ຕໍາແໜ່ງບໍລິຫານ ແລະ ຕໍາແໜ່ງວິຊາການຂອງພະນັກງານ-ລັດຖະກອນ

   ປອ.ປັນຍາສັກ ແສງອ່ອນແກ້ວ

http://panyasack.blogspot.com

ຕໍາແໜ່ງບໍລິຫານ ແລະ ຕໍາແໜ່ງວິຊາການຂອງພະນັກງານ-ລັດຖະກອນ

 

1. ຕຳແໜ່ງບໍລິຫານ ຂອງພະນັກງານ-ລັດຖະກອນ

      ຕຳແໜ່ງບໍລິຫານ ແມ່ນຕຳແໜ່ງນຳພາ, ຄຸ້ມຄອງວຽກງານຕາມພາລະບົດບາດ, ສິດ ແລະ ໜ້າທີ່ຢູ່ໃນຫົວໜ່ວຍການຈັດຕັ້ງໃດໜຶ່ງ ປະກອບມີ :

          1. ຕຳແໜ່ງບໍລິຫານຂອງພະນັກງານການນຳລະດັບສູງ.

          2. ຕໍາແໜ່ງບໍລິຫານຂອງລັດຖະກອນ.

     1.1 ຕຳແໜ່ງບໍລິຫານຂອງພະນັກງານການນຳລະດັບສູງ

      ຕຳແໜ່ງບໍລິຫານຂອງການນຳລະດັບສູງຈັດຢູ່ຊັ້ນ 6 ປະກອບມີ 7 ຂັ້ນ ດັ່ງນີ້ :
          - ຊັ້ນ 6 ຂັ້ນ 7 ແມ່ນປະທານປະເທດຄວບຕໍາແໜ່ງເລຂາທິການໃຫຍ່.
          - ຊັ້ນ 6 ຂັ້ນ 6 ແມ່ນປະທານປະເທດ ແລະ ເລຂາທິການໃຫຍ່.
          - ຊັ້ນ 6 ຂັ້ນ 5 ແມ່ນປະທານສະພາແຫ່ງຊາດ, ນາຍົກລັດຖະມົນຕີ ແລະ ຮອງປະທານປະເທດ.
          - ຊັ້ນ 6 ຂັ້ນ 4 ແມ່ນກໍາມະການກົມການເມືອງສູນກາງພັກ.   
          - ຊັ້ນ 6 ຂັ້ນ 3 ແມ່ນເລຂາທິການສູນກາງພັກ, ຮອງປະທານສະພາແຫ່ງຊາດ ແລະ ຮອງນາຍົກລັດຖະມົນຕີ.
          - ຊັ້ນ 6 ຂັ້ນ 2 ແມ່ນກໍາມະການສູນກາງພັກ, ຫົວໜ້າຄະນະຂອງພັກ, ປະທານສູນກາງແນວລາວສ້າງຊາດ, ລັດຖະມົນຕີກະຊວງ ແລະ ຫົວໜ້າອົງການທຽບເທົ່າກະຊວງ,  ລັດຖະມົນຕີປະຈຳສຳນັກງານນາຍົກລັດຖະມົນຕີ, ລັດຖະມົນຕີ ຫົວໜ້າຫ້ອງວ່າການສຳນັກງານນາຍົກລັດຖະມົນຕິ, ປະທານ ຫຼື ເລຂາອົງການຈັດຕັ້ງມະຫາຊົນຂັ້ນສູນກາງ ຫຼື ທຽບເທົ່າ, ປະທານສານປະຊາຊົນສູງສຸດ, ຫົວໜ້າອົງການໄອຍະການປະຊາຊົນສູງສຸດ, ປະທານອົງການກວດກາລັດຖະບານ, ປະທານອົງການກວດສອບແຫ່ງລັດ, ຜູ້ວ່າການທະ ນາຄານ ແຫ່ງ ສປປ ລາວ, ປະທານກຳມະທິການສະພາແຫ່ງຊາດ, ເລຂາທິການສະພາແຫ່ງຊາດ, ຫົວໜ້າຫ້ອງວ່າການສຳນັກງານປະທານປະເທດ, ເລຂາຄະນະພັກແຂວງ, ເຈົ້າຄອງນະຄອນຫຼວງ, ເຈົ້າແຂວງ ແລະ ຕໍາແໜ່ງອື່ນທຽບເທົ່າຕໍຳແໜ່ງບໍລິຫານດັ່ງກ່າວ.
           - ຊັ້ນ 6 ຂັ້ນ 1 ແມ່ນກໍາມະການສໍາຮອງສູນກາງພັກ, ຮອງຫົວໜ້າຄະນະຂອງພັກ, ຮອງປະທານສູນກາງແນວລາວສ້າງຊາດ, ຮອງລັດຖະມົນຕີກະຊວງ ແລະ ຮອງຫົວໜ້າອົງການທຽບເທົ່າກະຊວງ, ຮອງລັດຖະມົນຕີປະຈຳສຳນັກງານນາຍົກລັດຖະມົນຕີ, ຮອງລັດຖະມົນຕີ, ຮອງຫົວໜ້າຫ້ອງວ່າການສຳນັກງານນາຍົກລັດຖະມົນຕິ, ຮອງປະທານ ຫຼື ຮອງເລຂາອົງການຈັດຕັ້ງມະຫາຊົນຂັ້ນສູນກາງ ຫຼື ທຽບເທົ່າ, ຮອງປະທານສານປະຊາຊົນສູງສຸດ, ຮອງຫົວໜ້າອົງການໄອຍະການປະຊາຊົນສູງສຸດ, ຮອງປະທານອົງການກວດກາລັດຖະບານ, ຮອງປະທານອົງການກວດສອບແຫ່ງລັດ, ຮອງຜູ້ວ່າການທະນາຄານແຫ່ງ ສປປ ລາວ, ຮອງປະທານກຳມະທິການສະພາແຫ່ງຊາດ, ຮອງເລຂາທິການສະພາແຫ່ງຊາດ, ຮອງຫົວໜ້າຫ້ອງວ່າການສຳນັກງານປະທານປະເທດ, ຫົວໜ້າທະບວງ, ຫົວໜ້າອົງການທຽບເທົ່າທະບວງ, ອະທິການບໍດີມະຫາ ວິທະຍາໄລ, ປະທານສະພາປະຊາຊົນຂັ້ນແຂວງ, ຮອງເລຂາຄະນະພັກແຂວງ,  ຮອງເຈົ້າຄອງນະຄອນຫຼວງ, ຮອງເຈົ້າແຂວງ ແລະ ຕໍາແໜ່ງອື່ນ ທຽບເທົ່າຕໍຳແໜ່ງບໍລິຫານດັ່ງກ່າວ.

(ມາດຕາ 4 ດຳລັດ ວ່າດ້ວຍຕຳແໜ່ງບໍລິຫານຂອງພະນັກງານ-ລັດຖະກອນ ເລກທີ 203/ລບ, ລົງວັນທີ 4/7/2017)

1.2 ຕໍາແໜ່ງບໍລິຫານຂອງລັດຖະກອນ
           ຕຳແໜ່ງບໍລິຫານຂອງລັດຖະກອນປະກອບມີ 8 ປະເພດ ຄື: 
            1) ຕຳແໜ່ງບໍລິຫານປະເພດ 1:

   - ຮອງຫົວໜ້າທະບວງ, ຮອງຫົວໜ້າອົງການທຽບເທົ່າທະບວງ

   - ຮອງປະທານສະພາປະຊາຊົນຂັ້ນແຂວງ

   - ສະມາຊິກສະພາຜູ້ພິພາກສາສານປະຊາຊົນສູງສຸດ

   - ຫົວໜ້າຄະນະສານ ຂອງສານປະຊາຊົນສູງສຸດ ທີ່ບໍ່ແມ່ນສະມາຊິກສະພາຜູ້ພິພາກສາ

   - ປະທານສານປະຊາຊົນພາກ

   - ຫົວໜ້າອົງການໄອຍະການປະຊາຊົນພາກ

   - ຫົວໜ້າອົງການກວດສອບປະຈຳພາກ

  - ຄະນະປະຈຳພັກກະຊວງ, ອົງການທຽບເທົ່າກະຊວງ, ຄະນະປະຈຳພັກແຂວງ,ນະຄອນ ຫຼວງ.

   - ຕຳແໜ່ງອື່ນ ທຽບເທົ່າຕໍາແໜ່ງບໍລິຫານປະເພດດັ່ງກ່າວ ທີ່ໄດ້ກຳນົດໄວ້ກົດໝາຍ ແລະ ລະບຽບການ.

2) ຕຳແໜ່ງບໍລິຫານປະເພດ 2:

  - ຫົວໜ້າກົມ ແລະ ທຽບເທົ່າຂອງກະຊວງ, ອົງການທຽບເທົ່າກະຊວງ, ທະບວງ ແລະ ອົງ ການທຽບເທົ່າທະບວງ;

  - ເລຂາທິການ, ຫົວໜ້າກຳມະທິການສະພາປະຊາຊົນຂັ້ນແຂວງ;

  - ຫົວໜ້າໜ່ວຍວິຊາການ ລະດັບ 1 ທີ່ຂື້ນກັບກະຊວງ ແລະ ອົງການທຽບເທົ່າກະຊວງ;

  - ຮອງປະທານສານປະຊາຊົນພາກ, ຜູ້ພິພາກສາສານປະຊາຊົນສູງສຸດ, ປະທານສານປະຊາຊົນ ແຂວງ, ນະຄອນຫຼວງ;

  - ຮອງຫົວໜ້າອົງການໄອຍະການປະຊາຊົນພາກ, ຫົວໜ້າອົງການໄອຍະການປະຊາຊົນແຂວງ, ນະຄອນຫຼວງວຽງຈັນ;

  - ຮອງຫົວໜ້າອົງການກວດສອບປະຈຳພາກ;

  - ຜູ້ອຳນວຍການໂຮງໝໍສູນກາງທີ່ຂື້ນກັບກະຊວງ;

  - ຮອງອະທິການບໍດີ, ຄະນະບໍດີມະຫາວິທະຍາໄລແຫ່ງຊາດ;

  - ຜູ້ອຳນວຍການຂ່າວສານ, ຫົວໜ້າບັນນາທິການໜັງສືພີມ, ຜູ້ອຳນວຍການວິທະຍຸກະຈາຍ ສຽງແຫ່ງຊາດລາວ, ຜູ້ອຳນວຍການໂທລະພາບແຫ່ງຊາດລາວ ທີ່ຂື້ນກັບກະຊວງຖະແຫຼ່ງຂ່າວ, ວັດທະນະທຳ ແລະ ທ່ອງທ່ຽວ;

  - ເຈົ້າເມືອງ, ຫົວໜ້າເທດສະບານ, ເຈົ້ານະຄອນ;

  - ກຳມະການພັກກະຊວງ, ອົງການທຽບເທົ່າກະຊວງ, ກຳມະການພັກແຂວງ, ນະຄອນຫຼວງ;

  - ເລຂາຄະນະພັກເມືອງ, ເທດສະບານ, ນະຄອນ;

  - ຕໍາແໜ່ງອື່ນ ທຽບເທົ່າຕໍາແໜ່ງບໍລິຫານປະເພດດັ່ງກ່າວ ທີ່ກຳນົດໄວ້ໃນກົດໝາຍ ແລະ ລະ ບຽບການ.

3) ຕຳແໜ່ງບໍລິຫານປະເພດ 3:

  - ຮອງຫົວໜ້າກົມ ຫຼື ທຽບເທົ່າກົມ ຂອງກະຊວງ, ອົງການທຽບເທົ່າກະຊວງ, ທະບວງ ຫຼື ອົງ ການທຽບເທົ່າທະບວງ;

  - ຮອງເລຂາທິການ, ຮອງຫົວໜ້າກຳມາທິການສະພາປະຊາຊົນຂັ້ນແຂວງ;

  - ຮອງຫົວໜ້າໜ່ວຍວິຊາການ ລະດັບ 1 ທີ່ຂື້ນກັບກະຊວງ ຫຼື ອົງການທຽບເທົ່າກະຊວງ;

  - ຫົວໜ້າໜ່ວຍວິຊາການ ລະດັບ 2 ທີ່ຂື້ນກັບກົມ ຫຼື ທຽບເທົ່າກົມ;

  - ປະທານສານປະຊາຊົນເຂດ, ຫົວໜ້າຄະນະສານ, ຜູ້ພິພາກສາຂອງສານປະຊາຊົນພາກ, ຮອງ ປະທານສານປະຊາຊົນແຂວງ, ນະຄອນຫຼວງ;

  - ຫົວໜ້າອົງການໄອຍະການປະຊາຊົນເຂດ, ຮອງຫົວໜ້າອົງການໄອຍະການປະຊາຊົນແຂວງ, ນະຄອນຫຼວງ;

  - ຫົວຫນ້າຫ້ອງການສານປະຊາຊົນພາກ, ຫົວຫນ້າຫ້ອງການໄອຍະການປະຊາຊົນພາກ, ຫົວຫນ້າຫ້ອງການອົງການກວດສອບປະຈໍາພາກ;

- ຮອງຜູ້ອໍານວຍການໂຮງຫມໍສູນກາງທີ່ຂຶ້ນກັບກະຊວງ;

- ຜູ້ອໍານວຍການໂຮງຫມໍພາກ;

- ຫົວຫນ້າຫ້ອງການສຶກສາສົງສູນກາງ;

- ຫົວຫນ້າຫ້ອງການສະພາທີ່ປຶກສາອາຊີວະສຶກສາ ຫຼື ຫົວຫນ້າຫ້ອງການສະພາການສຶກສາຊັ້ນສູງ ແຫ່ງຊາດ;

- ຜູ້ອໍານວຍການວິທະຍາໄລ ແລະ ໂຮງຮຽນວິຊາຊີບຊັ້ນສູງ;

- ຮອງຄະນະບໍດີ, ຫົວຫນ້າຫ້ອງການ, ຫົວຫນ້າພາກວິຊາ, ຜູ້ອໍານວຍການຫໍສະຫມຸດ, ຜູ້ອໍານວຍການສູນໃນມະຫາວິທະຍາໄລ;

 - ຮອງຜູ້ອໍານວຍການຂ່າວສານ, ຫົວຫນ້າບັນນາທິການວາລະສານ, ຮອງຫົວຫນ້າບັນນາທິການຫນັງສືພິມ, ຮອງ

ຜູ້ອໍານວຍການວິທະຍຸກະຈາຍສຽງແຫ່ງຊາດລາວ, ຮອງຜູ້ອໍານວຍການໂທລະພາບແຫ່ງຊາດລາວ ທີ່ຂຶ້ນກັບ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ;

- ຜູ້ອໍານວຍການຫໍວັດທະນະທໍາແຫ່ງຊາດ, ຜູ້ອໍານວຍການຫໍພິພິທະພັນແຫ່ງຊາດ, ຜູ້ອໍານວຍການສໍານັກພິມ ແລະ ຈໍາຫນ່າຍປຶ້ມແຫ່ງລັດ, ຫົວຫນ້າສູນວັດທະນະທໍາເດັກ, ຫົວຫນ້າຫ້ອງການມໍລະດົກໂລກ;

- ຫົວຫນ້າພະແນກຂອງຂະແຫນງຂັ້ນແຂວງ;

- ຫົວຫນ້າຫ້ອງວ່າການປົກຄອງຂັ້ນແຂວງ ຫຼື ທຽບເທົ່າ;

- ຮອງເຈົ້າເມືອງ, ຮອງຫົວຫນ້າເທດສະບານ ຫຼື ຮອງເຈົ້ານະຄອນ;

- ປະທານ ຫຼື ເລຂາບັນດາອົງການຈັດຕັ້ງມະຫາຊົນ ແຂວງ, ນະຄອນຫຼວງ ທີ່ບໍ່ແມ່ນກໍາມະການພັກ ແຂວງ, ນະຄອນຫຼວງ;

- ຮອງເລຂາຄະນະພັກ ເມືອງ, ເທດສະບານ, ນະຄອນ;

- ຄະນະປະຈໍາພັກ ເມືອງ, ເທດສະບານ, ນະຄອນ;

- ຕໍາແຫນ່ງອື່ນ ທຽບເທົ່າຕໍາແຫນ່ງບໍລິຫານປະເພດດັ່ງກ່າວ ທີ່ໄດ້ກໍານົດໄວ້ ໃນກົດຫມາຍ ແລະ ລະບຽບການ.
4) ຕຳແໜ່ງບໍລິຫານປະເພດ 4: 

- ຫົວຫນ້າພະແນກ ຂອງກົມ ຫຼື ທຽບເທົ່າກົມ ຂອງກະຊວງ, ອົງການທຽບເທົ່າກະຊວງ, ທະບວງ ຫຼືອົງການທຽບເທົ່າທະບວງ;

- ຫົວຫນ້າຫົວຫນ່ວຍວິຊາການຕ່າງໆ ທີ່ຂຶ້ນກັບກົມ;

- ຮອງຫົວຫນ້າຫນ່ວຍວິຊາການ ລະດັບ 2 ທີ່ຂຶ້ນ ກົມ ຫຼື ທຽບເທົ່າ;

- ຮອງປະທານສານປະຊາຊົນເຂດ, ຫົວຫນ້າຄະນະສານ, ຜູ້ພິພາກສາຂອງສານປະຊາຊົນ ແຂວງ,ນະຄອນຫຼວງ;

- ຮອງຫົວຫນ້າອົງການໄອຍະການປະຊາຊົນເຂດ, ຫົວຫນ້າຂະແຫນງການຂອງອົງການໄອຍະການປະຊາຊົນແຂວງ, ນະຄອນຫຼວງ;

- ຮອງຫົວຫນ້າຫ້ອງການສານປະຊາຊົນພາກ, ຮອງຫົວຫນ້າຫ້ອງການອົງການໄອຍະການປະຊາຊົນພາກ, ຮອງຫົວຫນ້າຫ້ອງການອົງການກວດສອບ ປະຈໍາພາກ;

- ຫົວຫນ້າຫ້ອງການສານປະຊາຊົນ ແຂວງ, ນະຄອນຫຼວງ;

- ຮອງຜູ້ອໍານວຍການໂຮງຫມໍພາກ, ຫົວຫນ້າພະແນກຂອງໂຮງຫມໍສູນກາງ;

- ຜູ້ອໍານວຍການໂຮງຫມໍຂັ້ນແຂວງ, ຜູ້ອໍານວຍການໂຮງຫມໍຊຸມຊົນ ປະເພດ ກ;

- ຮອງຫົວຫນ້າຫ້ອງການສະພາທີ່ປຶກສາອາຊີວະສຶກສາ ຫຼື ຮອງຫົວຫນ້າຫ້ອງການສະພາການສຶກສາຊັ້ນສູງແຫ່ງຊາດ;

- ຮອງຫົວຫນ້າຫ້ອງການສຶກສາສົງສູນກາງ;

- ຮອງຜູ້ອໍານວຍການວິທະຍາໄລ ແລະ ໂຮງຮຽນວິຊາຊີບຊັ້ນສູງ;

- ຜູ້ອໍານວຍການໂຮງຮຽນວິຊາຊີບຊັ້ນກາງ;

- ຫົວຫນ້າພະແນກ ຂອງມະຫາວິທະຍາໄລ, ສະຖາບັນ ແລະ ຫົວຫນ່ວຍວິຊາການລະດັບ 1 ທີ່ຂຶ້ນກັບກະຊວງ;

- ຮອງຫົວຫນ້າພາກວິຊາ, ຮອງຫົວຫນ້າຫ້ອງການ, ຮອງຜູ້ອໍານວຍການຫໍສະຫມຸດ ແລະ ຮອງຜູ້ອໍານວຍການສູນໃນມະຫາວິທະຍາໄລ;

- ຜູ້ອໍານວຍການໂຮງຮຽນມັດທະຍົມສຶກສາຕອນປາຍ, ມັດທະຍົມສຶກສາສົມບູນ;

- ຮອງຜູ້ອໍານວຍການຫໍວັດທະນະທໍາແຫ່ງຊາດ, ຮອງຜູ້ອໍານວຍການຫໍພິພິທະພັນແຫ່ງຊາດ, ຮອງຜູ້ອໍານວຍການສໍານັກພິມ ແລະຈໍາຫນ່າຍປຶ້ມແຫ່ງລັດ, ຮອງຫົວຫນ້າບັນນາທິການວາລະສານ, ຮອງຫົວຫນ້າສູນວັດທະນະທໍາເດັກ, ຮອງຫົວຫນ້າຫ້ອງການມໍລະດົກໂລກ;

- ຫົວຫນ້າ ພາສີປະຈໍາເຂດ, ຄັງເງິນແຫ່ງຊາດ ປະຈໍາແຂວງ, ນະຄອນຫຼວງ, ຫົວຫນ້າສ່ວຍສາອາກອນປະຈໍາແຂວງ, ນະຄອນຫຼວງ;

- ຮອງຫົວຫນ້າພະແນກ ຂອງຂະແຫນງຂັ້ນແຂວງ;

- ຮອງຫົວຫນ້າຫ້ອງວ່າການປົກຄອງຂັ້ນແຂວງ ຫຼື ທຽບເທົ່າ;

- ຫົວຫນ້າຫ້ອງການສັງກັດຫ້ອງວ່າການປົກຄອງຂັ້ນແຂວງ;

- ຫົວຫນ້າຫ້ອງວ່າການປົກຄອງຂັ້ນເມືອງ ຫຼື ທຽບເທົ່າ;

- ຫົວຫນ້າຫ້ອງການ ຂອງຂະແຫນງການຂັ້ນເມືອງ;

- ກໍາມະການພັກ ເມືອງ, ເທດສະບານ ຫຼື ນະຄອນ;

- ຮອງປະທານ ຫຼື ຮອງເລຂາບັນດາອົງການຈັດຕັ້ງມະຫາຊົນ ແຂວງ, ນະຄອນຫຼວງ ທີ່ບໍ່ແມ່ນກໍາມະການພັກແຂວງ, ນະຄອນຫຼວງ;

- ຕໍາແຫນ່ງອື່ນ ທຽບເທົ່າຕໍາແໜ່ງບໍລິຫານປະເພດດັ່ງກ່າວທີ່ໄດ້ກໍານົດໄວ້ໃນກົດຫມາຍ ແລະ ລະບຽບການ.

5) ຕຳແໜ່ງບໍລິຫານປະເພດ 5:

- ຮອງຫົວຫນ້າພະແນກ ຂອງກົມ ຫຼື ທຽບເທົ່າກົມ ຂອງກະຊວງ, ອົງການທຽບເທົ່າກະຊວງ, ທະບວງ ຫຼືອົງການທຽບເທົ່າທະບວງ;

- ຫົວຫນ້າຂະແຫນງ ຂອງຫົວຫນ່ວຍວິຊາການ ລະດັບ 2 ທີ່ຂຶ້ນກັບກົມ ຫຼື ທຽບເທົ່າກົມ;

- ຮອງຫົວຫນ້າຫົວຫນ່ວຍວິຊາການທີ່ຂຶ້ນກັບກົມ;

- ຫົວຫນ້າຄະນະສານ, ຜູ້ພິພາກສາ ຂອງສານປະຊາຊົນເຂດ, ຮອງຫົວຫນ້າຫ້ອງການສານປະຊາຊົນແຂວງ,ນະຄອນຫຼວງ, ຫົວຫນ້າຫ້ອງການສານປະຊາຊົນເຂດ;

- ຮອງຂະແຫນງອົງການໄອຍະການປະຊາຊົນເຂດ, ຫົວຫນ້າຫນ່ວຍງານອົງການໄອຍະການປະຊາຊົນເຂດ;

- ຮອງຜູ້ອໍານວຍການໂຮງຫມໍຂັ້ນແຂວງ, ຮອງຜູ້ອໍານວຍການໂຮງຫມໍຊຸມຊົນ ປະເພດ ກ, ຜູ້ອໍານວຍການໂຮງຫມໍຊຸມຊົນ ປະເພດ ຂ;

- ຫົວຫນ້າຂະແຫນງ ຂອງໂຮງຫມໍພາກ, ຮອງຫົວຫນ້າພະແນກຂອງໂຮງຫມໍສູນກາງ;

- ຫົວຫນ້າຫ້ອງການສຶກສາສົງຂັ້ນແຂວງ;

- ຮອງຫົວຫນ້າພະແນກ ຂອງມະຫາວິທະຍາໄລ, ສະຖາບັນ ຫຼື ຫົວຫນ່ວຍວິຊາການລະດັບ 1 ທີ່ຂຶ້ນກັບກະຊວງ;

- ຫົວຫນ້າຫນ່ວຍວິຊາໃນມະຫາວິທະຍາໄລ;

- ຮອງຜູ້ອໍານວຍການໂຮງຮຽນວິຊາຊີບຊັ້ນກາງ;

- ຮອງຜູ້ອໍານວຍການໂຮງຮຽນມັດທະຍົມສຶກສາຕອນປາຍ, ມັດທະຍົມສຶກສາສົມບູນ;

- ຫົວຫນ້າຂະແຫນງການສັງກັດວິທະຍາໄລ, ໂຮງຮຽນວິຊາຊີບຊັ້ນສູງ;

- ຜູ້ອໍານວຍການໂຮງຮຽນມັດທະຍົມສຶກສາຕອນຕົ້ນ;

- ຜູ້ອໍານວຍການໂຮງຮຽນວິຊາຊີບຊັ້ນຕົ້ນ;

- ຫົວຫນ້າສະຖານີວິທະຍຸ, ໂທລະພາບ, ຫນັງສືພິມ, ກອງສະແດງ, ຫໍພິພິທະພັນ, ຫໍສະ ຫມຸດ, ຫໍວັດທະນະທໍາ ຫຼື ກອງວິຊາການຢູ່ຂັ້ນແຂວງ;

- ຮອງຫົວຫນ້າພາສີປະຈໍາເຂດ, ຮອງຫົວຫນ້າຄັງເງິນແຫ່ງຊາດຂັ້ນແຂວງ, ຮອງຫົວຫນ້າສ່ວຍສາອາກອນຂັ້ນແຂວງ, ຫົວຫນ້າດ່ານພາສີຊາຍແດນ;

- ຫົວຫນ້າຂະແຫນງ ຂອງຫ້ອງວ່າການປົກຄອງ ຂັ້ນແຂວງ ຫຼື ທຽບເທົ່າ;

- ຮອງຫົວຫນ້າຫ້ອງການທີ່ສັງກັດຫ້ອງວ່າການປົກຄອງຂັ້ນແຂວງ ຫຼື ທຽບເທົ່າ;

- ຫົວຫນ້າຂະແຫນງຂອງພະແນກ ຂອງຂະແຫນງການຂັ້ນແຂວງ;

- ຮອງຫົວຫນ້າຫ້ອງວ່າການປົກຄອງຂັ້ນເມືອງ ຫຼື ທຽບເທົ່າ;

- ຮອງຫົວຫນ້າຫ້ອງການ ຂອງຂະແຫນງການຂັ້ນເມືອງ;

- ຕໍາແຫນ່ງອື່ນ ທຽບເທົ່າຕໍາແຫນ່ງບໍລິຫານປະເພດດັ່ງກ່າວ ທີ່ກໍານົດໄວ້ ໃນກົດໝາຍ ແລະ ລະບຽບການ.

6) ຕຳແໜ່ງບໍລິຫານປະເພດ 6:

- ຫົວຫນ້າຂະແຫນງ ຂອງກົມ ຫຼື ທຽບເທົ່າກົມ ຂອງກະຊວງ, ອົງການທຽບເທົ່າກະຊວງ, ທະບວງ ຫຼື ອົງການທຽບເທົ່າທະບວງ;

- ຫົວຫນ້າຂະແຫນງ ຂອງຫົວຫນ່ວຍວິຊາການລະດັບ 1 ທີ່ຂຶ້ນກັບກະຊວງ; - ຮອງຫົວຫນ້າຂະແຫນງ ຂອງຫົວຫນ່ວຍວິຊາການລະດັບ 2 ທີ່ຂຶ້ນກັບກະຊວງ;

- ຫົວຫນ້າຫນ່ວຍງານ ຂອງຫົວຫນ່ວຍວິຊາການທີ່ຂຶ້ນກັບກົມ;

- ຮອງຫົວຫນ້າຫນ່ວຍງານອົງການໄອຍະການປະຊາຊົນເຂດ;

- ຜູ້ຊ່ວຍຜູ້ພິພາກສາ ຂອງສານປະຊາຊົນ, ຮອງຫົວຫນ້າຫ້ອງການສານປະຊາຊົນເຂດ;

- ຮອງຫົວຫນ້າຂະແຫນງໂຮງຫມໍພາກ;

- ຫົວຫນ້າຫນ່ວຍງານ ຂອງໂຮງຫມໍຊຸມຊົນ ປະເພດ ກ;

- ຜູ້ອໍານວຍການໂຮງຫມໍນ້ອຍ ປະເພດ ກ;

- ຫົວຫນ້າຫນ່ວຍງານ ຂອງໂຮງຫມໍແຂວງ, ຮອງຜູ້ອໍານວຍການໂຮງຫມໍຊຸມຊົນ ປະເພດ ຂ;

- ຮອງຫົວຫນ້າຫ້ອງການສຶກສາສົງຂັ້ນແຂວງ;

- ຮອງຜູ້ອໍານວຍການໂຮງຮຽນວິຊາຊີບຊັ້ນຕົ້ນ;

- ຮອງຜູ້ອໍານວຍການໂຮງຮຽນມັດທະຍົມສຶກສາຕອນຕົ້ນ;

- ຜູ້ອໍານວຍການໂຮງຮຽນປະຖົມສຶກສາ, ໂຮງຮຽນອານຸບານ-ລ້ຽງເດັກ;

- ຫົວຫນ້າຫນ່ວຍງານຂອງໂຮງຮຽນມັດທະຍົມສຶກສາຕອນປາຍ ແລະ ມັດທະຍົມສຶກສາສົມບູນ;

- ຮອງຫົວຫນ້າຂະແຫນງສັງກັດວິທະຍາໄລ, ໂຮງຮຽນວິຊາຊີບຊັ້ນສູງ;

- ຫົວຫນ້າຫນ່ວຍງານຂອງໂຮງຮຽນວິຊາຊີບຊັ້ນກາງ;

- ຮອງຫົວຫນ້າສະຖານີວິທະຍຸ, ໂທລະພາບ, ຫນັງສືພິມ, ກອງສະແດງ, ຫໍພິພິທະພັນ, ຫໍສະຫມຸດ, ຫໍວັດທະນະທໍາ ແລະ ກອງວິຊາການຢູ່ຂັ້ນແຂວງ;

- ຮອງຫົວຫນ້າດ່ານພາສີຊາຍແດນ, ຫົວຫນ້າຫນ່ວຍພາສີເຄື່ອນທີ່, ຫົວຫນ້າຂະແຫນງຂຶ້ນກັບພະແນກສ່ວຍສາ ອາກອນ, ຫົວຫນ້າຂະແຫນງຂຶ້ນກັບຄັງເງິນແຫ່ງຊາດຂັ້ນແຂວງ, ຫົວຫນ້າສ່ວຍສາອາກອນຂັ້ນເມືອງ, ຫົວຫນ້າຄັງເງິນແຫ່ງຊາດຂັ້ນເມືອງ;

- ຫົວຫນ້າຫນ່ວຍງານ ຂອງຫ້ອງວ່າການປົກຄອງຂັ້ນເມືອງ ຫຼື ທຽບເທົ່າ;

- ຮອງຫົວຫນ້າຂະແຫນງ ຂອງຫ້ອງວ່າການປົກຄອງຂັ້ນແຂວງ ຫຼື ທຽບເທົ່າ;

- ຮອງຫົວຫນ້າຂະແຫນງ ຂອງພະແນກຂັ້ນແຂວງ;

- ຫົວຫນ້າຫນ່ວຍງານ ຂອງຫ້ອງການ ສັງກັດຫ້ອງວ່າການປົກຄອງຂັ້ນແຂວງ;

- ຫົວຫນ້າຫນ່ວຍງານ ຂອງຫ້ອງການ ຂອງຂະແຫນງການຂັ້ນເມືອງ;

- ຕໍາແຫນ່ງອື່ນທຽບເທົ່າຕໍາແຫນ່ງບໍລິຫານປະເພດດັ່ງກ່າວ ທີ່ກໍານົດໄວ້ ໃນກົດຫມາຍ ແລະ ລະບຽບການ.

7) ຕຳແໜ່ງບໍລິຫານປະເພດ 7:

- ຮອງຫົວຫນ້າຂະແຫນງຂອງກົມ ຫຼື ທຽບເທົ່າກົມຂອງກະຊວງ, ອົງການທຽບເທົ່າກະຊວງ, ທະບວງ ຫຼືອົງການທຽບເທົ່າທະບວງ;

- ຮອງຫົວຫນ້າຂະແຫນງ ຂອງຫົວຫນ່ວຍວິຊາການລະດັບ 1 ທີ່ຂຶ້ນກັບກະຊວງ;

- ຈ່າສານ ຂອງສານປະຊາຊົນ;

- ຫົວຫນ້າຫນ່ວຍງານສັງກັດຂະແຫນງການ ຂອງໂຮງຫມໍພາກ;

- ຮອງຫົວຫນ້າຫນ່ວຍງານ ຂອງໂຮງຫມໍແຂວງ;

- ຮອງຫົວຫນ້າຫນ່ວຍງານ ຂອງໂຮງຫມໍຊຸມຊົນ ປະເພດ ກ;

- ຮອງຜູ້ອໍານວຍການໂຮງຫມໍນ້ອຍ ປະເພດ ກ;

- ຫົວຫນ້າຈຸງານ ຂອງໂຮງຫມໍຊຸມຊົນ ປະເພດ ຂ;

- ຜູ້ອໍານວຍການໂຮງຫມໍນ້ອຍ ປະເພດ ຂ;

- ຫົວຫນ້າຫນ່ວຍງານສັງກັດຂະແຫນງ ຂອງວິທະຍາໄລ ແລະ ໂຮງຮຽນວິຊາຊີບຊັ້ນສູງ;

- ຮອງຫົວຫນ້າຫນ່ວຍງານ ຂອງໂຮງຮຽນວິຊາຊີບຊັ້ນກາງ;

- ຫົວຫນ້າຈຸງານ ຂອງໂຮງຮຽນວິຊາຊີບຊັ້ນຕົ້ນ;

- ຫົວຫນ້າຈຸງານ ຂອງໂຮງຮຽນມັດທະຍົມສຶກສາຕອນຕົ້ນ;

- ຮອງຜູ້ອໍານວຍການໂຮງຮຽນປະຖົມສຶກສາສົມບູນ, ໂຮງຮຽນອານຸບານ-ລ້ຽງເດັກ;

- ຮອງຫົວຫນ້າຫນ່ວຍງານ ຂອງໂຮງຮຽນມັດທະຍົມສຶກສາຕອນປາຍ ແລະ ມັດທະຍົມສຶກສາສົມບູນ;

- ຫົວຫນ້າໂຮງຮຽນມູນລະປະຖົມ;

- ຮອງຫົວຫນ້າຫນ່ວຍພາສີເຄື່ອນທີ່, ຮອງຫົວຫນ້າຂະແຫນງການ ຂຶ້ນກັບພະແນກສ່ວຍສາອາກອນ, ຮອງຫົວຫນ້າຂະແຫນງການ ຂຶ້ນກັບຄັງເງິນແຫ່ງຊາດຂັ້ນແຂວງ, ຮອງຫົວຫນ້າສ່ວຍສາອາກອນຂັ້ນເມືອງ, ຮອງຫົວຫນ້າຄັງ ເງິນແຫ່ງຊາດຂັ້ນເມືອງ;

- ຫົວຫນ້າຫນ່ວຍງານ ຂອງຫ້ອງວ່າການປົກຄອງຂັ້ນແຂວງ ຫຼື ທຽບເທົ່າ;

- ຫົວຫນ້າຫນ່ວຍງານ ຂອງຂະແຫນງການ ທີ່ສັງກັດພະແນກຂັ້ນແຂວງ ຫຼື ທຽບເທົ່າ;

- ຮອງຫົວຫນ້າຫນ່ວຍງານ ຂອງຫ້ອງການ ຂອງຂະແຫນງການຂັ້ນເມືອງ;

- ຫົວຫນ້າຈຸງານຂຶ້ນກັບກອງວິຊາການຂັ້ນແຂວງ;

- ຕໍາແຫນ່ງອື່ນ ທຽບເທົ່າຕໍາແຫນ່ງບໍລິຫານປະເພດດັ່ງກ່າວ ທີ່ໄດ້ກໍານົດໄວ້ ໃນກົດຫມາຍ ແລະ ລະບຽບການ.

8) ຕຳແໜ່ງບໍລິຫານປະເພດ 8:

- ຫົວຫນ້າຫນ່ວຍງານ ສັງກັດພະແນກ ຂອງກົມ ຫຼື ທຽບເທົ່າກົມ ຂອງກະຊວງ, ອົງການທຽບເທົ່າກະຊວງ, ທະບວງ ຫຼື ອົງການທຽບເທົ່າທະບວງ;

- ຫົວຫນ້າຫນ່ວຍງານ ສັງກັດຂະແຫນງ ຂອງພະແນກ ທີ່ຂຶ້ນກັບໂຮງຫມໍສູນກາງ;

- ຮອງຫົວຫນ້າຫນ່ວຍງານ ສັງກັດຂະແຫນງ ຂອງໂຮງຫມໍພາກ;

- ຫົວຫນ້າຈຸງານ ສັງກັດຫນ່ວຍງານ ຂອງໂຮງຫມໍແຂວງ, ຫົວຫນ້າຈຸງານ ສັງກັດຫນ່ວຍງານຂອງໂຮງຫມໍຊຸມຊົນປະເພດ ກ;

- ຮອງຫົວຫນ້າຈຸງານຂອງໂຮງຫມໍຊຸມຊົນ ປະເພດ ຂ;

- ຮອງຜູ້ອໍານວຍການໂຮງຫມໍນ້ອຍ ປະເພດ ຂ;

- ຮອງຫົວຫນ້າຫນ່ວຍງານສັງກັດຂະແຫນງຂອງວິທະຍາໄລ ຫຼື ໂຮງຮຽນວິຊາຊີບຊັ້ນສູງ;

- ຮອງຫົວຫນ້າຈຸງານຕ່າງໆຂອງໂຮງຮຽນວິຊາຊີບຊັ້ນຕົ້ນ;

- ຮອງຫົວຫນ້າຈຸງານຂອງໂຮງຮຽນມັດທະຍົມສຶກສາຕອນຕົ້ນ;

- ຫົວຫນ້າຈຸງານຂອງໂຮງຮຽນປະຖົມສຶກສາສົມບູນ, ໂຮງຮຽນອານຸບານ-ລ້ຽງເດັກ;

- ຫົວຫນ້າຈຸງານສັງກັດຫນ່ວຍງານທີ່ຂຶ້ນກັບໂຮງຮຽນວິຊາຊີບຊັ້ນກາງ;

- ຫົວຫນ້າປ້ອມພາສີ, ຫົວຫນ້າຫນ່ວຍງານຂຶ້ນກັບຫ້ອງສ່ວຍສາອາກອນຂັ້ນເມືອງ, ຫົວຫນ້າຫນ່ວຍງານຂຶ້ນກັບຄັ້ງເງິນແຫ່ງຊາດຂັ້ນເມືອງ;

- ຮອງຫົວຫນ້າຫນ່ວຍງານ ຂອງພະແນກການ ຂອງຂະແຫນງການຂັ້ນແຂວງ;

- ຮອງຫົວຫນ້າຫນ່ວຍງານ ຂອງຫ້ອງວ່າການປົກຄອງຂັ້ນແຂວງ ຫຼື ທຽບເທົ່າ;

- ຫົວຫນ້າຈຸງານສັງກັດຫນ່ວຍງານ ຂອງຫ້ອງວ່າການປົກຄອງຂັ້ນເມືອງ ຫຼື ທຽບເທົ່າ;

- ຫົວຫນ້າຈຸງານສັງກັດຫນ່ວຍງານ ຂອງຫ້ອງການ ຂອງຂະແຫນງການຂັ້ນເມືອງ;

- ຮອງຫົວຫນ້າຫນ່ວຍງານ ຂອງກອງວິຊາການຂັ້ນແຂວງ;

- ຕໍາແຫນ່ງອື່ນ ທຽບເທົ່າຕໍາແຫນ່ງບໍລິຫານປະເພດດັ່ງກ່າວ ທີ່ໄດ້ກໍານົດໄວ້ ໃນກົດຫມາຍ ແລະ ລະບຽບການ.

    2. ຕຳແໜ່ງວິຊາການຂອງພະນັກງານ-ລັດຖະກອນ
           ຕຳແໜ່ງວິຊາການແມ່ນຖານະ ຫຼື ລະດັບທາງດ້ານວິຊາການ ພື້ນຖານປະສົບການ, ຄວາມຮູ້, ຄວາມ
ສາມາດ ແລະ ວຸດທິການສຶກສາ.
          ຕຳແໜ່ງວິຊາການມີ ສາມ ລະດັບດັ່ງນີ້:
         1. ອາວຸໂສ
         2. ຊ່ຽວຊານ
         3. ປະສົບການ
      ຕຳແໜ່ງວິຊາການລະດັບອາວຸໂສ, ຊ່ຽວຊານ ແລະ ປະສົບການ ໄດ້ຮັບການອຸດໜູນຕາມລະບຽບການ ສະພາວິທະຍາສາດ ຫຼື ອົງການຄຸ້ມຄອງພະນັກງານ-ລັດຖະກອນຂອງແຕ່ລະຂະແໜງການເປັນຜູ້ພິຈາ ລະນາຮັບຮອງຕຳແໜ່ງວິຊາການລະດັບອາວຸໂສ, ຊ່ຽວຊານ ແລະ ປະສົບການ.

ອ້າງອີງຈາກ:

           - ກົດໝາຍວ່າດ້ວຍພະນັກງານ-ລັດຖະກອນ ສະບັບເລກທີ 023/ສພຊ, ລົງວັນທີ 18/12/2015
            - ດຳລັດ ວ່າດ້ວຍຕຳແໜ່ງບໍລິຫານຂອງພະນັກງານ-ລັດຖະກອນ ເລກທີ 203/ລບ, ລົງວັນທີ 4/7/2017.