ປະທານ ໄກສອນ ພົມວິຫານ ເວົ້າເຖິງມາດຕະຖານພະນັກງານຈັດຕັ້ງ

ປັນຍາສັກ ແສງອ່ອນແກ້ວ

http://panyasack.blogspot.com

ປະທານ ໄກສອນ ພົມວິຫານ

ເວົ້າເຖິງມາດຕະຖານພະນັກງານຈັດຕັ້ງ

ໃນໂອກາດໂອ້ລົມຕໍ່ກອງປະຊຸມຈັດຕັ້ງທົ່ວປະເທດຄັ້ງທີ 6 ໃນວັນທີ 25/4/1984 ປະທານ ໄກສອນພົມວິຫານ ໄດ້ກ່າວວ່າຜູ້ທີ່ເຮັດວຽກງານຈັດຕັ້ງຕ້ອງໄດ້ຝາກຝົນຕົນເອງໃຫ້ໄດ້ຕາມມາດຖານດັ່ງນີ້:

 1. ຈົງຮັກພັກດີຕໍ່ພັກຢ່າງເດັດຂາດ, ເປັນເອກະພາບກັບແນວທາງ, ທັດສະນະຂອງພັກຢ່າງສົມບູນ, ຕັ້ງໜ້າປະຕິບັດທັດສະນະຂອງພັກກ່ຽວກັບວຽກງານກໍສ້າງພັກ, ວຽກງານພະນັກງານ.

 2. ອອກແຮງຮໍ່າຮຽນລັດທິມາກ-ເລນິນ, ແນວທາງ, ນະໂຍບາຍຂອງພັກ, ກຳແໜ້ນໜ້າທີ່ການ

ເມືອງ, ໜ້າທີ່ ແລະ ກົງຈັກການຈັດຕັ້ງຂອງຂະແຫນງການ, ຂອງທ້ອງຖິ່ນ, ມີຄວາມຊຳນານໃນດ້ານວິຊາການກໍສ້າງພັກ, ກໍສ້າງພະນັກງານ, ມີຄວາມຮູ້ຄວາມເຂົ້າໃຈກ່ຽວກັບການຄຸ້ມຄອງເສດຖະກິດ,ຄຸ້ມຄອງລັດ ແລະ ມີຄວາມຮູ້ທາງດ້ານວິທະຍາສາດ-ເຕັກນິກ ໃນລະດັບອັນຈຳເປັນ, ກ່ອນອື່ນໝົດແມ່ນຂະແຫນງການ ຫຼື ທ້ອງຖິ່ນ ທີ່ຕົນໄດ້ຖືກມອບຫມາຍໃຫ້ໄປເຮັດວຽກງານຈັດຕັ້ງ ແລະ ວຽກງານພະນັກງານຢູ່ບ່ອນນັ້ນມີຄວາມເຂົ້າໃຈກ່ຽວກັບຊີວິດສັງຄົມ, ຊີວິດການເປັນຢູ່ຂອງມະຫາຊົນ.

  3. ຕິດແທດກັບຮາກຖານ, ສະຫນິດສະໝົມກັບພະນັກງານ, ຄວາມຮັກແພງແບບມິດສະຫາຍ, ສາມັກຄີກັບຂະແໜງການຕ່າງໆ, ຮູ້ງ່ຽງຫູຟັງຄວາມເຫັນການຕຳນິຕິຊົມຂອງຂະແຫນງການຂອງຂັ້ນລຸ່ມ.

 4. ບໍລິສຸດຊື່ຕົງຕໍ່ພັກ, ຕໍ່ມິດສະຫາຍ, ທ່ຽງທາໍ, ຄຽມຄົມ, ພາວະວິໄສເຫັນແຕ່ຜົນປະໂຫຍດສ່ວນລວມ, ຮັກສາຄວາມລັບຂອງພັກ, ຂອງພະນັກງານ, ບໍ່ຄັບແຄບ, ພັກພວກ ຫຼື ເອົາຕາມໃຈມັກ, ຈົງຈຽມ, ຕ້ອງສະດຸ້ງໄວຕໍ່ອັນໃໝ່, ມີທ່າທີ່ອຸ້ມຊູ້ປັດໄຈທີ່ຕັ້ງໜ້າ, ແຕ່ພ້ອມກັນນັ້ນກໍບໍອະນຸໂລມຕໍ່ການກະທຳຜິດພາດ.

 

(ຄັດຈາກປື້ມມູນເຊື້ອ 55 ປີ ກ່ຽວກັບວຽກງານຈັດຕັ້ງຂອງພັກ ປປ ລາວ ຫນ້າ 25-27)

ວາລະສານກໍ່ສ້າງພັກ ສະບັບ 243 ປະຈຳເດືອນ ພຶດສະພາ 2022