ເຕັກນິກການເວົ້າຈູງໃຈ

ວິຊາ ພາວະຜູ້ນຳ

ໂດຍ: ປັນຍາສັກ ແສງອ່ອນແກ້ວ

http://panyasack.blogspot.com

ເຕັກນິກການເວົ້າຈູງໃຈ

ການເວົ້າຈູງໃຈມີເຕັກນິກ 6 ປະການສຳຄັນດັ່ງນີ້ : 

1. ການເວົ້າໃນທາງບວກ.

2. ຊອດແຊງນະໂຍບາຍ.

3. ຂາຍເຫດຜົນ.

4. ປະສົມຕົວຢ່າງ.

5. ລ້າງຂໍ້ໂຕ້ຖຽງ.

6. ສະແດງຜົນໄດ້ຮັບ.

ຕົວຢ່າງການເວົ້າແບບຈູງໃຈ

      ຂ້າພະເຈົ້າຮູ້ດີວ່າທຸກທ່ານທີ່ມາມື້ນີ້ແມ່ນຕ້ອງການຮູ້ວ່າອົງການຂອງເຮົາຈະຢູ່ລອດໄດ້ແນວໃດ ໃນພາວະທີ່ຕົ້ນທຶນການຜະລິດຕ່າງໆ ໂດຍສະເພາະນ້ຳມັນທີ່ມີລາຄາສູງຂື້ນ ອົງການຂອງພວກເຮົາມີຄວາມເຂົ້າໃຈເຖິງຄວາມຮູ້ຄວາມສາມາດຂອງພະນັກງານທຸກລະດັບ ແລະ ຕ້ອງການໃຫ້ພະນັກງານມີຄວາມສຸກ ໃນພາວະທີ່ລາຄານ້ຳມັນສູງຂື້ນກວ່າ 30% ເມື່ອປຽບທຽບກັບປີທີ່ຜ່ານມາ ແລະ ລາຄາພະລັງງານໄຟຟ້າກໍ່ນັບມື້ນັບເພີມຂື້ນ. ຂ້າພະເຈົ້າເຊື່ອໝັ້ນວ່າພວກເຮົາທຸກຄົນມີຄວາມຍິນດີທີ່ຈະຊ່ວຍເຫຼືອອົງການໂດຍການປະຫຍັດຄ່າໃຊ້ຈ່າຍດ້ານຕ່າງໆ ລົງໃຫ້ໄດ້ຢ່າງໜ້ອຍ 20% ພາຍໃນປີນີ້ ເຊັ່ນວ່າ : ຊ່ວຍກັນປະຫຍັດໄຟຟ້າ, ນ້ຳປະປາ, ການໃຊ້ໂທລະສັບ, ຊ່ວຍກັນຫຼຸດຈຳນວນການໃຊ້ເຄື່ອງກ໋ອບປີ້, ປະຫຍັດການໃຊ້ອຸປະກອນພາຍໃນສຳນັກງານຕ່າງໆ ເປັນຕົ້ນ ເຊິ່ງຂ້າພະເຈົ້າມີຄວາມເຊື່ອໝັ້ນ ແລະ ໝັ້ນໃຈວ່າພວກເຮົາຈະເຮັດໄດ້ ເພາະວ່າພວກເຮົາຮັກອົງການນີ້ ແລະ ຕ້ອງການຊ່ວຍເຫຼືອອົງການ ເພື່ອໃຫ້ບໍລິສັດມີເງິນໝຸນວຽນພຽງພໍ ແລະ ບໍ່ກະທົບ ຫຼື ກະທົບໜ້ອຍທີ່ສຸດກັບລາຍໄດ້ໃນສ່ວນທີ່ເປັນເງິນເດືອນ ຫຼື ໂບນັດຂອງພວກເຮົາ ແມ່ນບໍ່ພວກເຮົາ ! ພວກເຮົາຈະເລີ່ມແຕ່ດຽວນີ້ເລີຍໄດ້ບໍ່ !

ປະໂຫຍກການເວົ້າໃນທາງບວກ	ອົງການຂອງພວກເຮົາມີຄວາມເຂົ້າໃຈເຖິງຄວາມຮູ້ຄວາມສາມາດຂອງພະນັກງານທຸກລະດັບ ແລະ ຕ້ອງການໃຫ້ພະນັກງານມີຄວາມສຸກ
ຊອດແຊງນະໂຍບາຍ	ຂ້າພະເຈົ້າເຊື່ອໝັ້ນວ່າພວກເຮົາທຸກຄົນມີຄວາມຍິນດີທີ່ຈະຊ່ວຍເຫຼືອອົງການໂດຍການປະຫຍັດຄ່າໃຊ້ຈ່າຍດ້ານຕ່າງໆ ລົງໃຫ້ໄດ້ຢ່າງໜ້ອຍ 20% ພາຍໃນປີນີ້
ຂາຍເຫດຜົນ	ໃນພາວະທີ່ລາຄານ້ຳມັນສູງຂື້ນກວ່າ 30% ເມື່ອປຽບທຽບກັບປີທີ່ຜ່ານມາ ແລະ ລາຄາພະລັງງານໄຟຟ້າກໍ່ນັບມື້ນັບເພີມຂື້ນ.
ປະສົມຕົວຢ່າງ	ຊ່ວຍກັນປະຫຍັດໄຟຟ້າ,ນ້ຳປະປາ, ການໃຊ້ໂທລະສັບ, ຊ່ວຍກັນຫຼຸດຈຳນວນການກ໋ອບປີ້, ປະຫຍັດການໃຊ້ອຸປະກອນພາຍໃນສຳນັກງານຕ່າງໆ ເປັນຕົ້ນ
ລ້າງຂໍ້ໂຕ້ຖຽງ	ເຊິ່ງຂ້າພະເຈົ້າມີຄວາມເຊື່ອໝັ້ນ ແລະ ໝັ້ນໃຈວ່າ ພວກເຮົາຈະເຮັດໄດ້ ເພາະວ່າພວກເຮົາຮັກອົງການນີ້ ແລະ ຕ້ອງການຊ່ວຍເຫຼືອອົງການ
ສະແດງຜົນໄດ້ຮັບ	ເພື່ອໃຫ້ບໍລິສັດມີເງິນໝຸນວຽນພຽງພໍ ແລະ ບໍ່ກະທົບ ຫຼື ກະທົບໜ້ອຍທີ່ສຸດກັບລາຍໄດ້ໃນສ່ວນທີ່ເປັນເງິນເດືອນ ຫຼື ໂບນັດຂອງພວກເຮົາ