນັກທະບຽນ ແລະ ວັດຜົນມະຫາວິທະຍາໄລຈຸລາລົງກອນລາດຊະວິທະຍາໄລ. 2. ເພື່ອສຶກ ສາຂໍ້ສະເໜີແນະທີ່ມີຕໍ່ການບໍລິການຜ່ານປະຕູດຽວ ຂອງສຳນັກທະບຽນ ແລະ ວັດຜົນມະຫາວິທະຍາໄລຈຸລາລົງກອນລາດຊະວິທະຍາໄລ. ປະຊາກອນທີ່ໃຊ້ໃນການວິໄຈຄື ນັກສຶກສາທີ່ມາຂໍໃຫ້ບໍລິການຜ່ານປະຕູດຽວມະຫາວິ ທະຍາໄລຈຸລາລົງກອນລາດຊະວິທະຍາໄລ(ສ່ວນກາງ)  ລະຫວ່າງວັນທີ 1-31 ມັງກອນ ຈຳນວນທັງໝົດ 50 ອົງ/ຄົນ ໂດຍການສຸ່ມຕົວຢ່າງແບບແບ່ງຊັ້ນ (Stratified Random Sampling) ສະຖິຕິທີໃຊ້ໃນການວິເຄາະຂໍ້ມູນຄື ການຫາຄ່າຄວາມຖີ່ ແລະ ຄ່າສ່ວນຮ້ອຍ (Percentage), ຄ່າສະເລ່ຍ (Mean) ແລະ ຄ່າບຽງບຽນມາດຕະຖານ (Standard Deviation) ໂດຍໃຊ້ ໂປຣມແກຣມຄອບພິວເຕີວິເຄາະຫາສະຖິຕິສຳເລັດຮູບ ຜົນການວິພົບວ່າ : ນັກສຶກສາມີຄວາມເພິ່ງພໍໃຈຕໍ່ກັບການ ໃຫ້ບໍລິການຜ່ານປະຕູດຽວ ສຳນັກທະບຽນ ແລະ ວັດຜົນໃນພາບລວມແມ່ນຢູ່ໃນລະດັບຫຼາຍ ໂດຍມີຄ່າສະເລ່ຍ ເທົ່າກັບ 4,00.

 

ພາກທີ 3

ວິທີການສຶກສາ

 

           ການສຶກສາຄັ້ງນີ້ແມ່ນການວິໄຈແບບປະສົມປະສານລະຫວ່າງ ການວິໄຈແບບປະລິມານ(Quantita- tive Research) ແລະ ການວິໄຈແບບຄຸນນະພາບ (Qualitative Research) ໂດຍໃນການວິໄຈແບບຄຸນນະ ພາບ ຈະເກັບກຳຂໍ້ມູນຈາກເອກະສານ ແລະ ການສຳພາດ. ສຳລັບການວິໄຈແບບປະລິມານຈະເກັບກຳຂໍ້ມູນ ໂດຍ ການໃຊ້ແບບສອບຖາມ ໂດຍມີລາຍລະອຽດກ່ຽວກັບການດຳເນີນການວິໄຈດັ່ງນີ້ :

 

3.1     ປະຊາກອນ ແລະ ກຸ່ມຕົວຢ່າງ

 

    3.1.1 ສຳລັບການວິໄຈແບບຄຸນນະພາບ (Qualitative Research)

             ການວິໄຈແບບຄຸນນະພາບ (Qualitative Research) ໃນການວິໄຈຄັ້ງນີ້ຜູ້ວິໄຈໄດ້ກຳນົດລະ ບຽບວິທີການວິໄຈ ຫຼື ຂະບວນການວິໄຈ ເຊິ່ງປະກອບໄປດ້ວຍ ຂະບວນການສຶກສາ ແລະ ວິເຄາະຂໍ້ມຸນຈາກ ເອກະສານ ຫຼື ການວິໄຈເອກະສານ(documentary research) ແລະ ຂະບວນການສຳພາດເຈາະລຶກ     (in-depth interview) ດັ່ງນີ້ :

               1. ການວິໄຈເອກະສານ (documentary research) ໂດຍການໃຊ້ຂະບວນການວິໄຈແບບ ຄຸນນະພາບດ້ວຍຂະບວນການສຶກສາ ແລະ ວິເຄາະຂໍ້ມູນຈາກເອກະສານ ຫຼື ງານວິໄຈທີ່ກ່ຽວຂ້ອງ ໂດຍການທົບ ທວນແນວຄິດ, ທິດສະດີ, ກົດໝາຍ, ຂໍ້ຕົກລົງຂອງນາຍົກລັດຖະມົນຕີ ວ່າດ້ວຍການຈັດຕັ້ງປະຕິບັດກົນໄກການບໍລິການຜ່ານປະຕູດຽວ ຢູ່ອົງການບໍລິຫານລັດ, ຄຳສັ່ງຂອງນາຍົກລັດຖະມົນຕີ ວ່າດ້ວຍການເພີ່ມທະວີການຈັດຕັ້ງປະຕິບັດກົນໄກການບໍລິການຜ່ານປະຕູດຽວໃນຂອບເຂດທົ່ວປະເທດ, ບົດສະຫຼຸບຫຍໍ້ການຈັດຕັ້ງປະຕິບັດການເຮັດການທົດລອງວຽກງານຜ່ານປະຕູດຽວຂອງເມືອງໄຊເສດຖາ.

               2. ການສຳພາດເຈາະລຶກ (in-depth interview) ເຊິ່ງຜູ້ໃຫ້ຂໍ້ມູນສຳຄັນ (Key- informants) ໃນການສຳພາດໄດ້ແກ່ ຜູ້ບໍລິຫານ ແລະ ຜູ້ປະຕິບັດງານທີ່ມີໜ້າທີ່ຮັບຜິດຊອບໂດຍກົງຕໍ່ກັບວຽກງານການບໍລິການຜ່ານປະຕູດຽວຂອງເມືອງໄຊເສດຖາ ຈຳນວນ 5 ທ່ານປະກອບດ້ວຍ :

 

ຫົວໜ້າຫ້ອງວ່າການປົກຄອງເມືອງໄຊເສດຖາ ນະຄອນຫຼວງວຽງຈັນ	ຈຳນວນ 1 ທ່ານ
ຫົວໜ້າໜ່ວຍງານປະຕູດຽວ, ຂາເຂົ້າ-ຂາອອກ ເມືອງໄຊເສດຖາ ນະຄອນຫຼວງວຽງຈັນ	ຈຳນວນ 1 ທ່ານ
ຜູ້ຮັບຜິດຊອບວຽກງານປະຕູດຽວຂອງໜ່ວຍງານຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມເມືອງໄຊເສດຖາ ນະຄອນຫຼວງວຽງຈັນ	ຈຳນວນ 1 ທ່ານ
ຜູ້ຮັບຜິດຊອບໜ່ວຍງານປະຕູດຽວຫ້ອງການພາຍໃນເມືອງໄຊເສດຖາ ນະຄອນຫຼວງຈັນ	ຈຳນວນ 1 ທ່ານ
ຜູ້ຮັບຜິດຊອບວຽກງານການບໍລິການຜ່ານປະຕູດຽວຝ່າຍໂຍທາທິການ ແລະ ຂົນສົ່ງເມືອງ ນະຄອນຫຼວງວຽງຈັນ	ຈຳນວນ 1 ທ່ານ

   

3.1.2      ສຳລັບການວິໄຈແບບປະລິມານ (Quantitative Research)

 

             ປະຊາກອນ ແລະ ກຸ່ມຕົວຢ່າງ

             ປະຊາກອນທີ່ໃຊ້ໃນການວິໄຈໃນຄັ້ງນີ້ໄດ້ແກ່ຜູ້ທີ່ມາໃຊ້ບໍລິການທີ່ປ໋ອງບໍລິການວຽກງານຜ່ານປະຕູດຽວຂອງເມືອງໄຊເສດຖາ ນະຄອນຫຼວງວຽງຈັນ.  

 

             ຂະໜາດຂອງກຸ່ມຕົວຢ່າງ

             ເປັນການສຸ່ມກຸ່ມຕົວຢ່າງແບບບັງເອີນ ( Accidental Sampling )  ໂດຍການສຸ່ມແບບບັງເອີນເອົາຜູ້ທີ່ເຂົ້າມາໃຊ້ບໍລິການ ທີ່ປ໋ອງບໍລິການວຽກງານຜ່ານປະຕູດຽວຂອງເມືອງໄຊເສດຖາ ນະຄອນຫຼວງວຽງຈັນ ຈຳນວນ 140 ຄົນ.

3.2            ເຄື່ອງມືທີ່ໃຊ້ໃນການວິໄຈ

 

    3.2.1 ການວິໄຈແບບປະລິມານ (Quantitative Research)

 

             ເຄື່ອງມືທີ່ໃຊ້ໃນການເກັບກຳຂໍ້ມູນ ຄືແບບສອບຖາມທີ່ປະສົມປະສານລະຫວ່າງແບບສອບຖາມປາຍເປີດ ແລະ ແບບສອບຖາມປາຍປິດ ກ່ຽວກັບການບໍລິການຜ່ານປະຕູດຽວຂອງເມືອງໄຊເສດຖາ ນະຄອນຫຼວງວຽງຈັນ ໂດຍແບ່ງແບບສອບຖາມອອກເປັນ 4 ຕອນ ດັ່ງນີ້ :

             ຕອນທີ່ 1 : ຂໍ້ມຸນກ່ຽວກັບລັກສະນະສ່ວນບຸກຄົນຂອງຜູ້ຕອບແບບສອບຖາມປະກອບໄປດ້ວຍເພດ,ອາຍຸ, ລະດັບການສຶກສາ ແລະ ອາຊີບ ຂໍ້ຄຳຖາມເປັນແບບກວດຄຳຕອບ (Check List ).

             ຕອນທີ່ 2 : ຂໍ້ມູນກ່ຽວກັບຄວາມຄິດເຫັນຕໍ່ກັບການບໍລິການຜ່ານປະຕູດຽວຂອງເມືອງໄຊເສດຖາ ຂໍ້ຄຳຖາມເປັນແບບປະເມີນຄ່າ 5 ລະດັບ (Five Point-Rating).

             ຕອນທີ່ 3 : ບັນຫາ ແລະ ອຸປະສັກໃນການບໍລິການຜ່ານປະຕູດຽວຂອງເມືອງໄຊເສດຖາ ຂໍ້ຄຳຖາມ ເປັນແບບປະເມີນຄ່າ 5 ລະດັບ (Five Point-Rating).

             ຕອນທີ່ 4 : ຂໍ້ສະເໜີແນະໃນການປັບປຸງການບໍລິການຜ່ານປະຕູດຽວຂອງເມືອງໄຊເສດຖາ.

 

    3.2.2 ການວິໄຈແບບຄຸນນະພາບ (Qualitative Research)

 

             ເຄື່ອງມືທີ່ໃຊ້ໃນການເກັບກຳຂໍ້ມູນໄດ້ແກ່

 

             ການສຶກສາຂໍ້ມູນຈາກເອກະສານ(documentary research) ເປັນການສຶກສາຂໍ້ມູນຈາກເອກະ ສານຕ່າງໆ ທັງທີ່ເປັນທິດສະດີ , ຜົນງານວິໄຈທີ່ກ່ຽວຂ້ອງ, ກັບກົນໄກການບໍລິການຜ່ານປະຕູດຽວ ຕະຫຼອດເຖິງເອກະສານທາງລັດຖະການກ່ຽວກັບການທົດລອງວຽກງານຜ່ານປະຕູດຽວຂອງເມືອງໄຊເສດຖາປະກອບມີ : ຄຳສັ່ງຂອງນາຍົກລັດຖະມົນຕີ ວ່າດ້ວຍການເພີ່ມທະວີການຈັດຕັ້ງປະຕິບັດກົນໄກການບໍລິການຜ່ານປະຕູດຽວໃນຂອບເຂດທົ່ວປະເທດ ປີ2013, ຂໍ້ຕົກລົງຂອງນາຍົກລັດຖະມົນຕີວ່າດ້ວຍການຈັດຕັ້ງປະຕິບັດກົນໄກການບໍລິ ການຜ່ານປະຕູດຽວຢູ່ອົງການບໍລິຫານລັດ ປີ 2007, ບົດສະຫຼຸບຫຍໍ້ການຈັດຕັ້ງປະຕິບັດການເຮັດການທົດລອງວຽກງານຜ່ານປະຕູດຽວຂອງເມືອງໄຊເສດຖາ ນັບແຕ່ປີ 2006-2010, ຂໍ້ຕົກລົງ ຂອງເຈົ້າຄອງນະຄອນຫຼວງວຽງຈັນ ວ່າດ້ວຍການເກັບຄ່າບໍລິການ ແລະ ຄ່າແບບຟອມເອກະສານຂອງວຽກງານກົນໄກບໍລິການຜ່ານປະຕູດຽວຢູ່ເມືອງໄຊເສດຖາ ປີ 2009, ກົດລະບຽບວ່າດ້ວຍການຈັດຕັ້ງປະຕິບັດກົນໄກການບໍລິການຜ່ານປະຕູດຽວ 2008, ຄູ່ມືການຈັດຕັ້ງປະຕິບັດກົນໄກການບໍລິການຜ່ານປະຕູດຽວ ປີ 2008, ຄູ່ມືການຈັດຕັ້ງປະຕິບັດກົນໄກບໍລິການຜ່ານປະຕູດຽວ ປີ 2003 ເປັນຕົ້ນ.

             ແບບສຳພາດ ໂດຍການໃຊ້ແບບສຳພາດທີ່ກຳນົດປະເດັ່ນຄຳຖາມຕ່າງໆ ເພື່ອໃຊ້ໃນການສຳພາດຜູ້ບໍລິຫານ ແລະ ຜູ້ປະຕິບັດງານທີ່ມີໜ້າທີ່ຮັບຜິດຊອບໂດຍກົງຕໍ່ກັບການບໍລິການຜ່ານປະຕູດຽວຂອງເມືອງໄຊເສດຖາ ນະຄອນຫຼວງວຽງຈັນ.

 

3.3   ການເກັບສັງລວມຂໍ້ມູນ

 

                ຜູ້ວິໄຈໄດ້ດຳເນີນການສັງລວມຂໍ້ມູນ ການວິໄຈແບບປະລິມານ(Quantitative Research) ແລະ ການວິໄຈແບບຄຸນນະພາບ (Qualitative Research) ໂດຍດຳເນີນຕາມຂັ້ນຕອນດັ່ງນີ້ :

 

         3.3.1 ຂໍເອກະສານໃບສະເໜີແນະນຳຕົນເອງຈາກຄະນະນິຕິສາດ ແລະ ລັດຖະສາດ ມະຫາວິທະຍາໄລ ແຫ່ງຊາດເພື່ອຂໍຄວາມຮ່ວມມືໃນການສຳພາດຜູ້ທີ່ເຮັດວຽກກ່ຽວກັບການບໍລິການຜ່ານປະຕູດຽວຂອງເມືອງໄຊເສດຖາ ແລະ ແຈກແບບສອບຖາມໃຫ້ແກ່ປະຊາຊົນຜູ້ທີ່ເຂົ້າມາໃຊ້ບໍລິການຜ່ານປະຕູດຽວຂອງເມືອງໄຊເສດຖານະ ຄອນຫຼວງວຽງຈັນ.

 

         3.3.2 ນຳເອກະສານໃບສະເໜີແນະນຳຕົນເອງໄປສະເໜີເພື່ອຂໍສຳພາດຜູ້ທີ່ເຮັດວຽກກ່ຽວກັບການບໍລິ ການຜ່ານປະຕູດຽວຂອງເມືອງໄຊເສດຖາ ດ້ວຍການຈົດບັນທຶກ ແລະ ໃຊ້ເຄື່ອງບັນທຶກສຽງເຂົ້າຊ່ວຍໃນເວລາສຳພາດ ໂດຍການຖາມຕາມປະເດັ່ນຕ່າງໆທີ່ໄດ້ມີການກະກຽມໄວ້ລ່ວງໜ້າ ຕາມແຕ່ລະໜ້າວຽກຂອງແຕລະຄົນທີ່ ຮັບຜິດຊອບ ໂດຍປ່ອຍໃຫ້ຜູ້ໃຫ້ສຳພາດມີອິດສະຫຼະໃນການຕອບຄຳຖາມສຳພາດ , ທັງໃຫ້ສຳພາດ ແລະບໍລິການ ປະຊາຊົນໄປພ້ອມ ແລະ ພ້ອມນັ້ນກໍ່ໄດ້ແຈກແບບສອບຖາມປະຊາຊົນທີ່ເຂົ້າມາໃຊ້ບໍລິການຜ່ານປະຕູດຽວດ້ວຍຜູ້ວິໄຈເອງດ້ວຍວິທີ່ຄື : ນັ່ງລໍຖ້າແຈກແບບສອບຖາມ ຢູ່ປ໋ອງບໍລິການຜ່ານປະຕູດຽວຂອງເມືອງໄຊເສດຖາຕາມໂມງລັດຖະການ, ກໍລະນີຜູ້ທີ່ເຂົ້າມາໃຊ້ບໍລິການຜ່ານປະຕູດຽວຫາກບໍ່ສາມາດຕອບແບບສອບຖາມດ້ວຍຕົນເອງອັນເນື່ອງມາຈາກສາຍຕາ ແລະ ການຕີຄວາມໝາຍນັ້ນ ຜູ້ວິໄຈເອງກໍ່ໄດ້ໃຊ້ວິທີການອ່ານແບບສອບຖາມໃຫ້ຜູ້ທີ່ເຂົ້າມາໃຊ້ບໍລິການຜ່ານປະຕູດຽວແລ້ວໝາຍຄຳຕອບຕາມຄວາມຄິດ ແລະ ການຕັດສິນໃຈຂອງຜູ້ມາໃຊ້ບໍລິການເອງ.

 

         3.3.3 ບັນທຶກຂໍ້ມູນຈາກການສຳພາດ ແລະ ເກັບສັງລວມແບບສອບຖາມກັບຄືນມາດ້ວຍຕົນເອງ.

 

3.4     ການວິເຄາະຂໍ້ມູນ

 

    3.4.1 ການວິເຄະຂໍ້ມູນແບບຄຸນນະພາບ (Qualitative Research)

 

             - ເກັບກຳຂໍ້ມູນ ແລະ ວິເຄາະຂໍ້ມູນທີ່ໄດ້ຈາກການສຳພາດ (Interview).

             - ນຳຂໍ້ມູນທີ່ໄດ້ມາວິເຄາະເນື້ອຫາ (content analysis) ສະຫຼຸບຄວາມຕາມປະເດັ່ນສຳຄັນ.

             - ນຳສະເໜີຂໍ້ມູນໃນຮູບແບບລຽງຄວາມຕາມວັດຖຸປະສົງ.

 

    3.4.2 ການວິເຄາະຂໍ້ມູນແບບປະລິມານ (Quantitative Research)

 

             ສຳລັບການວິເຄາະຂໍ້ມູນເຊິ່ງປະລິມານນີ້ແບ່ງການວິເຄາະຂໍ້ມູນອອກເປັນຄື ການປະມວນຜົນຂໍ້ມູນ ໂດຍການໃຊ້ໂປແກຣມທາງສະຖິຕິ ໂດຍມີຂັ້ນຕອນດັ່ງນີ້ :

 

             1. ກວດກາຄວາມສົມບູນ ແລະ ຄວາມຖືກຕ້ອງຂອງແບບສອບຖາມຫຼັງຈາກໄດ້ດຳເນີນການເກັບກຳ ແບບສອບຖາມແລ້ວ.

             2. ບັນທຶກຂໍ້ມູນທີ່ເປັນລະຫັດລົງໃນແບບບັນທຶກຂໍ້ມູນ ແລະ ເຄື່ອງຄອມພິວເຕີ.

             ສະຖິຕິທີ່ໃຊ້ໃນການວິເຄາະຂໍ້ມູນ ຜູ້ວິໄຈເລືອກໃຊ້ສະຖິຕິໃນການວິເຄາະຂໍ້ມູນເພື່ອໃຫ້ສ່ອດຄ້ອງກັບ ລັກສະນະຂອງຂໍ້ມູນ ແລະ ຕອບວັດຖຸປະສົງ ດັ່ງນີ້ :

             1). ຫາຄ່າຄວາມຖີ່ (Frequency) ແລະ  ເປີເຊັນ (Percentage) ສຳລັບຂໍ້ມູນກ່ຽວກັບລັກສະ ນະສ່ວນບຸກຄົນຂອງຜູ້ຕອບແບບສອບຖາມ.

             2). ຫາຄ່າສະເລ່ຍ ( ) ແລະ ຄ່າຜັນປ່ຽນມາດຕະຖານ (S.D) ສຳລັບຂໍ້ຄິດເຫັນກ່ຽວກັບການບໍລິ ການຜ່ານປະຕູດຽວຂອງເມືອງໄຊເສດຖາ, ບັນຫາ ແລະ ອຸປະສັກໃນການບໍລິການຜ່ານປະຕູດຽວຂອງ ເມືອງໄຊເສດຖາ.

             3). ຈັດໝວດໝູ່ ສະຫຼຸບປະເດັ່ນຂໍ້ຄິດເຫັນກ່ຽວກັບບັນຫາ ແລະ ອຸປະສັກ ຕະຫຼອດເຖິງຂໍ້ສະເໜີ ແນະຈາກແບບສອບຖາມປາຍເປີດ.

 

             ເກນການແປຜົນ                        ການແປຜົນ

 

             4,50 – 5,00                            ຄວາມຄິດເຫັນຢູ່ໃນລະດັບຫຼາຍທີ່ສຸດ.

             3,50 – 4,49                            ຄວາມຄິດເຫັນຢູ່ໃນລະດັບຫຼາຍ.

             2,50 – 3,49                            ຄວາມຄິດເຫັນຢູ່ໃນລະດັບປານກາງ.

             1,50 – 2,49                            ຄວາມຄິດເຫັນຢູ່ໃນລະດັບນ້ອຍ.

             1,00 – 1,49                            ຄວາມຄິດເຫັນຢູ່ໃນລະດັບນ້ອຍສຸດ.

 

 

ພາກທີ 4

ຜົນຂອງການສຶກສາ

 

           ການສຶກສາການບໍລິການຜ່ານປະຕູດຽວຂອງເມືອງໄຊເສດຖາ ນະຄອນຫຼວງວຽງຈັນ ຜູ້ວິໄຈໄດ້ວິເຄາະຂໍ້ ມູນຈາກແບບສອບຖາມຈາກປະຊາກອນກຸ່ມຕົວຢ່າງ ຈຳນວນ 200 ຄົນ, ໄດ້ແບບສອບຖາມກັບຄືນມາ 140 ຄົນ ແລະ ຈາກການສຳພາດພະນັກງານຜູ້ທີ່ມີໜ້າທີ່ຮັບຜິດຊອບໂດຍກົງຕໍ່ກັບວຽກງານການບໍລິການຜ່ານປະຕູດຽວຂອງ ເມືອງໄຊເສດຖາຈຳນວນ 5 ທ່ານ ເຊິ່ງຈະສະເໜີຜົນການວິໄຈຕາມລຳດັບດັ່ງນີ້ :

 

4.1  ສະພາບການໃຫ້ບໍລິການຜ່ານປະຕູດຽວຂອງເມືອງໄຊເສດຖານະຄອນຫຼວງວຽງຈັນ.

4.2  ຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວ ຂອງເມືອງໄຊເສດຖາ

  1. ດ້ານຂະບວນການໃຫ້ບໍລິການຜ່ານປະຕູດຽວ.

  2. ດ້ານພະນັກງານຜູ້ໃຫ້ບໍລິການຜ່ານປະຕູດຽວ.

                 3. ດ້ານສະຖານທີ່ ແລະ ສິ່ງອໍານວຍຄວາມສະດວກ.

4.3  ບັນຫາ ແລະ ອຸປະສັກ ຕໍ່ກັບການບໍລິການຜ່ານປະຕູດຽວ ຂອງເມືອງໄຊເສດຖາ.

 

4.1       ສະພາບການໃຫ້ບໍລິການຜ່ານປະຕູດຽວຂອງເມືອງໄຊເສດຖາ ນະຄອນ ຫຼວງວຽງຈັນ.

 

        ສະພາບການໃຫ້ບໍລິການຜ່ານປະຕູດຽວຂອງເມືອງໄຊເສດຖາໃນໄລຍະທີ່ຜ່ານມາ ຈາກການສຳພາດພະນັກງານຜູ້ທີ່ເຮັດວຽກ ແລະ ມີໜ້າທີ່ຮັບຜິດຊອບກ່ຽວກັບການບໍລິການຜ່ານປະຕູດຽວຂອງເມືອງໄຊເສດຖາສາມາດສະຫຼຸບໄດ້ ດັ່ງນີ້ :

 

         ຜູ້ໃຫ້ສຳພາດທ່ານທີ່ໜື່ງ ໄດ້ໃຫ້ສຳພາດວ່າ : ໃນໄລຍະທີ່ຜ່ານມາເມື່ອເວົ້າເຖິງການບໍລິການຜ່ານປະຕູດຽວໃນໄລຍະຜ່ານມາແມ່ນມີທັງຈຸດດີ, ຂໍ້ຄົງຄ້າງ ເຊິ່ງຂໍ້ສະດວກທີ່ເຫັນໄດ້ກໍ່ແມ່ນສາມາດເຮັດໃຫ້ປະຊາຊົນມາໃຊ້ບໍລິການບ່ອນໃນດຽວ ແລະ ໄດ້ສ້າງຄວາມສະດວກສະບາຍໃຫ້ກັບຄົນທີ່ຢູ່ບ້ານໄກເຮັດໃຫ້ບໍ່ໄດ້ກັບໄປກັບມາຫຼາຍເທື່ອ.

         ຜູ້ໃຫ້ສຳພາດທ່ານທີ່ສອງ ໄດ້ໃຫ້ສຳພາດວ່າ : ໃນໄລຍະຜ່ານມາການໃຫ້ບໍລິການ ຜ່ານປະຕູດຽວແມ່ນໄດ້ສ້າງຄວາມສະດວກສະບາຍໃຫ້ກັບປະຊາຊົນ ຖ້າທຽບໃສການບໍລິການໃນລະບົບອື່ນ ຫຼື ການໃຫ້ບໍລິການກ່ອນມີການສ້າງຕັ້ງກົນໄກການບໍລິການຜ່ານປະຕູດຽວ ເພາະປະຊາຊົນບໍ່ມີຄວາມສັບສົນຫຍຸ້ງຫຍາກມີແຕ່ມາບ່ອນດຽວ, ບໍ່ໄດ້ມີການກົດໜ່ວງເວລາ ແລະ ສິ້ນເປື້ອງຄ່າໃຊ້ຈ່າຍຫຼາຍ.

         ຜູ້ໃຫ້ສຳພາດທ່ານທີ່ສາມ ໄດ້ໃຫ້ສຳພາດວ່າ :ຜ່ານມາເຫັນໄດ້ວ່າລະບົບການບໍລິການ ຜ່ານປະຕູດຽວແມ່ນໄດ້ພະຍາຍາມອຳນວຍຄວາມສະດວກໃຫ້ ກັບປະຊາຊົນຜູ້ມາໃຊ້ບໍລິການ ແນວໃດກໍ່ຕາມກໍ່ ຍັງເຫັນໄດ້ວ່າການບໍລິການບາງດ້ານກໍ່ຍັງມີຂໍ້ຫຍຸ້ງຍາກ ແລະ ບາງດ້ານກໍ່ມີຂໍ້ສະດວກ ແນວໃດກໍ່ຕາມການບໍລິການ ຜ່ານປະຕູດຽວໄລຍະທີ່ຜ່ານມາພະນັກງານພວກເຮົາກໍ່ໄດ້ພະຍາຍາມເອົາໃຈໃສ່ໃຫ້ຄຳແນະນຳຕໍ່ກັບປະຊາຊົນຜູ້ມາ ໃຊ້ບໍລິການຢູ່ເປັນປະຈຳ ແຕ່ກໍ່ຍັງເຫັນໄດ້ບາງຄັ້ງປະຊາຊົນກໍ່ບໍ່ຄ່ອຍຮັບຟັງການແນະນຳ ຫຼື ບໍ່ເອົາໃຈໃສ່ອ່ານຄຳ ແນະນຳທີ່ໄດ້ກຳນົດໃວ້ໃນເອກະສານແຕ່ລະສະບັບ ເຮັດໃຫ້ປະຊາຊົນບາງຈຳນວນຜູ້ມາໃຊ້ບໍລິການປະກອບເອກະ ສານມາຜິດ ຫຼື ບາງຄັ້ງບໍ່ຟັງເຫດຜົນກ່ອນວ່າເອກະສານບາງຢ່າງກໍ່ເກີດຄວາມລ່າຊ້າ ບໍ່ໄປຕາມກຳນົດເວລາທີ່ນັດ    ໝາຍ ເຮັດໃຫ້ປະຊາຊົນຈຳນວນໜື່ງເກີດຂໍ້ຂ້ອງໃຈ ແລະ ຕໍ່ວ່າກັບພະນັກງານກໍ່ຄືລະບົບການບໍລິການຜ່ານປະຕູ ດຽວ.

 

         ຜູ້ໃຫ້ສຳພາດທ່ານທີ່ສີ່ ໄດ້ໃຫ້ສຳພາດວ່າ : ການບໍລິການຜ່ານປະຕູດຽວໃນໄລຍະທີ່ຜ່ານມາແມ່ນມີທັງຂໍ້ສະດວກ ແລະ ຂໍ້ຫຍຸຸ້ງຍາກ ໂດຍສະເພາະຂໍ້ສະດວກແມ່ນເອກະສານຕ່າງໆທີ່ເຂົາມາແມ່ນສາມາດມາບ່ອນດຽວ ທີ່ສຳຄັນທຸກເອກະສານແມ່ນຈະມີຄວາມຖືກຕ້ອງ, ຮັບປະກັນຄວາມຖືກຕ້ອງເພາະວ່າທຸກເອກະສານຕ່າງໆທີ່ປະຊາຊົນມາສະເໜີ ຫຼື ມາຢືນເອກະສານພົວພັນຢູ່ຫ້ອງການບໍລິການຜ່ານປະຕູດຽວຂອງພວກ ເຮົາແມ່ນພະນັກງານທີ່ກ່ຽວຂ້ອງຈະຕ້ອງກວດກາຄວາມຖືກຕ້ອງຂອງເອກະສານທຸກຄັ້ງວ່າໄດ້ປະກອບມາຄົບຖ້ວນແລ້ວບໍ່, ຖືກຕາມແບບແລ້ວບໍ່ ເຊິ່ງຕາມຈາກເມື່ອກ່ອນທີ່ປະຊາຊົນຕ້ອງໄດ້ແລ່ນເອກະສານສານຫຼາຍບ່ອນ, ພົວພັນ ຫຼາຍບ່ອນເຮັດໃຫ້ເກີດມີຫຼາຍເອກະສານຫຼາຍຄຳແນະນຳ. ສ່ວນສະພາບຫຍຸຸ້ງຍາກນັ້ນເຫັນໄດ້ຈາກວ່າ ໃນເມື່ອປະ ຊາຊົນຜູ້ມາໃຊ້ບໍລິການນັ້ນເມື່ອປະກອບເອກະສານມາບໍ່ຄົບຖ້ວນກໍ່ຈະເຮັດໃຫ້ເອກະສານດັ່ງກ່າວເກີດຄວາມລ່າຊ້າ ແລະ ບາງຄັ້ງກໍເກີດມີຂໍ້ຕໍ່ວ່າພະນັກງານວ່າເປັນຍັງຈຶ່ງລ່າຊ້າ ເນື່ອງຈາກເຫດຜົນໜື່ງກໍ່ຍ້ອນເອກະສານປະກອບມາ ແມ່ນບໍ່ຄົບຖ້ວນ ໂດຍສະເພາະເອກະສານການອອກແບບຕ່າງໆຖ້າແບບຜ່ານ ກໍ່ປະມານ1-2 ເດືອນ , ແຕ່ບາງເອກະ ສານປະກອບມາບໍ່ຄົບ ຫຼື ປະກອບມາບໍ່ຖືກແບບກໍ່ເຮັດໃຫ້ເກີດຄວາມລ່າຊ້າແກ່ຍາວເວລາໄປອີກ ດັ່ງນີ້ເປັນຕົ້ນ.

 

         ຜູ້ໃຫ້ສຳພາດທ່ານທີ່ຫ້າ ໄດ້ໃຫ້ສຳພາດວ່າ : ຖືໄດ້ການຈັດຕັ້ງການປະຕິບັດການບໍ ລິການຜ່ານປະຕູດຽວນີ້ແມ່ນເມືອງເຮົາເປັນເມືອງທຳອິດໃນການທົດລອງ ຢູ່ ສປປ ລາວ ເປົ້າໝາຍຫຼັກແມ່ນເພື່ອຕິດ ຕາມການຈໍລະຈອນເອກະສານ ແລະ ເປັນການຕັດຫອນບັນຫາການທ່ວງດຶງເອກະສານຕ່າງໆ ເຊິ່ງໄລຍະຜ່ານມາ ລະບົບການບໍລິການຜ່ານປະຕູດຽວນີ້ກໍ່ສາມາດແກ້ໄຂ້ບັນຫາທາງດ້ານເອກະສານຕ່າງໆໄດ້ຫຼາຍສົມຄວນ. ກ່ອນການມີລະບົບການບໍລິການຜ່ານປະຕູດຽວນີ້ ກໍ່ໄດ້ມີສຽງຈົ່ມວ່າຈາກປະຊາຊົນໂດຍສະເພາະປະກົດການຫຍໍ້ທໍ້ໃນລະບົບການບໍລິຫານລັດ ກ່ຽວກັບຂະບວນການວິ່ງເຕັ້ນໃນການດຳເນີນເອກະສານ, ການເຂົ້າຫາຂະແໜງການນັ້ນຂະແໜງການນີ້ເພື່ອຜົນປະໂຫຍດ ແລະ ມີຫຼາຍຂະແໜງການກໍ່ຮຽກຮ້ອງຜົນປະໂຫຍດໂດຍບໍ່ຊອບທຳ, ມີຫຼາຍຂັ້ນຫຼາຍຂອດໃນການປະສານງານ, ບໍ່ເປັນລະບົບ. ຜ່ານການຈັດຕັ້ງລະບົບການຜ່ານປະຕູດຽວນີ້ເຮັດໃຫ້ເກີດຄວາມສະດວກຕໍ່ກັບປະຊາຊົນຜູ້ມາໃຊ້ບໍລິການ, ປະຊາຊົນແມ່ນມາຢືນ ແລະ ຖ້າຮັບເອກະສານຢູ່ບ່ອນດຽວເຮັດໃຫ້ປະຊາຊົນມີຄວາມໂລ່ງໃຈ ສິ່ງສຳຄັນແມ່ນເຮັດໃຫ້ລະບົບການເຮັດວຽກມີຄວາມໂປ່ງໃສ່ຫຼາຍຂື້ນ. ສະນັ້ນຢູ່ເມືອງໄຊເສດຖາ ໃນເບື້ອງຕົ້ນແມ່ນລະບົບການບໍລິການຜ່ານປະຕູດຽວແມ່ນຈັດເຂົ້າມາມີຢູ່ສີ່ຫ້ອງການຄື : ວຽກງານຫ້ອງວ່າການ, ວຽກງານໂຍທາທິການ ແລະ ຂົນສົ່ງ, ວຽກງານຖະແຫຼ່ງຂ່າວ, ວັດທະນະທຳ ແລະ ທ່ອງທ່ຽວ, ຫ້ອງການຊັບພະຍາ ກອນທຳມະຊາດ ແລະ ສິ່ງແວດລ້ອມ ແລະ ການຄ້າ. ແຕ່ວ່າວຽກການຄ້າຜ່ານມາໄລຍະໜື່ງແມ່ນເພິນກໍ່ໄດ້ຕັດອອກ ຍ້ອນວ່າການອະນຸຍາດດຳເນີນທຸລະກິດນີ້ແມ່ນປີໜື່ງຈຶ່ງໄດ້ເຮັດເທື່ອໜື່ງ ດັ່ງນັ້ນ, ຫ້ອງການການຄ້າຈຶ່ງໄດ້ຂໍໃຫ້ໄປ ຂື້ນຢູ່ຫ້ອງການການຄ້າເລີຍ ແນວໃດກໍ່ຕາມປະຈຸບັນນີ້ແມ່ນພວກເຮົາກຳລັງຄົ້ນຄວ້າຈະດຶງເອົາມາເຂົ້າລະບົບການບໍລິ ການຜ່ານປະຕູດຽວ ເພາະໄລຍະຜ່ານມາການອອກອະນຸຍາດຂອງຫ້ອງການຄ້າຍັງບໍ່ທັນສອດຄ່ອງ ແລະ ເຮັດໃຫ້ບັນຫາຕ່າງໆນີ້ມັນເກີດຂື້ນຫຼາຍ ຄະນະກຳມະການໄດ້ຄ່ອຍແກ້ບັນຫາຕ່າງໆ ສະນັ້ນການອອກອະນຸຍາດຕ່າງໆໃນການດຳເນີນທຸລະກິດຕ້ອງໄດ້ ຜ່ານການເຫັນດີພິຈາລະນາເປັນເອກະພາບນຳຄະນະກຳມະການຜ່ານປະຕູດຽວ ໂດຍສະເພາະ ແມ່ນການກວດກາສະຖານທີ່ ຫຼື ກວດກາຂັ້ນຕອນຕ່າງໆວ່າມັນຄົບຖ້ວນແລ້ວຈຶ່ງຄ່ອຍອະນຸຍາດ. ເຫັນໄດ້ວ່າຜ່ານການປະຕິບັດກ່ຽວກັບລະບົບການບໍລິການຜ່ານປະຕູດຽວມານີ້ ແມ່ນໄດ້ສ້າງຄວາມສົນໃຈໃຫ້ກັບບັນດາແຂວງ ແລະ ພາກສ່ວນຕ່າງໆໃນທົ່ວປະເທດ ຖືໄດ້ວ່າເມືອງພວກເຮົານີ້ເປັນຕົວແບບໃນການບໍລິການຜ່ານປະຕູດຽວ ຫຼາຍແຂວງຫຼາຍ ເມືອງກໍ່ແມ່ນໄດ້ມາເອົາບົດຮຽນນຳເມືອງພວກເຮົາໄປຈັດຕັ້ງປະຕິບັດ ແລະ ເກີດຜົນທີ່ດີວ່າໄດ້ມີຄວາມສະດວກວ່ອງ ໄວ ສະນັ້ນ ກະຊວງພາຍໃນທີ່ໄດ້ສ້າງຕັ້ງຂື້ນມາໃໝ່ນີ້ ເຊິ່ງເປັນກະຊວງທີ່ເປັນເຈົ້າການໃນການ ຈັດຕັ້ງປະຕິບັດ ດັ່ງນັ້ນໄລຍະຜ່ານມາກະຊວງພາຍໃນກໍ່ໄດ້ມີການຈັດຝຶກອົບຮົມ ແລະ ສຳມະນາແລກປ່ຽນບົດຮຽນກ່ຽວກັບການບໍລິການຜ່ານປະຕູດຽວ 3-4 ຄັ້ງ ແລະ ໄດ້ເຊີນເອົາເມືອງໄຊເສດຖາຂອງພວກເຮົານີ້ຂື້ນມາແລກປ່ຽນບົດຮຽນເພາະວ່າ ເມືອງໄຊເສດຖາເປັນເມືອງທີ່ໄດ້ມີການຈັດຕັ້ງປະຕິບັດມາກ່ອນ, ທີ່ສຳຄັນລະບົບການບໍລິການຜ່ານປະຕູດຽວ ນີ້ແມ່ນໄດ້ສ້າງລາຍຮັບເຂົ້າງົບປະມານຂອງລັດນີ້ໄດ້ຫຼາຍສົມຄວນ , ໂດຍການບໍລິການຂອງເມືອງພວກເຮົາ ໄນໄລຍະຜ່ານມາແມ່ນໄດ້ມີການປະຕິບັດຕາມດຳລັດ 03/ປປທ . ສະນັ້ນຜ່ານການປະຕິບັດກ່ຽວກັບການບໍລິການຜ່ານປະຕູດຽວນີ້ຫຼາຍເມືອງຫຼາຍແຂວງທີ່ນຳໄປປະຕິບັດກໍ່ແມ່ນໄດ້ອີງໃສ່ຈຸດພິເສດ ແລະ ເງື່ອນໄຂຕົວຈິງຂອງທ້ອງຖິ່ນເຂົ້າເຈົ້າ ,ເຂົາເຈົ້າຈະເກັບຄ່າທຳນຽມການບໍລິການການນີ້ຫຼາຍກວ່າເມືອງໄຊເສດຖາຂອງພວກເຮົາ ປະຈຸບັນເມືອງ ຂອງພວກເຮົາຍັງເກັບຄ່າທຳນຽມການບໍລິການຜ່ານປະຕູດຽວນີ້ແມ່ນຍັງຄືເກົ່າ ຖ້າທຽບໃສ່ບ່ອນອື່ນໆ ແມ່ນຄ່າທຳນຽມການບໍລິການຂອງເມືອງໄຊເສດຖາຂອງພວກເຮົາແມ່ນຍັງຕໍ່າ ເຊິ່ງປະຈຸບັນພວກເຮົາກໍ່ກຳລັງມີການປັບປຸງ ແລະ ຄົ້ນຄວ້າຄ່າທຳນຽມການບໍລິການຜ່ານປະຕູດຽວນີ້ຄືນໃໝ່ ເພື່ອທີ່ຈະນຳສະເໜີຕໍ່ກັບຂັ້ນເທິງພິຈາລະນາ. ຕົວຢ່າງປະຈຸບັນການໂອນກຳມະສິດທີ່ດິນ , ການອອກໃບຕາດິນ  ແລະ ການດຳເນີນເອກະສານກ່ຽວກັບທີ່ດິນແມ່ນເມືອງໄຊ ເສດຖາຂອງພວກເຮົາສາມາດເກັບເຂົ້າງົບປະມານລັດໄດ້ປີໜື່ງ 800-900 ຮ້ອຍກວ່າລ້ານ ໂດຍສະເພາະການໃຊ້ລະບົບການບໍລິການຜ່ານປະຕູດຽວ ເຮັດໃຫ້ຂະແໜງການອື່ນໆມີຄວາມສົນໃຈ ເພາະວ່າການເກັບງົບປະມານຕ່າງໆສາມາດລວມສູນໄດ້.

 

4.2       ຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວ ຂອງເມືອງໄຊເສດຖາ.

 

         ຜົນການວິເຄາະຂໍ້ມູນກ່ຽວກັບຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວ ຂອງເມືອງໄຊເສດຖາໂດຍການວິເຄາະຂໍ້ມູນຈາກແບບສອບຖາມ ຂໍ້ຄຳຖາມ ເປັນແບບປະເມີນຄ່າ 5 ລະດັບ (Five Point-Rating) ສະແດງຜົນໃນຕາຕະລາງທີ2 ແລະ ຈາກການສຳພາດ ພະນັກງານຜູ້ທີ່ເຮັດວຽກ ແລະ ມີໜ້າທີ່ຮັບຜິດຊອບກ່ຽວກັບການບໍລິການຜ່ານປະຕູດຽວຂອງເມືອງໄຊເສດຖາ ດັ່ງນີ້ :

 

     ຂໍ້ມູນທົ່ວໄປຂອງຜູ້ຕອບແບບສອບຖາມ

 

         ຂໍ້ມູນທົ່ວໄປກ່ຽວກັບລັກສະນະສ່ວນບຸກຄົນຂອງຜູ້ຕອບແບບສອບຖາມປະກອບດ້ວຍ : ເພດ, ອາຍຸ, ລະດັບການສຶກສາ, ອາຊີບ ຂໍ້ຄຳຖາມເປັນແບບກວດຄຳຕອບ (Check List ) ເຊິ່ງສະແດງຜົນໃນຕາຕະລາງທີ່1

             ຕາຕະລາງທີ1:  ສະແດງເຖິງຈໍານວນ ແລະ ອັດຕາສ່ວນຮ້ອຍທີ່ຈໍາແນກຕາມເພດ

 

ລາຍການ	ຈໍານວນ (ຄົນ)	ສ່ວນຮ້ອຍ (%)
1.     ຂໍ້ມູນທີ່ຈໍາແນກຕາມເພດ ຊາຍ ຍິງ	52 88	37.1 62.9
ລວມ	140	100
2.     ຂໍ້ມູນທີ່ຈໍາແນກຕາມອາຍຸ 20-30 ປີ 31-40 ປີ 41-50 ປີ 51 ປີຂຶ້ນໄປ	41 43 46 10	29.3 30.7 32.9 7.1
ລວມ	140	100
3          ຂໍ້ມູນຈໍາແນກຕາມລະດັບການສຶກສາ ຕໍ່າກວ່າປະລິນຍາຕີ ປະລິນຍາຕີ ປະລິນຍາໂທ ປະລິນຍາເອກ	62 67 8 3	44.3 47.9 5.7 2.1
ລວມ	140	100
3.        ຂໍ້ມູນສ່ວນຕົວທີ່ຈໍາແນກຕາມອາຊີບ   ພະນັກງານ-ລັດຖະກອນ ພະນັກງານເອກະຊົນ ຄ້າ-ຂາຍ (ທຸລະກິດສ່ວນຕົວ) ປະຊາຊົນ ອື່ນໆ ( ກຳມະກອນ ແລະ ນັກສຶກສາ )	37 30 30 39 4	26.4 21.4 21.4 27.9 2.9
ລວມ	140	100

          

           ຈາກຕາຕະລາງທີ1  ພົບວ່າຜູ້ຕອບແບບສອບຖາມຈຳນວນ 140 ຄົນ ສ່ວນຫຼາຍແມ່ນເພດຍິງ ກວມເອົາ ກວມເອົາ 62.9% ສ່ວນທີ່ເຫຼືອແມ່ນເພດຊາຍ ກວມເອົາ 37.1% , ຜູ້ຕອບແບບສ່ວນຫຼາຍມີອາຍຸ ລະຫວ່າງ   41-50 ປີ  ກວມເອົາ 32.9% , ອາຍຸ 31- 40 ປີ ກວມເອົາ 30.7 % ແລະ ອາຍຸ 20-30 ປີ ກວມເອົາ 29.3% ຕາມລຳດັບ. ລະດັບການສຶກສາແມ່ນລະດັບປະລິນຍາຕີເປັນສ່ວນຫຼາຍ ກວມເອົາ 47.9% , ຮອງລົງມາແມ່ນຕໍ່າກວ່າປະລິນຍາຕີ ກວມເອົາ44.3%. ອາຊີບສ່ວນຫຼາຍແມ່ນ ປະຊາຊົນ ກວມເອົາ 27.9%, ພະນັກງານລັດຖະກອນ ກວມເອົາ 26.4%, ພະນັກງານເອກະຊົນ ກວມເອົາ 21.4%, ຊາວຄ້າ-ຂາຍ (ທຸລະກິດສ່ວນຕົວ) ກວມເອົາ 21.4%, ຕາມລຳດັບ.

 

 

           ຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວ ຂອງເມືອງໄຊເສດຖາໃນດ້ານຂະບວນການໃຫ້ບໍລິການຜ່ານປະຕູດຽວ.

 

             ຜົນການວິເຄາະຂໍ້ມູນກ່ຽວກັບຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວ ຂອງເມືອງໄຊເສດຖາໃນດ້ານຂະບວນການໃຫ້ບໍລິການຜ່ານປະຕູດຽວ ໂດຍການວິເຄາະຂໍ້ມູນຈາກແບບສອບຖາມ ຂໍ້ຄຳຖາມ ເປັນແບບປະເມີນຄ່າ 5 ລະດັບ (Five Point-Rating) ສະແດງຜົນໃນຕາຕະລາງທີ່2 ແລະ ຈາກການສຳພາດ ພະນັກງານຜູ້ທີ່ເຮັດວຽກ ແລະ ມີໜ້າທີ່ຮັບຜິດຊອບກ່ຽວກັບການບໍລິການຜ່ານປະຕູດຽວຂອງເມືອງໄຊເສດຖາ ດັ່ງນີ້ :

             ຕາຕະລາງທີ2 :  ຄ່າສະເລ່ຍ ແລະ ຄ່າຜັນປ່ຽນມາດຕະຖານ ຂອງຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວຂອງເມືອງໄຊເສດຖາໃນດ້ານຂະບວນການໃຫ້ບໍລິການຜ່ານປະຕູດຽວ.

 

ລໍາດັບ	ດ້ານຂະບວນການໃຫ້ບໍລິການຜ່ານປະຕູດຽວ		S.D	ລະດັບຄວາມຄິດເຫັນ
1	ຂັ້ນຕອນໃນການໃຫ້ບໍລິການມີຄວາມສະດວກວ່ອງໄວ	3.91	.493	ຫຼາຍ
2	ຂະບວນການໃນການໃຫ້ບໍລິການມີຄວາມຊັດເຈນ ແລະ ເຂົ້າໃຈງ່າຍ	3.96	463	ຫຼາຍ
3	ຂະບວນການໃຫ້ບໍລິການຕ່າງໆມີຄວາມສະເໝີພາບ, ບໍ່ເລືອກປະຕິບັດ	3.90	.554	ຫຼາຍ
4	ການບໍລິການຕ່າງໆເປັນໄປຕາມລໍາດັບຂັ້ນຕອນກ່ອນ ແລະ ຫຼັງ	3.81	.489	ຫຼາຍ
5	ປະຊາຊົນໄດ້ຮັບການບໍລິການຕາມໄລຍະເວລາທີ່ກໍານົດໄວ້	3.56	.670	ຫຼາຍ
6	ກໍານົດການ ຫຼື ໄລຍະເວລາໃນການເຂົ້າ-ອອກເອກະສານຕ່າງໆມີຄວາມເໝາະສົມ	3.31	.677	ປານກາງ
7	ຄ່າທໍານຽມຕ່າງໆມີຄວາມເໝາະສົມ	3.66	.726	ຫຼາຍ
8	ການບໍລິການຜ່ານປະຕູດຽວແມ່ນມີຄວາມສະດວກສະບາຍກວ່າການບໍລິການໃນແບບເກົ່າ	4.16	.545	ຫຼາຍ
	ລວມ	3.78	.390	ຫຼາຍ

                      ຈາກຕາຕະລາງທີ່2  ພົບວ່າຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວຂອງເມືອງໄຊເສດຖາໃນດ້ານຂະບວນການໃຫ້ບໍລິການຜ່ານປະຕູດຽວດັ່ງນີ້ : ຜູ້ຕອບແບບສອບຖາມຈໍານວນ 140 ຄົນເຫັນວ່າຄວາມຄິດເຫັນດ້ານຂະບວນການໃຫ້ບໍລິການຜ່ານປະຕູດຽວໂດຍລວມແມ່ນມີລະດັບຄວາມຄິດເຫັນຢູ່ໃນລະດັບຫຼາຍ ໂດຍມີຄ່າສະເລ່ຍເທົ່າກັບ 3.72 ເມື່ອພິຈາລະນາໃນແຕ່ລະດ້ານຍ່ອຍແມ່ນເຫັນວ່າມີລະດັບຄະແນນລະດັບປານກາງ ຫາ ຫຼາຍ ແລະ ສາມາດຈັດລຽງແຕ່ຫຼາຍ ຫາ ນ້ອຍດັ່ງນີ້: ການບໍລິການຜ່ານປະຕູດຽວແມ່ນມີຄວາມສະດວກສະບາຍກວ່າການບໍລິການໃນແບບເກົ່າ ຄວາມຄິດເຫັນຢູ່ໃນລະດັບຫຼາຍ ໂດຍມີຄະແນນສະເລ່ຍເທົ່າກັບ 4.16 , ຂະບວນການໃນການໃຫ້ບໍລິການມີຄວາມຊັດເຈນ ແລະ ເຂົ້າໃຈງ່າຍ ຄວາມຄິດເຫັນຢູ່ໃນລະດັບຫຼາຍ  ໂດຍມີຄະແນນສະເລ່ຍເທົ່າກັບ 3.96, ຂັ້ນຕອນໃນການໃຫ້ບໍລິການມີຄວາມສະດວກວ່ອງໄວ ຄວາມຄິດເຫັນຢູ່ໃນລະດັບຫຼາຍ ໂດຍມີຄະແນນສະເລ່ຍເທົ່າກັບ 3.91, ຂະບວນການໃຫ້ບໍລິການຕ່າງໆມີຄວາມສະເໝີພາບ, ບໍ່ເລືອກປະຕິບັດ ຄວາມຄິດເຫັນຢູ່ໃນລະດັບຫຼາຍ  ໂດຍມີຄະແນນເທົ່າກັບ 3.90, ການບໍລິການຕ່າງໆເປັນໄປຕາມລໍາດັບຂັ້ນຕອນກ່ອນ ແລະ ຫຼັງ ຄວາມຄິດເຫັນຢູ່ໃນລະດັບຫຼາຍ  ໂດຍມີຄະແນນສະເລ່ຍເທົ່າກັບ 3.81,  ຄ່າທໍານຽມຕ່າງໆມີຄວາມເໝາະສົມ ຄວາມຄິດເຫັນຢູ່ໃນລະດັບຫຼາຍ ໂດຍມີຄະແນນສະເລ່ຍເທົ່າກັບ 3.66,  ປະຊາຊົນໄດ້ຮັບການບໍລິການຕາມໄລຍະເວລາທີ່ກໍານົດໄວ້ ຄວາມຄິດເຫັນຢູ່ໃນລະດັບຫຼາຍ ໂດຍມີຄະແນນສະເລ່ຍເທົ່າກັບ 3.56,    ກໍານົດການ ຫຼື ໄລຍະເວລາໃນການເຂົ້າ-ອອກຂອງເອກະສານຕ່າງໆມີຄວາມເໝາະສົມ ຄວາມຄິດເຫັນຢູ່ໃນລະດັບປານກາງ ໂດຍມີຄະແນນສະເລ່ຍເທົ່າກັບ 3.31. ໂດຍລຽງລຳດັບຄະແນນສະເລ່ຍຕາມເກນໃນການວິເຄາະ ແລະ ແປຜົນຂໍ້ມູນດັ່ງນີ້ :

             ລະດັບຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວຂອງເມືອງໄຊເສດຖາໃນດ້ານຂະບວນການໃຫ້ບໍລິການຜ່ານປະຕູດຽວ ຢູ່ໃນລະດັບ ຫຼາຍທີ່ສຸດ, ລະດັບນ້ອຍ ແລະ ລະດັບນ້ອຍທີ່ສຸດ ຜົນການວິໄຈແມ່ນບໍ່ພົບມີດ້ານໃດຢູ່ໃນເກນສະເລ່ນລະດັບນີ້.

             ລະດັບຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວຂອງເມືອງໄຊເສດຖາໃນດ້ານຂະບວນການໃຫ້ບໍລິການຜ່ານປະຕູດຽວ ຢູ່ໃນລະດັ[ຫຼາຍປະກອບມີ : ການບໍລິການຜ່ານປະຕູດຽວແມ່ນມີຄວາມສະດວກສະບາຍກວ່າການບໍລິການໃນແບບເກົ່າ, ຂະບວນການໃນການໃຫ້ບໍລິການມີຄວາມຊັດເຈນ ແລະ ເຂົ້າໃຈງ່າຍ, ຂັ້ນຕອນໃນການໃຫ້ບໍລິການມີຄວາມສະດວກວ່ອງໄວ, ຂະບວນການໃຫ້ບໍລິການຕ່າງໆມີຄວາມສະເໝີພາບ, ບໍ່ເລືອກປະຕິບັດ, ການບໍລິການຕ່າງໆເປັນໄປຕາມລໍາດັບຂັ້ນຕອນກ່ອນ ແລະ ຫຼັງ, ຄ່າທໍານຽມຕ່າງໆມີຄວາມເໝາະສົມ, ປະຊາຊົນໄດ້ຮັບການບໍລິການຕາມໄລຍະເວລາທີ່ກໍານົດໄວ້.

             ລະດັບຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວຂອງເມືອງໄຊເສດຖາໃນດ້ານຂະບວນການໃຫ້ບໍລິການຜ່ານປະຕູດຽວ ຢູ່ໃນລະດັບປານກາງປະກອບມີ : ກໍານົດການ ຫຼື ໄລຍະເວລາໃນການເຂົ້າ-ອອກຂອງເອກະສານຕ່າງໆມີຄວາມເໝາະສົມ.

 

             ນອກຈາກແບບສອບຖາມແລ້ວຜູ້ວິໄຈຍັງໄດ້ ສຳພາດພະນັກງານຜູ້ທີ່ເຮັດວຽກ ແລະ ມີໜ້າທີ່ຮັບຜິດຊອບກ່ຽວກັບການບໍລິການຜ່ານປະຕູດຽວຂອງເມືອງໄຊເສດຖາໃນດ້ານຂະບວນການໃຫ້ບໍລິການຜ່ານປະຕູດຽວ ໂດຍສາມາດສະຫຼຸບປະເດັນຕ່າງໆດັ່ງນີ້ :

 

             ຜູ້ໃຫ້ສຳພາດທ່ານທີ່ໜື່ງ ໄດ້ໃຫ້ສຳພາດວ່າ : ໃນໄລຍະຜ່ານມາທາງພະນັກງານຂອງພວກເຮົາກໍ່ໄດ້ເອົາໃຈໃສ່ໃນການໃຫ້ຄຳແນະນຳຕ່າງໆຕໍ່ກັບປະຊາຊົນຜູ້ມາໃຫ້ບໍລິການ ເຊິ່ງຈຳນວນຫຼາຍ ກໍ່ເຫັນວ່າມີຄວາມເຂົ້າໃຈ ແຕ່ກໍ່ມີບາງຈຳນວນເວລາກັບມາສົ່ງຟອມກໍ່ເວົ້າວ່າບໍ່ມີການບອກວິທີຂຽນ, ເຊິ່ງຄວາມເປັນຈິງພວກເຮົາກໍ່ໄດ້ແນະນຳໃຫ້ອ່ານຂໍ້ແນະນຳ ຫຼື ຄຳແນະນຳຕ່າງໆແລ້ວ ແຕ່ເວລາກັບມາສົ່ງເອກະສານກໍ່ຍັງຄືເກົ່າ, ຍັງຜິດຢູ່.

             ຜູ້ໃຫ້ສຳພາດທ່ານທີ່ສອງ ໄດ້ໃຫ້ສຳພາດວ່າ : ປະຊາຊົນຍັງບໍ່ເຂົ້າກ່ຽວກັບວິທີການ ປະກອບເອກະສານບາງຄັ້ງການເຊັນເອກະສານກໍ່ບໍ່ຖືກຕ້ອງ ຕົວຢ່າງ : ການເຊັນເອກະສານກ່ຽວກັບເລື່ອງທີ່ດິນ ບາງຄົນກໍ່ບໍ່ເຂົ້າໃຈຄື ເພາະວ່າສ່ວນໜື່ງຂອງເອກະສານແມ່ນໃຫ້ເຊັນຢັ້ງຢືນບ່ອນທີ່ດິນຕັ້ງຢູ່ ແຕ່ວ່າບາງຄົນກໍ່ຍັງມີເຊັ່ນຢັ້ງຢືນມາຜິດເປັນຕົ້ນບາງຄັ້ງອາດຈະເຊັ່ນຢັ້ງຢືນບ່ອນທີ່ຕົນເອງຢູ່ມາໝົດ ຫຼື ເຊັ່ນບ່ອນດິນຕັ້ງຢູ່ມມາໝົດ ໂດຍສະເພາະແມ່ນປະຊາຊົນຜູ້ມີດິນຫຼາຍ ຫຼື ມີດິນຢູ່ບ່ອນໜື່ງແຕ່ອາໄສຢູ່ບ່ອນໜື່ງເຫຼົ່ານີ້ເປັນຕົ້ນ ເພາະວ່າກ່ອນເວລາ ທີ່ປະຊາຊົນມາຊື້ຟອມທາງພະນັກງານເຮົາກໍ່ໄດ້ອະທິບາຍເປັນທີ່ຮຽບຮ້ອຍແລ້ວແຕ່ກໍ່ມີປະຊາຊົນບາງຈຳນວນຍັງປະກອບເອກະສານມາບໍ່ຖືກຕ້ອງຕາມແບບທີ່ກຳນົດໄວ້.

             ຜູ້ໃຫ້ສຳພາດທ່ານທີ່ສາມ ໄດ້ໃຫ້ສຳພາດວ່າ : ບາງຄັ້ງກໍ່ຍັງເຫັນວ່າພະນັກງານເມື່ອ ເວລາໃຫ້ຄຳແນະນຳຕ່າງໆຕໍ່ກັບປະຊາຊົນຜູ້ມາໃຊ້ບໍລິການ ໂດຍສະເພາະຜູ້ທີ່ເຂົ້າໃຈຍາກອະທິບາຍແລ້ວອະທິບາຍອີກກໍ່ຍັງບໍ່ເຂົ້າໃຈ ບາງຄັ້ງກໍ່ເຮັດໃຫ້ພະນັກງານເຮົາງຸດງິດ ແລະ ອາລົມຮ້ອນເຊັ່ນດຽວກັນ ຊຶ່ງອາດຈະມີບາງຄຳເວົ້າທີ່ຮຸນແຮງ ຫຼື ກະທົບໃສ່ກັນ ເຮັດໃຫ້ຜູ້ມາໃຊ້ບໍລິການກໍ່ຄືປະຊາຊົນນຳເອົາຄຳເວົ້າດັ່ງກ່າວໄປເວົ້າຢູ່ບ່ອນອື່ນຕໍ່ ກັບການບໍລິການຂອງພວກເຮົາ ເຮັດໃຫ້ເກີດຄວາມບໍ່ເຂົ້າໃຈກັນໃນບາງຄັ້ງ ບາງຄັ້ງກໍ່ບໍ່ຄ່ອຍຮັບຟັງຄຳແນະນຳຂອງພະນັກງານ ແລະ ບາງອັນກໍ່ຕ້ອງຮັບຟັງຄຳ ຊີ້ແຈງຂອງພະນັກງານກ່ອນວ່າເປັນຍ້ອນຫຍັງ ເຫດຜົນໃດຈຶ່ງແນວນັ້ນແນວນີ້. ຫຼື ບາງອັນຫາກເຫັນ ວ່າບໍ່ເຂົ້າໃຈກໍ່ບໍ່ຖາມພະນັກງານທີ່ຮັບຜິດຊອບວຽກງານນັ້ນ.

             ຜູ້ໃຫ້ສຳພາດທ່ານທີ່ສີ່ ໄດ້ໃຫ້ສຳພາດວ່າ : ດ້ານຂະບວນການນັ້ນໃນໄລຍະຜ່ານມາແມ່ນເຫັນວ່າມີຄວາມສະດວກດີ, ບໍ່ຄ່ອຍມີບັນຫາຫຍັງ.

             ຜູ້ໃຫ້ສຳພາດທ່ານທີ່ຫ້າ ໄດ້ໃຫ້ສຳພາດວ່າ : ໄລຍະຜ່ານມາເຫັນໄດ້ວ່າຂະບວນການບໍລິການຜ່ານປະຕູດຽວແມ່ນມີທັງຂໍ້ສະດວກ ແລະ ຂໍ້ຫຍຸ້ງຍາກ ແຕ່ສິ່ງທີ່ພວກເຮັດໄດ້ສ່ວນໃຫຍ່ຈະເປັນໃນ ເລື່ອງຂອງການບໍລິການໃນຂະແໜງປົກຄອງ, ຂະແໜງພາຍໃນ ເປັນຕົ້ນແມ່ນການເອກະສານຢັ້ງຢືນການເກີດ, ໃບຂໍອະນຸຍາດຄົນລາວແຕ່ງງານກັບຄົນຕ່າງປະເທດ, ຢ່າຮ້າງ, ແຕ່ງງານ, ໂອນສັນຊາດ, ການຕັດສັນຊາດເຫຼົ່ານີ້ ເປັນຕົ້ນ…. ເພາະວຽກ ຕ່າງເຫຼົ່ານີ້ແມ່ນວຽກຂອງຂະແໜງປົກຄອງ ຫຼື ບາງເອກະສານກໍ່ຕ້ອງໄດ້ເຊັ່ນຜ່ານ ເມືອງພວກເຮົາກ່ອນ ຖືວ່າພົ້ນເດັ່ນກວ່າໝູ່ໃນການບໍລິການຜ່ານປະຕູດຽວ ເຊິ່ງພວກເຮົາກໍ່ສາມາດຈັດຕັ້ງປະຕິບັດໄດ້ ແຕ່ຂອດທີ່ເຫັນໄດ້ຊັດເຈນທີ່ເປັນຂໍ້ຫຍຸ້ງຍາກນັ້ນກໍ່ຈະເປັນໃນເລື່ອງທີ່ຕິດພັນກັບຂະແໜງທີ່ດິນ ໂດຍສະເພາະແມ່ນຂອດການປະສານງານລະຫວ່າງເມືອງກັບພະແນກການ ເພາະວ່າພະແນກບໍ່ສາມາດສະໜອງຄືນໃຫ້ ເມືອງຂອງພວກເຮົາໄດ້ ຜ່ານມາກ່ອນການຈັດຕັ້ງປະຕິບັດກົນໄກການບໍລິການຜ່ານປະຕູດຽວນີ້ພວກເຮົາກໍ່ໄດ້ມີ ການປະຊຸມປຶກສາຫາລືກັນລະຫວ່າງພະແນກການຕ່າງໆກັບເມືອງໄຊເສດຖາຂອງພວກເຮົາ ແຕ່ວ່າການຈັດຕັ້ງປະຕິ ບັດແມ່ນຍັງເຮັດບໍ່ທັນໄດ້ ບາງທີ່ກໍ່ເປັນເດືອນໜື່ງສອງເດືອນ ຫຼື ບາງຄັ້ງກໍ່ເປັນປີ ໂດຍສະເພາະການອອກໃບຕາດິນ ເຊິ່ງຍັງອອກບໍ່ໄດ້ຕາມທີ່ເຮົາກຳນົດຄື 15 ວັນ ຖືວ່າຍັງເຮັດບໍ່ໄດ້ ເຊິ່ງວ່າເຮົາຊິຕັດອອກກໍ່ຍັງບໍ່ໄດ້ ແລະ ປະຈຸແມ່ນ ປ່ອຍໄປຕາມຂະບວນການຂອງການແລ່ນເອກະສານປົກກະຕິ ເຮັດໃຫ້ບາງຈຳນວນຂອງພະນັກງານວິຊາການ ຂອງພະແນກການຍັງແລ່ນເອກະສານພໍໃຜພໍມັນເພື່ອຮຽກຮ້ອງເລື່ອງຜົນປະໂຫຍດ ແລະ ຄ່າບໍລິການຕ່າງໆ.

 

        ຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວ ຂອງເມືອງໄຊເສດຖາຕໍ່ກັບພະນັກງານຜູ້ໃຫ້ບໍລິການຜ່ານປະຕູດຽວ.

 

             ຜົນການວິເຄາະຂໍ້ມູນກ່ຽວກັບຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວ ຂອງເມືອງໄຊເສດຖາຕໍ່ກັບພະນັກງານຜູ້ໃຫ້ບໍລິການຜ່ານປະຕູດຽວ ໂດຍການວິເຄາະຂໍ້ມູນຈາກແບບສອບຖາມ ຂໍ້ຄຳຖາມ ເປັນແບບປະເມີນຄ່າ 5 ລະດັບ (Five Point-Rating) ສະແດງຜົນໃນຕາຕະລາງທີ່3 ແລະ ຈາກການສຳພາດພະນັກງານຜູ້ທີ່ເຮັດວຽກ ແລະ ມີໜ້າທີ່ຮັບຜິດຊອບກ່ຽວກັບການບໍລິການຜ່ານປະຕູດຽວຂອງເມືອງໄຊເສດຖາ ດັ່ງນີ້ :

 

             ຕາຕະລາງທີ່3 :  ຄ່າສະເລ່ຍ ແລະ ຄ່າຜັນປ່ຽນມາດຕະຖານ ຂອງຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວ ຂອງເມືອງໄຊເສດຖາຕໍ່ກັບພະນັກງານຜູ້ໃຫ້ບໍລິການຜ່ານປະຕູດຽວ.

 

ລໍາດັບ	ດ້ານພະນັກງານໃຫ້ບໍລິການຜ່ານປະຕູດຽວ		S.D	ລະດັບຄວາມຄິດເຫັນ
1	ພະນັກງານທີ່ໃຫ້ບໍລິການມີຄວາມພຽງພໍ	3.40	.621	ປານກາງ
2	ພະນັກງານປະຕິບັດໜ້າທີ່ຕາມເວລາທີ່ໄດ້ກໍານົດ	3.32	.702	ປານກາງ
3	ພະນັກງານໃຫ້ບໍລິການດ້ວຍຄວາມສະເໝີພາບ	3.77	.592	ຫຼາຍ
4	ພະນັກງານມີຄວາມຮູ້ຄວາມສາມາດເໝາະສົມໃນການໃຫ້ບໍລິການ	3.88	.501	ຫຼາຍ
5	ພະນັກງານມີຄວາມເຕັມໃຈທີ່ຈະແນະນໍາຂໍ້ມູນຕ່າງໆໃຫ້ປະຊາຊົນຜູ້ມາໃຊ້ບໍລິການເປັນຢ່າງດີ	3.71	.702	ຫຼາຍ
	ລວມ	3.66	.490	ຫຼາຍ

 

             ຈາກຕາຕະລາງທີ່3  ພົບວ່າຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວ ຂອງເມືອງໄຊເສດຖາຕໍ່ກັບພະນັກງານຜູ້ໃຫ້ບໍລິການຜ່ານປະຕູດຽວ ດັ່ງນີ້ : ຜູ້ຕອບແບບສອບຖາມຈໍານວນ 140 ຄົນເຫັນວ່າຄວາມຄິດເຫັນຕໍ່ພະນັກງານຜູ້ໃຫ້ບໍລິການຜ່ານປະຕູດຽວ ໂດຍລວມແມ່ນມີລະດັບຄວາມຄິດເຫັນຢູ່ໃນລະດັບຫຼາຍ ໂດຍມີຄ່າສະເລ່ຍເທົ່າກັບ 3.72 ເມື່ອພິຈາລະນາໃນແຕ່ລະດ້ານຍ່ອຍແມ່ນເຫັນວ່າມີລະດັບຄະແນນລະດັບປານກາງ ຫາ ຫຼາຍ ແລະ ສາມາດຈັດລຽງແຕ່ຫຼາຍ ຫາ ນ້ອຍດັ່ງນີ້: ພະນັກງານມີຄວາມຮູ້ຄວາມສາມາດເໝາະສົມໃນການໃຫ້ບໍລິການ ຄວາມຄິດເຫັນຢູ່ໃນລະດັບຫຼາຍ ໂດຍມີຄະແນນສະເລ່ຍເທົ່າກັບ 3.88, ພະນັກງານໃຫ້ບໍລິການດ້ວຍຄວາມສະເໝີພາບ ຄວາມຄິດເຫັນຢູ່ໃນລະດັບຫຼາຍ ໂດຍມີຄະແນນສະເລ່ຍເທົ່າກັບ 3.77,  ພະນັກງານມີຄວາມເຕັມໃຈທີ່ຈະແນະນໍາຂໍ້ມູນຕ່າງໆໃຫ້ປະຊາຊົນຜູ້ມາໃຊ້ບໍລິການເປັນຢ່າງດີ  ຄວາມຄິດເຫັນຢູ່ໃນລະດັບຫຼາຍ  ໂດຍມີຄະແນນສະເລ່ຍເທົ່າກັບ 3.71, ພະນັກງານທີ່ໃຫ້ບໍລິການມີຄວາມພຽງພໍ ຄວາມຄິດເຫັນຢູ່ໃນລະດັບປານກາງ ໂດຍມີຄະແນນສະເລ່ຍເທົ່າກັບ 3.40, ພະນັກງານປະຕິບັດໜ້າທີ່ຕາມເວລາທີ່ໄດ້ກໍານົດ ຄວາມຄິດເຫັນຢູ່ໃນລະດັບປານກາງ ໂດຍມີຄະແນນສະເລ່ຍເທົ່າກັບ 3.32. ໂດຍຈັດລຳດັບຄະແນນສະເລ່ຍຕາມເກນໃນການວິເຄາະ ແລະ ແປຜົນຂໍ້ມູນດັ່ງນີ້ :

             ລະດັບຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວ ຂອງເມືອງໄຊເສດຖາຕໍ່ກັບພະນັກງານຜູ້ໃຫ້ບໍລິການຜ່ານປະຕູດຽວ ຢູ່ໃນລະດັບຫຼາຍທີ່ສຸດ, ລະດັບນ້ອຍ ແລະ ລະດັບນ້ອຍທີ່ສຸດ ຜົນການວິໄຈແມ່ນບໍ່ພົບມີດ້ານໃດຢູ່ໃນເກນສະເລ່ຍລະດັບນີ້.

           ລະດັບຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວ ຂອງເມືອງໄຊເສດຖາຕໍ່ກັບພະນັກງານຜູ້ໃຫ້ບໍລິການຜ່ານປະຕູດຽວ ຢູ່ໃນລະດັບຫຼາຍປະກອບມີ : ພະນັກງານມີຄວາມຮູ້ຄວາມສາມາດເໝາະສົມໃນການໃຫ້ບໍລິການ, ພະນັກງານໃຫ້ບໍລິການດ້ວຍຄວາມສະເໝີພາບ, ພະນັກງານມີຄວາມເຕັມໃຈທີ່ຈະແນະນໍາຂໍ້ມູນຕ່າງໆໃຫ້ປະຊາຊົນຜູ້ມາໃຊ້ບໍລິການເປັນຢ່າງດີ.

 

             ລະດັບຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວ ຂອງເມືອງໄຊເສດຖາຕໍ່ກັບພະນັກງານຜູ້ໃຫ້ບໍລິການຜ່ານປະຕູດຽວ ປານກາງປະກອບມີ : ພະນັກງານທີ່ໃຫ້ບໍລິການມີຄວາມພຽງພໍ, ພະນັກ ງານປະຕິບັດໜ້າທີ່ຕາມເວລາທີ່ໄດ້ກໍານົດ.

 

             ນອກຈາກການແຈກແບບສອບຖາມແລ້ວຜູ້ວິໄຈຍັງໄດ້ ສຳພາດພະນັກງານຜູ້ທີ່ເຮັດວຽກ ແລະ ມີໜ້າທີ່ຮັບຜິດຊອບກ່ຽວກັບການບໍລິການຜ່ານປະຕູດຽວຂອງເມືອງໄຊເສດຖາໃນດ້ານພະນັກງານໃຫ້ບໍລິການຜ່ານປະຕູດຽວ ໂດຍສາມາດສະຫຼຸບປະເດັນຕ່າງໆດັ່ງນີ້ :

 

             ຜູ້ໃຫ້ສຳພາດທ່ານທີ່ໜື່ງ ໄດ້ໃຫ້ສຳພາດວ່າ : ພະນັກງານທີ່ໃຫ້ບໍລິການສ່ວນໃຫຍ່ ແມ່ນພະນັກງານທີ່ມາຢູ່ໃໝ່ນັ້ນບາງຄັ້ງກໍ່ຍັງບໍ່ສາມາດອະທິບາຍໃຫ້ແຊາຊົນຜູ້ມາໃຊ້ບໍລິການໃຫ້ເຂົ້າໃຈຢ່າງລະອຽດ ໄດ້ ເນື່ອງຈາກມາເຮັດວຽກວິທີໃໝ່.

 

           ຜູ້ໃຫ້ສຳພາດທ່ານທີ່ສອງ ໄດ້ໃຫ້ສຳພາດວ່າ :  ໃນດ້ານພະນັກງານນີ້ເຫັນວ່າໃນໄລຍະ ຜ່ານມາກໍ່ບໍ່ຄ່ອຍມີບັນຫາຍັງ ພະນັກງານທຸກຄົນກໍ່ໄດ້ເອົາໃຈໃສ່ໃຫ້ບໍລິການປະຊາຊົນຢ່າງເຕັມທີ່ຕາມຄວາມຮັບຜິດ ຊອບໃຜມັນ.

 

             ຜູ້ໃຫ້ສຳພາດທ່ານທີ່ສາມ ໄດ້ໃຫ້ສຳພາດວ່າ : ບາງຄັ້ງກໍ່ຍັງເຫັນວ່າພະນັກງານເມື່ອ ເວລາໃຫ້ຄຳແນະນຳຕ່າງໆຕໍ່ກັບປະຊາຊົນຜູ້ມາໃຊ້ບໍລິການ ໂດຍສະເພາະຜູ້ທີ່ເຂົ້າໃຈຫຍາກ ອະທິບາຍແລ້ວອະທິ ບາຍອີກກໍ່ຍັງບໍ່ເຂົ້າໃຈ ບາງຄັ້ງກໍ່ເຮັດໃຫ້ພະນັກງານເຮົາງຸດງິດ ແລະ ອາລົມຮ້ອນເຊັ່ນດຽວກັນ ຊຶ່ງອາດຈະມີບາງຄຳ ເວົ້າທີ່ຮຸນແຮງ ຫຼື ກະທົບໃສ່ກັນ ເຮັດໃຫ້ຜູ້ມາໃຊ້ບໍລິການກໍ່ຄືປະຊາຊົນນຳເອົາຄຳເວົ້າດັ່ງກ່າວໄປເວົ້າຢູ່ບ່ອນອື່ນຕໍ່ ກັບການບໍລິການຂອງພວກເຮົາ ເຮັດໃຫ້ເກີດຄວາມບໍ່ເຂົ້າໃຈກັນໃນບາງຄັ້ງ, ການອະທິບາຍເອກະສານບາງຄັ້ງກໍ່ຍັງ ບໍ່ທັນເລິກເຊິງ ໂດຍສະເພາະພະນັກງານໃໝ່ທີ່ຕ້ອງໄດ້ໃຫ້ຄຳແນະນຳຕໍ່ກັບປະຊາຊົນຜູ້ມາໃຫ້ບໍລິການກໍ່ຍັງເຫັນວ່າ ບາງຄັ້ງກໍ່ຜິດແດ່ຖືກແດ່ ເນື່ອງຈາກປະສົບການ ແລະ ການຮັບຮູ້ບາງອັນຍັງແມ່ນອັນໃໝ່ບໍ່ເຂົ້າໃຈເລິກເຊິ່ງ.

 

             ຜູ້ໃຫ້ສຳພາດທ່ານທີ່ສີ່ ໄດ້ໃຫ້ສຳພາດວ່າ :  ພະນັກງານທີ່ໃຫ້ບໍລິການບາງຄັ້ງ ຍັງມີຄວາມຊັກຊ້າໃນການປະຕິບັດໂມງເວລາ ເນື່ອງຈາກຄວາມຈຳເປັນທາງດ້ານຄອບຄົວເຮດໃຫ້ບາງຄັ້ງບໍ່ສາມາດ ທີ່ຈະມາຮັບການບໍລິການຢ່າງທັນການໄດ້.

 

             ຜູ້ໃຫ້ສຳພາດທ່ານທີ່ຫ້າ ໄດ້ໃຫ້ສຳພາດວ່າ : ໃນດ້ານການບໍລິການຜ່ານປະຕູດຽວນີ້ ພະນັກງານກໍ່ຍັງຂາດຄວາມຮູ້ຄວາມສາມາດໃນການບໍລິການ, ການຕອນຮັບແຂກ ໂດຍສະເພາະພະນັກງານທີ່ເຂົ້າເຮັດວຽກໃໝ່, ເວລາການຈໍລະຈອນເອກະສານກໍ່ມີຄວາມຊັກຊ້າ, ເຕັກນິກການຕ້ອນຮັບແຂກກໍ່ຍັງບໍ່ທັນໄດ້ດີ ໂດຍສະເພາະການຕ້ອນຮັບແຂກໃນເວລາທີ່ປະຊາຊົນຜູ້ມາໃຊ້ບໍລິການໄດ້ຢ່າງເຕັມທີ່. ຄວາມຊ່ຽວຊານໃນໜ້າ ວຽກທີ່ຮັບຜິດຊອບກໍ່ຍັງບໍ່ໄດ້ດີ ເພາະວ່າເຮົາເຮັດວຽກແມ່ນໄດ້ມີການໝູນວຽນວຽກເປັນເປັນກະຕິ.

 

 

 

        ຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວ ຂອງເມືອງໄຊເສດຖາໃນດ້ານສະຖານທີ່ ແລະ ສິ່ງອໍານວຍຄວາມສະດວກ

             ຜົນການວິເຄາະຂໍ້ມູນກ່ຽວກັບຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວຂອງເມືອງໄຊເສດຖາໃນດ້ານສະຖານທີ່ ແລະ ສິ່ງອໍານວຍຄວາມສະດວກ ໂດຍການວິເຄາະຂໍ້ມູນຈາກແບບສອບຖາມ ຂໍ້ຄຳຖາມ ເປັນແບບປະເມີນຄ່າ 5 ລະດັບ (Five Point-Rating) ສະແດງຜົນໃນຕາຕະລາງທີ່4 ແລະ ຈາກການສຳພາດພະນັກງານຜູ້ທີ່ເຮັດວຽກ ແລະ ມີໜ້າທີ່ຮັບຜິດຊອບກ່ຽວກັບການບໍລິການຜ່ານປະຕູດຽວຂອງເມືອງໄຊເສດຖາ ດັ່ງນີ້ :

             ຕາຕະລາງທີ4  ຄ່າສະເລ່ຍ ແລະ ຄ່າຜັນປ່ຽນມາດຕະຖານ ຂອງຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວຂອງເມືອງໄຊເສດຖາໃນດ້ານສະຖານທີ່ ແລະ ສິ່ງອໍານວຍຄວາມສະດວກ

 

ລໍາດັບ	ດ້ານສະຖານທີ່ ແລະ ສິ່ງອໍານວຍຄວາມສະດວກ		S.D	ລະດັບຄວາມຄິດເຫັນ
1	ສະຖານທີ່ຈອດລົດພຽງພໍຕໍ່ຜູ້ມາໃຊ້ບໍລິການ	2.49	.735	ນ້ອຍ
2	ສະຖານທີ່ການໃຫ້ບໍລິການມີຄວາມສະອາດ ແລະ ເປັນລະບຽບ	3.04	.548	ປານກາງ
3	ອຸປະກອນທີ່ນໍາມາໃຊ້ໃນການບໍລິການມີຄວາມທັນສະໄໝ	3.10	.603	ປານກາງ
4	ສະຖານທີ່ການໃຫ້ບໍລິການໄດ້ມີປ້າຍແນະນໍາໄວ້ຢ່າງຊັດເຈນ	3.72	.601	ຫຼາຍ
5	ປ່ອງບໍລິການຮັບເອກະສານມີຄວາມສະດວກ ແລະ ພຽງພໍຕໍ່ກັບຜູ້ມາໃຊ້ບໍລິການ	3.06	.659	ປານກາງ
6	ຈໍານວນໂຕະຕັ່ງມີຄວາມພຽງພໍຕໍ່ກັບຜູ້ມາໃຊ້ບໍລິການ	3.13	.573	ປານກາງ
	ລວມ	3.09	.489	ປານກາງ

 

             ຈາກຕາຕະລາງທີ່4 ພົບວ່າຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວຂອງເມືອງໄຊເສດຖາໃນດ້ານສະຖານທີ່ ແລະ ສິ່ງອໍານວຍຄວາມສະດວກດັ່ງນີ້ : ຜູ້ຕອບແບບສອບຖາມຈໍານວນ 140 ຄົນ ເຫັນວ່າດ້ານສະຖານທີ່ ແລະ ສິ່ງອໍານວຍຄວາມສະດວກ ລະດັບຄວາມຄິດເຫັນໂດຍລວມຢູ່ໃນລະດັບປານກາງ ໂດຍມີຄ່າສະເລ່ຍເທົ່າກັບ 3.09 ເມື່ອພິຈາລະນາໃນແຕ່ລະດ້ານຍ່ອຍແມ່ນມີຄະແນນຢູ່ໃນລະດັບນ້ອຍ ຫາ ປານກາງ  ແລະ ສາມາດຈັດລຽງແຕ່ຫຼາຍຫານ້ອຍດັ່ງນີ້: ສະຖານທີ່ການໃຫ້ບໍລິການໄດ້ມີປ້າຍແນະນໍາໄວ້ຢ່າງຊັດເຈນ ລະດັບຄວາມຄິດເຫັນຢູ່ໃນລະດັບຫຼາຍ ໂດຍມີຄ່າສະເລ່ຍເທົ່າກັບ 3.72, ຈໍານວນໂຕະຕັ່ງມີຄວາມພຽງພໍຕໍ່ກັບຜູ້ມາໃຊ້ບໍລິການ ລະດັບຄວາມຄິດເຫັນຢູ່ໃນລະດັບປານກາງ  ໂດຍມີຄ່າສະເລ່ຍເທົ່າກັບ 3.13, ອຸປະກອນທີ່ນໍາມາໃຊ້ໃນການບໍລິການມີຄວາມທັນສະໄໝ ລະດັບຄວາມຄິດເຫັນຢູ່ໃນລະດັບປານກາງ ໂດຍມີຄ່າສະເລ່ຍເທົ່າກັບ 3.10, ປ່ອງບໍລິການຮັບເອກະສານມີຄວາມສະດວກ ແລະ ພຽງພໍຕໍ່ກັບຜູ້ມາໃຊ້ບໍລິການ ລະດັບຄວາມຄິດເຫັນຢູ່ໃນລະດັບປານກາງ ໂດຍມີຄ່າສະເລ່ຍເທົ່າກັບ 3.06, ສະຖານທີ່ການໃຫ້ບໍລິການມີຄວາມສະອາດ ແລະ ເປັນລະບຽບ ລະດັບຄວາມຄິດເຫັນຢູ່ໃນລະດັບປານກາງ ໂດຍມີຄ່າສະເລ່ຍເທົ່າກັບ 3.04 ແລະ ສະຖານທີ່ຈອດລົດພຽງພໍຕໍ່ຜູ້ມາໃຊ້ບໍລິການ ລະດັບຄວາມຄິດເຫັນຢູ່ໃນລະດັບນ້ອຍ ໂດຍມີຄ່າສະເລ່ຍເທົ່າກັບ 2.49. ໂດຍຈັດລຳດັບຄະແນນສະເລ່ຍຕາມເກນໃນການວິເຄາະ ແລະ ແປຜົນຂໍ້ມູນດັ່ງນີ້ :

 

             ລະດັບຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວຂອງເມືອງໄຊເສດຖາໃນດ້ານສະຖານທີ່ ແລະ ສິ່ງອໍານວຍຄວາມສະດວກ ຢູໃນລະດັບຫຼາຍທີ່ສຸດ ແລະ ນ້ອຍທີ່ສຸດ  ຜົນການວິໄຈແມ່ນບໍ່ພົບມີດ້ານໃດຢູ່ໃນເກນສະເລ່ນລະດັບນີ້.

 

             ລະດັບຄວາມຄິດເຫັນດ້ານດ້ານສະຖານທີ່ ແລະ ສິ່ງອໍານວຍຄວາມສະດວກ ການໃຫ້ບໍລິການຜ່ານປະຕູດຽວຂອງເມືອງໄຊເສດຖາຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວຂອງເມືອງໄຊເສດຖາໃນດ້ານສະຖານທີ່ ແລະ ສິ່ງອໍານວຍຄວາມສະດວກ ຢູໃນລະດັບຫຼາຍປະກອບມີ : ສະຖານທີ່ການໃຫ້ບໍລິການໄດ້ມີປ້າຍແນະນໍາໄວ້ຢ່າງຊັດເຈນ.

 

             ລະດັບຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວຂອງເມືອງໄຊເສດຖາໃນດ້ານສະຖານທີ່ ແລະ ສິ່ງອໍານວຍຄວາມສະດວກ ຢູໃນລະດັບປານກາງປະກອບມີ : ຈໍານວນໂຕະຕັ່ງມີຄວາມພຽງພໍຕໍ່ກັບຜູ້ມາໃຊ້ບໍລິການ, ອຸປະກອນທີ່ນໍາມາໃຊ້ໃນການບໍລິການມີຄວາມທັນສະໄໝ, ປ່ອງບໍລິການຮັບເອກະສານມີຄວາມສະດວກ ແລະ ພຽງພໍຕໍ່ກັບຜູ້ມາໃຊ້ບໍລິການ, ສະຖານທີ່ການໃຫ້ບໍລິການມີຄວາມສະອາດ ແລະ ເປັນລະບຽບ.

 

             ລະດັບຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວຂອງເມືອງໄຊເສດຖາໃນດ້ານສະຖານທີ່ ແລະ ສິ່ງອໍານວຍຄວາມສະດວກ ຢູໃນລະດັບນ້ອຍປະກອບມີ : ສະຖານທີ່ຈອດລົດພຽງພໍຕໍ່ຜູ້ມາໃຊ້ບໍລິການ.

             ນອກຈາກການແຈກແບບສອບຖາມແລ້ວຜູ້ວິໄຈຍັງໄດ້ ສຳພາດພະນັກງານຜູ້ທີ່ເຮັດວຽກ ແລະ ມີໜ້າທີ່ຮັບຜິດຊອບກ່ຽວກັບການບໍລິການຜ່ານປະຕູດຽວຂອງເມືອງໄຊເສດຖາໃນດ້ານສະ ຖານທີ່ ແລະ ສິ່ງອໍານວຍຄວາມສະດວກ ໂດຍສາມາດສະຫຼຸບປະເດັນຕ່າງໆດັ່ງນີ້ :

             ຜູ້ໃຫ້ສຳພາດທ່ານທີ່ໜື່ງ ໄດ້ໃຫ້ສຳພາດວ່າ : ສະຖານທີ່ໃນການໃຫ້ບໍລິການ ແມ່ນ ຍັງມີຄວາມຄັບແຄບຢູ່ ໂດຍສະເພາະແມ່ນຫ້ອງໃຫ້ບໍລິການຜ່ານປະຕູດຽວ , ຂາດເຂີນອຸປະກອນອຳນວຍຄວາມ ສະດວກ ໂດຍສະເພາະຫ້ອງ ຫຼື ເຄື່ອງເກັບຂໍ້ມູນທາງດ້ານເອກະສານ ຕ່າງໆແມ່ນຄັບແຄບ ແລະ ຈຳກັດ.

 

             ຜູ້ໃຫ້ສຳພາດທ່ານທີ່ສອງ ໄດ້ໃຫ້ສຳພາດວ່າ : ເຫັນວ່າສະຖານທີ່ຈອດລົດແມ່ນຍັງມີຄວາມແອອັດຫຼາຍຢູ່ ຫຼື ບາງຄັ້ງເມື່ອມາແລ້ວກໍ່ບໍ່ພົບພະນັກງານ ເນື່ອງຈາກພະນັກງານບາງຈຳນວນແມ່ນມີລວມ ໜ່ວຍ, ລວມຈຸ ເປັນຕົ້ນ ເຮັດບາງຄັ້ງບໍ່ສາມາດຕອບສະໜອງຂໍ້ມູນໄດ້ຢ່າງຄົບຖ້ວນ.

 

             ຜູ້ໃຫ້ສຳພາດທ່ານທີ່ສາມ ໄດ້ໃຫ້ສຳພາດວ່າ :  ສະຖານທີ່ການໃຫ້ບໍລິການຜ່ານປະຕູ ດຽວຢູ່ເມືອງໄຊເສດຖາແມ່ນເຫັນວ່າຍັງມີຄວາມຄັບແຄບ, ອຸປະກອນຮັບໃຊ້ບາງອັນກໍ່ຍັງຂາດ ໂດຍສະເພາະເຄື່ອງອີເລັກໂຕນິກ.

 

             ຜູ້ໃຫ້ສຳພາດທ່ານທີ່ສີ່ ໄດ້ໃຫ້ສຳພາດວ່າ :  ສະຖານທີ່ແມ່ນຫັຍງມີຄວາມຄັບ ແຄບຫຼາຍ ໂດຍສະເພາະຫ້ອງການໃຫ້ບໍລິການຜ່ານປະຕູດຽວ ແນວໃດກໍ່ຕາມໃນໄລຍະຜ່ານມາພວກເຮົາກໍ່ໄດ້ມີ ການສັນ ແລະ ຈັດຫ້ອງໃຫ້ມີລັກສະນະເປັນກັນເອງພົວພັນກັນງານ ແບບຄອບຄົວ.

 

 

             ຜູ້ໃຫ້ສຳພາດທ່ານທີ່ຫ້າ ໄດ້ໃຫ້ສຳພາດວ່າ : ບັນຫາທາງດ້ານສະຖານທີ່ໃນການໃຫ້ບໍລິການແມ່ນຍັງມີຄວາມຄັບແຄບຫຼາຍ ຖ້າຈະເປັນຕົວແບບໃຫ້ພາກສ່ວນອື່ນນັ້ນກໍ່ຍັງເຮັດວ່າເປັນໄປໄດ້ຍາກ ເພາະວ່າຫ້ອງໃນການໃຫ້ບໍລິການກໍ່ນ້ອຍຫຼາຍ, ອຸປະກອບຮັບໃຊ້ກໍ່ຍັງຂາດເຂີນຍັງບໍ່ທັນພຽງພໍ, ໂດຍອຸປະກອນເກັບຮັກສາເອກະສານກໍ່ຍັງບໍ່ທັນສະໄໝ.

 

4.3       ບັນຫາ ແລະ ອຸປະສັກຂອງປະຊາຊົນທີ່ເຂົ້າມາໃຊ້ບໍລິການຜ່ານປະຕູດຽວຂອງເມືອງໄຊເສດຖາ.

         ຜົນການວິເຄາະຂໍ້ມູນກ່ຽວກັບບັນຫາ ແລະ ອຸປະສັກຂອງປະຊາຊົນຜູ້ທີ່ເຂົ້າມາໃຊ້ບໍລິການຜ່ານປະຕູດຽວຂອງເມືອງໄຊເສດຖາ ໂດຍການວິເຄາະຂໍ້ມູນຈາກແບບສອບຖາມ ຂໍ້ຄຳຖາມເປັນແບບປະເມີນຄ່າ 5 ລະດັບ (Five Point-Rating) ສະແດງຜົນໃນຕາຕະລາງທີ່5 ດັ່ງນີ້ :

 

         ຕາຕະລາງທີ5  ຄ່າສະເລ່ຍ ແລະ ຄ່າຜັນປ່ຽນມາດຕະຖານ ກ່ຽວກັບບັນຫາ ແລະ ອຸປະສັກຂອງປະຊາ ຊົນໃນການໃຫ້ບໍລິການຜ່ານປະຕູດຽວຂອງເມືອງໄຊເສດຖາ.

 

ລໍາດັບ	ຄວາມຄິດເຫັນກ່ຽວກັບບັນຫາ ແລະ ອຸປະສັກໃນການບໍລິການຜ່ານປະຕູດຽວຂອງເມືອງໄຊເສດຖາ		S.D	ລະດັບຄວາມຄິດເຫັນ
1	ທ່ານມີຄວາມເຂົ້າໃຈໃນການບໍລິການຜ່ານປະຕູດຽວຫຼາຍໜ້ອຍພຽງໃດ	3.24	.607	ປານກາງ
2	ສໍານັກງານເມືອງໄດ້ມີການໂຄສະນາໃຫ້ປະຊາຊົນເຂົ້າໃຈກ່ຽວກັບການບໍລິການຜ່ານປະຕູດຽວ	3.09	.502	ປານກາງ
3	ບັນດາຂະແໜງການທີ່ເປີດໃຫ້ບໍລິການຜ່ານປະຕູດຽວແມ່ນມີຄວາມເໝາະສົມ	3.85	.493	ຫຼາຍ
4	ທຸກຄັ້ງທີ່ມາຕິດຕໍ່ປະສານງານແມ່ນສໍາເລັດຕາມວັດຖຸປະສົງ	3.27	.666	ປານກາງ
5	ມີຮູບແບບການໃຫ້ບໍລິການທີ່ມີຄວາມເໝາະສົມທຸກຂັ້ນຕອນ	3.73	.621	ຫຼາຍ
6	ທ່ານມີຄວາມເຊື່ອໝັ້ນຕໍ່ການໃຊ້ບໍລິການຜ່ານປະຕູດຽວຫຼາຍໜ້ອຍສໍ່າໃດ	3.59	.635	ຫຼາຍ
7	ທ່ານສົງໄສວ່າຍັງຖືກເລືອກປະຕິບັດ ຫຼື ບໍ່	3.11	.546	ປານກາງ
ລໍາດັບ	ຄວາມຄິດເຫັນກ່ຽວກັບບັນຫາ ແລະ ອຸປະສັກໃນການບໍລິການຜ່ານປະຕູດຽວຂອງເມືອງໄຊເສດຖາ		S.D	ລະດັບຄວາມຄິດເຫັນ
8	ທ່ານສົງໄສວ່າເອກະສານຂອງທ່ານຖືກເສຍຄວາມລັບ ຫຼື ບໍ່	3.00	.536	ປານກາງ
ລວມ		3.36	.366	ປານກາງ

          

         ຈາກຕາຕະລາງທີ່5 ພົບວ່າບັນຫາ ແລະ ອຸປະສັກຂອງປະຊາຊົນທີ່ເຂົ້າມາໃຊ້ບໍລິການຜ່ານປະຕູດຽວຂອງເມືອງໄຊເສດຖາ ດັ່ງນີ້ : ຜູ້ຕອບແບບສອບຖາມຈໍານວນ 140 ຄົນເຫັນວ່າລະດັບຄວາມຄິດເຫັນກ່ຽວກັບບັນຫາ ແລະ ອຸປະສັກໃນການບໍລິການຜ່ານປະຕູດຽວຂອງເມືອງໄຊເສດຖາ ໂດຍລວມແມ່ນຢູ່ໃນລະດັບປານກາງ ມີຄ່າສະເລ່ຍເທົ່າກັບ 3.36 .ເຊິ່ງໃນນັ້ນເມື່ອພິຈາລະນາໃນແຕ່ລະດ້ານຍ່ອຍແມ່ນມີລະດັບຄະແນນໃນລະດັບປານກາງ ຫາ ຫຼາຍ ແລະ ສາມາດຈັດລຽງແຕ່ຫຼາຍຫານ້ອຍດັ່ງນີ້: ບັນດາຂະແໜງການທີ່ເປີດໃຫ້ບໍລິການຜ່ານປະຕູດຽວແມ່ນມີຄວາມເໝາະສົມ ລະດັບຄວາມຄິດເຫັນຢູ່ໃນລະດັບຫຼາຍ ໂດຍມີຄ່າສະເລ່ຍເທົ່າກັບ 3.85,  ມີຮູບແບບການໃຫ້ບໍລິການທີ່ມີຄວາມເໝາະສົມທຸກຂັ້ນຕອນ ລະດັບຄວາມຄິດເຫັນຢູ່ໃນລະດັບຫຼາຍ ໂດຍມີຄ່າສະເລ່ຍເທົ່າກັບ 3.73, ທ່ານມີຄວາມເຊື່ອໝັ້ນຕໍ່ການໃຊ້ບໍລິການຜ່ານປະຕູດຽວຫຼາຍໜ້ອຍສໍ່າໃດ ລະດັບຄວາມຄິດເຫັນຢູ່ໃນລະ ດັບຫຼາຍ ໂດຍມີຄ່າສະເລ່ຍເທົ່າກັບ 3.59, ທຸກຄັ້ງທີ່ມາຕິດຕໍ່ປະສານງານແມ່ນສໍາເລັດຕາມວັດຖຸປະສົງ ລະ ດັບຄວາມຄິດເຫັນຢູ່ໃນລະດັບປານກາງ ໂດຍມີຄ່າສະເລ່ຍເທົ່າກັບ 3.27 , ທ່ານມີຄວາມເຂົ້າໃຈໃນການບໍລິການຜ່ານປະຕູດຽວຫຼາຍໜ້ອຍພຽງໃດ ລະດັບຄວາມຄິດເຫັນຢູ່ໃນລະດັບປານກາງ ໂດຍມີຄ່າສະເລ່ຍເທົ່າກັບ 3.24, ທ່ານສົງໄສວ່າຍັງຖືກເລືອກປະຕິບັດ ຫຼື ບໍ່ ລະດັບຄວາມຄິດເຫັນຢູ່ໃນລະດັບປານກາງ  ມີຄ່າສະເລ່ຍເທົ່າກັບ 3.11, ສໍານັກງານເມືອງໄດ້ມີການໂຄສະນາໃຫ້ປະຊາຊົນເຂົ້າໃຈກ່ຽວກັບການບໍລິການຜ່ານປະຕູດຽວ ລະດັບຄວາມຄິດເຫັນ ຢູ່ໃນລະດັບປານກາງ  ໂດຍມີຄ່າສະເລ່ຍເທົ່າກັບ 3.09 ແລະ ທ່ານສົງໄສວ່າເອກະສານຂອງທ່ານຖືກເສຍຄວາມລັດ ຫຼື ບໍ່ ລະດັບຄວາມຄິດເຫັນຢູ່ໃນລະດັບປານກາງ ໂດຍມີຄ່າສະເລ່ຍເທົ່າກັບ 3.00.ໂດຍຈັດລຳດັບຄະແນນສະເລ່ຍຕາມເກນໃນການວິເຄາະ ແລະ ແປຜົນຂໍ້ມູນດັ່ງນີ້ :

 

         ລະດັບຄວາມຄິດເຫັນກ່ຽວກັບບັນຫາ ແລະ ອຸປະສັກໃນການໃຫ້ບໍລິການຜ່ານປະຕູດຽວຂອງເມືອງໄຊເສດຖາ ຢູໃນລະດັບຫຼາຍທີ່ສຸດ, ນ້ອຍ ແລະ ນ້ອຍທີ່ສຸດ  ຜົນການວິໄຈແມ່ນບໍ່ພົບມີດ້ານໃດຢູ່ໃນເກນສະເລ່ຍລະດັບນີ້.

 

         ລະດັບຄວາມຄິດເຫັນກ່ຽວກັບບັນຫາ ແລະ ອຸປະສັກໃນການໃຫ້ບໍລິການຜ່ານປະຕູດຽວຂອງເມືອງໄຊເສດຖາ ຢູໃນລະດັບຫຼາຍປະກອບມີ : ບັນດາຂະແໜງການທີ່ເປີດໃຫ້ບໍລິການຜ່ານປະຕູດຽວແມ່ນມີຄວາມເໝາະສົມ , ມີຮູບແບບການໃຫ້ບໍລິການທີ່ມີຄວາມເໝາະສົມທຸກຂັ້ນຕອນ, ທ່ານມີຄວາມເຊື່ອໝັ້ນຕໍ່ການໃຊ້ບໍລິການຜ່ານປະຕູດຽວຫຼາຍໜ້ອຍສໍ່າໃດ.

 

         ລະດັບຄວາມຄິດເຫັນກ່ຽວກັບບັນຫາ ແລະ ອຸປະສັກໃນການໃຫ້ບໍລິການຜ່ານປະຕູດຽວຂອງເມືອງໄຊເສດຖາ ຢູໃນລະດັບປານກາງປະກອບມີ : ທຸກຄັ້ງທີ່ມາຕິດຕໍ່ປະສານງານແມ່ນສໍາເລັດຕາມວັດຖຸປະສົງ, ທ່ານມີຄວາມເຂົ້າໃຈໃນການບໍລິການຜ່ານປະຕູດຽວຫຼາຍໜ້ອຍພຽງໃດ, ທ່ານສົງໄສວ່າຍັງຖືກເລືອກປະຕິບັດ ຫຼື ບໍ່, ສໍານັກງານເມືອງໄດ້ມີການໂຄສະນາໃຫ້ປະຊາຊົນເຂົ້າໃຈກ່ຽວກັບການບໍລິການຜ່ານປະຕູດຽວ, ທ່ານສົງໄສວ່າເອກະສານຂອງທ່ານຖືກເສຍຄວາມລັດ ຫຼື ບໍ່.

         ການວິເຄາະບັນຫາ ແລະ ແລະ ອຸປະສັກຂອງປະຊາຊົນທີ່ເຂົ້າມາໃຊ້ບໍລິການຜ່ານປະຕູດຽວຂອງເມືອງໄຊເສດຖາ ແລະ ຈາກການສຳພາດ ພະນັກງານຜູ້ທີ່ເຮັດວຽກ ແລະ ມີໜ້າທີ່ຮັບ ຜິດຊອບກ່ຽວກັບການບໍລິການຜ່ານປະຕູດຽວຂອງເມືອງໄຊເສດຖາ ດັ່ງນີ້ :

 

         ຜູ້ໃຫ້ສຳພາດທ່ານທີ່ໜື່ງ ໄດ້ໃຫ້ສຳພາດວ່າ : ເຫັນໄດ້ວ່າໃນໄລຍະຜ່ານມາເມື່ອ ເວົ້າ ເຖິງ ການບໍລິຜ່ານຜ່ານປະຕູດຽວ ປະຊາຊົນສ່ວນໃຫຍ່ຍັງບໍ່ເຂົ້າໃຈຕໍ່ກັບການບໍລິການຜ່ານປະຕູດຽວ ໂດຍສະເພາະ ການປະກອບເອກະສານຕ່າງໆ ເນື່ອງຈາກວ່າປະຊາຊົນສ່ວນ ໃຫຍ່ແມ່ນມີອາຊີບເຮັດໄຮ່ເຮັດນາ ແລະ ລະດັບການ ສຶກສາກໍ່ບໍ່ສູງຫຼາຍ ບາງຄັ້ງກໍ່ຍັງບໍ່ເຂົ້າຕໍ່ກັບການດຳເນິນການປະກອບເອກະສານເຮັດໃຫ້ການປະກອບເອກະສານ ຕ້ອງໄດ້ກັບໄປກັບມາຫຼາຍຄັ້ງເຮັດໃຫ້ປະກອບ ຜິດແດ່ຖືກແດ່ ຈຶ່ງເປັນເຫດໃຫ້ປະຊາຊົນມີສຽງຈົ່ມວ່າຕ້ອງປະກອບຫຼາຍຄັ້ງ ນອກນັ້ນປະຊາຊົນຈຳນວນໜື່ງກໍ່ຍັງເຫັນວ່າຄ່າບໍລິການຍັງເຫັນວ່າມີລາຄາແພງ ໂດຍສະເພາະຄ່າເອກະສານ ແລະ ຄ່າທຳນຽມໃນການບໍລິການ ຕົວຢ່າງ : ຄຳຮ້ອງຂໍຢ່າຮ້າງ ເມື່ອປະກອບແລ້ວຕ້ອງໄດ້ຢືນແມ່ນຕ້ອງໄດ້ເສຍຄ່າທຳນຽມ 300.000 ກີບ, ບາງເອກະສານກໍ່ແມ່ນ 15.000 ກີບ ຫຼື ບາງເອກະສານກໍ່ແມ່ນ 35.000 ກີບ  ເປັນຕົ້ນ ແລະ ປະຊາຊົນຈຳນວນໜື່ງກໍ່ເຂົ້າໃຈວ່າການເກັບເງິນດັ່ງກ່າວນີ້ ແມ່ນພະນັກງານທີ່ຮັບຜິດຊອບເປັນຜູ້ເກັບເອງ ເຊິ່ງໃນໄລຍະຜ່ານມາຄ່າທຳນຽມແມ່ນທາງນະຄອນຫຼວງເປັນຜູ້ກຳນົດໄວ້ ແລະ ທາງເມືອງກໍ່ປະຕິບັດຕາມລະບຽບດັງກ່າວເຊິ່ງໄດ້ມີການຕິດປະກາດໄວ້ແລ້ວ ເພື່ອໃຫ້ປະຊາຊົນໄດ້ອ່ານ ແລະ ຮູ້ກ່ຽວກັບຄ່ານຽມໃນການປະກອບເອກະສານຕ່າງໆ.

         ຜູ້ໃຫ້ສຳພາດທ່ານທີ່ສອງ ໄດ້ໃຫ້ສຳພາດວ່າ : ຜ່ານມາຍັງເຫັນວ່າປະຊາຊົນຍັງ ບໍ່ເຂົ້າໃຈໂດຍສະເພາະເມື່ອເວລາປະຊາຊົນມາຮັບເອກະສານຕາມວັນ ແລະ ເວລາທີ່ກຳນົດ ແຕ່ບາງຄັ້ງເອກະສານ ກໍ່ບໍ່ເປັນໄປຕາມກຳນົດເຮັດໃຫ້ບາງເອກະສານແກ່ຍາວເວລາໄປຕື່ມ ສ້າງຄວາມບໍ່ພໍໃຈໃຫ້ກັບປະຊາຊົນ ຕົວຢ່າງ : ບາງເອກະສານກຳນົດໃຫ້ມາຮັບເອກະສານ 10 ມື້ ແຕ່ວ່າມາຮອດ 10 ມື້ ບາງເທື່ອຫົວໜ້າບໍ່ຢູ່ ຫຼື ພາກສ່ວນທີ່ກ່ຽວຂ້ອງບໍ່ຢູ່ກໍ່ອາດຕ້ອງເລື່ອນໄປອີກມື້ ຫຼື ສອງມື້ເປັນຕົ້ນ ເຮັດໃຫ້ປະຊາຊົນເສຍເວລາ ແລະ ເກີດມີການຈົ່ມວ່າເຊິ່ງຄວາມເປັນຈິງບາງວຽກເຮົາກໍ່ບໍ່ສາມາດກຳນົດໄດ້ເນື່ອງຈາກວຽກບາງອັນກໍ່ຮີບດ່ວນ ແລະ ຈຳເປັນ.

 

         ຜູ້ໃຫ້ສຳພາດທ່ານທີ່ສາມ ໄດ້ໃຫ້ສຳພາດວ່າ : ບາງຄັ້ງກໍ່ຍັງເຫັນວ່າປະຊາຊົນຜູ້ມາໃຊ້ບໍລິການນັ້ນເມື່ອເວລາທີ່ພວກເຂົາມາຊື້ຟອມພະນັກງານກໍ່ໄດ້ທິບາຍກ່ຽວກັບວິທີການຂຽນແລ້ວ ແຕ່ເວລາປະກອບ ເອກະສານມາສົ່ງແມ່ນຍັງເຫັນວ່າຍັງປະກອບກອບເອກະສານຜິດຢູ່ ເຮັດໃຫ້ປະຊາຊົນຈຳນວນໜື່ງກໍ່ມີການຕໍ່ວ່າກັບ ພະນັກງານຂອງພວກເຮົາ , ເພາະບາງຄັ້ງພະນັກງານເຮົາແນະນຳແນວໜື່ງພັດປະກອບມາແນວໜື່ງ, ບາງຄົນກໍ່ເຂົ້າ ໃຈເຖິງວິທີການປະກອບເອກະສານ, ທັ້ງໆທີ່ເອກະສານແຕ່ລະສະບັບກໍ່ມີຄຳແນະນຳຢ່າງລະອຽດໃວ້ຢູ່ແລ້ວ ເມື່ອເອກະສານບໍ່ຄົບພະນັກງານພວກເຮົາກໍ່ບໍ່ສາມາດຮັບເອກະສານດັ່ງກ່າວໄດ້ ເຮັດໃຫ້ປະຊາຊົນເກີດຄວາມບໍ່ພໍໃຈ ແລະ ບາງຄັ້ງກໍ່ຕໍ່ວ່າເປັນຍັງຈຶ່ງບໍ່ແນະນຳກ່ອນ.

         ຜູ້ໃຫ້ສຳພາດທ່ານທີ່ສີ່ ໄດ້ໃຫ້ສຳພາດວ່າ : ການບໍລິການຜ່ານປະຕູດຽວໃນໄລຍະທີ່ຜ່ານມາແມ່ນຍັງລ່າຊ້າ ແລະ ເສຍເວລາ ບາງເອກະສານບໍ່ໄປຕາມກຳນົດເວລາ ເນື່ອງຜູ້ປະກອບເອກະສານ ຫຼື ປະຊາຊົນຜູ້ມາໃຊ້ບໍລິການແມ່ນຍັງບໍ່ເຂົ້າໃຈວິທີການປະກອບເອກະສານ ເຮັດໃຫ້ຜູ້ມາໃຊ້ບໍລິການກໍ່ຊ້າ ແລະ ໃນການຈັດຕັ້ງເຮົາກໍ່ຊ້າໄປຕື່ມ.

 

         ຜູ້ໃຫ້ສຳພາດທ່ານທີ່ຫ້າ ໄດ້ໃຫ້ສຳພາດວ່າ :  ສະເພາະບັນຫາ ແລະ ອຸປະສັກໃນ ການບໍລິການຜ່ານປະຕູດຽວນີ້ພະນັກງານກໍ່ຍັງຂາດຄວາມຮູ້ຄວາມສາມາດໃນການບໍລິການ, ການຕອນຮັບແຂກ ໂດຍສະເພາະພະນັກງານທີ່ເຂົ້າເຮັດວຽກໃໝ່, ເວລາການຈໍລະຈອນເອກະສານກໍ່ມີຄວາມຊັກຊ້າ ເພາະວ່າລະບຽບການບໍລິການຜ່ານປະຕູດຽວນີ້ແມ່ນທຸກເອກະສານແມ່ນພວກເຮົາໄດ້ມີການກຳນົດມື້ໃນການຮັບເອກະສານຕ່າງໆ ຕົວຢ່າງເອກະສານຢັ້ງ ຢືນການເກີດ, ເອກະສານໂອນກຳມະສິດທີ່ດິນ…. ເຫຼົ່ານີ້ເປັນຕົ້ນ ແມ່ນພວກເຮົາໄດ້ມີການ ກຳນົດນົດເປັນມື້ ແຕ່ວ່າຂອດທີ່ເຮົາຫຍຸ້ງຍາກທີ່ສຸດແມ່ນຂອດໃນການຈໍລະຈອນເອກະສານໃນເວລາໄປຜ່ານພະ ແນກຢູ່ນະຄອນຫຼວງວຽງຈັນ ຕົວຢ່າງວ່າການອອກໃບຕາດິນນີ້ພວກເຮົາກຳນົດ 5 ວັນ ແມ່ນປະຊາຊົນແມ່ນມາຮັບ ເອກະສານຢູ່ເມືອງພວກເຮົານີ້ ແຕ່ຄວາມເປັນຈຶ່ງປະຈຸບັນນີ້ຍັງອອກບໍ່ໄດ້, ບາງຄັ້ງເອກະສານກໍ່ໄປອອກທາງພຸ້ນເລີຍ ເອກະສານບໍ່ໄດ້ກັບເຂົ້າມາຫາເມືອງໄຊເສດຖາພວກເຮົາ. ນອກຈາກນັ້ນເອກະສານແມ່ນຍັງບໍ່ອອກຕາມກຳນົດເວລາ ສ່ວນຫຼາຍແມ່ນຄວາມພໍໃຈຂອງຜູ້ມາໃຊ້ບໍລິການແມ່ນໄປນຳເອກະສານ ຫຼື ໄປແລ່ນເອກະສານດ້ວຍຕົນເອງ ( ເວົ້າ ສະເພາະເອກະສານທີ່ໄປຜ່ານນະຄອນຫຼວງ​ ໂດຍສະເພາະເອກະສານກ່ຽວກັບທີ່ດິນອັນທີ່ບໍ່ສາມາດແກ້ໄຂໄດ້ ສ່ວນ ວຽກງານອື່ນໆແມ່ນບໍຄ່ອຍມີບັນຫາ​) . ບັນຫາທີ່ເຫັນໄດ້ໃນໄລຍະຜ່ານມາອີກບັນຫາໜື່ງກໍ່ແມ່ນໃນເລື່ອງການຈັດ ຝຶກອົບຮົມທາງດ້ານວິຊາການ ໂດຍສະເພາະການສະຫຼຸບຖອດຖອນບົດຮຽນແມ່ນພວກເຮົາຍັງບໍ່ໄດ້ຈັດຢ່າງຕໍ່ເນື່ອງ. ນອກຈາກນັ້ນກໍ່ຍັງມີບັນຫາທາງດ້ານສະຖານທີ່ໃນການໃຫ້ບໍລິການແມ່ນຍັງມີຄວາມຄັບແຄບຫຼາຍ ຖ້າຈະເປັນຕົວ ແບບໃຫ້ພາກສ່ວນອື່ນນັ້ນກໍ່ຍັງເຮັດໄດ້ຍາກ ເພາະວ່າຫ້ອງການໃຫ້ບໍລິການຜ່ານປະຕູດຽວກໍ່ນ້ອຍຫຼາຍ, ອຸປະກອບຮັບໃຊ້ກໍ່ຍັງຂາດເຂີນຍັງບໍ່ທັນພຽງພໍ, ອຸປະກອນເກັບຮັກສາຂໍ້ມຸນເອກະສານກໍ່ຍັງບໍ່ທັນສະໄໝ. ນອກນັ້ນຂອດການ ບໍລິການແມ່ນຫຍັງມີແຕ່ບ່ອນດຽວເຮັດໃຫ້ປະຊາຊົນທີ່ເຂົ້າມາໃຊ້ບໍລິການແມ່ນພົບ ຄວາມຫຍຸ້ງຍາກໂດະຍສະເພາະແມ່ນບ້ານທີ່ຢູ່ຫ່າງໄກ.

 

           ປະຈຸບັນນີ້ທາງພວກ ເຮົາແມ່ນກຳລັງສັງລວມບັນຫາທີ່ພວກເຮົາເຄີຍບໍລິການຜ່ານມາ ແລະ ມັນເກີດບັນຫາ ເຊິ່ງມີຫຼາຍບັນຫາທີ່ຈະຕ້ອງ ໄດ້ນຳເຂົ້າມາ ຕົວຢ່າງການຂໍອະນຸຍາດບຸນ ເຊິ່ງຄວາມເປັນຈິ່ງແມ່ນຫ້ອງການ ຖະແຫຼ່ງຂ່າວ, ວັດທະນະທຳ ແລະ ທ່ອງທ່ຽວເປັນຜູ້ຮັບຜິດຊອບ ແຕ່ວ່າເວລາເຊັນພັດເຊັ່ນຫຼາຍຂັ້ນຫຼາຍຕອນ ເຊັນວ່າ ການດຳເນີນເອກະສານແມ່ນ ຕ້ອງໄດ້ເຊັນຜ່ານບ້ານ, ບ້ານແລະມາຫາກຸ່ມ, ກຸ່ມແລ້ວໄປຫາຫ້ອງການຫ້ອງການຖະແຫຼ່ງຂ່າວ, ວັດທະນະທຳ ແລະ ທ່ອງທ່ຽວ, ຫຼັງຈາກນັ້ນໄປຫາແນວລາວສ້າງຊາດ, ຕໍ່ມາໄປຫາ ປກຊ ກຸ່ມ ແລະ ໄປຫາຫ້ອງການພາຍໃນ ສຸດທ້າຍ ແມ່ນມາຫາຫ້ອງວ່າການເມືອງຂອງພວກເຮົາ ດັ່ງນັ້ນ ທາງຄະນະກຳມະການພວກເຮົາຈຶ່ງໄດ້ມີການຄົ້ນຄວ້າວ່າບ່ອນ ໃດທີ່ຄວນຕັດອອກ ເພາະມັນຫຼາຍຂັ້ນຕອນໂພດ ແລະ ຄວນມາໃຊ້ບໍລິການຢູ່ບ່ອນດຽວ ແລະ ມີການກຳນົດຄ່າ ທຳນຽມ ເຊິ່ງບໍ່ຈຳເປັນຕ້ອງໄປເສຍຢູ່ບ່ອນນັ້ນບ່ອນນີ້ຫຼາຍເທື່ອ ແລະ ອີກອັນໜື່ງກ່ຽວກັບການຂໍອະນຸຍາດປ້າຍ ແມ່ນພວກເຮົາກໍ່ຕ້ອງໄດ້ມີການພິຈາລະນາຄືນ ໂດຍສະເພາະຂະໜາດຂອງປ້າຍນີ້ລະຫວ່າງ  ຫ້ອງການຖະແຫຼ່ງຂ່າວ, ວັດທະນະທຳ ແລະ ທ່ອງທ່ຽວ ແລະ ຫ້ອງການໂຍທາທິການ ແລະ ຂົນສົ່ງແມ່ນຍັງບໍ່ເປັນເອກະພາບກັນ , ເພາະວ່າ ຂະໜາດຂອງປ້າຍແມ່ນຫ້ອງການໂຍທາທິການ ແລະ ຂົນ ສົ່ງເປັນຜູ້ກຳນົດວ່າປ້າຍໃຫຍ່ປ້າຍນ້ອຍ ແຕ່ວ່າຕົວອັກ ສອນຕົວນ້ອຍຕົວໃຫຍ່, ຂະໜາດຕົວອັກສອນ ພາສາລາວ, ພາສາອັງກິດຈະຢູ່ເບື້ອງເທິງຫຼືຢູ່ເບື້ອງລຸ່ມກ່ອນນັ້ນ ຕະຫຼອດຮອດເນື້ອໃນຕ່າງໆທີ່ຂຽນຢູ່ໃນປ້າຍແມ່ນພາກສ່ອນຫ້ອງການຖະແຫຼ່ງຂ່າວ, ວັດທະນະທຳ ແລະ ທ່ອງທ່ຽວ ເປັນຜູ້ຄຸ້ມຄອງເຮັດໃຫ້ການເກັບຄ່າທຳນຽມຕ່າງໆແມ່ນເກັບພໍໃຜພໍລາວ ສະນັ້ນນີ້ກໍເປັນບັນຫາໜື່ງທີ່ພວກເຮົາກຳລັງຄົ້ນຄວ້າເພື່ອຈະນຳເອົາບັນຫານີ້ເຂົ້າມາຢູ່ໃນລະບົບການບໍລິການຜ່ານປະຕູດຽວ.

 

        

ພາກທີ 5

ສະຫຼຸບຜົນການວິໄຈ, ອະທິບາຍຜົນ ແລະ ຂໍ້ສະເໜີແນະ

 

         ການສຶກສາການບໍລິການຜ່ານປະຕູດຽວຂອງເມືອງໄຊເສດຖາ ນະຄອນຫຼວງວຽງຈັນມ ມີວັດຖຸປະສົງເພື່ອ ສຶກສາ : 1). ຄວາມຄິດເຫັນຂອງປະຊາຊົນຕໍ່ກັບການບໍລິການຜ່ານປະຕູດຽວຂອງເມືອງໄຊເສດຖາ 2). ບັນຫາ ແລະ ອຸປະສັກ ຕະຫຼອດເຖິງຂໍ້ສະເໜີແນະຕໍ່ກັບການບໍລິການຜ່ານປະຕູດຽວ ຂອງເມືອງໄຊເສດຖາ. ທັງນີ້ເພື່ອເປັນແນວທາງໃນການປັບປຸງການບໍລິການຜ່ານປະຕູດຽວຂອງເມືອງໄຊເສດຖາໃຫ້ມີປະສິດທິພາບສູງຂື້ນ ພ້ອມທັງໃຫ້ຮູ້ ເຖິງລະບົບການບໍລິການຜ່ານປະຕູດຽວວ່າມີປະໂຫຍດຕໍ່ກັບປະຊາຊົນຫຼາຍໜ້ອຍພຽງໃດ , ລະບົບການບໍລິການມີປະສິດທິພາບພຽງໃດໂດຍສະເພາະຄວາມຄິດເຫັນຂອງປະຊາຊົນຜູ້ທີ່ມາໃຊ້ບໍລິການກົນໄກການບໍລິການຜ່ານປະຕູດຽວ ຂອງເມືອງໄຊເສດຖາ ໂດຍການວິໄຈຄັ້ງນີ້ເປັນການຄົ້ນຄວ້າແບບປະສົມປະສານລະຫວ່າງ ການວິໄຈແບບປະລິມານ(Quantitative Research) ແລະ ການວິໄຈແບບຄຸນນະພາບ (Qualitative Research) ໂດຍໃນການວິໄຈແບບຄຸນນະພາບ ຈະເກັບກຳຂໍ້ມູນຈາກເອກະສານ ແລະ ການສຳພາດ ຈາກຜູ້ທີ່ເຮັດວຽກງານກ່ຽວຂ້ອງ ກັບການບໍລິການຜ່ານປະຕູດຽວຈຳນວນ 5 ທ່ານ ແລະ ສຳລັບການວິໄຈແບບປະລິມານຈະເກັບກຳຂໍ້ມູນໂດຍການແຈກແບບສອບຖາມປະຊົນຜູ້ມາໃຊ້ບໍລິການຜ່ານປະຕູດຽວຂອງເມືອງໄຊເສດຖາ ຈຳນວນ 140. ສະຖິຕິທີ່ໃຊ້ໃນການວິເຄາະຂໍ້ມູນຜູ້ວິໄຈເລືອກໃຊ້ສະຖິຕິໃນການວິເຄາະເພື່ອໃຫ້ແທດເໝາະກັບລັກສະນະຂອງຂໍ້ມູນ ແລະ ຕອບວັດຖຸປະສົງດ້ວຍການວິເຄາະ ໂດຍການຫາຄ່າຄວາມຖີ່  (Frequency), ເປີເຊັນ (Percentage) , ຫາຄ່າສະເລ່ຍ ( )  ແລະ ຄ່າຜັນປ່ຽນມາດຕະຖານ (S.D).

 

5.1   ສະຫຼຸບຜົນ

 

         ຂໍ້ມູນທົ່ວໄປຂອງປະຊາກອນພົບວ່າ ສ່ວນຫຼາຍແມ່ນເພດຍິງ ມີອາຍຸລະຫວ່າງ   41-50 ປີ, ລະດັບການສຶກສາແມ່ນລະດັບປະລິນຍາຕີ ຮອງລົງມາແມ່ນຕໍ່າກວ່າປະລິນຍາຕີ, ອາຊີບສ່ວນຫຼາຍແມ່ນປະຊາຊົນ ຮອງລົງມາແມ່ນພະນັກງານລັດຖະກອນ.

 

    5.1.2 ຄວາມຄິດເຫັນຂອງປະຊາຊົນຕໍ່ກັບການບໍລິການຜ່ານປະຕູດຽວຂອງເມືອງໄຊເສດຖາ

 

           1. ຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວຂອງເມືອງໄຊເສດຖາໃນດ້ານຂະບວນການໃຫ້ບໍລິການຜ່ານປະຕູດຽວ ພົບວ່າການບໍລິການຜ່ານປະຕູດຽວແມ່ນມີຄວາມສະດວກສະບາຍກວ່າການບໍລິການໃນແບບເກົ່າ, ຂະບວນການໃນການໃຫ້ບໍລິການມີຄວາມຊັດເຈນ ແລະ ເຂົ້າໃຈງ່າຍ, ຂັ້ນຕອນໃນການໃຫ້ບໍລິການມີຄວາມສະດວກວ່ອງໄວ, ຂະບວນການໃຫ້ບໍລິການຕ່າງໆມີຄວາມສະເໝີພາບ, ບໍ່ເລືອກປະຕິບັດ, ການບໍລິການຕ່າງໆເປັນໄປຕາມລໍາດັບຂັ້ນຕອນກ່ອນ ແລະ ຫຼັງ,  ຄ່າທໍານຽມຕ່າງໆມີຄວາມເໝາະສົມ, ປະຊາຊົນໄດ້ຮັບການບໍລິການຕາມໄລຍະເວລາທີ່ກໍານົດໄວ້. ແຕ່ວ່າກໍານົດການ ຫຼື ໄລຍະເວລາໃນການເຂົ້າ-ອອກຂອງເອກະສານຕ່າງໆແມ່ນຍັງບໍ່ທັນສ່ອດຄອງ ແລະ ເໝາະສົມເທົ່າທີ່ຄວນ.

           2. ຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວ ຂອງເມືອງໄຊເສດຖາຕໍ່ກັບພະນັກງານຜູ້ໃຫ້ບໍລິການຜ່ານປະຕູດຽວ ພົບວ່າພະນັກງານມີຄວາມຮູ້ຄວາມສາມາດເໝາະສົມໃນການໃຫ້ບໍລິການ, ພະນັກງານໃຫ້ບໍລິການດ້ວຍຄວາມສະເໝີພາບ, ພະນັກງານມີຄວາມເຕັມໃຈທີ່ຈະແນະນໍາຂໍ້ມູນຕ່າງໆໃຫ້ປະຊາຊົນຜູ້ມາໃຊ້ບໍລິການເປັນຢ່າງດີ. ແນວໃດກໍ່ຕາມພະນັກງານທີ່ໃຫ້ບໍລິການຍັງບໍ່ພຽງພໍ ແລະ ການປະຕິບັດໜ້າທີ່ຂອງ ພະນັກງານບາງຄັ້ງຍັງບໍ່ໄປຕາມເວລາທີ່ໄດ້ກໍານົດ.

             3. ຄວາມຄິດເຫັນຂອງປະຊາຊົນໃນການໃຫ້ບໍລິການຜ່ານປະຕູດຽວຂອງເມືອງໄຊເສດຖາໃນດ້ານສະຖານທີ່ ແລະ ສິ່ງອໍານວຍຄວາມສະດວກ ພົບວ່າ ສະຖານທີ່ການໃຫ້ບໍລິການໄດ້ມີປ້າຍແນະນໍາໄວ້ຢ່າງຊັດເຈນ ແນວໃດກໍ່ຕາມຈໍານວນໂຕະຕັ່ງຍັງບໍ່ພຽງພໍຕໍ່ກັບຜູ້ມາໃຊ້ບໍລິການ, ອຸປະກອນທີ່ນໍາມາໃຊ້ໃນການບໍລິການແມ່ນຍັງບໍ່ ທັນສະໄໝເທົ່າທີ່ຄວນ, ປ່ອງບໍລິການຮັບເອກະສານແມ່ນຍັງບໍ່ທັນມີຄວາມສະດວກ ແລະ ພຽງພໍຕໍ່ກັບຜູ້ມາໃຊ້ບໍລິການ, ຕະຫຼອດຮອດສະຖານທີ່ການໃຫ້ບໍລິການ ແລະ ບ່ອນຈອດລົດແມ່ນບໍ່ພຽງພໍຕໍ່ຜູ້ມາໃຊ້ບໍລິການ.

 

    5.2   ບັນຫາ ແລະ ອຸປະສັກ ຕະຫຼອດເຖິງຂໍ້ສະເໜີແນະຕໍ່ກັບການບໍລິການຜ່ານປະຕູດຽວຂອງເມືອງໄຊເສດຖາ.

 

           ທຸກຄັ້ງທີ່ມາຕິດຕໍ່ປະສານງານບາງຄັ້ງບໍ່ໄດ້ຕາມຕາມວັດຖຸປະສົງ,  ປະຊາຊົນຍັງບໍ່ມີຄວາມເຂົ້າໃຈໃນການບໍລິການຜ່ານປະຕູດຽວ, ເຮັດໃຫ້ປະຊາຊົນຍັງສົງໄສວ່າຍັງຖືກເລືອກປະຕິບັດ, ນອກນັ້ນສໍານັກງານເມືອງຍັງບໍ່ຄ່ອຍຈະມີການໂຄສະນາໃຫ້ປະຊາຊົນເຂົ້າໃຈກ່ຽວກັບການບໍລິການຜ່ານປະຕູດຽວ, ປະຊາຊົນຍັງມີຂໍ້ສົງໄສວ່າເອກະສານຈະຖືກເສຍຄວາມລັບໃນບາງຄັ້ງ.

 

           ສອດຄ້ອງກັບການສຳພາດພະນັກງານຜູ້ທີ່ເຮັດໜ້າທີ່ການໃຫ້ບໍລິການຜ່ານປະຕູດຽວຂອງເມືອງໄຊ ເສດຖາ ເຊິ່ງສາມາດສະຫຼຸບປະເດັນໄດ້ດັ່ງນີ້ :

1.     ປະຊາຊົນສ່ວນຫຼາຍຍັງບໍ່ເຂົ້າໃຈຕໍ່ກັບການບໍລິການຜ່ານປະຕູດຽວ ໂດຍສະເພາະການປະກອບເອກະສານຕ່າງໆ ຕ້ອງໄດ້ກັບໄປກັບມາຫຼາຍຄັ້ງເຮັດໃຫ້ປະກອບຜິດແດ່ຖືກແດ່ ຈຶ່ງເປັນເຫດໃຫ້ປະຊາຊົນມີສຽງຈົ່ມວ່າຕ້ອງປະກອບຫຼາຍຄັ້ງ.

2.     ການຈໍລະຈອນເອກະສານທີ່ຕ້ອງໄປຜ່ານພະແນກການຕ່າງໆຢູ່ຂັ້ນນະຄອນຫຼວງ ແມ່ນຍັງບໍ່ໄປຕາມກຳນົດເວລາ ແລະ ພົບຄວາມຫຍຸ້ງຫຍາກ. ເອກະສານທີ່ຜ່ານພະແນກການຕ່າງໆ ແມ່ນຍັງບໍ່ສາມາດສະໜອງຄືນໃຫ້ ເມືອງຂອງພວກເຮົາໄດ້ຕາມກຳນົດເວລາ, ບາງຄັ້ງເອກະສານກໍ່ໄປອອກທາງພຸ້ນເລີຍ, ເອກະສານບໍ່ໄດ້ກັບເຂົ້າມາຫາເມືອງໄຊເສດຖາພວກເຮົາ ເຮັດໃຫ້ເອກະສານແມ່ນຍັງບໍ່ອອກຕາມກຳນົດເວລາ, ສ້າງຄວາມບໍ່ພໍໃຈຕໍ່ຜູ້ມາໃຊ້ບໍລິການເປັນເຫດໃຫ້ປະຊາຊົນຈຳນວນໜື່ງກໍ່ແມ່ນໄປນຳເອກະສານເອງ ຫຼື ໄປແລ່ນເອກະສານດ້ວຍຕົນເອງໂດຍສະເພາະເອກະສານກ່ຽວກັບທີ່ດິນອັນທີ່ບໍ່ສາມາດແກ້ໄຂໄດ້.

3.     ຄ່າທຳນຽມໃນການບໍລິການຂອງບ້ານຕ່າງໆ ເຫັນວ່າຍັງບໍ່ທັນມີຄວາມເປັນເອກະພາບກັນ, ບາງບ້ານກໍ່ແພງບາງບ້ານກໍ່ຖືກທັ້ງໆທີ່ເປັນເອກະສານດຽວກັນ.

5.2   ອະທິບາຍຜົນ

    5.2.1 ຄວາມຄິດເຫັນຂອງປະຊາຊົນຕໍ່ກັບການບໍລິການຜ່ານປະຕູດຽວຂອງເມືອງໄຊເສດຖາ.

           1. ດ້ານຂະບວນການໃຫ້ບໍລິການຜ່ານປະຕູດຽວ ເຫັນວ່າການບໍລິການຜ່ານປະຕູດຽວແມ່ນມີຄວາມສະດວກສະບາຍກວ່າການບໍລິການໃນແບບເກົ່າ, ຂະບວນການໃນການໃຫ້ບໍລິການມີຄວາມຊັດເຈນ ແລະ ເຂົ້າໃຈງ່າຍ, ຂັ້ນຕອນໃນການໃຫ້ບໍລິການມີຄວາມສະດວກວ່ອງໄວ, ຂະບວນການໃຫ້ບໍລິການຕ່າງໆມີຄວາມສະເໝີພາບ, ບໍ່ເລືອກປະຕິບັດ, ການບໍລິການຕ່າງໆເປັນໄປຕາມລໍາດັບຂັ້ນຕອນກ່ອນ ແລະ ຫຼັງ,  ຄ່າທໍານຽມຕ່າງໆມີຄວາມ      ເໝາະສົມ, ປະຊາຊົນໄດ້ຮັບການບໍລິການຕາມໄລຍະເວລາທີ່ກໍານົດໄວ້. ສອດຄ້ອງກັບຜູ້ໃຫ້ສຳພາດສ່ວນຫຼາຍໄດ້ ກ່າວວ່າ : ພະນັກງານຂອງພວກເຮົາກໍ່ໄດ້ເອົາໃຈໃສ່ໃນການໃຫ້ຄຳແນະນຳຕ່າງໆຕໍ່ກັບປະຊາຊົນຜູ້ມາໃຫ້ບໍລິການແລະ ໄດ້ສ້າງຄວາມສະດວກໃຫ້ກັບປະຊາຊົນເປັນຈຳນວນຫຼາຍ ໂດຍສະເພາະການບໍລິການໃນຂະແໜງປົກຄອງ, ຂະແໜງພາຍໃນຖືວ່າພົ້ນເດັ່ນກວ່າໝູ່ໃນການບໍລິການຜ່ານປະຕູດຽວ ເຊິ່ງພວກເຮົາກໍ່ສາມາດຈັດຕັ້ງປະຕິບັດໄດ້. ແຕ່ວ່າກໍານົດການ ຫຼື ໄລຍະເວລາໃນການເຂົ້າ-ອອກຂອງເອກະສານຈຳນວນໜື່ງແມ່ນຍັງບໍ່ທັນສ່ອດຄອງ ແລະ      ໃຊ້ເວລາດົນ.

           2. ຕໍ່ກັບພະນັກງານຜູ້ໃຫ້ບໍລິການຜ່ານປະຕູດຽວ ເຫັນວ່າ ແນວພະນັກງານທີ່ໃຫ້ບໍລິການຍັງບໍ່ພຽງພໍ ແລະ ການປະຕິບັດໜ້າທີ່ຂອງພະນັກງານບາງຄັ້ງຍັງບໍ່ໄປຕາມເວລາທີ່ໄດ້ກໍານົດ , ພະນັກງານທີ່ໃຫ້ບໍລິການສ່ວນຫຼາຍແມ່ນພະນັກງານທີ່ມາຢູ່ໃໝ່ນັ້ນບາງຄັ້ງກໍ່ຍັງບໍ່ສາມາດອະທິບາຍໃຫ້ປະຊາຊົນຜູ້ມາໃຊ້ບໍລິການໃຫ້ເຂົ້າໃຈຢ່າງລະອຽດ,ບາງຄັ້ງເມື່ອເວລາໃຫ້ຄຳແນະນຳຕ່າງໆຕໍ່ກັບປະຊາຊົນຜູ້ມາໃຊ້ບໍລິການ ໂດຍສະເພາະຜູ້ທີ່ເຂົ້າໃຈຫຍາກອະທິບາຍໃຫ້ແລ້ວກໍ່ຍັງບໍ່ເຂົ້າໃຈ ບາງຄັ້ງກໍ່ເຮັດໃຫ້ພະນັກງານເຮົາງຸດງິດ ແລະ ອາລົມຮ້ອນເຊັ່ນດຽວກັນ ຊຶ່ງອາດຈະມີບາງຄຳ ເວົ້າທີ່ຮຸນແຮງ ຫຼື ກະທົບໃສ່ກັນເຮັດໃຫ້ຜູ້ມາໃຊ້ບໍລິການກໍ່ຄືປະຊາຊົນນຳເອົາຄຳເວົ້າດັ່ງກ່າວໄປເວົ້າຢູ່ບ່ອນອື່ນຕໍ່ກັບການບໍລິການຂອງພວກເຮົາເຮັດໃຫ້ເກີດຄວາມບໍ່ເຂົ້າໃຈກັນໃນບາງຄັ້ງ. ເຖິງວ່າຜົນການວິໄຈຈາກແບບສອບຖາມ ພົບວ່າພະນັກງານມີຄວາມຮູ້ຄວາມສາມາດເໝາະສົມໃນການໃຫ້ບໍລິການ, ພະນັກງານໃຫ້ບໍລິການດ້ວຍຄວາມສະເໝີພາບ, ພະນັກງານມີຄວາມເຕັມໃຈທີ່ຈະແນະນໍາຂໍ້ມູນຕ່າງໆໃຫ້ປະຊາຊົນຜູ້ມາໃຊ້ບໍລິການເປັນຢ່າງດີ ແຕ່ຈາກຂໍ້ມູນຈາກຜູ້ໃຫ້ສຳພາດ ຍັງເຫັນວ່າ ພະນັກງານສ່ວນຫຼາຍຍັງຂາດທັກສະການໃຫ້ບໍລິການ, ການຕອນຮັບແຂກ ໂດຍສະເພາະພະນັກງານທີ່ເຂົ້າເຮັດວຽກໃໝ່, ເພາະວ່າເຮົາເຮັດວຽກແມ່ນໄດ້ມີການໝູນວຽນວຽກເປັນເປັນກະຕິ, ເວລາການຈໍລະຈອນເອກະສານກໍ່ມີຄວາມຊັກຊ້າ, ຄວາມຊ່ຽວຊານໃນໜ້າວຽກທີ່ຮັບຜິດຊອບກໍ່ຍັງບໍ່ໄດ້ດີ.

 

             3. ດ້ານສະຖານທີ່ ແລະ ສິ່ງອໍານວຍຄວາມສະດວກໃນການໃຫ້ບໍລິການຜ່ານປະຕູດຽວ ເຫັນວ່າ ຈໍານວນໂຕະຕັ່ງຍັງບໍ່ພຽງພໍຕໍ່ກັບຜູ້ມາໃຊ້ບໍລິການ, ອຸປະກອນທີ່ນໍາມາໃຊ້ໃນການບໍລິການແມ່ນຍັງບໍ່ທັນສະໄໝເທົ່າທີ່ຄວນ, ປ່ອງບໍລິການຮັບເອກະສານແມ່ນຍັງບໍ່ທັນມີຄວາມສະດວກ ແລະ ພຽງພໍຕໍ່ກັບຜູ້ມາໃຊ້ບໍລິການ, ຕະຫຼອດຮອດສະຖານທີ່ການໃຫ້ບໍລິການ, ທີ່ສຳຄັນສະຖານທີ່ຈອດລົດແມ່ນບໍ່ພຽງພໍຕໍ່ຜູ້ມາໃຊ້ບໍລິການ. ສອດຄ້ອງກັບຜູ້ໃຫ້ສຳພາດຫຼາຍທ່ານໄດ້ໃຫ້ສຳພາດວ່າ ສະຖານທີ່ຈອດລົດແມ່ນຍັງມີຄວາມແອອັດຫຼາຍຢູ່, ສະຖານທີ່ຫ້ອງການໃຫ້ບໍລິການຜ່ານປະຕູດຽວກໍ່ຍັງເຫັນວ່າຍັງມີຄວາມຄັບແຄບ, ອຸປະກອນຮັບໃຊ້ບາງອັນກໍ່ຍັງຂາດໂດຍສະເພາະເຄື່ອງອີເລັກໂຕນິກເພື່ອໃຊ້ເກັບຮັກສາເອກະສານ.

   5.2.2 ບັນຫາ ແລະ ອຸປະສັກ ຕໍ່ກັບການບໍລິການຜ່ານປະຕູດຽວຂອງເມືອງໄຊເສດຖາ ນະຄອນ ຫຼວງວຽງຈັນ ພົບບັນຫາດັ່ງນີ້ :

           1. ບັນຫາ ແລະ ອຸປະສັກ ຕໍ່ກັບການບໍລິການຜ່ານປະຕູດຽວຂອງເມືອງໄຊເສດຖາ ນະຄອນຫຼວງວຽງຈັນ ປະເດັ່ນທີ່ໜື່ງຄື : ປະຊາຊົນສ່ວນຫຼາຍຍັງບໍ່ເຂົ້າໃຈຕໍ່ກັບການບໍລິການຜ່ານປະຕູດຽວ ໂດຍສະເພາະການປະກອບເອກະສານຕ່າງໆ ເນື່ອງຈາກວ່າປະຊາຊົນສ່ວນຫຼາຍລະດັບການສຶກສາກໍ່ບໍ່ສູງຫຼາຍ ບາງຄັ້ງກໍ່ຍັງບໍ່ເຂົ້າໃຈຕໍ່ກັບການດຳເນີນການປະກອບເອກະສານເຮັດໃຫ້ການປະກອບເອກະສານ ຕ້ອງໄດ້ກັບໄປກັບມາຫຼາຍຄັ້ງເຮັດໃຫ້ປະກອບຜິດແດ່ຖືກແດ່ ຈຶ່ງເປັນເຫດໃຫ້ປະຊາຊົນມີສຽງຈົ່ມວ່າຕ້ອງປະກອບຫຼາຍຄັ້ງ. ສະແດງອອກຄືບາງຄັ້ງພົບວ່າປະຊາຊົນຜູ້ມາໃຊ້ບໍລິການນັ້ນເມື່ອເວລາທີ່ພວກເຂົາມາຊື້ຟອມພະນັກງານກໍ່ໄດ້ອະທິບາຍກ່ຽວກັບວິທີການຂຽນແລ້ວ ແຕ່ເວລາປະກອບເອກະສານມາສົ່ງແມ່ນຍັງເຫັນວ່າຍັງປະກອບກອບເອກະສານຜິດຢູ່ເຮັດໃຫ້ປະຊາຊົນຈຳນວນໜື່ງກໍ່ມີການຕໍ່ວ່າກັບພະນັກງານຂອງພວກເຮົາ , ເພາະບາງຄັ້ງພະນັກງານເຮົາແນະນຳແນວໜື່ງພັດປະກອບມາແນວໜື່ງ, ທັ້ງໆທີ່ເອກະສານແຕ່ລະສະບັບກໍ່ມີຄຳແນະນຳຢ່າງລະອຽດໃວ້ຢູ່ແລ້ວ ເມື່ອເອກະສານບໍ່ຄົບພະນັກງານພວກເຮົາກໍ່ບໍ່ສາມາດຮັບເອກະສານດັ່ງກ່າວໄດ້ ເຮັດໃຫ້ປະຊາຊົນເກີດຄວາມບໍ່ພໍໃຈ ແລະ ບາງຄັ້ງກໍ່ຕໍ່ວ່າເປັນຍັງຈຶ່ງບໍ່ແນະນຳກ່ອນ. ໂດຍຜົນການວິໄຈຈາກແບບສອບຖາມສະແດງໃຫ້ເຫັນວ່າ ປະຊາຊົນທີ່ເຂົ້າມາໃຊ້ບໍລິການແມ່ນມີຄວາມເຂົ້າໃຈໃນການບໍລິການຜ່ານປະຕູດຽວຢູ່ໃນລະດັບປານກາງ. ທີ່ສຳຄັນແມ່ນສໍານັກງານເມືອງບໍ່ຄ່ອຍໄດ້ມີການໂຄສະນາໃຫ້ປະຊາ ຊົນເຂົ້າໃຈກ່ຽວກັບການບໍລິການຜ່ານປະຕູດຽວຫຼາຍເທົ່າທີ່ຄວນ ເຊິ່ງສະແດງອອກຄຳຄິດເຫັນສ່ວນໃຫຍ່ຢູ່ໃນລະດັບປານກາງ.

           2. ບັນຫາ ແລະ ອຸປະສັກ ຕໍ່ກັບການບໍລິການຜ່ານປະຕູດຽວຂອງເມືອງໄຊເສດຖາ ນະຄອນຫຼວງວຽງຈັນ ປະເດັ່ນທີ່ສອງຄື : ການຈໍະລະຈອນເອກະສານທີ່ຕ້ອງໄປຜ່ານພະແນກການຕ່າງໆຢູ່ຂັ້ນນະຄອນຫຼວງ ແມ່ນຍັງບໍ່ໄປຕາມກຳນົດເວລາ ແລະ ພົບຄວາມຫຍຸ້ງຫຍາກ. ສະແດງອອກຢູ່ບ່ອນວ່າເອກະສານທີ່ຜ່ານພະແນກການຕ່າງໆ ແມ່ນຍັງບໍ່ສາມາດສະໜອງຄືນໃຫ້ ເມືອງຂອງພວກເຮົາໄດ້ ຕາມກຳນົດເວລາ ເພາະຕາມປົກກະຕິປະຊາຊົນແມ່ນມາຮັບເອກະສານຢູ່ເມືອງພວກເຮົານີ້ ແຕ່ຄວາມເປັນຈຶ່ງປະຈຸບັນນີ້ຍັງອອກບໍ່ໄດ້, ບາງຄັ້ງເອກະສານກໍ່ໄປອອກທາງພຸ້ນເລີຍ ເອກະສານບໍ່ໄດ້ກັບເຂົ້າມາຫາເມືອງໄຊເສດຖາພວກເຮົາ ເຮັດໃຫ້ເອກະສານແມ່ນຍັງບໍ່ອອກຕາມກຳນົດເວລາ , ສ້າງຄວາມບໍ່ພໍໃຈຕໍ່ຜູ້ມາໃຊ້ບໍລິການ ເປັນເຫດໃຫ້ປະຊາຊົນຈຳນວນໜື່ງກໍ່ແມ່ນໄປນຳເອກະສານເອງ ຫຼື ໄປແລ່ນເອກະສານດ້ວຍຕົນເອງ ໂດຍສະເພາະເອກະສານກ່ຽວກັບທີ່ດິນອັນທີ່ບໍ່ສາມາດແກ້ໄຂໄດ້ ໂດຍຜົນການວິໄຈຈາກ ແບບສອບຖາມສະແດງໃຫ້ເຫັນວ່າ ທຸກຄັ້ງທີ່ປະຊາຊົນມາຕິດຕໍ່ປະສານງານແມ່ນສຳເລັດຕາມວັດຖຸປະສົງຢູ່ໃນ ລະດັບປານກາງ , ທີ່ສຳຄັນປະຊາຊົນສ່ວນຫຼາຍເກີດຂໍ້ສົງໄສວ່າເອກະສານບາງຍັງຖືກເລືອກປະຕິບັດ ຫຼື ບໍ່ ຄວາມ ຄິດເຫັນຢູ່ໃນລະດັບປານການ ແລະ ຍັງສົງໄສວ່າເອກະສານຖືກເສຍຄວາມລັບ.

           3. ບັນຫາ ແລະ ອຸປະສັກ ຕໍ່ກັບການບໍລິການຜ່ານປະຕູດຽວຂອງເມືອງໄຊເສດຖາ ນະຄອນຫຼວງວຽງຈັນ ປະເດັ່ນທີ່ສາມຄື :  ຄ່າທຳນຽມໃນການບໍລິການຂອງບ້ານຕ່າງໆ ເຫັນວ່າຍັງບໍ່ທັນມີຄວາມເປັນເອກະພາບກັນ, ບາງບ້ານກໍ່ແພງບາງບ້ານກໍ່ຖືກທັ້ງໆທີ່ເປັນເອກະສານດຽວກັນ ເຮັດໃຫ້ມີສຽງຈົ່ມວ່າຈາກປະຊາຊົນ ນອກນັ້ນປະຊາ ຊົນຍັງມີຂໍ້ສົງໄສກ່ຽວກັບຄ່າທຳນຽມການໃຫ້ບໍລິການຂອງເມືອງ ເຊິ່ງຂໍ້ມູນຈາກການສຳພາດຜຸ້ປະຕິບັດວຽກງານ ໄດ້ໃຫ້ສຳພາດວ່າ ປະຊາຊົນຈຳນວນໜື່ງກໍ່ເຂົ້າໃຈວ່າການເກັບເງິນດັ່ງກ່າວນີ້ ແມ່ນພະນັກງານທີ່ຮັບຜິດຊອບເປັນຜູ້ເກັບເອງ ເຊິ່ງໃນໄລຍະຜ່ານມາຄ່າທຳນຽມແມ່ນທາງນະຄອນຫຼວງເປັນຜູ້ກຳນົດໄວ້ ແລະ ທາງເມືອງກໍ່ປະຕິບັດຕາມລະບຽບດັງກ່າວເຊິ່ງໄດ້ມີການຕິດປະກາດໄວ້ແລ້ວ ເພື່ອໃຫ້ປະຊາຊົນໄດ້ອ່ານ ແລະ ຮູ້ກ່ຽວກັບຄ່ານຽມໃນການປະກອບເອກະສານຕ່າງໆ.

5.3     ຂໍ້ສະເໜີ

 

    5.3.1 ຂໍ້ສະເໜີແນະຈາກຜູ້ຕອບແບບສອບຖາມ ແລະ ຜູ້ໃຫ້ສຳພາດ

 

         ກ. ດ້ານຂະບວນການໃຫ້ບໍລິການ

1.    ເອົາໃຈໃສ່ປັບປຸ່ງເອກະສານຕ່າງໆໃຫ້ມີຄວາມວ່ອງໄວຂື້ນ ແລະ ທັນຕາມກຳນົດເວລາ ບໍ່ໃຫ້ມີການ ຂ້ອງຄ່າ.

2.  ອອກເປັນກຳນົດການໃນເລື່ອງຄ່າທຳນຽມໃນການບໍລິການຂອງບ້ານຕ່າງໆໃຫ້ມີຄວາມເປັນເອກະພາບກັນຕື່ມ ເພາະທີ່ຜ່ານມາຍັງເຫັນວ່າມີຫຼາຍບ້ານຍັງເກັບຄ່າບໍລິການໃນການຢັ້ງຢືນເອກະສານຕ່າງໆແມ່ນຍັງບໍ່ທັນມີຄວາມເປັນເອກະພາບການ.

3.    ຂະຫຍາຍຂອດການບໍລິການໄປຢູ່ບ້ານໝາຍຄວາມວ່າມອບໃຫ້ອຳນາດການປົກຄອງຂັ້ນບ້ານເປັນຜູ້ຂາຍຄຳຮ້ອງ ຫຼື ເອກະສານຕ່າງໆ ແມ່ນຂາຍຢູ່ບ້ານ.

4.  ໃຫ້ປະຊາຊົນຜູ້ມາໃຫ້ບໍລິການເອົາໃຈໃສ່ກວດກາເອກະສານຕ່າງໆຢ່າງຮອບຄອບ, ເອົາໃຈໃສ່ຮັບຟັງຄຳແນະນຳຂອງພະນັກງານ ແລະ ມີຄວາມຈິງໃຈໃນການຕຳນິສົ່ງຂ່າວບາງອັນກໍ່ຕ້ອງຮັບຟັງຄຳຊີ້ແຈງຂອງພະນັກງານກ່ອນວ່າເປັນຍ້ອນຫຍັງ, ເຫດຜົນໃດຈຶ່ງແນວນັ້ນແນວນີ້. ຫຼື ບາງອັນຫາກເຫັນວ່າບໍ່ເຂົ້າໃຈກໍ່ຄວນຊັກຖາມພະນັກງານເສຍກ່ອນ.

5.    ຄວນໃຫ້ມີບັດຄິວການໃຫ້ບໍລິການຕາມລໍາດັບ.

6.    ຄວນປັບປຸງກໍານົດໄລຍະເວລາຂອງເອກະສານ.

7.   ເພີ່ມການອະທິບາຍ ແລະ ຊີ້ແຈ້ງໃຫ້ປະຊາຊົນໄດ້ເຂົ້າໃຈຫຼາຍຂື້ນໂດຍສະເພາະພະນັກງານຕ້ອງເອົາໃຈໃສ່ ເປັນພິເສດໃນການອະທິບາຍຕໍ່ກັບຜູ້ມາໃຊ້ບໍລິການ ເນື່ອງຈາກຄວາມຮັບຮູ້ຂອງແຕ່ລະຄົນແມ່ນບໍ່ຄືກັນບາງຄົນກໍ່ຕ້ອງໃຊ້ເວລາຫຼາຍສົມຄວນ.

8.    ເພີ່ມການໂຄສະນາໃຫ້ແກ່ປະຊາຊົນໃຫ້ຫຼາຍຂື້ນດ້ວຍຫຼາຍຮູບແບບກ່ຽວກັບຂະບວນການບໍລິການ ຜ່ານປະຕູດຽວໂດຍສະເພາະຂັ້ນຕອນ ແລະ ໄລຍະເວລາການດຳເນີນເອກະສານຕ່າງໆຂອງແຕ່ລະຂະ ແໜງການ.

 

         ຂ. ດ້ານພະນັກງານຜູ້ໃຫ້ບໍລິການ

         1. ໃຫ້ພະນັກງານເພີ່ມຄວາມຫ້າວຫັນເຕັມໃຈໃຫ້ຄໍາແນະນໍາໃນການບໍລິການທາງດ້ານເອກະສານຕ່າງໆຫຼາຍຂື້ນເນື່ອງຈາກຄວາມເຂົ້າໃຈຂອງປະຊາຊົນມີແຕກຕ່າງກັນ.

         2. ໃຫ້ພະນັກງານເພີ່ມຄວາມຫ້າວຫັນໃນການປະຕິບັດຕາມໂມງເວລາໃຫ້ເຂັ້ມງວດຕື່ມອີກ.

         3. ຄວນມີການຈັດຝຶກອົບຮົມໃຫ້ແກ່ພະນັກງານທີ່ເຮັດວຽກກ່ຽວກັບການບໍລິການ ຜ່ານປະຕູດຽວ ໂດຍສະເພາະໃນຂອດການຕ້ອນຮັບ, ການເວົ້າຈາ.

         4. ໃຫ້ພະນັກງານມີຄວາມຫ້າວຫັນປະຕິບັດຕາມໂມງເວລາໃຫ້ເຂັ້ມງວດຕື່ມອີກ.

         ຄ. ດ້ານສະຖານທີ່ໃຫ້ບໍລິການ

 

1.   ຢາກໃຫ້ຈັດສະຖານທີ່ກວ້າງໆກວ່າເກົ່າເພື່ອອຳນວຍຄວາມສະດວກ ແລະ ປັບປຸງສະຖານທີ່ບ່ອນທີ່ແຂກມາພົວພັນວຽກຕື່ມອີກ.

2.    ຄວນເພີ່ມປ້າຍບອກແຕ່ລະໜ່ວຍງານໃຫ້ຫຼາຍກວ່າເກົ່າເພາະປ້າຍຍັງນ້ອຍ ແລະ ບໍ່ຊັດເຈນ.

3.    ຄວນມີ ໄວຟາຍຟຣີ, ໂທລະພາບ, ນໍ້າດື່ມໃນເວລາການລໍຖ້າຮັບເອກະສານ.

4.  ຄວນກຳນົດ ແລະ ຈັດສັນໃຫ້ມີສະຖານທີ່ຈອດລົດຂອງຜູ້ມາໃຊ້ບໍລິການໃຫ້ມີຄວາມສະດວກກວ່າເກົ່າ ເພາະທີ່ຜ່ານມາຍັງເຫັນວ່າຄັບແຄບຫຼາຍ, ບໍ່ພຽງພໍ ແລະ ບໍ່ເປັນລະບົບລະບຽບ, ຜູ້ຮັບຝາກລົດຈັກ ອ້ອມຂ້າງກໍ່ຍັງເຫັນວ່າມີລາຄາແພງຢູ່.

    5.3.2 ຂໍ້ສະເໜີໃນການສຶກສາຄັ້ງຕໍ່ໄປ

            ການສຶກສາການບໍລິການຜ່ານປະຕູດຽວຂອງເມືອງໄຊເສດຖາ ນະຄອນຫຼວງວຽງຈັນ ໃນຄັ້ງຕໍ່ໄປຄວນສຶກສາລົງເລິກກ່ຽວກັບຄວາມເປັນໄປໄດ້ໃນການນຳເອົາຂະແໜງການອື່ນໆ ເຂົ້າມາຢູ່ໃນຂອດການບໍລິການຜ່ານປະຕູດຽວຂອງເມືອງໄຊເສດຖາ ນະຄອນຫຼວງວຽງຈັນ.

 

        ເອກະສານອ້າງອີງ

 

ພັກປະຊາຊົນປະຕິວັດລາວ.(2011). ເອກະສານກອງປະຊຸມໃຫຍ່ຂອງພັກປະຊາຊົນປະຕິວັດລາວຄັ້ງທີ່IX.

ຫ້ອງວ່າການສຳນັກງານນາຍົກລັດຖະມົນຕີ.(2013). ຄຳສັ່ງຂອງນາຍົກລັດຖະມົນຕີ ວ່າດ້ວຍການເພີ່ມທະວີການຈັດຕັ້ງປະຕິບັດກົນໄກການບໍລິການຜ່ານປະຕູດຽວໃນຂອບເຂດທົ່ວປະເທດ ເລກທີ 09/ນຍ.

ຫ້ອງວ່າການລັດຖະບານ.(2007). ຂໍ້ຕົກລົງຂອງນາຍົກລັດຖະມົນຕີ ວ່າດ້ວຍການຈັດຕັ້ງປະຕິບັດກົນໄກການບໍລິ ການຜ່ານປະຕູດຽວ ຢູ່ອົງການບໍລິຫານລັດ ສະບັບເລກທີ 86/ນຍ.

ເມືອງໄຊເສດຖາ.(2010). ບົດສະຫຼຸບຫຍໍ້ການຈັດຕັ້ງປະຕິບັດການເຮັດການທົດລອງວຽກງານຜ່ານປະຕູດຽວຂອງເມືອງໄຊເສດຖາ ນັບແຕ່ປີ 2006-2010 ເລກທີ 75/ຫປຄ ມຊຖ.

ນະຄອນຫຼວງວຽງຈັນ.(2009). ຂໍ້ຕົກລົງ ຂອງເຈົ້າຄອງນະຄອນຫຼວງວຽງຈັນ ວ່າດ້ວຍການເກັບຄ່າບໍລິການ ແລະ ຄ່າແບບຟອມເອກະສານຂອງວຽກງານກົນໄກບໍລິການຜ່ານປະຕູດຽວຢູ່ເມືອງໄຊເສດຖາ.

ນະຄອນຫຼວງວຽງຈັນ.(2008). ກົດລະບຽບວ່າດ້ວຍການຈັດຕັ້ງປະຕິບັດກົນໄກການບໍລິການຜ່ານປະຕູດຽວ  ( One-Stop Service ) ເລກທີ່ 250/ຈ.ນວ.

ທະບວງການປົກຄອງ ແລະ ຄຸ້ມຄອງລັດຖະກອນ.(2006). ຄູ່ມືການຈັດຕັ້ງປະຕິບັດກົນໄກການບໍລິການຜ່ານປະຕູດຽວ.

ສີນີ ຈະເລີນພົນ.(1996). “ການປັບປຸງປະສິດທິພາບລັດຖະການ: ປະສົບການຈາກມາເລເຊຍ” ວາລະສານຂ້າລາດຊະການປະເທດໄທ.

ປະຍູນ ການຈະນະດຸນ.(1948). ກົດໝາຍປົກຄອງນະຄອນ ກຸງເທບມະຫານະຄອນ, ໂຮງພິມ : ມະຫາວິທະຍາ ໄລທຳມະສາດ.

ເທບສັກ ບຸນລັດນະພັນ.(2009). ປັດໄຈທີ່ສົ່ງຜົນຕໍ່ການສ້າງປະສິດທິຜົນຂອງການນຳນະໂຍບາຍການໃຫ້ບໍລິການປະຊາຊົນໄປປະຕິບັດ, ກໍລະນີສຶກສາ : ສຳນັກງານເຂດຂອງກຸງເທບມະຫານະຄອນ.

ວາລີໂລດ ສິງລຳພອງ.(2011). ຄວາມຄິດເຫັນຂອງນັກສຶກສາທີ່ມີຕໍ່ກັບວຽກງານບໍລິການປະຕູດຽວ ມະຫາວິທະ ຍາໄລຣາດຊະພັດສວນສຸນັນທາ. ວິທະຍານິພົນປະລິນຍາໂທ ສາຂາວິຊາການອຸດົມສຶກສາ. ມະຫາວິທະ ຍາໄລສີນະຄະລິນທະວີໂລດ.

ຣູຈິເຣັກ ບໍລິສຸດບັນທິດ.(2012). ຄວາມພຶງພໍໃຈຂອງຜູ້ໃຊ້ບໍລິການຜ່ານປະຕູດຽວຂອງວິທະຍາໄລນາໆຊາດ ມະຫາວິທະຍາໄລຊຽງໃໝ່. ວິທະຍານິພົນປະລິນຍາໂທ ສາຂາວິຊາການຕະຫຼາດ. ມະຫາວິທະຍາໄລຊຽງ  ໃໝ່.

ນັດທະວະລາ ບົວເກດ.(2002). ການປະເມີນຜົນການໃຫ້ບໍລິການຕໍ່ປະຊາຊົນແບບການບໍລິການຜ່ານປະຕູດຽວ ກໍລະນີສຶກສາ ສຳນັກງານເຂດຣາດຊະເທວີ, ວິທະຍານິພົນປະລິນຍາໂທ ສິນລະປະສາດມະຫາບັນດິດ ສາຂາລັດຖະສາດ.

ກະຊວງພາຍໃນ.(2013).ຄູ່ມືການຈັດຕັ້ງປະຕິບັດກົນໄກບໍລິການຜ່ານປະຕູດຽວ ສະບັບປັບປຸງ ຄັ້ງທີ1

         ຈັດພິມໂດຍ : ກະຊວງພາຍໃນ.

ວິໄຊ ພັນດານຸວົງ. (2014-2015). ປື້ມການຮຽນການສອນວິຊາຄວາມຮູ້ພື້ນຖານການບໍລິຫານລັດ, ທະບວງ

         ການປົກຄອງ ແລະ ຄຸ້ມຄອງລັດຖະກອນ, ສຳນັກງານນາຍົກລັດຖະມົນຕີ.